|
اللهجة الحلبية وشرح مفرداتها
اللهجة الحلبية وشرح مفرداتها أمتازت اللهجة الحلبية عن غيرها من اللهجات السورية بأنها فريدة من نوعها ولايوجد لها مثيل على الأطلاق واليكم بعض المفردات الشائعة الأستعمال جدبة : يعني مجنونة سكرتون: يعني خزانة ابوس روحك : للمدح ورصاص : يعني دعاء بالموت وايضا يبلاك بيقتلك يعني دعاء بالقتل والضرب لاتجقجق يعني لاتدوس على الماء ( هي اذا كان الارض مغسولة) بتاتا يعني البطاطا (البطاطس ) مجأجأ ...... مرطب عوجة .... كوع خلء .... عالم و كلكم تعرفون أغنية فيروز ( شئد في خلء عالعوجة تنطر خلء ) إمتازت اللهجه الحلبيه .. بأدوات إشاره خاصه فيها .. يعني العرب كلهون كوم .. والحلبية كوم تاني .. وهنن كوهنه ... للمذكر القريب كيهنه .. للمؤنث القريب كوهاك .. للمذكر البعيد كيهاك .. للمؤنث البعيد كوهاكيي .. لجمع المذكر البعيدين كيهاكين .. لجمع المؤنث البعيد كوهنن .. لجمع المذكر القريب كيهنن .. لجمع المؤنث القريب وطبعا للسهولة في اختصارات كمان إختصار المذكر القريب . . كو إختصار المؤنث القريب .. كي ههههههه الله وكيلكون هي بس مفردات الإشاره .. ومن الأختصارت أيضا تاااا بدل من تعال رووو بدل من روح ما راي بدل من مالي رايح ابخالتي بدل من ابن خالتي شأساعه بدل من شقد الساعة اشلك فصتون يعني بالشامي شو بدك فيون ونانتي يعني جدتي وكمان : جنق ... هي الصحن فرتيكه .. هي الشوكه خوليه .. هي البشكير او المنشفة أردغان .. هي الهديه جمجايه .. ههههههههه هي يعني معلقه السكب المقعره أستنوا لسا ماخلصت اشبكن في كمان خيت وخيتو --- يعني أختي خاي وخيو ---يعني أخي جلق --- دمه ثقيل اشبك --- سؤال استفسار وجع --- دعاء بالالم خوته --- معه صراع فلته --- واحد شاطر كرتاية ----> سكجا يلي بتدخل فيها اكندرة أنضرة ----> الكندرة بانجان----> باذنجان دي بقا ----> لك لك علوّا .... اي يا حبذا يوم ----> يعني الام او الماما عطوني رأيكم بقا مع فائق الحب والاحترام لاهل حلب ولكن الموضوع للترفيه وتفسير هذه المفردات الغريبة تحياتي :hart:القلب المنادي:hart: منقول |
موضوع مكر يا شذى وسألي ريمي هية اللي خطت كل اللهجات
يعني مو لأني لهجتي بس الموضوع جد مكرر الله يعطيكي العافية :D |
مكرر .....
من الصالون .... |
سوري المستحيل وتايغر
بس والله ما كنت عارفة انو مكرر بكرر اعتزاري تحياتي القلب المنادي |
لهله
على أساس زعيمة والله حيو .. بعدين بتحطي موضوع مكرر .. يا باطل لك استحيت انا العضو الجديد يطلع مني هيك :shock: عم امزح .. مكرر مو مكرر الف شكر لالك وانا بموووووت بالحلبي لك خيتو ;-) |
اقتباس:
بتعرفي والله ادوات الاشارة تبعونهم احلى من ادوات الاشارة يلي باللغة الفصحى وخصوصا كلمة كوهاكيي هاي بحد ذاتها اعجاز لغوي غير مسبوق :lala: مع اني شايف هالكلمة قبل هيك بس وين ما متذكر :? مرسي القلب المنادي على موضوعك المكرر والحلو كتير:D |
ههههههههههههههههههههههه
حلوين ...عن جد الله انشالله يعطيك الللاوي يا قلب منادي هههههههههه مع احترامنا لكل اخواننا الحلبية بس ملعوبة :D :clap: |
حلوة حتى انا أستغربت من هذه الكلمات :o :o علما انو انا حلبي:? :? :? |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - والضحكة انها نفس المقدمة على فكرة هاد كان اول موضوع الي بالأخوية آخ على ايام الشباب شقد بتمرق بسرعة |
اقتباس:
تحياتي الك اقتباس:
اقتباس:
|
بالحبي كل سنة وانت سالم
|
ميرسي المستحيل وابو الطل سيد الكل ووائل وادم وماجيك وجابريال
على الطلة الحلوة نورتو يا حلوين بطلتكن الاحلى بس عنجد اللهجة الحلبية غريبة كتير يعني ما بتفهم منها شي والمستحيل وانت بخير يا رب ينعاد عليك بالخير والبركة وابو الطل سيد الكل ليك شوهاد؟؟ والله رعبتني اذا المشرف ما حكالي هالحكي كيف انت؟؟ يلا عادي مسامح لوجه الله تعالى هههههههههههههههههههه وماجيك انت متاكد من حالك انك حلبي ولاشو؟؟ ليك ببلاك باتلك شو انك اجدب يا ادم هههههههههههههههههههه كيف ركبت جملة صحيح ولا لأ؟؟ تحياتي القلب المنادي |
مع اني قريانو قبل مرة بس والله حلو وبضحك
هي حلب ياخيو ((ام المحاشي والكبب)) |
| الساعة بإيدك هلق يا سيدي 13:31 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون