|
كل مين حلمو الو
وطبعد جلسة تحشيشية من النوع الفاخر المليانة هموم ووجع راس بيني انا و VivaSyria و Sandra ام الـ مو 82
فهاد يا سيدي كل واحد كان بدو شي كل واحد فيهن عندو حلم منجي عند VivaSyria بما انو هوي اول واحد طقت مرارتو من هالشغلة هاد يا معلم السيد فيفا احلامو اصغر بكتير من اي مواطن سوري اصغر من ما بتتخيلو مابدو جاه ولا مال ولا نسوان ولا اي شي بدو شغلة وحدة شغلة بسيطة جداً وصعبة جداً بدو يرجع طفل اي طفل يا سيدي لا تستغرب الطفل بيضحك بيمزح بيلعب يعني في عنصر مشترك ... هوي الفرح فانو حلمو انو يفرح الاخ لا عيب ولا غلط خليه يفرح ايامو معلمي فراح لقلك فراح فلزالك إسمع تفرح .......... جرب تحزن والله محيي اصلك شربل روحانا منجي عند ساندرا هلق المخلوقة مخربطة خيو ما بدها شي كمان بسيطة لابعد الحدود نفس حالة فيفا ما بدها كل هالقصص بس كمان ما بدها ترجع طفلة صغيرة تلعب وتفرح وتمزح و و و الخ ما بدها لا اهلها ولا رفقاتا ولا هم يحزنون بدها تنسى الماضي كلو بدها تهرب لمكان بعيد عن كل شي الو علاقة بالماضي بدها حدا تحبو ويحبها ( مو عرض زواج هاد :pos: ) بس حب بكل ما معنى للكلمة مو ضروري الحب يكون عشق وهيام وولع وغرام وسعاد وامل وزليخة ونوخة ممكن صديق يحبها لك ابوها يحبها امها تحبها اختها تحبها لكن.............!!! وتحبهن بكل ما للكلمة من معنى بظن طلبك صعب يا سوس نفقنا من هالبضاعة هالايام السوق داقر لا تدوري ولا تحتاري وساوي متلي قشري بصل ... وانسي الي حصل اما بالنسبة الي يا معلمي ما بدي ارجع طفل صغير ما بدي مصاري ما بدي سيارات ما بدي شغل ما بدي عالم تحبني وحبها لاعشق ولا غرام لا رفيق ولا صديق ولا اخ انا ببساطة ... بدي اكبر بسرعة اي اكبر بسرعة ليش مستغرب !!! وين الغلط بسمعن بقولو كل ما البني آدم كبر ( على اعتبار اني بني آدم حالياً ) بيصغر عقلو انا بدي ضل اكبر واكبر واكبر لحتى يتلاشى شي اسمو عقل لحتى ينقرض بدي صير بلا عقل يعني عندي معادلة العقل = ( فاي ) بدي صير "حمار" من شو بيشكي الحمار ما عندو هم معلمي ما عندو "وطن" يدافع عنو ما عندو قضية يدافع عنا ما عندو هم يشتغل ويدرس ويسافر ويجي .. كلو كرمال مصلحتو الشخصية ومصلحة الاهل والوطن مصلحتو كلها ياكل ويشرب وينام ويعيش ايامو بسعادة و ... أنام اكتشتفت انو الواحد يعيش حمار طبيعي ... احسن من انو يجوه العالم يستحمروه ولو ركبو عليه ودندلو بس اخي ... ما بيفكر .. مافي هم ولا غم و حاجة لهون مؤقتاً نحنا احلامنا مو عقدنا اصغر بكتير من الي مفترض تكون عليه بس هي حال الدنية شو طالع بالايد |
انا انا اجيت :lol:..
انو انا من صغري كان عندي حلم ولهلأ اهلي بذكروني فيه :oops::frown:.. مع اني حاليا خويفه شوي :p.. بس حلم حياتي انو لاقي انسان حي قدامي مدري بدو يموت مدري شو ماكان :lol:.. بس اني جيب سكينه تخينه شوي يمكن ساطور :?.. واغرزها بمكان عضله .. وافتلها لحتى اسمع صوت تمزق العضله .. مابعرف ليش هيك انا :( .. بس والله حلم حياتي :lol:.. + انو على صعيد الشغل بدي صير مشهوره ..:o:ss: |
لعما هيك أنا حكيت؟؟!!! إي أكيد أنا لأنو عن جد هاد طلبي الوحيد بهالدنيا... هاد ميدو لقطني بلحظة ضعف (نادرة الحدوث)..
بس بالفعل أنا ماعد فرحت من زمان.. أخر مرة فرحت بشي من شي 7 أو 8 سنين لما أخدت البكالوريا و إشتريت سيارة... والله هي أخر مرة فرحت فيها.. يومها كنت مبسوط و عم إضحك من قلبي.. بعدها ماعد شي فرق.. كل شي متل بعضو.. البنات متل بعضن.. الأكل متل بعضو.. السيارات متل بعضن.. الشغل متل بعضو.. (طبعاً هون ما عم قارن البنات بالشغلات التانيه بس لأنو هي حياة الشب قبل ما يتجوز) يعني بإختصار ماعد في شي إلو طعمه...و اكتشفت ليش لما بدو حدا يشبهلك حالة فرح بيقول ( متل الولد الصغير يلي جايبنلو لعبة جديدة) عنجد هي أصدق لحظات الفرح.. الطفل لما يفرح هي أصدق مشاعر ممكن تشوفها.. كتير بتطلع عالسما و بقول ياربي ما بدي شي خود كل شي بس رحعني صغير افرح و العب و اضحك من قلبي.. والله مشتهي افرح عن جد مو تصنع ولا تمثيل.. والله تعبت ..على مايبدو بعدني بلحظة الضعف.. |
انا شو بدي :shock: بدي بس راحة البال :pos: |
انا حلمي يكون عندي حلم
|
لك اي اي انا شو يللي بدي ياه؟؟؟
سؤال كان كتير صعب بس ما بعرف شو بدي؟؟؟ كنت بالزمنات احلم انو يكون عندي حبيب متل عبلى ولبنى وجوليت ....يعني من هدول يللي بخلصوا بحبن وبيجنو كرمال حبيبتن بس ما نفع هالحلم لانو ما عدنا بزمن الحب ولا زمن افلام الابيض والاسود ...ما عاد في شي اسمو عاطفة والمصلحة هيي المتحكم والمسيطر الوحيد عقلوب الناس...استغنينا عنو لهالحلم.... هلق شو بحلم؟؟؟ اي اي لقلكن شو بحلم وبعتذر لفيفا عتشابه الاحلام....بس انا بدي ارجع طفلة مو ارجع لطفولتي لا ابدا بالعكس خليني هيك ولا ارجع لطفولتي...يعني ما بتذكر ممنها شي غير اني كنت على طول خايفة ومن كل شي حتى من طلعتي بالسيارة بخاف من تأخر بابا بالشغل بخاف من الموت برتعب كان كلما حدا من البيت يطلع كنت انزوي عجنب وضل خايفة لحتى ما يرجع لانو كان الموت كتير فكرتو مسيطرة علي هلق لقلكن شو بحلم ...بحلم ارجع طفلة وعيش بمكان كلو اطفال متلي....ما يكون في عندن تفكير لا بمستقبل ولا بماضي....يكون من حقن يحلموا واذا عفروا اواعيهن بالتراب ما حدا يحاسبهم ....طفلة يكون الها رفقات كتير يضلو سهرانين للصبح بدون ما يكون في حدا رح يسأل وين ومع مين وليش.... طفلة يكون بيدها تسوي يللي بدها ياه وتفكر متل ما بدها دون ما يكون في لحدا سلطة على تفكيرا... وكمان نفسي عيش بعالم ما في حرب وكره كلو حب وسلام وعدل ما في لا حقد ولا غل عالم ما فيه جريمة وكلو خير واخر شي نفسي صير فكر بعقلي وقلبي سوا مو بقلبي بس ونفسي ساعد حالي مرة وحدة ممكن ارجع بس هاد هو حلمي وبعتذر على اطالتي...بس جد يا حبذا فرح في طفولة |
بحلم انو يرجع الوطن رافع راسو ومتباهي بحالو... :cry:
وانو نقدر نرجع نحب أوطاننا متل وقت كنا زغار ... |
احلامي تقريبا كلها محققة وحياتي كتير منظمة ومستقرة ومابتخيل في شي ناقصني
لهيك ماعندي شي فكر فيه او احلم فيه بس يعني في فكرة ببالي موحلم اني روح رحلة حول العالم زور بلاد غريبة وكتيرة وخاصة الجزر واكتر شي جاي على بالي روح على ماليزيا |
انا بالنسبة الي كان عندي كتيييييييييييييير احلام
بس للاسف ضاعت واحد ورا التاني وهلأ عم دور على حلم جديد لحتى اطمح اني اشتغلو الحلم الجديد يللي ببالي اني صيير هكر عالمي ( ما حدا يضحك او يعلق رجاء :frown:) بتوقع هاد الحلم ممكن يتحقق وما ينضم لفريق الاحلام المستحيلة تبعي |
انا حلمي لاقي حدا بيسمع ......................
|
حلمي لائي السكينة (بفتح السين ) وراحة البال الي هلكت وانا عم دور عليون
|
اقتباس:
كل هاد متخبي ورا الرقة يعني والا شو؟ |
اقتباس:
بس بصراحة قضيت اليوم كلو وأنا مو على بعضي صحيح امبارح هيك فشينا خلقنا شوي بس في جروح يا ريت ما انفتحت اليوم بدي سهرة ما فيا أسى ايواااا :larg: اقتباس:
شو مشانك رؤى !! حولتي عالطب مشان تحققي شي من حلمك هاد الظاهر .:lol: |
والله انا حلمي سافر واتفتل بهالكرة الارضية وشوف عادات الناس واتعرف على تقاليدن وشفن كيف بيعيشو باختصار بدي صير ابن بطوطة أس تنين (فرناندا ابن بطوطة)²>>> لا تستغربو ابن مو بنت لانو ابن بطوطة معبر
اكتر من بنت بطوطة وعلى الصعيد العملي بدي الشهرو ...الشهرة وبس . وهو كزلك عم نئرب لهالحلم شوي شوي :o |
اقتباس:
|
اقتباس:
اقتباس:
كنا عم نشوحو .. بس للاسف ما تحقق حلمي :( .. |
كل شي حلو بمرّ
وكل شي مرّ بمرّ بدي من هالدنيا اشيا ... اشيا هيي زغيري الاشيا .. وانت مهما كنت مرّ:cry::sosweet: |
أما بعد ..
فهذه احلامي البنفتحية " بدي حط لون على كيفي " من وقت زغنوت هيكي قد الفتفوتة كان حلمي انو متل كل الاطفال .. مهندس .. او رائد فضاء بس كل ما عم بكبر عم يزغرو احلامي .. لا اريد الفوتة بمتاهات الفسفسة او الفلسفة .. بس احلامي هلأ .. هيي تمنيات زغنوتة مع اني وبعد عمر يناهز السبعين:shock: .. اصدي ال 15 .. تعلمت ما احلم .. و عندما طلع معي انو ازا الواحد ما بيحلم ما رح يفكر .. قررت ما فكر .. يعني تصورو يا رعاكون الراعي .. واحد حكمتو المفضلة .. ياصبابين الشاي زيدو حلاتو .. يلي ما بيعشق وبيسهر لاشو بالله حياتو؟ شو بو يكون حلمو .. حلمي بسيط كتير .. كوخ بززيرة متواضعة نكعد فيه انا و ماي لاف .. وما كون بعرف حدا .. ولا حدا بيعرفني نكعد هييييييييييييك هييييييييييك للصبح .. نشرب شاي نشرب شاي نشرب شاي تخلص شاي .. منرد منعمل شاي عالهامش : ما حدا رح يقرا الحكي اللي حكيتو فوق .. مشان هيك .. صباح الخير يا وطني .. وقديش كان في ناس .. ووقت بيتلفن عياش .. قلو لرضا انو كل شي عم يغلا ويزيد |
| الساعة بإيدك هلق يا سيدي 14:51 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
.. بس اني جيب سكينه تخينه شوي يمكن ساطور 
..