غرامة التأخير بتأجيل خدمة العلم
أنا تأجيلي خالص من 1 نيسان وبعتت لسوريا من كم يوم مصدقة مدرسية حدى عندو علم قديش الغرامة يلي لازم ندفعها بسبب التخلّف عن التأجيل مع العلم إنو لسا مابعتو ورايي يعني ما اجاني تبليغ مشان التحق بالخدمة ياريت يلي بيعرف يفيدني. لأنو صراحة رئيس شعبة التجنيد الي تابع الها أنا بطنو كتير كبير وما بيخاف الله وبيشلف أرقام شلف (طرق من رفيقي 10 آلاف لأنو تأخر بتأجيلوا اسبوع مع العلم انو وحيد) فأنا حابب خبر الجماعة بسوريا قديش المبلغ مشان ما تصير الشغلة قنص. أنا عملت بحبشة عالنت بس ما طلع معي غير نتيجة وحدة وهي انو 6300 ليرة بس مافهمت 6300 ليرة عن كل شهر ولا عن كل يوم ولا عن المدة كاملة وشكراً سلفاً :D |
أنا صارت معي مرة تأخرت عن تأجيلي سنة..........بس هلق بطريقة القانونية ما بعرف كيف بتنحل......بس من تحت طاولة......كلفت كلها عا بعضها شي 2000 ليرة سوري فقط لاغير.
وفهمك كفاية عزيزي هاموش: هاد حكي من خمس سنين........يعني حسوب فرق العملة من يومها لليوم:o |
اقتباس:
أنا سؤالي عن الغرامة النظامية يلي فيها مرسوم تشريعي لأنو مالي مضطر ادفع رشوة لحدا بما انو أوضاعي بتنحل قانونياً ولهاد السبب أنا عم اسأل لأنو ما بدي ادفع رشاوي وبنفس الوقت مابدي جماعة الشعبة يستغلوا الوضع مشان يحطو شي بجيبتون على كل حال شكراً الك :D |
طب راجعت السفارة السورية؟
|
لازم تراجع السفارة السورية ضروري متل ما حكى ابو طريق , والأحسن خلي الأهل يسألو
شخص بيشتغل بشعبة التجنيد تبعك , ولازم تسأل بالمطار مشان ما يكون اسمك نازل ويمسكوك , وياخدوك فورا عالجيش . عالهامش : الله يصلحك حدا بينسى هيك شغلة ؟؟؟ |
اقتباس:
أما موضوع ليش متأخر محسوبك طالب دراسات عليا وقبل ما يطلع مرسوم السيد الرئيس ب 1 أيار الي لغى فيه موضوع الإشراف كان ما بيحقلي أجل على إني طالب بيحقلي أجل على إني مغترب بس ووقتها كنت أصلاً بسوريا بس هلأ بعد المرسوم صارت الأمور أهون بس صفي مشكلة الغرامة على كل حال كتر خيركون :D |
اقتباس:
|
صديقي سالنالك واحد صاحبنا ( 6 سنين تأجيل دراسة / داخلي / .. وصرلو 4 سنين متخلف ... يعني خبرة تمام :lol: )
المهم الغرامة عاللي عميدرس بقلب البلد غير مكلفة بتاتاً .. كل شهر بحدود ال 500 وان شقت حالها 1000 ازا بدو يبلع صاحبك .. بينما ازا كان الطالب عميدرس برا فانو بدها تكلف حبتين ... عندو صاحبو ( مانو متذكر قديش تأخر عن التأجيل ) بس دفع بحدود ال 30 الف ... لكن ماني متأكد تماماً من هالحكي ... من هلئ لبكرة بجبلك الخبر اليقين قديش بالزبط / قانونياً / |
اقتباس:
يلعن ربن شفطوا مني 9960 ليرة عدا ونقدا متل ولاد الحرام |
اقتباس:
اقتباس:
|
اقتباس:
أما من أولها بتفوت لعندون وبتعرف قديش لازم تدفع قانونياً بدون سلبطة ساعتها إذا حاكوك شي ضغري بتقلون مرسوم جمهوري وانت واثق من كلامك فما بيسترجو يتلحفظوا....... الله وكيلك رئيس هالشعبة والموظفة إلي زاتتها عالباب شغل مفاصلة يعني بتوفي وما بتوفي, وبإعتبار راسمالها غالي عليهون فبدون حبتين زيادة :o |
لا يا معلم ما القصة عندك بالشعبة
القانون رئاسي طالع المتخلف عن تقديم أوراق انه وحيد حتى لمدة يوم واحد وما فوق رح يدفع الـ 9960 ليرة .. بنيما بالبنك المركزي وبجيب الوصل وبيجي .. يعني القصة ما بنوب رئيس الشعبة منها ولا فرنك اللي بيبعص اكتر شي انه المعاملة اكتر تقريبا 6 أشهر لبين ما قدرت ارجع أسلتما !! وبالأخير انا اللي بدفع مخالفة التاخير !! هي تاني مرة بلحق حالي قبل ما اكتبلي شي سبة بالرد يلعن ربن على هيك قوانين وعلى هيك بلد .. المعاش بالليرات والضرايب بالآلافات |
اقتباس:
اقتباس:
|
يلعن دينكن .. شو مشان انا صار لازم اعمل معاملة التأجيل
:shock: وشو مشان لازم طالع هويّة .. يلعن حظي |
والله يا صديقي ما عندي علم ، و أنـا لسه حالتي ألعن من هيك .. إذا إنت قدران تعمل تأجيل .. أنـا مالي قدران أعملو .. أنـا غادرت ربوع وطني المعطاء قبل ما أكون مُكلّف .. و لليوم مارجعت .. وما عم بحسن لا أعمل تأجيل .. ولا عم أعمل دفع بدل .. لك بدي أدفعو و أخلص بقا :shock: و المشكلة أنو مافي دفتر عسكريّة .. ع 100 معاملة لحتى يطلع هالدفتر ، وع أنو ما بصير حدا يستلمو غيري (إي أنو مشان روح آخدو أنا و يمسكوني :p) :sly: بروح بسأل السفارة هون .. الشباب ما بيقصّروا .. و بيحكولي حكي جداً منطقي وقانوني .. بس ماعم يمشي معون بسوريا الحكي هاد .. كل يوم بتطلع قصّة وحكاية .. ولحد الآن مابعرف إش بدي أعمل .. :jakoush: لأنو بالأساس مالي عرفان إش بدّون لك إشتهيت شي موظف يقول بدي 1 , 2 , 3 روح جيبون وتعا مو كل ما أبعت أوراق و ختم و .. و .. و .. و .. و .. يقلي وين هالكلمة؟ ووين هالورقة؟ :x |
اقتباس:
نعم صحيح هالكلام .. المخالفة 6300 و بدك ترشرش شوي عاليمين و عالشمال .. بتدفعا لمرة وحدي نتيجة تأخيرك عن التأجيل .. و بتطوّل المعاملة شهر تقريبا ً .. و بتقدر أزا بتعرف حدا بالشعبة يعملك التأجيل بتاريخ سابق ( عملية تزوير صغيرة و بتدفع نص مبلغ المخالفة ) بس بدا حركة فنيّة صغيرة .. :p |
الساعة بإيدك هلق يا سيدي 14:52 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون