|
ماهيَ أول رواية قرأت وَ ماذا شَعرتْ !.
تـُعَدْ قراءة الروايات مِنْ أمتع المَباهج وَ مِنْ أهم وسـائل تطوير الخيال وَ شغل الوقت وَ تنظيمه وَ تـُعَدْ قراءة أول رواية مُهمة جداً حيثُ يَشعر القارىء بـِ اكتشافِ عالم ٍ مثير ٍ وَ جميل ٍ وَ بديع حيثُ تتداخل شـخوص الواقع وَ أمكنته مَع الشـخوص المُتخيلة التي تنتظم حولها أحداث الرواية كما يَشعر القارىء أنه أكتشفَ عالماً كان مَخفياً عنه فالبعض يواصل قراءة الروايات بـِ شغف وَ البعض يَتوقف أو يجعل قراءته ُ مُتقطعة ما هيَ أول رواية قرأتها حتى النهاية وَ بماذا شَعرت ؟ تحياتي :D |
كانت اول رواية قرأتها هي (بين قصرين) لنجيب محفوظ ...
ذكرتني بالماضي قبل احدى عشرةَ سنة بالتحديد ... اثرت في الرواية ... و اسلوبه البسيط و ما آلمني كثيرا .. اني لم اقرأ الجزء الثالث في الثلاثية الى الآن لسببٍ أجهلهُ !!! حدثنا عن اول رواية قرأتها في حياتك .. |
اول وحدة كانت .. للاسف مو من وقت كبير كتير راح ..
بس كانت ضياء نجم بعيد ل الكسندر تشاكوفسكي .. صراحة .. عجبتني .. الفكرة .. وانشديت .. للروايات شوي .. سالت .. شوش :D.. وخبرتني على رواية اسما الأم .. كانت لمكسيم غوركي .. وكتير عجبتني .. حبيت فيا .. وعرفت شغلات كانت تصير من قبل على ايام العمال والمطالبة بالحقوق وهيك .. كتير عجبتني .. بعدا .. في اكتر من شغلة كانو .. متل رواية دافنشي ( نصيحة انو تقروها ..).." دان براون " او سهرة تحت ضوء القمر .. وفي اكتر من شي .. حاليا الي شي 4 شهور ما قريت شي .. بس النية قريبا راجعة .. :D |
كنتُ في المرحلة الثانوية وَ كانت رواية " الحُب في زمن الكوليرا " لـ غابرييل غارسـيا ماركيز اكتشَـفتُ حينها .. أنَ الكثيرَ فاتني قبلَ أن أمسـكَ هذا الورق تحياتي :D |
كانَ ذلكَ منذ حوالي ثمانية عشر عاماً عندما انتهيتُ من قراءة رواية صغيرة تُدعى "مُهريَ الحبيب"...
بكيتُ كثيراً بعد أن أتممتها... هذا ما فعلتُه عند انتهائي منها! لا أكثر! |
اول روايه قرأتها كانت جين آير لشارلوت برونتي المآساة والرومانسية بهالرواية كتير مؤثرة .. مابقدر اوصف شعوري وقتا كان عندي 14 سنه ,,,بس بعرف انو كل التعاسة يلي عاشتها جين مااثرت فيي وانا عم اقرأ الرواية بوقتا بس لا اثرت على علاقتي بعيلتي بيلي حواليي كنت بخاف اني افقد حدن منن هالشعور ضل ملازمني لفترة طويلة:oops:,,,,,, مراهقة شو بدكن بالحكي :lol: |
اوّل روايه كاملـه قريتها كانت لمـكسيم غوركي .. الأم ..
من اجــــــــــــمل ما قرأت .. بتزكر كنت خبيها تحت اللحاف و اقرا فيها كلّ الليل لانو ما اقدر اتركها .. بالسرقه يعني لانو كنت وقتها عم قدم بروفيـه - تاسـع - و كانت قبل فتره الفحوصات بـشي شهر و المراقبه شـديده جـدّا بهداك الوقت .. اثرت فيّ كتـير كتـير و شـدتني للـشيوعين و الشيوعيه و نشـأتهم و صرت حس بوقتها انو كل المظلومين و المغلوب على امرهم بالدنيا لازم يعملو متل ما صار بالروايه .. كتـير كتـير اثرت في و ضليت مأثره فيها لفتره منيحه و لهلئ بعتبر الام هي اجمل ما قرأت و اجمل شي ممكن ينقرا .. رائــــعه جــدا .. اقتباس:
|
اول رواية كانت ....
"الاجنحة المتكسة " جبران خليل جبران كانت رائعة جدااااااا وملليئة بالعاطف والاحاسيس فيقت عندي كتير من المشاعر والاحاسيس |
اقتباس:
|
:lol:
امس كان غد ... كاظم الاحمدي |
اول رواية
عابر سرير لاحلام مستغانمي حسيت بحجم مشاعر جوا الانسان ما اليها حدود وكمان الابداع :D |
بدأت بكتب كتيرة و كبيرة عليي بس الكتاب اللي انطبع بذاكرتي وحسيتو اول كتاب فهيي رواية الشيخ والبحر
|
اقتباس:
|
اقتباس:
اي قصة سلمى كرامة هي رواية ... كتاب الاجنحة المتكسرة في قصص ... بس سؤال تحسي فرق كبير من تقرين كتب جبران بالوقت الحالي من وقت ما قريتيها بعمر 12 سنة ؟؟؟ |
الأجنحة المتكسرة <<<<<<<<< جبران خليل جبران
قريتها بشكل استعارة من احدى المكتبات المشترك فيها ومن كتر ما اثرت فيني وصارت حديثي اهداني احد اعز العالم عندي نسخة منها وبعدني بقراها كل سنة ، مع اني بكره الوصف اللي بيخدم الوصف بحد ذاته ومع ان الرواية مليئة بكافة انواع الوصف لكن بيبقى الها طابع مميز ما عبقدر اعرف شو هوي الطابع هاد بخليني ارجع وارجع وارجع اقراها مرة ومرتين وعشرة . |
يحكي عن قسوة الحياة و شلون الناس تستغل المشاعر العامة و الدينية لمصالحها ....
و لو هو استعمل اسلوب مباشر ... :lol: بس يبقى كتاب رائع ... و كاتب رائع |
كانت الجدار ل جان بول سارتر رائعة بتصور الأنسان بجميع مواقفه حسيت أنو مو طبيعي في هيك بشر عندون هل القدرة الهائلة على المعرفة
|
حكايات الحكيم ايسوب الفرعونية
ابى كان بيحيكهلنا وحنا صغيرين كثير عالم السحر واللعنة وكمان الحكمة الفرعونية كانت تأسرنى بس لما كبرت ورحت الابتدائى وعرفت اقرأ ابى توقف عن انو يحكيها وامرنا لازم نقرا بنفسنا فيها فترة المراهقة كنت اقرأ سير ذاتية واول سيرة قريتها كانت ( حضن العمر ) فتحية العسال :D |
| الساعة بإيدك هلق يا سيدي 22:25 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون