|
بدنا مي
مرحبا
مشكلة المياه ببلدنا صارت مشكلة كبيرة ويوم عن يوم عم تزيد مبارح اول مرة بعرف انو مناطق بالشام الشام اللي هي العاصمة مو جايتها المي الا مرة بالاسبوع وهي المرة يعني 6 ساعات بس مناطق احسن شوي بتجي يوميا 4 ساعات وتانية كل اسبوعين لسا باقي مناطق سوريا عدا الشرقية عم تعاني نفس الازمة شبابنا الطيبة عم يقولولنا ما في موارد مائية بنوب طيب ما تستغلوا مياه الجولان او القنيطرة وهون بدي اسال يا ترى انو بكرا لو صار في صلح مع اسرائيل رح ناخد مي اكتر ؟ اللي عرفته اليوم كمان انو مناطق الساحل عندا نفس المشكلة برده كيف؟ ما بعرف |
اقتباس:
والله يا صديقي ما رح تفرق شي بعد الصلح مع اسرائيل, ليكو هي الاردن عمل معها صلح شو استفاد؟؟ عم يعطون مياه ملوثة وياخدو هني المياه النظيفة بعدين 40 بالمية من مياه اسرائيل عم تنسرق من الجولان , بدك هيك ببلاش يرجعولنا ياها قصة المي هي كارثة, ومو مقتصرة بس على سوريا, بس بباقي دول في نوع من التخطيط المستقبلي والبحث عن بدائل لمنابع المياه اللي عم تجف اما بسوريا فيبدو انو الخطة الوحيدة هي سوريا الله حاميها |
يا اب طريق هلأ المي نص مصيبة انا عندي المي هينة يازلمة قدام الكهربا .. الكهربا مصيبة يازلمة هلأ الواحد بيحسن ويدبر حالو بلا مي بس بلا كهربا ماخرج .. وخصوصي انو رجعت تنقطع نوعا ما
|
تنيناتون يا حسون اضرب من بعض
|
والله يا جماعة اهم شي.................الأخلاق وحب الوطن!
|
اقتباس:
يا اخي كلنا منحب الوطن .. مين قلك اذا واحد بده يحب وطنه لازم يعيش بمقاطعة شاملة عن البشرية والطبيعة ؟ |
اقتباس:
هادا بالسعودية لما يختلفو إتنين بقولولون أهم شي الأخلاق وحب الوطن:lol: ومن هالمنطلق أنا قلت هيك:;) عالعموم الي بدو مي يقوم يشرب :clap::yahoo: |
اقتباس:
او اذا بتعرف حالك عندك جزء كبير من هلنوع من الردود المقصود فيها المسخرة ... حط شي بتوقيعك لنفهم كيف نقرا هلشلة من الرودو هي . |
اقتباس:
|
بلاها الغلاظة هون في الا محل تاني
المهم المنطقة الشرقية مو احسن بكتير مستوى الفرات نازل كتير حتى الساحل مو احسن فهمت مرة من سامر انو المي عنده ما بتجي كتير علما انو هوي بمطرح كتير المطر يعني يفترض المخزون يكون كبير |
يا جماعة تركوكن من هالحكي
ما حدا بيعرف بشغلة المطر منيح أو لاء إلا المزارعين والله جدي عم يشكيلي..الأمطار متل الزفت..والأنهار القديمة كلها تقريبا جفت والآبار منسوبها قل كتيييييير ووالله يا جماعة هالاحكي ما بسر يعني الوضع المائي في سوريا في إنهيار بس عالعموم أنا رح إنزل عالشام هالكم يوم ورح شوف إذا في مي ولا مافي مي |
اقتباس:
ولا لازم حبو و انا عطشان ؟ اقتباس:
|
هلا المي .. انا من ال 98 .. ما بزكر انو قطعت عنا الا شي 3 او 4 مرات بس فقط لا غير ..
ما بنكر انو في مناطق .. بسمع فيها انو .. بتقطع فيها المي وما بتجي يا دوب .. لذلك عم طلعو بشغلة الخزانات وهيك .. ! انو بس اب طريق من شي شهر .. طلعنا على عين الفيجة .. اكنت المي عم تخدق خدق .. وزكرتني بايام الفيجة زمان كانت المي تطف وقتا عالمصاطب .. بعد باسبوع .. وقفوها كلها .. وقطعوها .. هيييك للسنة الجاية هلا سالت ليش قالولي انو المي الموجودة جوا هي السنة ... ما قدرت خزانات الشام وقاسيون تستوعبها ! .. لذلك اضطرو انو يخفوو من الضغط شوي ويفتحوها شي اسبوع .. حتى نزل المستوى وسكروها .. بقا حكيك جديد ولا كيف ؟ :D |
بارليب : اي مش عم تنقطع بس منسوب المي نازل يا مان بسبب السدود الفايتة بالحيط
يمون: انو اي حكيك صح نفقوا المي بسبب تخبيصون |
ما فهمت .. فيك تشرحلي اكتر او تقلي مصادر او شي يعني ؟؟ ..
ما دارتلي هيك كم كلمة من فوق .. حابب اعرف اكتر ! |
قلي انت شو اللي ما فهمته يمون
|
اقتباس:
لاني اللي شفتو .. وقت نزلت غير هيك كان .. ومعلومات من عالم بتشتغل بالنبعة نفسا وبشركة المي ! |
اقتباس:
اي شريك من فترة رحت لهونيك لاتغدى وما بقلك شفت المي عم تخدق خدق وغزيرة قالولنا انو بسبب المسوم الجيد نوعا ما امتلت الخزانات وما ضل عنا مطرح اضافي ففتحنا المي عالاخر وبالفعل هالحكي بشهر 5 تقريبا وبداية 6 برده طيب وهلأ رجعول لسياسة انو تقنين المي سؤالي كان انو وبعدين مع هالسيرة الغريبة بالمي يعني شو هالموارد المائية الللي عنا وسؤال تاني شو هالدعم بالميدان لخحتى ما تنقطع المي |
يعني هلا .. معناها .. ما فيك تحدد وتقول انو فعلا في مشكلة .. هلا بجوز التقنين تبع الكهربا .. عم يعطي فوائد فعلا .. لانو الاغلبية حاليا عم يدبر حالو بشغلة الخزانات وهيك عم نحافظ شوي على ثروات مهمة .. اكتر .. ولفترة اطول .. شوف ..
يعني مثلا فكرة التقنين .. ازا انلقالها حل .. منيحة .. يعني كيف قصدي متل شغلة الخزانات .. حلّت المشكلة يا اخي .. بتجي المي 6 ساعات باليوم .. " عبارة عن مي للشرب والطبخ مفروض " .. عبي خزان عندك بكفيك وبوفيك .. في كتير مي بتروح عالكب .. لولا هي الشغلة صار الواحد يعرف يستخدم المي شوي شوي ويعرف انو هاد حدك يا اخي .. نسبة كبيرة للاسف .. المي عندها مانو هالشي العظيم وبتلاقيه واصلك هالبربيش من وش الصبح عالحنفية تبع الفيجة ويلا عم يغسل سيارتو قدام عيني هالحكي .. بجوز شوي فكرة التقنين خلتنا نرجع شوي نفكر .. زيادة اكتر بالوضع .. لذلك ما بالضرورة تكون عم تعكس ازمة مائية لانو متل ما قلت سابقا .. انو .. الفكرة والمشروع .. مانهم ضارين .. ازا انعرف كيف .. ينلاقالو حل .. :D |
اقتباس:
مو بس بالميدان بأكتر من منطقة بتجيهون كل يوم مدري كم ساعة بس ماعم يوصلوا لمرحلة كل 3 أيام مرة |
اقتباس:
|
اقتباس:
وأنا بتذكر من أكتر من سنة بلّشت سياسة قطع المي يعني ست ساعات باليوم وبعدين كفاها الله خلّي العالم تحس شوي بهالنعمة يلي عايشين فيها, في ناس بتضل فاتحة الفيجة عشر دقايق مشان تنزل المي باردة |
اقتباس:
|
عفكرة .. منشان شغلة انو عندي جد ما انقطعت ولا مرة .. لا كهربا ولا مي ..
حكيتا من قبل .. " اللي حظو حلو ..:gem: " جاية خطنا .. بالبناية مع خط مركز المخابرات الرئيسي .. تبع كفرسوسة .. حسب ما عرفت لزلك ما بيقدرو انو يقطعوها عنا ابدا .. :larg: |
اقتباس:
حظظ .. بفلق الصخر :pos: |
يمكن بزكر لما كنت بسوريا انو كانت تنقطع المي بمناطق مناطق ... يعني متلا منطقة برزة الكهربا يوميا ما شالله بتقطع ساعتين بس ايمتى هالساعتين بدك تحزز وعلى مزاجون :pos:...
انا بكون لعنت جد جدون لمسؤلين الكهارب وسبيت لانطفيت ...عن جد شي مزعج بالفعل؟؟ المي كانت تنقطع بس كان عنا خزان مي فيجة يعني فما كانت تنقطع عنا منوب الا الحمامات كان عليها ازمة حقيقية :sick: |
اقطعو المي عن الاردن بتكفينا المي ...
|
اللي بدو مي يشرب مي بقييييييييييييييييييييييي ييييييييييييييييييييييييي ييييييييييييييين
لا حول ولا قوة الا بالله الصبر طيب |
| الساعة بإيدك هلق يا سيدي 14:03 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون