|
عفوا .. من الجميع .. ما بتوقع انو من حق اي حدا يناقش مواضيع دينية .. وبتتعلق بالكتاب الاساسي للدين .. هون والمسخرة عليه بنوع او اخر من طرق الكلام ..
رجاء احترام .. قوانين المنتدى .. ومناقشة القران او غيره من الكتب .. ما حدا طلبها منك .. ولا طلبنا منك انو تآمن فيها .. :D |
ومن القهر والتعتير ما فعل :pos:
|
طب إنو إذا كل العالم بدو يكون معها مصاري وكل العالم بدها تكون عايشة بنفس المستوى المعيشي مين بدو يشتغل بالتنضيف ومين بدو يشتغل بالميكانيك ومنين الواحد بدو يجيب عمّال |
 |
اقتباس:
يعني فهمنا المواضيع اللي فيها تعد على الله واللي برايي تسئ لكل الاديان السماوية , لقولها فتوى هون على اساس الله مو ملك حدا و ماحدا لازم ينزعج, الشباب المشوربة القبضايات اللي لازم بين كل كلمة وكلمة يسبو الله ليفرجونا انن زلم ما لازم حدا ينزعج منن على اساس انت شو دخلك بينن وبين الله؟ طيب وهون , كمان ما دخلني؟؟ مو على اساس بأخوية ممنوع نقاش الاديان؟؟ اذا غيرتو هالقانون يا ريت تقولولنا مشان نشارك يعني!!!! |
اقتباس:
|
:? :shock: :?
|
هدا أكيد فيلسوف سفسطائى |
ممكن ارفع قضية انا كمان
كتير عجبني الموضوع والقضية عادلة جدا ومنطقية انا مستعدة كون المحامية عنه |
استغفر الله العظيم
هذا الجهل بعينو :x |
رب العالمين قسم الارزاق بين الناس بنسب متفاوتة . ولو قسم الارزاق بنسبة الايمان لكانت كل الناس مؤمنيين وماكان في ناس لتخدم ناس تانية . وكان الأيمان بوجود الله مو أكتر من عملية رشوة ( كل مابتكون مؤمن أكتر كل مابتكون غني أكتر ). ورب العامين أعدل من هيك والأيمان لايشترى . ومشان هيك حتى الكافر بيرزقو رب العامين عز وجل متل مابيرزق الكلب الأسود قوتو مثلا .
|
اقتباس:
انو قصدك الله بيزق الكل ولا كل واحد حسب نيتو يعني وضحلي لانو بالحالتين في لغط بالنسبة الي بكلامك لانو ع الحالتين انا اكل هوى يعني انا ما بعرف في شي مجنني انو كل ما صارت شغلة منيحة معي بيكون هي نعمة وكل ما صارت شغلة عاطلة بيقولك اختبار وفي ناس كل حياتها اختبارات انو شو هالنقطة ما فهمتها :D |
و شو مشان لما شعوب كاملة معدمة و فقيرة و ببساطة حظها هيك $#@$ بسبب القحط و الجفاف و المؤامرات الدولية (كأنو ناقصهم).. هدول كلهم متواكلين و كسالى؟ يعني الافريقي شو بيطلع بإيدو يعمل؟ ان قعد بافريقيا ميت او سافر لبرا مضطهد عنصريا
خبر مسلي جدا و شجاعة عند صاحب الدعوى |
مممممممممم .. هلأ ليك ..
تعا اقنعك .. انو اخي هادا الحكي ما يجوز .. وما يصحّ .. عسى الله يغفر لكم ما تلعنون .. هلأ ايمك عن الجانب التخيّلي بالقصة .. نوعا ما .. وصفن وما صفن .. بس هيك قضية .. لازم تتاخد بعين الاعتبار .. يعني مثلا .. ازا عملنا تصويت .. للشعب السوري .. مين بدو الله يا جماعة .. هلأ ايمك انو ما حدا رح يشارك .. لأنو مانو متعوّد الشعب على شي اسمو انتخابات ورح يقولولك شو يعني هلأ .. ازا شلنا الله .. شو رح نستفيد .. اخي شعب فاضي .. هلأ من الآخر هيكي وبلا كل هاللبكة اللي فوق .. بدي اسئل عنجد .. وعنجد 100 % .. هل يمكن رفع هيك قضية ؟ وحاولو ما تقولي اي .. مشان ما تفقس براسي |
اقتباس:
بالنسبة لهالموضوع انا كمان بتمنى انو يتسكر لانو بالاخير رح تبلش لخناقات كما انني انفي صحة الموضوع للمرة التانية لاني فتلت الدنيا عليه ماكنت لاقيه غير بالموقع الموجود اعلاة وبشهادة عمك كوكل |
اقتباس:
نفس الشي . اذا بدنا نجي للرزق بمعنى المصاري . هلاء عدا عن أنو رب العالمين عز وجل ماقال للعباد كل ماكنتو أتقياء أكتر برزقكم اكتر . وأنو أذا كنتو أتقياء بتكونو أغنياء . لأنو مابيشتري الأيمان بالأنسان . وكلمة يرزقك مامعناها انو بتصير غني . لأنو بالقرأن لما رب العالمين عزوجل ذكر أنو خلق الأانسان ورزقو ( الانسان ملحد أو مؤمن ) . وهاد بيعني أي شي بيكسبو كتير أو قليل . ما أنذكر أنو بيصير غني . هلا بالنسبة أنو أختبار مثلا مو شرط . في ناس بتلاقيها رزقها ومالها واسع . وكل يوم الو طاولة بكازينو وبيفت على الرقاصة مبلغ هائل . هاد بيكون بالنسبة الو نعمة ؟ . طبعا لأ لأنو بيكون عم يكسب فيه سيئات وبيكون نقمة عليه . ونفس الشي فينا نعكسها ممكن المحروم من المصاري ( خلينا نقول رفيقو لهداك ) ماعم يكسب سيئات من ورا هالمصاري طبعا هاد الكلام مو معناه أنو رب العالمين بيرزق بس الكافر . بس هو لتوضيح أنو ممكن يحمل وجهين . بينصرف بالجيد أو بالسيء :D |
أنا بطالب المنتخب السعودي يرفع قضية مماثلة اذا ما أتاهل على كأس العالم وفاز فيها :frown: . شنو هدول مؤمنيين .:frown:
أي شو هالتسالي :lol: |
اقتباس:
كاملة ؟ . مافي ولا أفريقي غني ؟ . كل الناس بأميركا مثلا اغنياء ؟ طبعا لاء بس النسب متفاوتة يعني أنا معك أنو الفقر بأفريقيا أكتر بكتير من غير دول . هلاء منجي صح أنو الجفاف والمؤامرات الدولية أحد الأسباب وصح انهم مو متوكلين وكسالى . بس في طريقتين كمان للحل . أول شغلة رب العالمين أمر بالزكاة يلي هية بتاخد جزء صغير من مال الغني .وبينحط ببيت المال مشان يتوزع على الفقراء . ( وهو بيشبه بطريقة ما قانون الضمان الأجتماعي بالدول المتقدمة ) ؟ طيب أفريقيا لا فيها هاد ولا فيها هاد ؟ شغلة تانية افريقيا فيها أكبر مخزون أحتياطي بالعالم من الثروات الباطنية .وفيها أراضي شاسعة ممكن تنزرع . بيكون رب العالميين مسؤول عن أنهم لايستيطعون أستغلالها ؟ . ما الخليج العربي وضعو مشابه وأمور بألف خير . أخر شي رب العالمين ما أمر من حدا أنو يضل بمكان معين . واذا كان عايش بمكان مابيساعدو فرب العالمين أمرو أنو يدور على الافضل . بس مشكلة الحدود والفيز الأانسان عملها ورب العالمين مالو يد فيها بحييك علة تساؤلك المنطقي بالوقت يلي كتير من يلي علقو همهم الازدراء مو أكتر :D |
| الساعة بإيدك هلق يا سيدي 16:11 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون