|
بالفعل النقاش معي عقيم كيف بقول مابيصير اي حدا يهدر دم البشر
هيك اقتنعنا انو بيحقلك تهدري دمو |
وللرد ع موضوع التكفير :
حول تكفير المسلم سؤال: متى يجوز تكفير المسلم ؟ وهل سبّ العالِم المسلم مؤدّي للكفر ؟ أرجو بيان ذلك، لأنّ البعض ـ أعني الوهّابيّين ـ يروّجون لهذا الفكر. جواب: يُنسب المسلم إلى الكُفر إذا فعل واحداً ممّا يلي: • إذا ارتدّ عن الإسلام. • إذا غالى في دينه، كأن يقول بإلوهيّة أحد غير الله تعالى. • إذا نَصَب، أي أبغض أهل البيت عليهم السّلام. • إذا خرج على إمام زمانه، كما فعل الخوارج. • إذا قال بالتجسيم، أي بجسميّة ربّ العالمين. • إذا قال بأن الله تعالى حلّ في أحد من البشر. • إذا قال بالتناسخ، أي بانتقال الروح من جسد الإنسان إلى شيء آخر كالحيوانات. • إذا أنكر ضرورة من ضرورات الدين. • إذا أنكر توحيد الله تعالى في مقام الذات، كالقائلين بأصلَين قديمَين أو أكثر ( المجوس ). • إذا أنكر توحيد الله تعالى في مقام العبادة، فأشرك معه غيره، كأن يعبد الأصنام. • إذا أنكر توحيد الله تعالى في مقام الفاعليّة، كأن يقول بأنّ المؤثّر في الحوادث غير الله تعالى. • إذا قال بالجبر، أي بأنّ الإنسان مُجبر في ما يفعل. • إذا قال بالتفويض، أي بأنّ الله تعالى فوّض إلى عباده وجعل لهم الاختيار المطلق. |
وعن موضوع التكفير برجع وبعيد انا قلت هاد كفر وما كفرته للزلمة ...
بتمنى تكون وصلت الفكرة |
وفسر الماء بعد الجهد بالماء..
|
طيب معليش اسمحولي اوضح شوية أمور
للأسف النقاش بمعظم حالاته بتحول من مجابهة افكار لمجابهة شخصية بين الطرفين اللي كل واحد بيعتبر انو افكارو الصح النقاش هون تحول لقتال مو نقاش المفروض كل واحد يحكي حكيو و يحط ادلتو و براهينو عا افكارو و يشوف براهين الشخص الأخر و ينقضها اذا كان عندو دليل عا غلطها مو انو يتجه لمواجهتو و معاداتو الشخصية عوضا عن انو يواجه افكارو و ارائو كل واحد مننا حر برأيه بالحياة الأنسان مخير و ليس مسير عا رأي الدين و العلم و ما بيصير انو نعادي شخص او نكرهو لمجرد انو افكارو ما بتنطبق مع افكارنا فالشي اللي ما منتفق فيه هوي الأفكار مو الشخص بحد ذاتو بتمنى تكون وصلت الفكرا |
شو هالمدعي المجنون :pos:
اذا كان عن جد مؤمن بالله كان بيعرف انو لازم يسعى برزقه لحتى الله يرزقه وبالتاكيد ما لازم نلخبط بين التوكل على الله والتواكل على الله الي بده كل شي يجي لعنده جاهز بدون اي مجهود |
اقتباس:
|
اقتباس:
|
اقتباس:
ما هيك!!!! |
اقتباس:
صرنا نشوف هون كمان دعاوي بهدر دم الناس!! ذكرتيني بطالبان وجماعة بئس المصير على فكرة! اي اي نفس الشي.. بيهدرو الدماء عالطالعة والنازلة اذا شي حدا عمل او قال شي ما بيرضي قناعتن مشان يصير عبرة لمن اعتبر، هالطريقة اثبتت نجاحا عندن لأنو مثمرة أكتر من النقاش "العقيم"، أصلاً ليش ليقعدو ويحاورو الناس؟ الانسان ما انخلق ليفكر ويعبر عن رأيو، الانسان انخلق تينساق.. عشنا وشفنا |
لك شبكن انبحتّو فرد بحتة.....وكأنو مالكن مصدقين ....
رجعتونا سنين لورا....:frown: ياعمّي دورو على اللشي اللي بيجمعنا ....... |
فادي فادي فادي
انت هيك معطل النقاش بدهائك (لانك بتعرف انك مانك قدي بالنقاش) خليك شجاع وتعى قر واعترف اذا كنت متفق على الجزء الاول او لاء مشان نكمل للجزء للتالي . |
رح أحكي كلمة صغيرة.....
كمؤمن بالله.... بحب الله كتير ....و بعزّو أكتر من أبي و أمي و أولادي و أقرب أقربائي... ولمّا بشوف هون بالصين بيعبدو تمثال...مالي علاقة ....هنن و عقلن... ولمّا بشوف بعض الاشخاص بتقدّس بعض الشخصيات الغابرة أو المعاصرة كمان بقول ...يصطفلو...مالي علاقة ... منرجع لـ الله.... لما بقول انو انا بحبّو كتير و بحترمو و بعزّو أكتر من أكتر شي بالدنيا ...بهالحالة اللي بيسب الله كأنو عمبيسب شي بيخصني .......واللي بيستهزء فيه ..بيكون عمبيستهزء بعقلي و تفكيري و ديني.... اللي بيرضى ينسبّ أبوه أو أمه ...مو مشكلة يقعد يسبّ على مولانا و حبيبنا.... طيب بنجي للشباب الحميانين وبدّن يهدرو دم و مابعرف شو.... هدّو شوي...الله كبير..أكبر من أكبر شي...ومارح يتأثر بهالكلام......... منجي للشباب الحميانة اللي نازلة مسخرة و استهزاء .... بدكن تطولو بالكن و تاخدونا على قد عقلنا .... وروقونا....:D |
طبعاً ما اتفاجئت أبداً بالتكفير والدعوة الطالبانية إلى إهدار الدم لأي أحد يخرج عن سياق القطيع.. ويمكن كنت بتفاجئ لو صار غير هيك..
بس عندي تعليق على ماورد ببعض مشاركات الاخت الفاضلة لولو جازاها الله كل خير.. هل هناك نص بكل الفتاوي التي أتيتي بها من مصادر لانعلمها ولم تذكريها يسمح لكي بأن تصفي كلام أحدهم بأنه كفر وأنت لست بمخولة بمثل هذه الأمور؟؟ ثم كيف تقولين عن كلام أحدهم أنه الكفر بعينه وقد حرم الله ورسوله تكفير البشر دون البينة واجماع اهل العلم؟؟ هذا والله من وراء القصد وهنا مقتطف أعحبني من الفتاوي: اقتباس:
|
اقتباس:
بتعرف شو ذكرني هالموضوع؟؟ من اكتر من سنة نزلت موضوع بالمنبر اسمو من هو الله وكان اخر موضوع اذا انتبهت بنزلو عن شي قريب عالدين "بناءً على التابو العربي"... المهم أخي وافقناك على أول قسم واتفضل انقول للتاني خلصني صرلك من مبارح ناطر موافقتي حسستني اني رئيس الوزراء أبو نجبو حبيبنا انت اذا حسيت حالك انزعجت فيك تعتبر انو الله يلي عم ناقش فيه أنا غير الله تبعك.. واذا مابدك تعتبرو هيك فيك تقرب القصة اعتبر انا عندي سيارة مرسيدس وانت عندك سيارة مرسيدس.. انت مابتحب تحكي عن سيارتك ومقتنع فيها على عماها.. وانا بحب ناقش اي شي بيخص سيارتي وحلل كل وضعها.. بهالحالة بيصير عندك حلين اما انك ماتسمعني وقت احكي وتدير وجك... واما تسمعني وتناقشني دون ماتعتبر حكيي عن سيارتي هو اهانة لسيارتك.. باعتبار حقي احكي وحقك تناقشني واحلى ابو نجبو عالبيست :D |
بالعكس تماماً....انا معك على طول الخط فود....
مو المشكلة عندي ياصاحبي....المشكلة انو رح يتسكّر الموضوع قريباً ازا بقي على هاد المنحى.... وانا من ناحيتي عاجبني الموضوع ومالي حابب يتسكّر بسرعة ....:lol: اما عن دعوتك لتفصيل الالهة لكل واحد....انا مالي معك ..ابداً... طاول..جداً... لانو انته بالاصل ماعندك الله تحكي عنّو.... ولمّا بتكون هيك..... معناها رح تحكي على الهي أنا....وهيك بنرجع لنفس الدوّامة.... واحلى فادي بالدنية :D اقتباس:
|
اقتباس:
واحلى وردة الك سيادة رئيس الوزراء . هلئ رح ارجع اجيب من عند ما توقفنا ، بس رح اتاخر شوي مو متل امبارح لانو امبارح بلشنا من الساعة 2:30 فكان تركيزي بالكامل هون (اذا تأخرت بالرد لاتقلق ) روح نام وانا لما خلص رد رح ابعتلك مسج . |
بدي احكي بخصوص اهدار الدم ... بتمنى يقراها كل مين شارك بهالفكرة
انا من الناس يلي كان ايمانها بالله كتير قوي ياجماعة لدرجة اني كنت صلي الفرض اكتر من مرة لحتى ركز بصلاتي ويتقبلها مني سيد الخلق... مضيت فترة من الزمن صرت ما صلي فيها يعني صرت قول "وبعدين لايمتى بدي صلي مليت زهقت مافي شي عم يتغير بحياتي وما عم حس انو الصلاة هي جزاء للاشياء كتير كنت اعملا وصوتي كلمالو عم ينبح من كتر الدعاءو ما عم شوف انو عم يتحرك ساكن حوليي ... بدي نوه لشغلة قبل ما كمل " انا ما عم حرض حدا عالدين بالمرة لانو عالرغم من انقطاعي عن صلاتي بس بغار على ديني وبحبو بس ما عم أدي الشعائر تبعو نهائي " بلشت قطع بصلاتي وبعدين قطعت الصلاة من حياتي نهائيا .. طبعا بلشو كل للي حوليي يتشاطرو عليي على اساس هني ائمة الايمان والتزهد .. وبلشو يكفرو بدين ربي ويقلولي هالجملة المعتادة والمعروفة " الفرق بين المسلم والكافر ترك الصلاة" يعني بالمختصر عملوني زنديقة كرهوني بالدين وساعة الدين صرت اكره كل شي اسمو شيوخ ويتنكرز بدني كلما اسمع القران ... الكل بيقلي انو هاد الشيطان راكب عليكي وما عم يتركك .. بس انا كنت دايما قول هي نتيجة التسرع بابداء الاحكام السفيهة يلي عم يطلقوها عليي ولا زالو .. يعني بيتشاطرو عليي لمجرد انون عم بيصلو كل يوم بيطجو خمس مرات وبيعملو السبعة وزمتها بس بيصلو ..يعني ح يفوتو عالجنة انشالله ... الحاصلو : انو انتي يا لولو حتى لو كنتي مؤمنة ما بيصير تفتي هالفتوة حتى لو كانت صحيحة لانو المرتد يلي هوي المرتد يلي حكمو كمان القتل قبلما يقتلوه بيضلو يحاوروه ويحكوه بالحكمة والموعظة الحسنة هاد المرتد كيف ازا كان واحد مأفعة معو طبعا انا ما عم دافع عنو بس كان بيقدر هوي كعبد يتبرى من المعبود تبعو ويشوف حياتو متلما بدو بلا هالعي والمعمعة كلا... ولانو لا اكراه ففي الدين يعني مو بالغصب بدو يتدين كمان لكم دينكم ولي دين ما هيك ;) |
| الساعة بإيدك هلق يا سيدي 15:16 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون