|
الغناااااء والأعصاب
* الغناء .. وعلاقته بمرض الأعصاب
يقول الدكتور { لوتر } : إن مفعول الغناء والموسيقى في تخدير الأعصاب أقوى من مفعول المخدرات ..! الدكتور { ولف آدلر } الاستاذ بجامعة كولومبيا يقول : " إن أحلى وأجمل الأنغام والألحان الموسيقية تعكس آثاراً سيئة على أعصاب الانسان , وعلى ضغط دمه , وإذا كان ذلك في الصيف كان الاثر التخريبي أكثر .! " " إن الموسيقى تتعب وتجهد أعصاب الانسان على أثر تكهربها بها , وعلاوة على ذلك فإن الارتعاش الصوتي في الموسيقى يولد في جسم الانسان عرقاً كثيراً – خارجاً عن المتعارف – ومن الممكن ان يكون هذا العرق الخارج من الحد مبدءاً لأمراض اخرى ." الى غيرها من الإعترافات والتصريحات التي أدلى بها الأخصائيون والأطباء , بشأن الغناء وتأثيره على الأعصاب , وإتعابه للنفس والروح, وغير ذلك . وإذا استمر الانسان في هذه التجربة المقيتة , وواصل استماعه الى الموسيقى والغناء , هل تعرف اين يؤول أمره ومصيره ؟ --> الى مستشفى الامراض العقلية . --> وابتلاع الاقراص المخدرة للأعصاب . --> وتحطيم الجسم . أما البرفسور { هنري اوكدن } الاستاذ بجامعة لويزيانا والمتخصص في علم النفس , والذي قضى 25 سنة في دراسته , كتب مقالاً في مجلة " نيوزويك " قال فيه :" إن { آدنولد } الدكتور في مستشفى نيويورك قام بواسطة الأجهزة الالكترونية – الخاصة بتعيين أمواج المخ والدماغ – بإجراء بعض التجارب على الالوف من المرضى الذين يشكون من الأتعاب الروحية والعصبية والصداع , وبعد ذلك ثبت لديه أن من أهم عوامل ضعف الأعصاب والأتعاب النفسية الروحية والصداع هو : الاستماع الى الموسيقى والغناء , وخصوصاً اذا كان الاستماع بتوجه وإمعان . فسبحان الله العظيم ماحرم شيء الا لحكمة..!! :D |
اقتباس:
معناها كل المطربين صغي بيهم الدهر الى المصح ! هل لديك اقبات علمي حقيقي ... بدل الحديثعن بحوث انت نفسك لم ترها ! |
انت متاكد من الحكي اللي عم تقولو .. حسب معلوماتي البسيطة والمتواضعة جدا .. بعرف عكس هالكلام
وانو الابحاث كانت بتدرس التأثير الايجابي للموسيقا على المرضى النفسيين ياريت تفيدنا إذا عندك شي بحث موثق .. |
اقتباس:
بس بالمقابل شفت عدة مقالات في مجال ال Music Therapy الي بتساعد الاشخاص اللي عندون Neurological disease or Neurological disorder مثلا بموقع تابع ل National Center for Biotechnology Information , U.S. National Library of Medicine Recent developments in brain research and in the field of music therapy have led to the development of music-based methods specifically aimed at relieving symptoms of Parkinson's disease and other neurologic disorders. Rhythmic auditory stimulation uses external rhythmic auditory cues from song, music or metronome to aid patients improving their walking functioning and has been shown to be effective both within sessions and as a result of training over time. Melodic intonation therapy and related vocal techniques can improve expressive dysphasia and aid rehabilitation of neurologic disorders, particularly Parkinson's disease, stroke and developmental disorders. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - انو عملك هيك بحث صغير بالغوغل على Music Therapy and Neurological disorder/disease وشوف شو بيطلعلك:lol: |
شو الحكي هذا انا طول عمري بعرف العكس ياسدي واذا هذا الحكي صحيح مع اني ما بعتقد راح نضل نسمع اغاني وايش ما بدو اصير اصيررررررررررر
|
اقتباس:
أو خلينا نقول: مابدو حدا يتأمل أو يرخي أعصابو أو يرتاح نفسيّاً بشي تاني غير كلامو :larg: أمّا إذا كانو رجال الدين والفتوَجيّة هني يلي مابدون حدا يسمع موسيقا، فكمان بفهم موقفن، يعني معون حق، لأنّه كي تنجح عملية غسيل دماغ الشعب يجب أن يتخلى هذا الشعب عن أي غذاء روحي آخر(والموسيقا متل ما بنعرف هيي غذاء الروح) ويغذّي روحه فقط بما يفتوه :larg: بوليتيك عمو بوليتيك مع رشّة ماركيتينg |
مسا الخير...
كيف الشباب الطيبين وغير الطيبين؟! إنشالله كلّو منيح وطيّب! بس بلا زغرة ممكن أعرف أنو "الله" حرّم الموسيقى؟! شنّو الــ "الله" تبعي ما حرّمها... لا وأنت الصّادق الزّلمة حضر عرس فيو دقّ ورقص وهوارات... وزاد الطين بلّة راح "الله" شيتي حوّلن المي لخمر وقلّن روحوا اسكروا شايفلكن... ما دامكن فرحانين :lol:. بشرفي هاد "الله" وتبعك "الله"؟! قال حرّم قال... وعلى سيرة التحريم... أنا حاسس مقال الأخ علمي والدّليل "قالولو" (بالإذن منّك ناصر بيك)! قصدي الدّليل هوّ الاختبار، يعني أنا لمّن سمعت سارية السوّاس وهيّ عم تقول "بسبوس عاشق بسّة" تخدّرت وحسّيت حالي عم طير وأنا أتأمّل بـــ "مؤخّرتها" اللي عم تنهزّ متل الطاحون خلف الشّاشة! وكرمال تتخدّروا أنتو كمان اسمعولكن هالموّال: وَلْ بَسبوس عاشق بسّة يدلّعها مياو مياو بسبوس عاشق بسّة يدلّعها بسبوسة يلحقها من بيت لبيت يقلا انطيني بوسة مياو مياو مياو *** آه دبدوب عاشق دبّّة ويدلّعها دَبدوبَة يلحقها من بيت لبيت يقلا يا حَبّوبة شلونو، شلونو، يا يُمّا بالله شلونو... *** آه... (مع كثافة أورغيّة) يا ريت... *** إش صاير يا بو الخال والدّهب بيدانو... صغَيّر حْليوة وناعم... وزيادةً في التّخدير، أهدي إليكم أغنية "بنت الكلب" لفنّانة الحجيّات وعندليب حمص الطائر الصّيت للشيخة أم رقصة "سارية بنت السوّاس": وين البارح سهرانة يا بنت الكلب بشارع مساكن بَرْزَة ولا بـ... لب (؟!) نامت عليج الحيطة شلون تنامين وأنا أستناج عَ الموعد للسّاعة تنين ***** وعطشان لشوف عيونو ضيّعت العقل من دونو (القاف كحرف G) عطشان لشوف عيونو تاه العقل من دونو أمانة إذا شفت شويقي فوق عيونو تبوسونو شلونو شلونو شلونو؟! رشيدي والله شلونو؟! ***** من شاف حالنا وْمى لي عذّبني، دمّر حالي قلبي صابر عالتالي ما فكّر لحظة يخونو شلونو شلونو شلونو؟! للاستماع والمشاهدة... مشاهدة الرّقص من الخلف: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - جانوتي يابا اسلخلك شي هوارة من عندك فيّق "جدّو" من قبرو :p. |
تسالي هالموضوع ...
|
وصاحب الموضوع حاطط بالبروفايل تبعو
اقتباس:
|
و لله في خلقه شؤون
|
المغنى حياة الروح يسمعها العليل تشفيه :fsing::fsing::fsing: |
اقتباس:
ونكايةً فيك يا يوتيوب جبت رابط تاني للأغنية نفسها، بس مقطوش راسها شنّو ما عجبتهن كلمة "بنت الكلب": - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
باينتو صاجب هالموضوع رومنسيكي جدا باين عليه من الصورة الشخصيه شيتو يؤبش يؤبش:larg:
|
على فكرة انا وصلتني معلومات مؤكدة انو الدكتور البروفيسور الدنياصور ابوالعبدوفيتش من رئيس جمعية الابحاص بجامعة شلاختو بتاختو الهنولوليه قال انو سماع الاغاني يؤدي الى تحريك طبلة الادن مما يؤدي الى سماع اصوات الموسيقاء مما يؤدي الى حاله من الانشلاخ المبعوج مما يؤثر على الانف فينتج عنه حكه وبعد ماتحك انفك جفئتن بتروح الحكه ومن هنا تظهر لنا حكمه الخالق في تحريم الشوئسمو :larg:
ارسلها الى ثلاثين شخص بتربح مصاصة واذا لم ترسلها فانت في جهنم وبئس الشوفير |
هاذي بعض الادله على تحريم الغناء قال رسول الله صلى الله عليه وسلم :
" ليكونن من أمتي أقوام يستحلون الحروالحرير والخمر والمعازف .. " (9) قال تعالى: { واستفزز من استطعت منهم بصوتك واجلب عليهم بخيلك ورجلك وشاركهم في الأموال والأولاد وعدهم وما يعدهم الشيطان إلا غرورا } الإسراء:6364 وانا بصراحه لما اسمع اغاني احس بضيقه في الصدر غريبه على فكره لاتفسرو الحديث والايه من عندعكم اذا مو متاكدين روح ابحث |
اقتباس:
|
اقتباس:
|
رايحين نجيب البزر و نجي .... :yahoo:
استنونا لا تروحو |
| الساعة بإيدك هلق يا سيدي 17:43 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون