لأول مرة في سوريا: دعوة قضائية ضد الله
في أغرب دعوى قضائية من نوعها في العالم ، تقدم مواطن سوري من منطقة دوما بريف دمشق يدعى عبد الرزاق عبدالله بدعوى قضائية إلى محكمة البداية المدنية بدوما ضد الله طلب فيها دعوة المدعى عليه للمحاكمة وإلزامه من حيث النتيجة بتسليمه الرزق الذي خصصه به الله .
وقد جاء في حيثيات الدعوى كما رواها صديق لي كان حاضراً عندما تقدم السيد عبد الرزاق بدعواه المذكورة إلى قاضي المحكمة: المدعي : عبد الرزاق عبدالله. المدعى عليه : الله. موضوع الدعوى : لقد خلقني المدعى عليه الله قبل أربعين عاماً من والدين فقيرين ماتا قبل أن أبلغ العاشرة من عمري، فنشأت وتربيت يتيماً وفقيراً لا مال عندي ولا بيت. ولما كان المدعى عليه الله هو الذي خلقني فهو بالتي مكلف بتأمين رزقي وإعالتي بدليل قوله في كتابه الكريم : " نحن خلقناكم ونحن نرزقكم " ، إلا أن المدعى عليه رغم مضي أربعين عاماً على ولادتي لم يكفل لي الحد الأدنى للمعيشة مما اضطرني إلى حاجة الناس حتى ركبني الدين. ولما كان المدعى عليه قد أكد في القرآن الكريم وعلى لسان نبيه الأمين أ، :" رزقكم في السماء وما توعدون " وقد احتفظ المدعى عليه بهذا الرزق المخصص لي بموجب ذلك النص بدون وجه حق، ولم يسلمن إياه رغم المطالبة المستمرة له مع الدعاء له كل يوم وكل ساعة. ولما كان المدعى عليه "الله" قد أعطى غيري من الرزق الكثير بما يفوق حاجته ، بحث ترى أن هناك من يملك الملايين والكثير من العقارات والسيارات ويدوخ يومياً مما لذ وطاب من المأكل والمشرب ، بينما أدوخ مع الكثيرين من الجوع والعطش. وبما أن أسمي هو عبد الرزاق وعبد الله فمعنى ذلك أنني من عبيد المدعى عليه وبالتالي فهو مكلف بإعالتي ، لأن العبد وما ملكت يداه لسيده. لهذه الأسباب وغيرها فإنني أطلب: 1. دعوة المدعى عليه للمحاكمة. 2. إلزامه بإيداع رزقي الموجود لديه في السماء إلى أقرب بنك . 3. تضمينه الرسوم والمصاريف. قرأ القاضي استدعاء الدعوى ، وقد بدا عليه الاندهاش والغرابة من مضمون هذه الدعوى الأولى من نوعها في العالم ، ثم قال للمدعي هذه الدعوى ساقطة بالتقادم القصير والطويل، فلماذا انتظرت كل هذه المدة لتتقدم بهذه الدعوى . فرد عليه المدعي على الفور :" لا لا لم تسقط هذه الدعوى بالتقادم يا سيدي لأن التزام المدعى عليه هو التزام مستمر ويتجدد يومياً . دُهش القاضي لهذا الجواب ، ثم سأل المدعي لكن لماذا لم تتقدم بهذه الدعوى من قبل إلى القضاة الذين كانوا قبلي في هذه المحكمة؟. أجاب المدعي : يا سيدي إن القضاة الذين سبقوك كانوا يخافون من المدعى عليه ، وعلمت عندما أتيت إلى المحكمة أنك لا تخاف من المدعى عليه. ذُهل القاضي من جواب المدعي. والتزم الصمت لبرهة، عندها شعر المدعي أن القاضي لن يوافق على دعواه فخرج من المحكمة تاركاً القاضي في حالة ذهول وحيرة مما قاله المدعي. كلنا شركاء |
بغض النظر عن الجانب الطريف بالدعوى الجريئة بس بناءً على حيثيات الدعوى وحيثيات كتير تانية أنا برأيي كان يجب على المدعي المطالبة بعدة أمور تانية مثلاً:
وقف الإعتراف بالله كمعبود للبشرية وقف الإعتراف بشرعية الله في التصرف كما يحلو له وقف الإعتراف به كحاكم عادل وتبرير كل أخطائه تحميله كامل المسؤولية عن الكوارث التي تحصل في هذا العالم باعتباره معترف بأنه المسؤول وأن كل شيئ يحصل بأمره السماح الفوري للشعوب بطرح ملف الله على طاولة الحوار دون تدخل من جماعة وبئس المصير |
لك شوهاااااااااااااااااااااا اااااااااااااااااااد استغفر الله العظيم هاد هو الجهل بعينه
|
يا حرام!!!!!!!!!!!!!!!!!!!!!!
|
والله يا شريكي كلو بيصير...
بس انو هاد الانسان قديش فقعان لحتى عمل هيك؟ |
اذا بتصير الدعوى دعوى حق عام باعتبارها بشكلها الحالي دعوى حق شخصي لازم ينضاف عليها بند:
تحميل المدعى عليه المسؤولية المعنوية والمادية عن وصول الشعوب العربية إلى الدرك الأسفل من التخلف والإضمحلال الفكري |
بدو الله يبعتلو أكل وشرب وتياب وبيت وهو قاعد حاطط يدو على خدو !!
بهيك وعد الله العالم ؟ انو كل واحد يقعد بمحلو ويستنى الرزق من السماء!!! حكى واحد مريض عقليا غير سوي التفكير ، هاد الفرق بين الملحد وبين متبع الدين اللي عقلو ضعيف ، الملحد بيعتمد على حالو وبيجتهد وبيتعب مشان يحقق اهدافو لانو على يقين ان الله مو موجود ، اذا ، مارح يستنى مساعدة من حدا مو موجود . اما متبع الدين ضعيف العقل ، بدو يقعد محلو ولايتعب ولايجتهد ويستنى الله ينزل من السماء عليه مائدة فيها من الطعام ما لذ وطاب !! اسعى يا عبد وانا أسعى معك "هيك علمونا" في فرق بين التوكل على الله وبين التواكل على الله ، المتواكل لن يحصل على شيئ . |
القاضي ما بخاف الله ......ملعوبة
:D |
اقتباس:
لأنو باعتراف الله انو هو يتحمل المسؤولية الكاملة عن البشر.. فإذا هو معترف بالمسؤولية وفي تقصير من جانبو بهالمسؤولية اذا في حلين اما بيتحمل مسؤولية الاعتراف بالتقصير اتجاه البشرية جمعاء وغالبية الافراد على وجه الخصوص.. اما منقرر نحنا انو هو غير كفوء او غير موجود او غير شي شغلة.. بس بالشكل الحالي هو مسؤول عن اي مصيبة تحصل باي مكان في العالم ولأي شخص |
اقتباس:
لو انت غني وكان عندك مليون دولار وانا سرقتك ، شو مسئولية الله عن هالعمل ؟ وين قال الله انو رح يجبلك اكلك وشرابك وتيابك ويحميك ويدافع عنك ويعمل مشانك كل شيئ وانت قاعد حاطط يدك على خدك ؟ وين قالها وباي كتاب من الكتب السماوية ؟ نقطة اخرى ، شو هي هالمسئولية الكاملة عن البشر ؟ ووين هالوعد بالمسئولية الكاملة ؟ |
مدري ليه حاسس القصة مفبركة ما قصدي عليك VivaSyria قصدي عن الكاتب
يعني هيك قصة مابتفوت للعقل يمكن كان قصدو الكاتب يلمح انو القضاه مابيخافو الله او هيك شي بس مابظن ولا كانت انطبلت الدنيا بهالقصة وخصوصا قناة العربية كانت من هون لشهر ضلو يحكو فيها |
انا كنت متلك ماني مقتنع بالئصة كلها بس فادي خبرني انو الخبر ناقلاه كتير من المواقع الاخبارية مو بس هالموقع
|
اقتباس:
وقت يقول انو اباد شعوب كاملة لانو زعجتو واحد بالالف من يلي عم تعملو اسرائيل بيكون عم يناقض حالو او عم يسلبها ويقض مراجل علينا... وقت بيقول انو بيكون اخد اسماء لحالو " العادل والحكم والمدري شو" وعلى الارض مايطبق شي من اسمائو بسبب تسلاية يوم الحساب وبعدين بورجيكون بيكون الوضع تسالي... وقت بيقول انو الريح بأمرو والمطر بأمرو اذاً بيتحمل المسؤولية عن الفيضانات يلي بتضرب البلاد الفقيرة والمجاعات بافريقيا.. هو ورط حالو مو نحنا وبناءً على اعلانو لمسؤوليتو الكاملة عن كل شي اذاً بيستحق تنرفع عليه دعاوي "بالمعنى المجازي للمسألة" |
اقتباس:
بكل الاحوال نحنا هلأ صار نقاشنا حول مضمون الدعوى "المفترضة خلينا نقول" مو حول حصولها من عدمو لانو ماننا مخولين ننفي او نأكد انما نحنا عم نناقش خبر ورد بالمواقع الاخبارية |
اقتباس:
انا بقلك ان مسئولية البشر تقع على البشر فقط مو على الله ، هلئ لما بقتلك بكون انا المسئول مو الله هاد اللي بدي اقولو ، لما مابشتغل ومابدبر أكلي بكون انا المسئول عن جوعي مو الله ، هاد اللي بدي قولو ، بالمناسبة بخصوص الدعاء ، الدعاء الو شروط مو هيك . لما مابشتغل ومابدير أكلي بكون انا المسئول عن جوعي مو الله ، ومابيطلعلي اسال الله وين أكلي ؟ انت قلت انو رزقي عليك ، نقعد كلنا ببيوتنا وما نعمل شيئ ابدا والله رح يرزقنا (معقول هاد !!) هاد اسمو تواكل مو توكل . بخصوص باقي ردك كلو بعيد عن صلب الموضوع وفكرتو "خليه مؤجل لنقاش اخر بيني وبينك مشان ما اتشتت" ابادة شعوب كاملة والريح والمطر ومدري شو ما موضوعنا هون خلينا بئصة هالزلمة وقضية رزقو على الله ومسئولية الله عن هالرزق وهيك . |
استغفر الله العظيم
شبو هاد جن لا تعليق.... |
اقتباس:
الزلمة قلك انا طبقت الشروط المذكورة ومأمن بالله وعم ادعيلو وعم اشتغل يلي بقدر عليه وماعم يستجيب شو بيكون الوضع؟؟ ما بتعرف واحد بيشتغل 18 ساعة باليوم ورزقو قليل جداً؟؟ وفوق البلا بيكون صايم مصلي؟؟ ما شفت الشيالين بالمينا؟؟ ماشفت الزبال "مع احترامي الشديد" يلي هلكان يعيشتو؟؟ اذاً هاد مو تواكل وانما توكل بمفهومك للمسألة.. وبناءً عليه في تقصير من الله برجع بأكد بناءً على الوعود يلي هو اخدها على حالو وعلى الوفاء من قبل البشر لإلو.. |
اقتباس:
طيب رح اعتبرك موافق على النقاط اللي بتتركها :o الانسان اللي بيخطأ مسئول عن خطئو ، لما بقتلك بكون انا مسئول مو الله ولما بسرقك مالك بكون انا المسئول مو الله وممكن تكون انت كمان مسئول اذا ما خبيت مالك بمكان امين . لما ما بشتغل وبقعد ببيتي وما بلاقي اكل بكون انا المسئول عن جوعي مو الله ، لهون متفقين . اذا لهون متفقين رح كما معك بردك السابق ، مشان يكون لنقاشنا ثمرة ، ما يكون جدل بيزنطي ورح كمل معك بالحالات الجديدة . |
اقتباس:
|
انا برأيي انو الكلام هاد بخلينا كمان نطالب بمحاكمة كل المشتركين بالجريمة هي ..من رجال دين و غيرون
|
اقتباس:
اقتباس:
اقتباس:
اقتباس:
هاموش زعير " انا حكيت كل هالكلام بعيد عن فكرة الدين لاني مو من جماعة العمامة عالراس منوب لا يروح فكرك لبعيد ها :D الك |
جوفيا برجع بقول نحنا عم ناقش الموضوع بالمعنى المجازي للمسألة بدون مانفوت بتفصيل كيف بدو يجيبو للله وانو دورية شرطة يلي بدها تشحطو ومن وين..
النقاش محورو أحقية الناس يلي لبت الشروط يلي طلبها الله والله ما التزم بوعدو اتجاهها بحجة الوعود المفترضة والهدايا يوم القيامة وهالقصص... يعني بسيطة القصة واحد قلك انو انا بتحمل مسؤولية كل شي من النملة للزلزال وكل شي عم يصير غلط فبدك تحمليه المسؤولية وماتخافي حتى لو هو اقوى منك.. |
اقتباس:
(ولا ما عندك كرم :pos: ) ما احلاني وانا بحرجك :lol: ، المهم اتفقنا على مسئولية البشر على افعالهم وتقصيرهم ؟ مشان نفصل بين هالحالة وبين الحالات الجديدة اللي حبستني فيها ، مابيصير توجهلي ضربات ضربة تلو الضربة هيك ، خلينا نسكر الضربة الاولى مشان نتفرغ لضرباتك الجديدة ( والله ضرباتك الجديدة أقوى وهلئ مابعرف شو بدي قول ، مشان هيك بحكي بالضربة الاولى :o ، انا لو عندي حكي جديد كنت كملت . اوك نحكيلك عن العدل الالهي وبالاخص مع حالة هالزلمة اللي رافع الدعوى وكل من على شاكلته ، اما موضوع الغني والفقير والجنة والحوريات رح فكر فيه (ممكن احكي فيه ممكن لاء مافيني اوعدك ) |
للأسف الفضية خسرانة . و المتهم برئ من كل ما نسب اليه من اتهامات . و رح وضح ليش .
اقتباس:
من الواضح أن هذا الافتراض خاطئ و مرفوض ذلك أن المدعى عليه قد بين في كتابه الكريم عدم التزامه بأي علاقة تعاقدية من هذا النوع في قوله تعالى: " الله يبسط الرزق لمن يشاء ويقدر وفرحوا بالحياة الدنيا وما الحياة الدنيا في الآخرة إلا متاع" و بالتالي لا يترتب صفة السداد و الايفاء على الارزاق التي يفترضها المدعي. اقتباس:
جاء في القرآن الكريم : "ولسوف يعطيك ربك فترضى " المدعى عليه تعهد بايفاء الالتزامات بشكل يرضي المدعي , و هذا لا شك فيه , الا انه لم يحدد موعد السداد و الايفاء , قد يكون اجلاً او عاجلاً . و من وجهة نظر قانونية لا يحق للمدعي الطلب باستعجال التسديد نظراً لعدم ورود بند يمنح المدعي الحق بالاستعجال في التعاقد المفترض. اقتباس:
لهذه الاسباب تعتبر الدعوى مرفوضة شكلاً و مصموناً و يجب الحكم بطيها و ايداعها مزبلة التاريخ بالاضافة لتضمين المدعي الرسوم و المصاريف :lol: |
عزيزي فيفا سوريا :
بتمنى بالاول ما تاخد على كلامي اي هجوم شخصي لانو كان كلامي موجه لشخص المغفل للي رفع القضية لكن كلامي للي قلتو كان تعقيب على الكلام للي انت ضفتو كراي شخصي انت متبنيه وكتبتو باسمك هون اول مشاركة اانا مابدي فوت بمواضيع اخرى بس متلما العلماني او المسيحي ما بيحب حدا يمس مقدساتو فهيك المسلم ولح حطلك هالجملة تحتا خط انا مو مؤمنة ولا من للي بيجاهدو ولا من حملة الراية الاسلامية والشهادة .. عالرغم انو ديني الاسلام بس حكيتك من منطلق العقل لاغير انا عم بحكي لارضي ضميري وحاكي المنطق يلي صاحب الدعوة ما كان عم بيحاكي قضيتو لا بمنطق ولا من يحزنون وردة الك viva:D |
اقتباس:
يعني انت بتقصد انو المدعى عليه اعتمد اسلوب المراوغة والاحتيال بالعقد الاساسي... وانو فتح باب التبرير والتأخير بالوفاء بالالتزامات,, وحتى برر لحالو عدم الوفاء بوعوده بحجة انه الاقدر على توقيت الوفاء بهذه الوعود.. وكمان المتهم عليه حق ادراج شروط متناقضة ضمن الصيغة الاساسية للعقد يلي بدنا نعتبرها القرآن.. وفينا نضيف بند للدعوى اسمو التوقيع تحت الاكراه.. بحيث انو المدعى عليه هدد من لم يوقع "يؤمن" بالحرق والسلخ والقلي والشوي فاذاً الدعوى هيك صارت دعوى نصب واحتيال وتسويف وتزوير واستعمال مزور وتهديد مباشر للبشرية :gem: |
لك بالله جد :o
|
شو مشان القتل العمد ...و ارتكاب مجازر ضد الأنسانية
" الم ترا ماذا فعل ربك بِعاد * ارم ذت العماد * التى لم يُخلق مثلها في البلاد " |
اقتباس:
هاد غير اتهامو بسياسة الكيل بمكيالين مثلاً وليش حاسب قوم لوط وماحاسب اميركا واسرائيل.. وليش بعت طيور الابابيل لاسباب اسخف بكتير من يلي عم يصير اليوم دخلك بتعرفلي وينو محمد ابراهيم؟ :p |
مدري ليش حاسس هالموضوع لازم ينحط ب عالطاير
عن جد مسخرة قال القاضي ما بيخاف الله يلعن ديبك و ديك مواضيعك اي :lol: |
بس أول شو الإثبات أنو المدعى عليه فعلاً تعهد بكل المذكور بالدعوى؟ (طبعاً عم نحكي عن إثباتات مادية مو إيمانية باعتبار أنو الدعوى مرفوعة أمام محكمة أرضية مو محكمة سماوية) أو أنو المدعي ما يكون فسر كلام المدعى عليه بغير ما كان بيقصد، وإذا هو معترف أنو عبد للمدعى عليه فمن ايمتى العبد إلو حقوق يطالب فيها عند صاحبو
|
القصة بتضحك وبتبكي ... بس اللي رح يربح الدعوى هو الجهل متل العادة!
|
الله شيء اخترعناه لننسب له كل نجاحاتنا و ننسب لأنفسنا كل فشلنا
و احيانا بيصير العكس و هاد هيك صار معو الله لا بيقدم و لا بيأخر أنت بتساوي كل شي بي ايدك و ما حدا الو علاقة بشي |
اقتباس:
وبتغفلني هون وبتغتابني :pos: لما اشوف اخرتها معك ، انا معك بهالموضوع انشالله ناخد شهر نقاش ، |
هبل من نوع اخر ...;)
|
طيب سؤال كنت بدي اسالوا ياه للمدّعي لو كنت محل القاضي هو ..
مين الله ؟ :? |
عفوا .. من الجميع .. ما بتوقع انو من حق اي حدا يناقش مواضيع دينية .. وبتتعلق بالكتاب الاساسي للدين .. هون والمسخرة عليه بنوع او اخر من طرق الكلام ..
رجاء احترام .. قوانين المنتدى .. ومناقشة القران او غيره من الكتب .. ما حدا طلبها منك .. ولا طلبنا منك انو تآمن فيها .. :D |
ومن القهر والتعتير ما فعل :pos:
|
طب إنو إذا كل العالم بدو يكون معها مصاري وكل العالم بدها تكون عايشة بنفس المستوى المعيشي مين بدو يشتغل بالتنضيف ومين بدو يشتغل بالميكانيك ومنين الواحد بدو يجيب عمّال |
|
الساعة بإيدك هلق يا سيدي 08:35 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون