|
حملة أمنية واسعة في حلب أدت للقبض على أكثر من 100 مطلوب للعدالة
متابعة لتوجيهات الرئيس الأسد .. حملة أمنية واسعة في حلب أدت للقبض على
أكثر من 100 مطلوب للعدالة  علم عكس السير من مصادر مطلعة أن إحدى الجهات الأمنية في محافظة حلب قامت بحملة واسعة النطاق صباح اليوم الأربعاء أدت للقبض على أكثر من مائة مطلوب وخارج عن القانون . وكان الرئيس بشار الأسد الذي يتابع بشكل مستمر ما ينشر في وسائل الإعلام بشكل عام , والمواقع الإخبارية الإلكترونية بشكل خاص , وجه بشكل مباشر إلى متابعة الأمور في هذه المدينة العريقة , وكثف زياراته إليها على الرغم من القضايا الجسيمة التي يتابعها على المستويين الدولي والإقليمي . وفي السياق ذاته , علم عكس السير أن اللواء مدير إدارة المخابرات العامة زار مدينة حلب مؤخراً بتوجيه مباشر من الرئيس الأسد للوقوف على أداء الأجهزة المختصة و المسؤولة عن المدينة , ووجه بضرورة القضاء على الظواهر السلبية تمهيدا للنهوض بالواقع الاقتصادي و الاجتماعي و التربوي في أكبر محافظات القطر . وقال المصدر الذي فضل عدم الكشف عن اسمه أن الحملة طالت ريف حلب القريب و البعيد ( مدينة الباب بشكل خاص ) وأدت إلى إيقاف مجموعة كبيرة من عصابات الأشرار و لمعروفين بأسبقيتهم الجنائية , و ضبطت معهم بنادق روسية و بنادق صيد متنوعة ( بمبكشن – كسرية ) و أسلحة بيضاء ( سيوف – شنتيانات – قبضات معدنية ) , بالإضافة لكميات من الحبوب المخدرة التي يتعاطاها هؤلاء " الأشرار " . وأكد المصدر في تصريحه لـ عكس السير أن الحملة الأمنية التي شهدتها حلب كانت منظمة بشكل وصف بـ " الدقيق " ، حيث تم التخطيط لها خلال الفترة الماضية الأمر الذي أفضى إلى حصر الشبهات والقبض على المطلوبين بشكل مباشر ، حيث أكد المصدر أن جميع المقبوض عليهم من أصحاب الأسبقيات ومن المطلوبين للعدالة . وتأتي هذه الحملة بعد الزيارة الأخيرة التي قام بها المهندس ناجي عطري رئيس مجلس الوزراء الى حلب و التي أكد خلالها على اهتمام السيد الرئيس بشار الأسد بمحافظة حلب و حرصه على استقرارها من كافة النواحي . وكان عكس السير نشر مؤخرا العديد من الحوادث الجنائية التي شهدتها محافظة حلب و ريفها من قتل و سرقة و اغتصاب و مشاجرات عائلية انتهت أغلبها حوادث قتل نتيجة الجهل و التعصب . يذكر أن حملات أمنية واسعة شهدتها المحافظة مؤخراً , حيث قام فرع أمن الدولة بالقبض على مئات المطلوبين خلال الأشهر الثلاثة الأخيرة . - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اي ممتاز يكثفو عملياتن عمي
يكثفو |
والله بيحبسو 3 ارباع حلب و بيبقى فيها وسخ .... ما معقولة هالمدينة شقد فيها بلاوي ...
:jakoush: لنشوف بعد هالحملات بلكي بيتربى الشعب شوي .. لأنو الوضع صار مقرف من كتر المشاكل ... |
مرة واحد حلبي قلي انو النسوان بيرجعو من من حفلة العرس لحالون الساعة 4 الصبح و كلون لابسين ذهب
لانو اماان كتييير و مافي خوف بس الي عم نسمعو هلئ و هالقصص السرقة و القتل و الإغتصاب شي بيخوف و قصص المشاكل و العشاير عن جد مدينة حلب لازمها اعادة نظر |
اقتباس:
|
حتى لو .. يلمو شقد مابدن متل ماقال رح يضل فيا وخم وازل ..
يا اخي بس الله يعين الخلق اللي قاعدة بحلب لانو عنجد العيشة صايرة بتقرف هنيك واخي بغض النظر عن الجرائم وهالقصص .. معاملة الناس بحد زاتا صايرة وخمة واخلاقن وخمة .. وقصة الاخلاق هي مابتتغير لو بحطو حلب كلا بالسجن .. وطبعا هادا كلو الو مليون سبب بدنا شي 500 موضوع لنزكرن اخي بعد رواق حمص مافي صراحة اش بدكن بالحكي بلا حلب بلا وجع قلب :p |
يسلمو أخي أبو ريتا على الخبر
لكن هذا لا يكفي فلمطلوب وضع خطط و برامج بديلة تحسن من وضع التعليم و التوجيه الصحيح للشباب هناك الكثير من الدول كانت تعاني من الجريمة و المشاكل المثيلة لمشاكلنا الحالية فوضعت برامج توجيهية ممنهجة و نجحت في القضاء على الجريمة العقاب لا يكفي بل يجب البحث عن البديل من أجل تحويل الشباب الى الطريق الصحيح أذكر أني قرأت تعليق لأحد الأخوى قال كل كم يوم نرى شخص معلق عند ساعة حلب ألا أنهم لا يعتبرو في نهاية المطاف مالذي يدعو الشاب الى أرتكاب الجريمة اليأس من تحقيق أحلام المستقبل بالطريقة الصحيحة |
اقتباس:
آمنت ؟ هههههههههههههههه |
اقتباس:
لا اسلمت :gem: |
اقتباس:
الشباب السوري بسبب الجهل والفقر والبطالة والأحلام البعيدة المنال غير قادر حتى على المحاولة فالفشل دائما أمامه.. والبطالة هي المشكلة الكبرى في سوريا.. وان استطاع احدهم ووجد عملا ما.. فمن المعروف أن هذا العمل لا يليق بالانسان لا من الناحية المادية ولا من الناحية المعنوية.. |
اقتباس:
شو مشانك؟ نتوقع الرقة هلأ؟ |
ملاحظة هامة
ملاحظة هامة: اغلب المجرمين الموجودين بحلب ليسووووا من سكان حلب الاصليين و انما قدموا من اماكن اخرى(متل ادلب ، الجسر ، بالاضافة الى اهل الضيع)
اسمك ياشهبا ياشهبا انكتب مجد و حضارة حضارة و ادب و بمية الدهب كتبنا يا حلب تاريخك سطور محفورة بالدهب:gem: |
ملاحظة هامة
ملاحظة هامة: اغلب المجرمين الموجودين بحلب ليسووووا من سكان حلب الاصليين و انما قدموا من اماكن اخرى(متل ادلب ، الجسر ، بالاضافة الى اهل الضيع):ok:
اسمك ياشهبا ياشهبا انكتب مجد و حضارة حضارة و ادب و بمية الدهب كتبنا يا حلب تاريخك سطور محفورة بالدهب:gem: |
برافووووووووو بس لازم يكمشو الحرامية الصغار
|
اقتباس:
عموما ً من ورا هالحملة الشنيعة .. ما عم يخلونا نعرف نمشي بالليل لا بسيارة و لا بلا سيارة كل شوي دوريّة مشتركة .. و اللي بتغضب عليه أموه بيكون ماشي بلا هويّة .. أو معو منكر ( خمر ) .. :sick: |
اقتباس:
و بلنسبة للمشروبات أيمتى صدر عنا قانون يمنع تداولها هي أول مرة بسمع بأنو ممنوع |
اقتباس:
لكن ازا بدنا نطبّق برامج و اصلاحات و تأهيل وهالشغلات ....بدنا وقت طويل حتى نشوف نتائج ملموسة لذلك المطلوب حالياً طرق اسعافيّة لحماية الناس و ممتلكاتون و خصوصاً انو الجرائم اللي عمتصير مالها جرائم عادية "سرقة - بلطجة -مشاجرات -قتل" غريبة و جريئة كتير "رشاشات و بنبكشن و قنابل يدوية و سطو مسلّح بوضح النهار" وبرأيي تسيير دوريات دائمة هو أحد هالطرق وان لم يكن أهمها ...خلّي الناس تحسّ بأمان شوي ... تراخي الشرطة و اهمال مسؤولياتون هو اللي عمبيشجّع المجرمين على اعمالون .... لكان ايمتى كنا نسمع انو عصابة بعزّ دين الضهر تدخل على محل دهب تقتل و تنهب و تهرب ... من فترة أخوي كان ماشي بالحمدانيّة بالليل ..قام شاف تنين عمبيحاولو يسرقو موتور ....حسّو عليه ...حاولو يهربو و بالصدفة كان في دورية راجلة تلات عناصر عمتتجوّل بالمنطقة ...سمعو أخوي عبيصيح ...لحقوّن و مسكوهن... تخيل لو مافي هيك دورية مثلاً بالمنطقة ...ولاسمح الله كانو الحرامية مسلّحين ...مسدس أو سكينة ...ممكن كان حدا يروح فيها ... بالعكس خلّي يعملو كبسات و يدققو عالهويّات و يعملو دوريات ثابتة و متحرّكة دائمة ....بركي هالبشر بترتدع شوي.. |
و الله يا خاي يؤسفني و أنشاء الله أكون غلطان معناتها أن دل بيدل على شيئ أعظم مما في الأعلام يعني في كتير من اللي عما يشتكو من منطقة العزيزية و محطة بغداد من أنو البنات عما يتعرضو لمضايقات أهل السرفيس و مفكرين بس هنن الوحيدين يللي عما يعانو من هذه المشكلة
بس و الله الواحد بيستحي من نشر الغسيل الوسخ خيو شفت بعيني الأحياء القديمة في حلب القديمة صاير فيها كتير حشكول يا خيو المرأة مع زوجها و أولادها ومحجبة متل كتلة سودة و مع ذلك على تلطيش و تنئير و الذي منو بصراحة البلد صايرة ملانة همج و كمان سمعت لما كنت في سوريا بأني تنين عملو سطو على محل صايغ و قتلو الصايغ و أنحكمو أعدام في ساحة باب الفرج ما بعرف أخي يبدو لي أني غبت كتير عن بلدي و ما بعرف أشو هية أفضل الحلول المنجعة لأنو خيو هون بالغرب أكبر مشكلة بتحلها بالنقاش و التفاهم من دون جعير و لا صياح الله يكون يعون المساكين من شعبنا |
| الساعة بإيدك هلق يا سيدي 20:44 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
