ميدالية مفقودة
 

اليوم تنتهي الالعاب الاولمبية في بكين والوفد السوري عائد خالي الوفاض من اي شئ شانه شان باقي وفود العرب التي لم تستطع تحقيق المطلوب اللهم الا تالق اسامة الملولي في السباحة والبحريني في العاب القوى وبضعة انجازات لم ترتق لمستوى باقي الدول
وكما هو متوقع ان الاتحاد الرياضي واللجنة الاولمبية السورية ستشكل لجنة للتحقيق في اسباب الاخفاقات السورية وهنا استغرب فكيف تشكل لجنة من رحم القضية الفاسدة الا يجب ان تكون هذه اللجنة مستقلة ؟
حتى الان الموضوع مكرر لكن الصعقة تاتي هذه المرة من رئيس الاتحاد الرياضي ورئيس اللجنة الاولمبية الذين وجدوا شماعة يعلقوا عليها الفضائح
ليست الملاعب المهرتكة ولا فساد المدربين ولا بيروقراطية الاجهزة الحكومية انهم الرياضيين انفسهم
بكل وقاحة يقولون بالامس في حوار اذاعي عبر اذاعة دمشق : يعني دعمناهون قد مافينا سالت المذيعة وكيف دعمتموهوم؟ قال: يعني لما واحدون بيستقبلو الرئييس شو بدو اكتر من هيك ؟ بس هني لا عجبون المدرب ولا نظام الغذاء وصار بدون مصاري وبس انا بقترح انو نحط بلجانا الرياضية اطباء نفسيين .

وهل استقبال الرئيس للرياضي هو حافزه للميداليات ؟.


يقولون ان امكانيات الدولة كعالم ثالث متواضعة رياضيا ؟ حسنا من اين تحصل اثيوبيا على الميداليات وجامايكا وكوبا وكوريا الشمالية ؟هل يستقبلهم الرؤساء فقط؟

بكل وقاحة يرمون المسؤولية على الرياضيين . اقول للاتحاد الرياضي شكرا لانكم لم تشاركوا في باقي الالعاب وخاصة الجماعية وانصحهم بعدم المشاركة في اولمبياد لندن او ان يشكلوا اللجنة من الان .

SOURAQIA

بدي اقترح رياضة جديدة للألعاب القادمة: رمي رؤساء اتحادات الألعاب... يعني تشيل رئيس اتحاد لعبتك و ترميه.. و تحاول تبعّد فيه قد ما فيك.. اللي يبعّد فيه أكتر.. يربح..


مهزلة... و المهزلة مو انو ما حصلنا على ميداليات من اي نوع... بالنهاية هاي رياضة... لكن المهزلة هي قلة الحيا و استغباء الناس...

قمة المسخرة الرياضة السورية

والله قرفونا الرياضة اللي كانت أحلى شي بحياتي

الله لا يسامح اللي كان السبب

لك اذا افغانستان جابت ميدالية !!!
علما ان الرياضين كانوا بيرمو بالرصاص اثناء التدريب فجاي بيقلي دول العالم الثالث؟؟
لك ان شو عهالعلاك (بالاذن منكن)
ان عم يتمنن علي الرياضين ان قابلو الرئيس !! يعني الرئيس بيكون ابو لرئيس هالاتحاد
للاسف عن طبقات بالجمتع مابتكتفي بالفشل لا وتحاول تخلي كلشي فاشل متلها وتفكر بكل الشي الا بالكرسي الي قاعدة عليه
قال الرياضيين قال اي علي ماعلي في دول بحياتي مو سمعان فيهن جايبة ميداليات ونحنا راجعين من ورا ومن اقدام

كوبا.. المحاصرة من 40 سنة و جزيرة أفقر من محافظة الحسكة و عدد سكانها أقل من نص عدد سكان سوريا جايبة 24 ميدالية...

وأنا بشهد انو هنن قدموا كامل الدعم للرياضيين بس الرياضيين مابدهون يلعبوا وأكبر دليل السباح السوري رافد المصري يلي قدمولوا أكبر دعم بتاريخ الإتحاد السوري مشكورين جدا اتحادنا والله يعطيكون العافية عم تتعبوا كتير بالسرقات وبالمؤتمرات الصحفية

لا تروح لبعيد
السودان اللي ملعون دين ربون جابت ميدالية

شو بدكون تعملو اذا عنا الفساد داخل ب كل شي حتى بالرياضة
الله يرحم ايام فراس معلا و هشام المصري و غادة شعاع

مو القصة بالعدد خيي يعني مثلا مصر اجت ب100 رياضي ورجعت بميدالية
وافغانستان اجت بمدري كم طعش ورجعت بمدالية او دول افريقيا

القصة قصة استعداد جيد

تعليق بسيط ..

الوفد السوري بيضم إداريين عددهم أكتر من عدد اللاعبين

تفاهة و حياة الله تفاهة ..


عن جد لازم تتشكل لجنة و تتوقع على عريضة تتطالب الاتحاد الرياضي بالاستقالة الفورية و الاعتذار لـ 20 مليون سوري الي ضلو كل يوم ينتظروا يوم ورا يوم من أيام الألعاب الاولمبية لينرفع العلم السوري ..بس ... انتهت الدورة و العلم السوري ما ارتفع غير بالبداية و النهاية ( مشاركة رمزية )

عيب والله عيب

الاداريين مشان تعويض السفر متل العادة
اللجنة لازم تتشكل من برا الاتحاد لان كل سنة بتخبص وبتتشكل لجنة من الوفد اللي كان برا وبتطلع نتائج فايتة بالحيط
عالهامش : من وعيت عالدنيا لليوم وانا بسمع انو هالدورة عم نشارك للاحتكاك اي ما حلنا نحتك بقا؟

اليوم قال حسني مبارك طلب من رئيس الوزراء تقرير تفصيلي عن اسباب الفشل بالعاب بكين

خير ان شاء الرب

طبيعي لأنو الوفد المصري مؤلف من 177 رياضي رجعو بميدالية برونزية وحدة