الحكم على رئيسة مجلس مدينة حمص بالحبس ثلاثة أشهر
 

أصدرت محكمة بداية الجزاء الأولى بحمص يوم أمس قراراً يقضي بحبس المهندسة ناديا كسيبي بصفتها الشخصية لمدة ثلاثة أشهر لارتكابها جرم إساءة استعمال السلطة المعاقب عليها وفق المادة 361 من قانون العقوبات العام , وإلزامها دفع مبلغ مائة ألف ليرة سورية كتعويض للجهة المدعية .

وكانت رئيسة مجلس المدينة قد تعرضت لثمانية دعاوى قضائية من المدعو ( عبد الناصر ناصيف ) على خلفية الإشكالات المتعلقة بالعقار / 955 / من المنطقة العقارية السادسة بحمص .
ويدعى عبد الناصر ناصيف ( أحد مالكي العقار 955 ) بأن رئيسة مجلس المدينة قد سهلت قيام مخالفات عدة على العقار من قبل أحد مالكي العقار الآخرين .
وجاء في حيثيات القرار المؤلف من عشر صفحات أن المدعى عليها ( سمحت له بتغير معالم العقار وإنجاز متنزه أبو سمرة الذي لا وجود له حيث قام المخالف ببناء تراسات وشلالات وبناء بيتون مسلح وزراعة الأشجار والورد وتبليط الأرضيات ) رغم وجود مجموعة من الكتب الموجهة من وزير الإدارة المحلية لرئيسة مجلس مدينة حمص والقاضية بإزالة هذه المخالفات .
وورد في حيثيات القرار ثبوت " أن رئيسة مجلس المدينة لم تقم بهدم المخالفات رغم أن وزير الإدارة المحلية والبيئة المهندس هلال الأطرش قد وجه كتاب يشير فيه إلى أن الأعمال التي أنجزت على العقار 955 هي مخالفة .... وحيث أن المدعى عليها بصفتها الشخصية لم تقم بإزالة المخالفات مما يؤكد قيامها بإساءة استعمال السلطة الممنوحة وإعاقتها تطبيق القوانين ".
الجدير ذكره أن هذا الحكم هو سابقة من نوعها قي القضاء السوري بحق مسؤول ( بهذا الوزن ) وهو على رأس عمله .

معقول تشتي بآب وتتلج عالدنيي كلا والشمس بلحظة الغياب توقف جمعة بمحلا
مستحيييلللللللل
يعني شوف شو هي حيثيات الموضوع
والله ما عمتدخل براصي

شو القصة ! :?
معئول و أنا نايم مرق شي 100 سنة وصارت بلدنا بلد .؟

:o الله يبشركون بالخير
تحية الى عبد الناصر ناصيف

والله يا صطيف .. ما بعرف

ما بدنا نكون متشائمين كتير .. وعم ننكر افضال البشر .. ونقول انو هي مجرد حركة لأنو الزلمي مدعوم ..
وليك صراحة انا ما بعرف الجوز .. بس بعرف انو شعب حمص بيحكي على المخلوقة ..
وازا بدنا نعتمد على الشعب .. ما في حدا منيح

وما بدنا نكون فرحانين كتير .. انو نجي لهالدرجة ونقول راح الفساد وبلش عصر جديد ومدري شو ..

يعني شغلة دوخة ..
بتعرف شو .. انا ماني زعلان لأني ما عم بقدر فرّق بين انو الحكي متل ما قال احد المعلقين " مكافحة مكافحة الفساد " او هوي مكافحة الفساد فعلا ..

بس زعلان عالزعزة النفسية اللي صارت عنا .. لدرجة انو صرنا نشكك بالاشيا اللي مبينة صح ..



* هاموش
في هيك شي .. والله انتي متفائل ها

يمكن معصلجة شي مشروع :larg:فا مشرعولها المشروع :larg:منشان يعرفو يمشرعو امشاريعهم الممشرعة :larg: لسى في أمل لاحدى ينصدم
وطننا حلو ونحنا منحبو ........................ وكاسك ياوطن

عقبال المحافظ

بس ترى فيه اشاعة انو رح يصير رئيس الوزارة ترى هيك سمعت

تف من تمك يا عمي

الله لا يسمع منك قال رئيس الوزراء قال

منعرفو منيح لمحافظ حمص مين هو...

المهم خيو انا متفائل بحذر
وبتمنى يكملوا هيك وما يطلع شي خبر بعد يومين شي خبر يقهرنا

والله حيووووووو مكافحة الفساد

ليش هلأ هوي ما رئيس وزراء؟
اي والله رئيس وزراء ..

وأعز

ناديا كسيبي ؟؟ :? كانت زبونة مكتبنا بحمص ....:o
بس رح يعفوها من منصبا او شو ؟ مانن زاكرين شي بهالخصوص ..

له يا مريومة انت بتعرفي بيت كسيبي بحومص وشو يعني العلئة مع آل الكسيبي
بس تأكدو يا أخوتي أنو هي معركة بين المحافظ ورئيسة مجلس المدينة (ناديا كسيبي) يلي انشاله هي بتكسبا
وما في شي من كل شي عمتفكرو في
يعني كل الشغلة تضارب مصالح ولووووووووووووو

ايييييييييييه يا وطني ... عم تتقدم بسرعة الصاروخ ... بل اكسر من زالك هع

اذا ضلينا على هالوتيرة وهالقفزات هي ... كم شهر تانيين منسجون وليد المعلم

وبعد سنتين تلاتة منرفع دعوى عالرئيس ومنحبسو ...

تخيلو ... والله (فله) على قولة اخواننا في السعودية