ادراج خانة المذهب في البطاقة الشخصية
ادرج هذا الاستبيان منذ فترة في موقع للانترنت تابع لأحد محطات الراديو العالمية.
السؤال تم طرحه على الشكل التالي: هل توافق على ادراج خانة المذهب أو الدين في البطاقة الشخصية؟ في الحقيقة فوجئت كثيرا ببعض الردود كما أنني استغربت بشدة الاتجاه الفائز.. نفس السؤال أود طرحه على رواد منبر أخوية الحر لمناقشته. تحياتي |
انا برئي بلاها لانو بدو يصير فيها خيار وفقوص بين بعض
|
وأنا كمان ما بحب هالشغلة ...
يعني هالأمور بتولد الطائفية والحساسية بين المواطنين |
أكيد بلاها
|
يا سيدي ازا في مجال يكتبولي ملحد انا برضا
وازا في مجال يحطو طبعات على الراس مشان ينعرف شو دينو بكون أحسن وأحسن يعني متل الغنم والطرش.. |
اقتباس:
|
اقتباس:
هه قفرتن!!! :clap: :clap: |
أكيد لأ
لأنو الوطن ناقصو شوية مواطنين ,بالوقت يلي ما في طا ئفة ما مليانة طائفيين ما بيعرفوا شي عن دينن يلي عم يدافعوا عنو |
اكيد لأ لأنه راح يصير تقييم الواحد على اساس طائفته مو على اساس عمله
|
أكيد لأ
نحنا بلا الطايفة والدين عالهوية مو خالصين طائفية يعني هي مارح تعمل شي غير انو تزيد الطائفية وبعدين ياساتر |
لاحظتو كيف عالهويه الجديده شالو الدين حتى
وانا برأيي خير ما عملوو |
نحنا بلا ادراج مو خالصين...
بعدين حتى الدين يشيلو....بكونوا عملو خير...! لانو الي بدو يحبني بسبب ديني او طائفتي بلا منو.. |
اقتباس:
لازم ينظر للأنسان انسانيته وليس دينه أو عرقه |
اقتباس:
يعني الدين مش محطوط ع البطاقة :king: |
يعني ما ألو داعي , لو ألو داعي معلش ,
بس أدراجو متل قلتو , أو متل كترتو , المهم مالو طعمة |
ادراج الدين ع الهوية ؟؟؟؟
بعد احداث لبنان لسا في مين يدرج الدين ع الهوية ببلادنا ؟؟؟ شو ما سمعتوا بالدبح ع الهوية ؟؟؟ اي نعم يا جماعة صارت بلبنان، بيوقفوا البني ادم ... اذا ماروني بينكتبلو عمر جديد .. ازا مو ماروني رصاصة براسو بدون احم و لا دستور قاموا غاروا جماعة الدروز و طبقوا زات الشي و بعدين انعديت لبنان كلها من القصة و اشتغل الدبح ع الهوية "على ابو موزة" و ازا كنت سوري (ع هوية السوريين ما بيحددوا الدين او الطايفة) بيحاسبوك ع هوا اسمك يعني ازا كان اسمك جورج بتنفد ازا محمد و اللا حسين بتاكلها و ازا اسمك ماهر مثلا او ابراهيم او شي اسم مموه بتاكل هوا رسمي، كذا ساعة تحقيق ليتأكدوا من طايفتك ... و بعدين يسري عليك القانون بقا برضاي علييكم ... بلاها شغلة الدين ع الهوية و دمتم :7asheesh: |
لا للدين عالهويي أو براتها
|
ملاحظين أنو هي أول مرة منتفق فيها يا السوريين :lol:
على راسي كلكون ... وأحلى وأورع سوريين بالعالم كلو :king: |
الساعة بإيدك هلق يا سيدي 05:13 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون