|
اقتباس:
كتييير حلو المقال ساندرا ... بس ردي عليه بعدين :D |
اقتباس:
اقتباس:
حسب علم النفس المعرفي فالذاكرة نوعين ... ذاكرة قصيرة المدى وحالياً يطلق عليها حديثاً اسم ذاكرة العمل mémoire de travail وما رح ندخل بتفاصيلها :sick:لأنها بعيدة عن موضوعنا وذاكرة بعيدة المدى بخصوص ذاكرة المدى البعيد فقد عرفت عدة تمييزات: بين الذاكرة العرضية épisodique والذاكرة الدلاليةsémantique . بين الذاكرة الضمنية (الإجرائية) والذاكرة الجلية (الصريحة). العقل البشري معقد جداً جداً حسب معلوماتي المتواضعة ... في علماء بيقولوا أنه ما من لحظة تمر على الإنسان إلا ويخزنها العقل والعقل والذاكرة بتشبه المكتبة هي عبارة عن تصنيفات متل ما ذكرنا ذاكرة عرضية وذاكرة دلالية .... الخ من وظائف جمع وتصنيف الذكريات العقلة والجسدية والكشف عن ارتباطات جديدة بينها... بمنى آخر العديد من الأحداث يلي مرت معنا خلال اليوم بيتم تخزينا وتصنيفها خلال النوم تخيلي حالك جبتي كتب جديدة وبدك تحطيها وترفقيها بمكتبتك الكبيرة وفق التصنيفات الموجودة... أوقات بتضطري تغيري أو تعدلي بمكان الكتب القديمة لتقدري تحطي الكتاب الجديد فأثناء هالعميلة واثناء تغيير مكان الكتاب القديم ...انتي حركتيه وقريتي عنوانو وأخذ شي بسيط من تفكيرك للحظة .... وهيك نفس الشي بالدماغ يحصل أحياناً خلال عميلة جمع وتصنيف الذكريات تحفيز لمعلومات وذكريات عرضية مهملة فبتظهر على لساحة الأحلام هاد طبعاً تفسير علم النفس المعرفي بشكل بسيط ...:sick: أما فرويد بتفسيره هالظاهرة فبيرجع لموضوع الكبت الممارس على أفكارنا وتصوراتنا من خلال الأنا الأعلى ... وبوقت النوم رقابة الأنا الأعلى بتصير أضعف وبتسلل الأفكار والتصورات الذهنية على شكل هكذا أحلام لكن أعتقد تفسير فرويد لا ينطبق على سؤالك بتمنى إني كون قدرت وضح وضح شي وإذا في أي استفسار تاني فأنا موجودة :D اقتباس:
ميرويتي في ديارنا يا مرحبا يا مرحبا :clap: بتعرف... أنا بخاف من منظر العين لما هيك بتتحرك :p :oops: و :D |
اقتباس:
أنا رح أستغل الفرصة أنك سمحتيلي أستفسر (و الحياة فرص:lol:)، و أسألك عن ظاهرة غريبة كمان، ما بعرف إذا الها علاقة بالأحلام، لأنها ما بتصير خلال النوم، بل في حالة صحو، و هي ما يسمى ب Déjà vu (و إذا شفت إنها برا الموضوع، و لا عليك حرج;)) و هو عبارة عن شعور قوي شبه أكيد بأننا شايفين شخص ما، مكان ما، أو مرّ علينا حدث ما، في نفس الوقت اللي بنكون متأكدين أنو فعليا في حياتنا عمرو ما صار الشي اللي عم نحدسو كأنو حقيقي و مر علينا.. ما بعرف إذا وصلت الفكرة مضبوط:oops:! |
فهمت منيح عليكي وشرحتي الفكرة تمام
وصحيح قولك ... هالظاهرة Déjà vu خارجة عن موضوع الأحلام بس فيني أعطيكي رابط لموضوعين بالقسم بيحكو عنها بتمنى يفيدوكي :D - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
موضوع مفيد وشيق مل صاحبتو
قريت عنو من زمن بحجز مكاني وراجعة نتناقش فاللي قريتو وعندي كم سؤال محيرني بالنسبة للاحلام استعدي سوسو رح عذبك معي ادا في اعتراض قويلي لدبر شيء واسطة:lol: |
اقتباس:
اسألي أد ما بدك بس ما بضمنلك الأجوبة :lol: لا بجد اسألي وإذا أنا ما عرفت الجواب إلا ما يمر من صوبنا حدا بيعرف مانحن هون كلنا للاستفادة :D |
اقتباس:
شكرا ساندرا، كتير أفادني، بس التفسيرات بتشرح جزء من الظاهرة، اللي هي ل Déjà senti بس مش déjà vu أو déjà visité بس مهمين كتير الرابطين، مرسي :D |
اقتباس:
هلا عزيزتي إذا في تساؤلات تانية عندك حول هالظاهرة فيكي تحطيها بأحد الموضوعين :D |
الشخصية الثنائية تشبه النواس الذي يتارجح لكنها تعتبر ان الحقيقة توجد فقط في اقصى نقطتين يصل اليهما وترفض باقي النقاط اللامتناهية المتواجدة بين الحدود القصوى
بالنسبة لاصحاب الشخصية الثنائية كل شيء اما ابيض او اسود اما صحيح او غلط اما ان نصيب او ان نخطئ , اما نعم او لا هذه الشخصيات ترفض ان ترى المساحات الشاسعة والمتدرجة بين الابيض والاسود لا تستطيع ان تقتنع انه وبالنسبة لكل الامور كلنا مصيب ومخطئ في آن واحد وهذا حسب العدد المحتمل من المعايير يحول اصحاب هذه الشخصية الوجود الى مجموعة من النقاط الصغيرة المطلقة الجامدة والنمطية وهي في اذهانهم غير قابلة للنقد ولا للتغيير يرون ان النهر لا يتواجد الى عند منبعه وعند دلتاه, دون ان يتمكنو من الاعتراف انه يتدفق طويلا ويتذبذب من خلال عدة مناظر نفهم ان هذا النوع من الناس لايمكن ان يتمكن من تفسير احلامه ذاتيا لان حلمه يتبع تسكعات الحياة والحقائق المختلفة, غالبا ما يعاني هؤلاء الاشخاص من حظر عاطفي يتجسد في اغراق الذكاء البشري في هذا السلوك الثنائي السخيف ويتعقد الوضع اكثر حين يقومون باطلاق الاحكام الاخلاقية على الامور هذا جيد وهذا سيء وهذا لا يليق او هذا عيب... فهم اما يقبلون او يرفضون فكيف يمكن لهم ان يستمعو الى احلامهم التي لم تكن يوما ثنائية بل تعانق مختلف التارجحات التي تطبع كل شخصية بشرية؟ |
اتدكرت اليوم انكش هاد الموضوع:oops:
النص اللي حطيتو هو احد الشروط الاربعة الي لازم تتوفر في الانسان ليقدر يفسر احلامو بنفسو حسب كتاب بيار داكو لتفسير الاحلام والشروط الاخرى هي -اعطاء الاهمية المستحقة للحلم لاننا احيانا نمر باحلام لو استطعنا تفسيرها وتحليلها لغيرت مجرى حياتنا -معرفة لغة الاحلام بقدر كاف لان الاحلام دائما تكون رمزية حتى وان بدت لنا مباشرة جدا فلابد ان نعرف ما يمثل هذا الرمز وذاك ونحن بتفسيرها نعرف اكثر عن عالمنا الداخلي والامراض النفسية المتخفية فكيف يمكن للشخص ان يحلم مثلا ان لديه عقدة نقص؟؟:lol: فهي احاسيس غير ملموسة. لكن لتفسير هذه الرموز لابد للمفسر ان يكون عارفا بعلوم النفس وتاريخ الاديان والاساطير والخرافات:o -الشرط الثالث ان لا ننسى ان كل حلم هو من الشخص واليه ولا علاقة لاي كان بهذا الحلم غيره هو فهو يصف ما يحصل في اعماق شخصية الحالم -الشرط الرابع هو ان نعرف ان الشخصية العميقة لا تتناسب ابدا في جميع الحالات تقريبا مع ما تبدو عليه ففي اللاوعي تدور عقد عادية واخرى غير عادية كما تدور الاقمار حول الكوكب وعلى كل عقدة تشكلت طبقات وطبقات للحماية والتمويه وركبها عدد كبير من المكبوتات |
خلاصة
تفسيرنا لاحلامنا يتعلق بما نحن عليه وبما نبحث عنه تخيلو لو ان بالنسبة لاحدنا " كونه على حق هو ضرورة حيوية" ثم يطل عليه حلم ويوشوش في اذنه ان هذا التصرف يخفي الكثير من الطفولية:lol:وقلق داخلي كبير يعودان الي طفولته الاولى شبه مؤكد ان هدا الانسان لن ينظر الى الاتجاه الذي وجهه له حلمه وسيلتفت الى اي مكان غيره لانه لا يجرا ان يضع اي شيء يخصه تحت ضوء المساءلة |
هيك بكون خلصت اضافتي لسنة 2009
يمكن بالافين وعشرة اقنع بيار داكو يشارك بالموضوع:p هلق بنجي على سؤال مالقيتلو جواب او لنقول منام ما لقيتلو تفسير تخيلي سندرا الزلزال الاخير تبع 2003 شفتو بمنامي قبل بسنة وبكل التفاصيل اللي صارت معي"يعني وين كنت قاعدة وقتها ووين رحت ومين شفت وشو قالولي ونفس الاماكن اللي مريت عليها بالمنام صارت بالحقيقة ليلة الزلزال لدرجة لا تصدق يعني لو ماكنت حكيت عنو لصحباتي كنت فكرت انو مجرد تخيل شو تفسيركم للموضوع؟ |
يسلموا ولله كتير حلو ,انت يا سندرا مابتعطي غير الحلو مثلك:sosweet:
|
اقتباس:
هلا أنا ما كتير بعرف بموضوع التنبؤات والباراسيكولوجي فما بعرف شو التفسير بس أنتي متذكرة يعني لما شفتي المنام ولا لما صار الزلزال حسيتي إنك شايفه هالمشاهد بمنام قديم ؟ اقتباس:
:D |
اقتباس:
بس هاداك المنام قبل الزلزال حسيتو كتير مهم ومفتاحي وحكيتو لاكتر من وحدة من صحباتي على امل لاقي عندهم تفسير وهن لسا متدكرينو ووحدة منهم كان معي وقت الزلزال وكل شوي بسالها متدكرة اني حكيتلك تقلي اي :D |
| الساعة بإيدك هلق يا سيدي 21:26 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
