الحكم على المدون كريم أنطوان عربجي بالسجن ثلاث سنوات
 

انتقدت اللجنة السورية لحقوق الإنسان الحكم الصادر اليوم (الأحد 13/9/2009) عن محكمة أمن الدولة فاقدة الشرعية بحق كريم عربجي. وقال الناطق الإعلامي باسم اللجنة السورية لحقوق الإنسان: يأتي الحكم الشديد اليوم من محكمة سيئة السمعة وشديدة الأحكام وفاقدة للشرعية بعد أكثر من سنتين وثلاثة أشهر على اعتقال المدون الشاب كريم عربجي بصورة تعسفية بسبب مشاركته في إدارة منتديات "أخوية" على شبكة الانترنت. وقال الناطق بأن التهمة الموجهة إلى كريم عربجي بنشر أنباء كاذبة من شأنها أن توهن نفسية الأمة تهمة باطلة وغطاء لحالة انعدام الحريات الشخصية والإعلامية وحرية التعبير عن الرأي وانسداد أفق الإصلاح في سورية.

وعقب الناطق بأن المدون كريم عربجي تعرض للاعتقال المديد قبل أن يتلقى هذا الحكم القاسي بالسجن ثلاث سنوات والذي لا يتناسب مع التهمة الموجهة إليه حتى في حال ثبوتها، وتعرض للتعذيب أثناء التحقيق معه وللمعاملة السيئة والحاطة بالكرامة الإنسانية وهذا يؤكد على استمرار انتهاك كرامة معتقلي الرأي والضمير في سورية.

وطالب الناطق الإعلامي باسم اللجنة السورية لحقوق الإنسان بإطلاق سراح المدون كريم عربجي فوراً وسراح كافة معتقلي الرأي والضمير والمعتقلين السياسيين في سورية، ووقف كل الاعتقالات العشوائية والتعسفية وإلغاء محكمة أمن الدولة غير القانونية.

خلفية الموضوع:
اعتقل المدون الشاب (31 سنة) بتاريخ 7/6/2007 من دمشق أثناء استدعائه للتحقيق في فرع المنطقة التابعة للمخابرات العسكرية بريف دمشق على خلفية مشاركته في إدارة منتديات أخوية على شبكة الانترنت. وقد نقل إلى فرع فلسطين ثم إلى سجن صيدنايا حيث قدم للمحاكمة أمام محكمة أمن الدولة وكانت آخر جلسة في العام الماضي بتاريخ 8/6/2008 ثم توقفت محاكمته لأكثر من عام على خلفية أحداث سجن صيدنايا. ثم استؤنفت المحاكمة في 29/8/2009. وكريم عربجي خريج كلية الاقتصاد بجامعة دمشق/ شعبة المحاسبة وكان قبل اعتقاله يدير مكتباً يقدم من خلاله الاستشارات والخدمات للشركات التجارية.

اللجنة السورية لحقوق الإنسان
13/9/2009

شو زعيم؟؟ ما بتعرف ان في سوريا "ما يلفظ من قول إلا لديه رقيب عتيد".!! :cry:

شفت الخبر مبارح.. بصراحة ارتحت شوي لأنو كنت متوقعة يكون الحكم 4 سنين..
ورداتي لكريم.. وللشباب البقية

لا حول ولا قوة إلا بالله ..

ما كنت متوقع بهالسرعة تتم..

وبالندل كمان ..

هدف الحكم بث الرعب في قلب كل من يفكر بالتفكير بصوت عالي
الله يطلق سراحو وسراح اقلام الجميع
والله يطلق سراح عقولهم من التحجر

كل عملة بيعملوها لو كانت ببلد محترم كان سقط فيها تلات انظمة حكم ..بس الشباب اخدين راحتون عالأخير ...لأنو نحنا بنظرون كتيير رخاص ....اي ...السوري صار رخيص... سنوات شبابو و حريتو و مستقبلو او حتى حياتو ...ما كتير الها قيمة ......

لك كيف الو نفس يعمل كل يوم مأدبة افطار او يطير ليفطر باستطنبول ..و شعبو كل يوم عم يفطر ذل و جوع و قهر و سجن ...

هلئ المجرم وقت بيدخل عالسجن بيحس انو كسب شي ,,يعني يا سرق مصاري و خباها ليعيش بس يطلع ,,او قتل شي واحد و فش قهرو يعني بلاقو عزاء سنيين السجن بشي شغلة ...بس معتقليين الضمير وقت بيطلعوا بشوفو الوضع...لسا اضرب من وقت دخلتون عالسجن ,,,يعني ولا اي شي تغير..باستثناء شوية تجاعيد و و شعر شايب و ملامح قهر و ظلم .. ..... طبعا ما بقصد كريم ...انشالله بيرجع بروح شباب اقوى من قبل ...و راس دايما مرفوع

سؤال شباب
حدا حضر المحاكمة؟
حدا تابع عمليا اجراءات المحاكمة وقت صارت
حدا عمل لمة انو نحنا ناطرين عند المحكمة محاكمة كريم
ولا مرت كتلها متل كتير محاكمات.... ورح تمر كتير لسا
بتذكر لما كان في محاكمات لمعتقلين سياسيين يكون في شبه مظاهرة عند المحكمة
من اهل السجناء واصدقاؤن والمهتمين .. يا ترى لسا في هيك شي
ولا كلو ع السكيت ..
وبس بالنت في حدا عم يحكي

كريم... جايي الحرية .. شو ما صار
المهم انو اتضل كريم وعايش كريم

اي بذكر سونا.. كنت صغيرة وبذكر هي الجمعات.. بصراحة انا ما خطرلي الموضوع.. ويمكن لازم قول اني اسفة لأنو ما خطرلي

يعني بقيان ليطلع كريم ثمانية أشهر.........ترجع بالسلامة ياكريم اشتقنالك ........رجاع ياكريم وخالفنا كل يوم مافي مشكلة المهم رجاع ........اي كريم من الناس المنطقيين بالوا طويل لما تجي المخالفة منه بتكون بمحلها وماحدا بيزعل منه ......ان شاء الله تكون وأحبابك بخير ياكريم

اي منك سورية
بس الحال من بعضه ولا شوو رايك:shock:

الله يفك اسر كل سجين راي يارب
ويرجع كل مهاجر رأي لبلده