|
شركة برمجيات سورية تنشئ أول برنامج عربي لمكافحة الفيروسات.!!
د. كيالي: السوريون قادرون على صنع العجائب, وتطور البرمجيات السورية بحاجة لقرار سياسي توصلت شركة برمجيات سورية إلى إنشاء أول برنامج عربي مضاد للفيروسات الالكترونية بالتعاون مع شركة روسية, حيث يتم العمل حاليا على وضع اللمسات الأخيرة ليتم إطلاقه في الأشهر المقبلة. وقال المدير العام لشركة "بلاتينيوم" د. مؤنس كيالي لـ"سيريانيوز" إن الشركة وضعت هذا البرنامج بمساعدة شركة "دكتور ويب" الروسية "ذات الكفاءة العالية" مشيرا إلى أن التعاون تم على أساس الشراكة بين المؤسستين في التكنولوجيا. وذكر أن خمسة مبرمجين في الشركة يعملون على إنشاء هذا البرنامج منذ اكثر من عامين "حيث سيتم إطلاق البرنامج أواخر العام الحالي بعد أن تقرر تأجيل إطلاقه حتى يتم تعديله من أجل العمل مع نظام التشغيل ويندوز فيستا الجديد". وتنتشر في سورية كثير من برامج مكافحة الفيروسات المقرصنة التي تباع بأثمان قليلة لا تتجاوز في معظم الأحيان 25 ليرة سورية رغم أن أسعار النسخ الأصلية منها يتجاوز 1500 ليرة سورية. وقال د. كيالي إن هذه البرامج المقرصنة لا توفر تحديثا للفيروسات الجديدة التي تظهر بشكل يومي وبمعدل 120 فيروسا في اليوم. وأوضح أن البرنامج السوري الجديد ,الذي لم يحدد اسمه بعد, يوفر تحديثا للفيروسات سبع مرات في اليوم كحد أدنى و48 مرة كحد أعلى, ويزيل كل البرامج التخريبية والتجسسية, كما أن سعر البرنامج لن يتجاوز 500 ليرة سورية. وحول مشاكل عدم وجود حماية فكرية في سورية وإمكانية أن تتم قرصنة البرنامج وبيعه في السوق بأسعار رخيصة قال إن "البرنامج يستطيع اكتشاف القرصنة ويوقف التزويد بالتحديثات إذا ما تم تثبيت نسخة البرنامج على جهازي كمبيروتر". لكن شبابا سوريين أبدوا تشككا تجاه البرنامج وتساءلوا عن جدوى استخدامه أمام توفر برامج مشهورة باسعار زهيدة في السوق. وقال خالد.م ,وهو مستخدم يومي للكمبيوتر, لـ"سيريانيوز" إنه غير مستعد لا ستخدام هذا البرنامج بما أن جهازه لا يتعرض للفيروسات أصلا باستخدام البرامج المعروفة, الأمر الذي اتفق معه حاتم.ش مشيرا إلأى أنه لا يثق بالمنتجات البرمجية السورية . أما أحمد.و فيقول إنه يفضل الانتظار حتى يجرب البرنامج من قبل الآخرين ويثبت فعاليته قبل أن يثبته هو على جهازه الخاص. وأشار د. كيالي إلى أن هذا البرنامج "يعتمد على قاعدة بانات خاصة به على عكس البرامج الأخرى الأمر الذي يحميه في حال تعرض نظام التشغيل لخلل ما, كما أن هذا يمكن من تثبيته على كومبيوتر مصاب بفيروسات". واعتبر أن "من مميزات هذا البرنامج أنه لا يشغل سوى مساحة صغيرة من قرص الذاكرة الصلب لا تتجاوز 6 ميغا بايت على عكس برامج مكافحة الفيروسات المعروفة". من جهته, اعتبر مهندس نظم المعلومات كمي الشومري في تصريح لـ"سيريانيوز" أن وجود برامج مكافحة فيروسات سورية "هو أمر هام جدا وخاصة بالنسبة للمؤسسات الحكومية والمؤسسات الكبيرة والبنوك التي تواجه دائما احتمال وجود تسريب معلومات عبر برامج مكافحة الفيروسات الأجنبية". وأشار إلى أن البرمجيات الأجنبية " تستخدم أحيانا استخدامات سياسية خاصة وأن بعض الشركات لا تضع سورية على قائمة الدول التي تزودها بالتحديثات, إضافة إلى التكاليف المادية العالية". وأبدى مدير عام شركة "بلاتينيوم" استعداده للتعاون مع الجهات الحكومية من أجل نشر هذا البرنامج بشكل واسع, وأضاف: "نحن كسوريين قادرون على فعل العجائب". واعتبر أن انتاج مثل هذه البرامج "يكسر الحظر الأمريكي" المفروض على مبيعات التكنولوجيا لسورية. ووقع الرئيس الأمريكي جورج بوش في عام 2004 ما يسمى بـ" قانون محاسبة سورية" الذي يحظر على الشركات الأمريكية التعامل مع سورية في عدة مجالات منها التكنولوجيا. وطالب د. كيالي بمساعدة من الحكومة لحماية المنتج الالكتروني المحلي الذي يعتبره قادرا على منافسة البرامج العالمية. واعتبر أن تطور صناعة البرمجيات في سورية " بحاجة لقرار سياسي" من أجل إنشاء نظام تشغيل سوري اعتمادا على "المصادر المفتوحة" الموجودة بشكل واسع على الانترنت مجانا. ويوجد عدد كبير من شركات البرمجة في سورية لكن معظم انتاجها يقتصر على البرامج الصغيرة وبرامج المحاسبة. |
عمي مارح يطلع معون
ولو طلع ما رح يكون متل الكاسبر سكاي |
المهم المحاولة
|
خبر ممتاز ........
برنامج أصلي و رح يكون ارخص من غيره و نخلص من مشاكل الباسوورد و المفاتيح ! |
اقتباس:
بس يكون فعّال و ما مشكلة الدفع اسمنا بالأخير عمنخدم بلدنا .. :D |
التجربة أفضل من الندب عالحال
|
شرف الوثبة أن ترضي العلا ******** غلب الواثب ام لم يغلب
معلي معون معون |
يا شباب بصفتي بدرس برمجة كمبيوتر رح احكي هالشغلة ببرامج الفيروسات يا شباب .... بتعرفوا انه برامج الأنتي فيروس الموجودة بالسوق فيها باتش خاص للشركة المصنعة ؟؟ :? يعني اذا الشركة بدها تفوت على جهازك بتفوت عااااااااااادي .... ويا محلاه الأنتي فيروس تبعها يلقطتها لأنه هوو السبب يلي بخليها تفوت على جهازك .... ومن هالبرامج هي :- الكاسبر سكاي نورتون AVG باندا وكمان في برامج خدمية جاهزة بتعمل باتش للشركة المصنعة ... منها :- Real Player Jet Audio Windows Media Player Zone Alarm (Firewall) for windows Acrobat Reader Msn Yahoo Skype Babylon Cashfiesta ACD See Pando وغيرها كتييييييييييييييير .......... وطبعا هدا الحكي انا شفته بعيني بالجامعة بعد ما حللنا كود الأنظمة وعرفنا كيف الشركة بتحط الباتش... ونصيحتي الكم .... اي برنامج بتنزلوه لاااااااااااااااااا تعملوله Update لأنه الباتش بينحط بجهازك عن طريق الأبديت والمتل بيحكي اسأل مجرب ... انا جربت وحللت كود البرامج هي وطلع معي يلي قلته فيعني اذا احنا غزينا العالم ببرنامج عربي محترم يفيدنا وما يضرنا .... وين المشكلة ؟؟؟ لازم الكل يشجعه وعالقليلة يجربه ما رح يخسر شي ... احسن ما يصير فينا غزو فكري تاني بالبرامج الخدمية الباقية .... وبالنهاية انا بشجع كتيييييير انه نصير احنا نساوي البرامج تبعنا ... اكيد رح يطلع فيها اخطاء بس المحاولة بتكفينا ... ومو غلط شرف المحاولة.... ومو عيب انه نتحدى الشركات العالمية الكبيرة بالبرامج .... ابداااااااااااااااااا موعيب ولاحرام كمان .... بظن ماضل عندي حكي لحتى احكيه وشكرا يا dot على نقل الموضوع النا .... والى الأمام يا سوريا الأسد تحياتي :D |
اقتباس:
بتضطر تعمللها update و الا بتصير متل قلتها :sick: |
اقتباس:
كلمة الأبديت يعني انه الشركة تنزل عندك ملفات جديدة غير القديمة ... مزبوط ؟؟ والسبب انه القديمة ما الها لازمة وكل شباب الهكر يلي بالعالم عرفوا كيف يخترقوها ... هي اول شغلة وتاني شغلة لما انت تعمل ابديت للأنتي فايروس بتنزل عندك ملفات هيي الوحيدة يلي بتعرف كيف تخترقها وبكون فيها شي اسمه HideTrojan ... وهون احنا بنوقع بالفخ تبعهم . وبتصير المعلومات السريه او الملفات يلي امتدادها ocx او dll او reg سهلة انهم يضربولك اياها وهيي اهم شي بالوندوز ... والسبب بضربها هوو انك تشتري النسخة الأصلية تبع البرنامج لأنه يلي بنشتريهم من السوق صالحين للإستخدام لجهاز ( يعني لــ IP واحد ) ... يعني يا استاذ اذا عملت لنسختك ابديت وواحد تاني عمل لنسخته ابديت وانتوا التنين نفس السيريال نمبر الشركة رح تشد همتها انها تخرب البرنامج عندك وعنده عن طريق الملفات يلي رح تنزل مع الأبديت ... :frown: بتمنى الفكرة تكون وصلت .... واذا بكم شرح كمان انا جاهز :adal: وكنصيحة احسن برنامج الأنتي فايروس هوو NOD32 واذا بدكم اياه رح اعطيكم اياه . وهدا البرنامج اله طريقة انه ينزل كامل وبدون ابديت ... شلوني معكم ;) وحلاوته للبرنامج انه اي شي بينزل على جهازك تشفيره مو معروف بيمحيه حتى لو كانت ملفات ابديت او كوكيز :larg: تمام لهون ؟؟؟ وبرجع بقول اي خدمة او شرح زيادة انا جاهز ... تحياتي للجميع :D |
| الساعة بإيدك هلق يا سيدي 08:11 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون