|
ابو طوني هي الك أولا :D
طيب انا مشان ما عذبك في طريقة انو نزل الصورة هي تبع الخلفية على قالب تاني خلينا نقول جاهز من قوالب البلوغ سبوت. اذا في طريقة نقدر لحالنا ننزلها بتكون زدت فضل , مافي طريقة بدي عزبك بالقالب يلي قلتلي موجود عندكومو شرط الصورة العليا تبع الهيد بس انو يكون ياخد صور مع المدونات معلش. طبعا خليها للأحد لأنو حسب مافهمت بكرا آخر فحص عندك, بالتوفيق والنجاح لالك يعني يا سين حطنا بأول الطريق وانت رجعت شحذتلنا الهمم بلكي مننشط شوي :D |
سام مافيك تاخد نفس الهيدر على ستايل غير ستايل ...
يعني بالاحرى ... كل ستايل اله هيدر خاص فيه ... من ناحية الطول والعرض... والحواف ... بدك تشوف كل ستايل .. تنزل الهيدر تبعو .. وتعدل عليه .. وترجع ترفعو على شي موقع ... وبعدين تفوت عالقالب .. تشوف رابط الهيدر القديم .. وتبدلو بالجديد |
اقتباس:
على كل اذا بدها كل هالشغل مافي ضرورة لانو بصراحة بالفوتوشوب نص فاشل انا ومارح عذبكم خلاص. بيبقى بس ابو طوني اذا طلع معك القالب عالهارد ترفعلنا اياه من بعد اذنك يسلمو أحمد.:D.. يسلمو أبو طوني:D |
عمي سام لا تواخذني على التأخير بالرد .. بس انه وقفت الأخوية يومين وانا كنت مشغول امبارح شوي فراحت من كيسك :lol:
الستايل اللي انت حاببه ممكن تحافظ عليه بس بدك تستغني عن صورة الهيدر الفوقاني بشكل كامل وتبقى بس على اسم المدونة والشرح تبعها .. بكل الاحوال عطيني كمان 3 ساعات بحطلك لينك للستايل اللي قلتلك انه قريب على ستايلك بس احترافي بشكل اكتر .. :D شبيبة هلق بدنا نحكي شوي بأساسيات تقانة النشر والتدوين بس طولوا بالكم علي لحطلي كام صورة شرح وارفعن وزبطن :gem: هاموش : احم احم .. قبل شوي ضبطت عملية تسريب مدونات :p في شخص من الأخوية عامل مدونة جديدة وما عم يرضى يحط الينك تبعها بالصفحة هي .. انه يعني عم يجرب التدوين تجريب مانه متأكد اذا بده يكمل ولا رح يوقف :sly: فيا متخبي طلاع طلاع--- وطل وبان عليك الأمان أحسن ما يجي أبو طوني يفضحك :larg: |
أول ما بفوت واحدنا على المدونة وبصفتحه الرئيسية بيطلع بوجه الحكي هاد :
 طبعا بالعادة ما بيطلع معه صورة برغي :p بدنا نحكي إلى حد ما بشكل مفصل بكل وحدة من : شو هوي ملف التعريف وكيف بيخدمني وكيف فيني زبطه ؟ 1 - رسالة جديدة 4 - التخطيط الباقي ما بيستاهلوا كتير أشرح فين لأن : 2- تحرير الرسائل : هاد بس مشان اذا نشرت تدوينة وحابب تعدل عليها ، او حاطط شي بالمسودة وحابب تنشره فانه يعني ماله كتير دخلات وطلعات 3 - الاعدادات : ما رح نحكي عنها لأن كل خيار فيها مشروح بالتفصيل من قبل البلوغر نفسه 5 - جني الأرباح : ما بنصح تفوتو فيها .. علأقل حاليا |
يسلمووووووووووووووو
|
طيب مرحبا معلم
بدي اسألك انا فيني انو حط الرسائل على مختصر ؟؟؟؟ يعني بالمدونة ما تتطلع الرسالة كاملة و لكن يطلع أول كم سطر منها فشو ............. فيني ؟؟؟؟؟؟؟؟؟؟؟؟؟؟ --------------------------------------------------------------------------------- على الهامش شو ترفعت على الرابعة ؟؟؟؟؟ |
اقتباس:
منحاول ندورلك عشي ستايل بالبلوغ سبوت .. هالكم يوم اقتباس:
|
مسا الخير...
يعني فعلاً عمل جبّار ورائع ومفيد وبيستاهل التثبيت الدائم لكترة منافعو! ومن ثمّ اعذرني إذا ما تابعت كل شي من الأول وما قريت كل شي لأن عيوني فاتوا ببعض حالياً ورح أرجعلو على ميت مهلي لأنو بيهمني كتير بسبب المشاكل اللي عم نتعرضلها... بس إذا بتسمحلي عندي سؤال: كل ما جلّس القالب يميني بيصير يساري، وحياة الحياة ماني لا يمين ولا يسار بس يا أخي اللغة العربيّة بتقتضي قالب يميني ومتطرف كمان! فشو بتنصحنا خال كونك خال صغنون؟! :D. |
اقتباس:
شكرا حبيب و التانية اي لغابي:D |
اقتباس:
بس شفتلك طريقة بتعمل نفس النتيجة اذا طبقتا بحرفيتها . بعرفك فهلوي وبتلقطا على الطاير لهيك طير عل موقع هاد - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ( لا تحسي اني سبحتك لانه عندي درس .. اعوذ بالله :lol: ) ملخص الفكرة انك بتضيف كود معين على القالب وبتروج بعدها على الاعدادات بتغير بقالب الرسالة ( في مربع خاص بهلشي بئلك شو بدك دائما يظهر عندك وقت بدك تبلش تأنشأ رسالة جديدة ) بتضيف هنيك جزء تاني من الكود بتصير كل تدوينة جديدة بدك تنزلها بتحط جزء منها بمطرح مخصص من الكود نفسه والباقي بتلحشه بالمقطع التاني اذا ما فهمت على الموقع خبرني لحطلك صور كيف بتعمل هلشي :D اي ترفعت معنويا .. لسع ما طلع ولا نتيجة ( وانت ادرى واعلم بوضع النتائج عنا ) بس مافي علي خوف طلعنا وسعدو طالعنا معه :D اقتباس:
لا تقلي انت مشان هلشغلة رحت على الوورد بريس :jakoush: اقتباس:
خيو قالبك انت بالذات المستعمل بمدونتك المشتركة ( مو الرابطة يعني ) هوي قالب كلاسيكي تقليدي جاية من البوغ سبوت نفسه فجاية مخصص للإنكليزي بشكل أساسي كقوائم وكمحاذاة النص حتى فالتعديل اللي لازم ينعمل بكون على الـ html نفسه من بعد ما ترفع القالب على مدونتك القصة شوي عويصة لان لازم اتضيف كودات متل متل وتعدل بكودات تانية اوقات بكون عندك مكتوب كود:
text-align:left;وتعدلها لتصير بهاد الشكل كود:
text-align:right;يعني القصة مانها ثابتة أبدا ومالها قاعدة انك بتعمل 1 2 3 لكل قالب وفي اله شي خاص فيه .. اكتر ما هنالك بقلك نزل القالب كاملاً عندك وانسفلي .. قصدي ابعتلي :lol: ياه لعدلك فيك وارجع اعطيك ياه لتحطه بمدونتك هاموش : ليش ما بتغير قالب مدونتك الاصلي ؟ وليش بالأصل ما عم تكتب بالمدونة :jakoush: |
اقتباس:
|
انتبهت عندك نموذج التعليق مشلوح النص عليسار متل الانكليزي
فانه عندي اقتراح للكل نزلي القالب عندك ( حطيت بالصفحة اللي قبل هي صورة لطريقة تنزيل القالب ) وارفعيلي ياه على الفور شيرد وانا بنزله وبشوف فين لازمه تعديل بقلك عليه وبتعدليه عندك شو ديل ؟:deal: الحكي نفسه لقرصان الأدرياتيك ولكل مين عنده هلمشكلة:adal: |
قريبا انا رايح ع الورد برس
:lol: بس يعني مو بشكل نهائي راح يصير عندي مدونتين نفس المضمون ونفس الاسم هيك برتاح :lol: فحضر حالك ابا طوني |
اقتباس:
بعدين انا ما فتت ولا مرة عملت حساب على الوورد بريس وما بعرف كتير بتفاصيل المدونات هنيك :cry: فانه حسوب حسابك لحالك بالحرب هي انا مالي علاقة بشي :larg: |
طيب كمان سؤال
هلق إذا الواحد غيغا خلصوا و بدي بعد شو ممكن سوي :D |
الواحد غيغا تبع الصور ؟
يا أخي بالاصل ما بنصحك تستعملها كتير شغلتها فاضية سماع مني ورفعن على ايميلك .. نفسه قلال اللي بيعرفوا هلشغلة وأنا من باب الصدفة عرفتا كل واحد عنده ايميل الهوتميل مرفق فيه مساحة 25 غيغا عدا ونقدا :lol: مخصصة لترفع ملفاتك عليها وخصوصا الصور اول ما بتفوت على ايميلك من فوق بتلاقي في عندك home - profile - people - mail - photo - more بس ما نقيت الفوتو بيطلعلك انك تعمل كرييت لفورلدر + تحدد مين من العالم بدها تقدر تشوف الصور اللي بدك ترفعن + بتقدر تنظم صورك بملفات خاصة فيك بعد ما ترفع الصور بتنقر عليها أول مرة بيطلعلك اذا بدك اتضيف شي post عليها او اتضيف شي tag نقرة تانية بتكون فتحت بلينك مفصول بتقدر تلحشه وين ما بدك وروح تبحتر يا معلم بالـ 25 غيغا :lol: بس ملحوظة انك وقت بتحط شي صورة او ملف بهلطريقة كل اللي عندك بالكونتاكت بصير عندن خبر انك رفعت صورة على المساحة تبعك تتذكر صورة تبع انا مثلي مثلك :o |
اي ابو طوني وقتها فكرتك هديك الشغلة
:lol: |
| الساعة بإيدك هلق يا سيدي 15:19 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون