|
محكمة أمن الدولة تصدر أحكاما على 7 أشخاص بالسجن بين 7 و5 سنوات
أصدرت محكمة أمن الدولة العليا بدمشق أحكاما على سبعة معتقلين معظمهم من الشباب تراوحت بين السجن سبع سنوات والسجن خمس سنوات بتهمة "تعريض سورية إلى أعمال عدائية". وأفادت المنظمة الوطنية لحقوق الإنسان في بيان تلقت "سيريانيوز" نسخة منه أن محكمة أمن الدولة العليا أصدر أحكاما بالسجن سبع سنوات على طارق غوراني (25 سنة) و ماهر إبراهيم اسبر (26 سنة ). كما حكمت على حسام ملحم و ايهم صقر وعلام فاخور ودياب سرية وعمر العبد الله بالسجن خمس سنوات. واعتقل هؤلاء في شهري شباط وآذار من عام 2006 لمحاولتهم تأسيس تجمع شبابي. واعتبرت المنظمة الوطنية في بيانها أن "هذه الأحكام لم تصدر عن جهة قضائيّة مختصّة, بل صدرت عن محكمة استثنائية استنادا لحالة الطوارئ" مطالبة "بإلغاء محكمة امن الدولة العليا وإحالة موقوفيها الى القضاء العادي المختص". سيريانيوز |
يعني الشباب طلعوا أخطر من البني و كيلو و كل المعارضين الكبار
فعلا ماعم يطلع معي حكي لاني لساتني تحت الصدمة عوجاااااااااااااااااااااا اااااااااااااااااااااا |
:frown::pos:
|
:tears::tears::tears::tears::tears::tears:
|
بصراحة...ما لقيت تعريف أفضل للعهر...هذا الحكم هو العهر بعينه...العهر السياسي ومن ثم العهر الاخلاقي ومن ثم العهر الانساني....
وصمة عار أخرى برقم مليون ع جبين شامنا التي صنعها العاهرون... |
:cry: :cry: :cry: :cry: :cry:
|
يلعن ربّ هالزمن .. اللي بيتهم هيك شباب بـ "تعريض سورية إلى أعمال عدائية"
أنو الشي اللي ما عمأستوعبو في ألف ابن حرام لاعن رب البلد نصب و سرقة و رشوة و على عينك يا تاجر .. و ماحد حاكي معوه شي و شباب مجرد كونون عبيطالبو بحياة أفضل .. عبطالبو بـ سوريا أفضل ينحكم عليوّن بالسجن .. و سبع سنين لك البني اللي هوي البني انحكم خمس سنين لك تفي في هيك زمن عاطل .. |
الحرية للسبعة
liberity for the sevn lefteria stous efta |
اقتباس:
و ان كان يوما نريد ان نطالب بحرية, فلنطلبها من انفسنا,, الحرية لك و لي من ثوب حيواني نرتديه و نحن شامخون رافعون الرأس و كأننا اعز بني البشر.. فلنكن انسانيين اولا و من ثم نطالب بالمساوات و الحريات الجسدية.. و و و الخ... اريد حريتي في عدم تكفير اخي المواطن, ب ((( ان لم تكفر من يكفرون فانت زنديق -هكذا يقولون فما رايكم يرعاكم الله ))) اريد حرية اخي المواطن في اعتناق ارائه لطالما العقل هو الحكم بيننا.. اريد ان يتحرر شبعنا من التكفيرين اريد ان نحررهم من ما اقتنعوا به, اريد اريد اريد..... ان اكون انسانا.. شكرا |
بس حبيت أرجع أقول تفي في هيك زمن
لإني و للأسف قالتلي ريمي أنو الفترة اللي قضوا ما بتنحسب من مدة الحكم .. |
اقتباس:
يا ترا لو كنت انت مكان أي واحد من السبعة و أجيت أنا و كتبتلك لا أوافق .. لو راحت زهرة عمرك بالسجن ما لإنك سرقت .. ما لإنك ارتشيت .. بس لذنب وحيد إنك حبيت وطنك .. و إجا متفزلك متلي و قال لا أوافق .. و قعدت أتفلسف عن التكفير و سبع شباب بالسجن و راحت زهرة عمروون .. و لا أوافق .. يا ترا شو بكون أنا .. |
اقتباس:
لأ للأسف قلتلك برد أسبق أنا المفاهيم المثالية مخي ما خرج يستوعبا .. فينك تعتذر عن الإجابة أو ترد بواقعية نوعا ًما .. اقتباس:
كنت عبقلك حط حالك بمطرح هالأشخاص و أنا جيت سويت هيك .. ليه أخدت حديثي على منحى شخصي .. ليه أخدت حديثي على إني قاصدك أنا عبسألك عن حالي افترض إني هيك أنا سويت شو دخلك انت بالموضوع سألتك سؤال إما تجاهل السؤال و لا تجاوب أو فينك تجاوب من دون ما تنفي صفة الإنسانية عني .. اقتباس:
بالفعل حضارة .. إلى جميع من قام بتبني فكر الماغوط .. قام " سدير المعاني " بنفي صفة الإنسانية عنك .. وجب التنويه .. مالي مع فكر الماغوط .. بس إذا تبني فكر الماغوط بينفي صفة الإنسانية عني اسمحلي أقلك تبنيت هالفكر من هاللحظة .. اقتباس:
مية :D |
اقتباس:
|
اقتباس:
|
اقتباس:
|
اقتباس:
|
اقتباس:
المهم غالبية المعتقلين السياسيين تقدمو للمحاكمات (الشكلية ) بعد ست و سبع سنين من الاعتقال (يعني ليختمروا مزبوط ) و انحكموا احكام متفاوتة اغلبها فوق العشر سنين و احسبت هي الست او السبع سنين من محكوميتون ....... ملاحظة : هدول الست سبع سنين اللي عم احكي عنون غالبيتون كانو بسجن تدمر سيء الزكر يعني بينحسبوا على الاقل على الاقل 25 - 30 سنة :cry: |
الله يفك اسر كل مظلوم ....:D
|
أي والله الله يفك أسره هيك العالم بيردو مو أنا لا أوافق
|
الله لا يوفق اللي كان السبب
عقبال ما نشوف اللي حبسوهون بالحبوس |
أوعى يعرءلك شي طء :o:lol:
روء يا زلمة :D الله وكيلك مشان صحتك :lol::D |
اقتباس:
في مثالية و اعتدال و دونية .. أكيد أنا ضد الدونية .. أنا مع الاعتدال .. يعني في رمادي .. ليه حصرت الاختيار بأبيض أو أسود المثالية ما كانت و لن تكون هدفاً من الممكن الوصول إليه .. و مدام أنا و انت مختلفين بخصوص هالنقطة .. فأنا أعطيت طرحك صفة المثالية .. و هالشي لازم تشكرني عليه .. باعتبار المثالية هدف و غاية بالنسبة الك . اقتباس:
النقطة اللي عبدور حوليا .. و اللي انفعلت و أنا عمأكتب الرد كرمالا .. مطالبتي و مطالبة غيري بحرية هالأشخاص ليست بحاجة لأن نطلب الحرية من أنفسنا هي أبسط جزء من رد الجميل لهالأشخاص كون هالأشخاص طالبو بحريتي و حرية غيري .. اقتباس:
الإنسانية غاية لشو ؟؟ الإنسانية شي موجود بكل واحد فينا بس اللي بصير أنو منحطا بالفريزر أو منهمشا .. أنا ضد تهميش الإنسانية في ذات كل واحد فينا .. أما حديثك عن الماغوط فرد الأخ تشي فادي عن هالنقطة .. اقتباس:
كان من الأحرى بك أن تقول " نحن شعب تم تهميشه " شعب تهمّش .. ما في أي شعب بالعالم بيرضا لحالو يقبع في أسفل سلم الإنسانية .. و مقياس الإنسانية اللي حكيت عنوه ما أنا ابتكرتو اللي ابتكروه الفساد اللي انتشر في البلد .. الفساد بكافة أنواعه من أخلاقي و سياسي و و و و .. و كمان مية :D |
اقتباس:
و عقبال البقية ... |
اقتباس:
كيف تأكدت و كيف فينك تثبتلنا انون مو مظلو مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟ (بيكفوا اشارات الاستفهام ؟ ؟) |
اقتباس:
و الي مانو متأكد ...يكمل على هالمنوال ... و رح تكون نهايتو نفس النهاية للمعلومة .... اذا بيكون أخي وأو أبي من بين المحكوم عليهم ما رح أزعل عليه ... لأنو بيستاهل |
اقتباس:
علاك مصدي وبلا طعمة قال اتأكدت قال |
مصدي وشبعان صدي :lol: بس سوأل ليش دكون بالحبس يعني شو التهمة:D
|
أما أنتو عنجد فايتين بالحيط هاد يلي عاليسار
ايواااااا هاد هو بزاتو |
الشباب كانو على أتصال بالغادري .. و الكل بيعرف مين هوي الغادري ..
يعني أخطر بكتير من ميشيل و أنور البني ... بس الحكم بهيك مدة على الشباب رح يدمر مستقبلون .. بس أنا يلي مستغربو أنو طارق أنحبس 7 سنين ,, مع أنو على علمي انو هوي كان الوحيد يلي أعترض على فكرة اللقاء مع الغادري __ بس ما نذكر أسم علي علي (to live is to die ) انشالله يكون طلع .. * سدير الأ** .. ماننا ناقصين ولاد .. روح اشتريلك طابة ,, بتتسلا أكتر .. العمى شو بهي* |
و مينو هاد الغادري بلا ظغرى أنا ما بعرفو:?
وشو شغلتو هاد بءا:? |
و مينو هاد الغادري بلا ظغرى أنا ما بعرفو:?
وشو شغلتو هاد بءا:? شو |
اقتباس:
|
اقتباس:
تعوا كلياتنا لندعي و يكون تشي فادي هو الامام تبع الدعاء.. ادعوا لندعي مثل النسوان.. ادعوا ليش ما عم تدعوا؟؟ وين كان الدعاء في زمن تركيا فوق سوريا؟ وين كان في زمن فرنسا؟؟ عليك بالعمل يا فتى و الا فأنت جاهلي جاهلي جاهلي... لكن من اين تعلم و انت تابع اعمى .. ركز على هي اعمى يعني " كل شوي بتقول اي شو بيعرفني" لان فعلا انت ما بتعرف و غير مسموح لك تعرف و انت نفسك لم تفكر لتعرف و لم تعرف ان يجب ان نعرف و لن تعرف انه يجب ان تعرف ان استمريت فيما انت فيه... على فكرة.. انا اكيد ماني مع ظلم حدا.. لكن اشكك في اساس المشكلة.. تقولون و نصفكم لا يقول و انما يكرر كالببغاء . ان المشكلة في الذين حكموا عليهم و اقول لكم... بل المشكلة في عدم اهليتنا لان نكون افضل من الذي نحن فيه.. بعدين على فكرة الجملة االلا عقلانية اللي حاططها تشي فادي بالنسبة الي اكثر ضررا من ظلم كم شخص... الجملة هي لو اصبحت في جذور اذهان الناس,ضربت عندهم الذهن و ضاع بذلك ميزان التقييم.. و ضاع معه انسانية الفرد و ضاع معه نجاح المجتمع و بقينا في اسفل الامم.. لا تاحد على خاطرك اخي الداعي بلا عمل. فكرك جاهلي يجب معاداته..قم و انهض و سر في موكب التقدم و ستجني مصقفا لك مهللا و مرحبا.. لا تنسى نظيرك في الوطن |
اقتباس:
:cry: :cry: :cry: :cry: |
الظاهر انو رح ننجلي قبل ما ينجلي هـ الليل ..
انا بظن أنو المدة يلي قضوها ما رح تنحسب .. برأيكون ليش 7 سنين ؟ ليش ليش ليش ؟ |
اقتباس:
ابي حسبولو فترة التوقيف و الفترة ما قبل اصدار الحكم |
اقتباس:
|
اقتباس:
أما بدون تقديم الاثباتات والتبريرات الكافية رح تنهز صورة هالمحكمة ادام الشعب ورح يطلع ناس تكمل مسيرة الشباب وبيطلع يوما ما واحد يقدر يغيير لنوصل لمحكمة قادرة وواجبها اعطاء الأدلة والاثباتات. |
اقتباس:
|
بـاختصار ..
اذا هاللي نحبسوا كانت نيتن كويسة وصافية وماقصدوا يأذوا هالبلاد وهالعباد وانحبسوا ظلم فأن شاء الله الله يفك اسرن ويحبس اللي ظلمن وينتقم منو .. واذا كانو مالن مظلومين وكانت نيتن سيئة ووسخة وبدن يضروا هالناس فأن شاء الله مؤبد .. وبالناهية الله يفيك اسر كل مظلوم ...:D |
| الساعة بإيدك هلق يا سيدي 20:21 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون