|
المرأة والعمل .... بين الطموح والاستغلال
لطالما كانت المرأة عبر التاريخ شبه مهمشة في الاعمال والاشغال مقارنة مع الرجل اذا كان عليها القيام بواجباتها المنزلية وتربية الاولاد ......
بينما الرجل كان عليه العمل والتقديم للاسرة وكان هو المسيطر في كل شيء وكان المجتمع يعيش في حالة ذكورية متسلطة ... لكن في القرن العشرين ظهرت المرأة بوضوح في المجتمع واثبتت انها قادرة على العمل مثل الرجل وبناء المجتمع .... وهذه الحركة ظهرت ايام الحرب العالمية الثانية عندما دخلت المرأة في العمل بشكل جدي واصبحت تنوب عن الرجل الذي كان في ساحات القتال ...... نزلت المرأة الى الشارع معه وقدمت ما لم تقدمه في وقت من الاوقات .... وهذا حصل غالبا في اوروبا واميركا تحديدا .... لكن السؤال يبقى هل كان الظرف هو الذي دفع المجتمع الى هذه النقلة .... او كان مجرد استغلال للمرأة من قبل المجتمع ........ علما انها استطاعت ان تكمل المشوار مع الرجل وما زالت معه وحتى اصبحت تنافسه.... |
اقتباس:
انا بشوف انو المرأة بتقدر تعطي كتير للمجتمع اذا حطيتها بميدان العمل الصحيح (مش المعنى انو نقيد اعمالها ولكن ما نظلمها) لانو مش من العدل انك تقول لمرأة قودي حرب!! لانو مشاعرها وعاطفتها اقوى كتير من الرجل اضافة الى بناء جسمها اضعف من الرجل (باستثناء المصارعات :lol:)! so اذا حطينا المراة في المجال الصحيح (والمجال اللي هي بتحبو) المجتمع رح يستفيد كتييير لكن انا ضد انو يكون العمل احتكار على جنس معين..ويصير المجتمع العامل كلو نساء :o او كلو رجال! وشكرا عالموضوع :D |
اقتباس:
بس يللي بقصدو كنت الظروف اجت مساعدة للمرأة انو تنهض بالمجتمع ... يعني الحاجة دعت لهاد الشي ... طبعا كلنا منعرف انو عبر التاريخ كانت النساء باوقات الحروب هي المسعف وهي يللي تامن شغلات كتير للرجل ... بس ايام الحرب العالمية الاولى والتانية بالاخص دخلت على مجالات اوسع متل المصانع والمعامل وحتى الحياة العملية بشكل كامل تقريبا ( لقلة وجود الرجال ) فهاد كان متل حاجة و استغلت هي الحاجة وبعدها شاف المجتمع انو قادرة المراة تاثبت وجودها فاعتمد هالشي ... او انو حان الوقت يللي المرأة تنهض فيه بوجه الاستغلال الذكوري وتاثبت وجودها وهي قدرت تستغل الظرف ... يعني تساؤلات كتيرة حول الموضوع ... وشغلة تانية .. في هذا الوقت هل صارت المرأة بالمجتمع العربي قادرة تنافس الرجل او بدها وقت اكتر بعد .... لانو متل ما منعرف في كتير عننا من الرجال الشرقيين بينظروا لهاد الموضوع من عقلية رجعية او من غيرة او تهميش لوجودو .... اسف على الاطالة بس وجب الشرح .... شكرا:D |
أنا بقول انو الحاجة اللي أدت لهالشي .. مو الاستغلال أو التغير النوعي في المجتمع ..
بس قد تكون الحاجة هيي اللي أدت لهالتغيير في المجتمع . |
اقتباس:
يعني بالنهاية اكيد رح تحصل عليها بس انو كانت رح تاخدها كاملة او انها ستظل تناضل ؟؟ |
اقتباس:
|
و حالياً ..... بالقرن ال 21 و بعد ما صار حوالي 70 %من فرص العمل تتجه نحو النساء
السؤال يللي بيطرح نفسو : هل لازم يصير شي حرب نسائية عالمية لحتى تشغل النساء شوي و تسمح للرجل يرجع لميدان العمل ..... و يحاول يثبت جدارتو :frown: |
اقتباس:
بس مع الاسف في نساء بتقبل بهاد الشي .... |
اقتباس:
لك مو قصة نسبة دقيقة ...... هي النسبة من عندي ما في غير يلزمنا آنسة للعمل ( ذات مظهر لائق ) و الجديد .... الخبرة غير ضرورية :sick:بس مشتهي شي مرة شوف اعلان ..... يلزمنا شاب للعمل |
اقتباس:
:lol: |
اقتباس:
الآنسات .....و لا أصحاب العمل ..؟؟  |
اقتباس:
واذا بتلاحظ معظم هذه الاعمال بتكون متعلقة بالتسويق !!:o |
اقتباس:
بس في نقطة مهمة هي انو المراة لازم بعد توجه دراسي معين تشتغل على الاقل لتطبيق النظري يعني بالمنطق بعد سنين دراسية طويلة ماراح يكون لقعاد بالبيت نتيجة حتمية ومنطقية يتقبلها الواحد سواء كان امراة او رجل لكن الحقيقة المرة هي انو بوقتنا الحالي في رجال ارباب اسر مو ملاقيين شغل في حين بنات اخر زمن بوجوه مطلية عم تنتشر بشكل فضيع بعالم الشغل ومو لضرورة اقتصادية او اعالة اسرة وانما لملء وقت الفراغ ولكسب مال اظافيا للتبهرج به يعني معادلة بسيطة المراة يحق لها العمل لتثبت وجودها من جهة كالرجل ولتطبق ما تعلمته من جهة اخرى لكن ادا ماكان على حساب اعالة اسر كاملة فالاحسن انو لرجال يشتغلو لانو رجل واحد فيه يعيل اسرتو لصغيرة وعيلتو لكبيرة وقدرة تحملو اكبر بكتير من قدرة المراة على تحمل المشاكل خاصة بعالم الشغل والمراة يالي بتقبل على حالها تكون زينة فترينة محل فهي للاسف متل يالي بتتخبى ورى اخلاق سامية وحجاب لتجدب الناس بطريقة خداع بس بالاتجاه الاخر (هاي فشة غل من المحجبات لا تواخدوني) متل العادة كوستا مواضيعك رائعة خاصة لما ترد عليك نيرفانا تحياتي للجميع :D ولي رجعة |
اقتباس:
اقتباس:
هيك عم تصير استغلال للمرأة من قبل الرجل .... وبهاد الشي ما عم يضل في طموح ... بالعكس عم يموت وبالتالي الجيل القادم يللي بدو يطلع ويشوف يللي قبلو بدو يمشي على ممشاه ... بس مو الكل انما نسبة منيحة اقتباس:
اقتباس:
يمكن التنين :larg: |
اقتباس:
معناها الحق عالشعب ......... يللي عينو فارغة و ما بصدق يشوف أنثى ..... لحتى تتجلى فحولتو بأبهى صورها :frown: |
اقتباس:
|
طبعا احيانا بكون هالشي نتيجة استغلال من قبل الرجال .. بس احيانا بكون اسلوب متبع من قبل المرأة نفسها .. وعفكرا احيانا يتم استغلال الرجال لأغراض مشابهة ..
وهون دور كل شخص حسب اخلاقياتو .. وكفاءتو .. وطموحو ..وثقافتو .. انو يرفض هالشي أو يقبلو .. |
اقتباس:
ولازم يكون في توعية للمرأة حتى ما تكون مستغلة من المجتمع عموما ومن الرجل خصوصا .. بس بعتقد انو لسا بدنا كتير او شي حل جذري يغير المفاهيم ... اقتباس:
|
اقتباس:
وهالشي شايفينو بمحلات ماركات عالمية بس يفوت الواحد ويشوف الباعة من الرجال بفكرهن نسوان شي حواجب معمولة غير شكل بشرة ولا انعم مع انو رجال 100بال100 وهون متل ما قلتي بتدخل اخلاق الشخص او ماراح نقول اخلاق وانما شخصيتو لانو الاخلاق كلمة شوي كبيرة بس الحق على مين عاللحمة ولا عالكلب الراكض وراها :o...........وهاللحمة ماكانت قطعة من كتلة مين خلاها تكون قطعة منعزلة .....مخي عم يغلي فلسفة فاضية وبلا طعمة من باب البيت لاخر الشارع ماعاد البني ادم بني ادم وانما عبارة عن صورة وجيب يا تكون الصورة مفبركة وحلوة والجيب مليان يا يكون البني ادم مو بني ادم ويصير مجرد رقم او تاريخ او ولا شي :pos: |
اقتباس:
اقتباس:
وهاد نابع من قلة الوعي عند البعض .... ولازم بدورنا انو نخلي الجيل القادم ينتبه لهي النقطة لانها بكتير من مجالات حياتنا عم تضر بالمجتمع وتضر الطرفين وبالاخص الجيل يللي طالع .... |
اقتباس:
|
حكي كل يوم عم نحكي بس اغلب الاحيان بنسكت قدام الغلط وادا حكينا بنصير نحنا الغلط وادا غلطنا واعترفنا بتتسجل علينا وما بنعود نخرج عن هالدائرة (وهاد حكي عام) المراة انسان بالنهاية هي رجل بصورة اخرى يعني ان اشتغلت ولا لا راح تستغل متلما عم يستغل الرجل بس الموضوع متل ماني شايفة تحول لموضوع اخلاقي اكثر ما هو اقتصادي(اي ضرورة عمل المراة او المراة العاملة بشكل عام وحقوق المراة لانو الاستغلال=هضم للحقوق) استغلال المراة لا يقتصر عند العمل وانما يتوسع الى ابعد من دلك فالمراة تستغل يوميا من اتف الاشياء الى اكبرها دون ان يرن ناقوس الخطر لمادا لانها مشاركة في هدا الاستغلال قبلت ورضخت ببساطة اما خوفا من ان ترتد عن قالب وجدته مند ولادتها ام لانها تعودت ولم تنتبه الى ان ما تعيشه هو استغلال وغير صحيح او لان الظروف المعيشية الصعبة جعلتها تركع وتنصاع لقانون التفاهات والانحرافات واكيد انو متل ما قال كوستا لازم الاجيال القادمة يتغير مفهومها لكثير من الاشياء بس المشكلة الرئيسية هي هل نحنا فهمنا وادا فهمنا ياترى راح تنقبل فلسفتنا يالي بالاساس هي الصح والمنطقية (بخصوص المراة والرجل والمجتمع ككل ) صحيح انو لتنين :deal:............بس يا حزرك ليش اول مين ينلام المراة اول مين يتعيب المراة :pos: |
اقتباس:
|
اقتباس:
وناخد مثال كتير بسيط مراة عاملة (على اساس دارسة مثقفة واعية فهمانة المهم كلشي مهيء لتكون صالحة وبناءة بما انو اعتبرتيها نصف المجتمع) هالمراة راح نحطها بمواقف مختلفة وبالمنطق نناقش المثال الاول هالمراة نقلت مفاهيم منطقية وسطية بين التفتح والعقلانية وفتحت باب تساؤل واسع لولادها او لناس حواليها بوضع حدود خيالية للحفاظ عليهم هالمراة ماراح يعتبروها نصف المجتمع وانما للاسف راح يعتبروها مخربة مجتمع داء المجتمع مع انو هاي هي اول خطوة لبناء قوة شبابية جديدة تتارجح بين العقل والاخلاق وبين المنطق والحقيقة وراح كمان يعتبرو انو سبب هلشي هو عدم تطبيق استغلال دكوري فكري عليها مثال ثاني نفس المراة ووصولا الى مرحلة معينة وبس تفهم الدنيا صح راح يصير يا اما فلزاتها تحترق يعني تفوت بالحيط وتصير تحشش بالظهر قبل ال00بالليل وللاسف تصير مضحكة مع انو مضحكة المجتمع المنهار والمعفن هو يالي خلاها تبكي من جوة واتضحك من برى ويا اما تصير متل كل هالعالم غبية كرتونية ملفوفة بشريط احمر مكتوب عليه انا سلعة رغما عن انفي او انو ببساطة تصارع مجتمع 85 بال100منو لازمو تغيير جدري وسريع بالعقلية وهاد الشي صعب صعب ويلامس المستحيل بس بظل في امل والاخطر من هدا وداك هو انو التغيير ليومنا هدا مانا شايفين منو على ارض الواقع غير فتافيت يعني الكل بدو تغيير بس قلال يالي عم يطبقو هالتغيير يا ستي ليش ما تبلش الناس بلولاد الصغار بيني وبينك خير دليل على انو التغيير بدو قرون ليفرجينا انفو هو ولادنا بالشوارع وتربايتهن من ايمتا صار الشارع مدرسة نصف المجتمع وينو لما الولد بكون بيتسكع وهي لصقانة يا بالتلفزيون يا مع جاراتها بطق الحنك او بتكون عم تحاول تنافس لرجال وهي مانها قادرة تكون حتى مدرسة لولادها مو بقولو الام مدرسة ادا اعددت شعب راقي الاعراف يمكن غلط بس تقريبا هيك بقولو عم اقسى عالمراة مع انو انا مع المراة العاملة 100بال100 بس تكون بالمستوى المطلوب من كل النواحي |
| الساعة بإيدك هلق يا سيدي 00:10 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون