|
في اصلاح ولا مافي ؟
حابب اليوم أعمل قائمتين : الأولى شو اللي اتصلح بسوريا و التانية شو اللي لازم يتصلح .. ياريت يشاركونا كل الشباب و الصبايا .. كلو واحد يضيف شي ... بلكي أخر شي منعرف شو الوضع اليوم .
اللي اتصلح : ما عد في داعي لتأشيرة الخروج للشباب . "قوية" . بالهجرة و الجوازات ما عاد في رشوة " مؤخرا". طار مكرم عبيد " متل الحلم". أعطيت أراضي للاستثمار في يعفور "بالصرماية وغصبن عن أباطرة البناء" عدد الوزرا النضاف أكبر من الوسخين " سابقة" في وزرا من القومي السوري " لللووولووو ويش " الرئيس شخصيا رح يقود الحكومة " على راسي المعلم , من الأول" اللي ما اتصلح: دكتور أسنان يصير محافظ "شو منشان يعمل جسور تجميلية للمحافظة" قانون الطوارىء " وي وي وي وي نو كومينت" عمر سالم وزير ؟؟ " واتصالاتو الخارجية ؟ نو كومينت" الجنائية " دخيلكون لا تجيبولي سيرتها" زيادة رواتب خمسة بالمية " خجلت والله" الخليوي "الله يسترني" |
كتير حلو هالمووضوع .. وبوقتو ... :سوريا:
اللي ما اتصلح ... - ارتفاع "اسعار " الخروجية من البلد لــ ما بعرف اديش بالضبط حاليا .... :pos: - الاكرامية بالمطار لكل مين قلك الحمد الله عالسلامة .... - بطئ عمليات البناء بالمحافظات - على حسب كل محافظ وضميرو - ... |
بلا فضايح مو هيك بتنحل المشكلة
|
أنا ما رح إحكي لأني كتير متشائم ومن كلشي
و ما رح يعجبني البلد حتى لو صار متل سويسرا "مو معناتا إنو هلأ مو عاجبني :shock: " انشالله اقدر بعدين إكتب شي بقائمة اللي تصلح ;-) |
اقتباس:
|
اقتباس:
كيف لكن ؟؟؟ |
الي ما تصلح
رفاهية السيارات زيادة رواتب خمسة بالمية |
اقتباس:
مظبوط والله أسعار السيارات أسعار البيوت الرواتب سبق ذكرها ... يسلمو أيديكون جميعا |
النظام الضريبي يلي يخلع رقبتنا لحالو بدو حكومة
الضريبة تؤخذ من المواطن ويترك التاجر مع دفترين دفتر لموظف المالية ودفتر لأرباحه الضريبة الحياتية من كهرباء وماء وهاتف وخصوصاً الكهرباء والهاتف وكل ما بيطلعلنا وزير المالية بقانون بيكون فيه زيادة ضريبة عالمواطن متل اقيمة المضافة (الله محيي الحريري بعد موتو) أسعار البيوت من أهم الشغلات البطالة الشبابية المخيفة |
مشكور مي2 على الموضوع ..
أنا برأيي تحسين وتطوير شبكة الطرقات بسوريا من أهم الحاجات الملحة .. الأهتمام أكتر بالمواقع السياحية والأثار ... تطوير المناهج الدراسية في كتير ...بس تركت الفرصة للباقيين |
كل الردود محترمة و بتدل على وعي عند كل الشباب ...و الصبايا طبعا ..
|
مي تو كتير حلو الموضوع .......... :سوريا:
الاصلاحات يلي تمت : :( ما خطر ببالي شي و وقت اتذكر بحط ;-) يعني هيك طبيعة الانسان ما بتيزكر الا السيئات ( السفرجل ):o يلي ما تصلح : 1- دوريات التموين العشوائية 2- قوانين الاستيراد و التصدير الغبية 3- امبراطورية الجمارك المرتشية و هي من سابع المستحيلات انو تزبط :aah: |
اقتباس:
حلوة ... حتى الجمارك بتتظبط ... يعني شو بدها شوية بنزين و قشة كبريت ... |
اقتباس:
اي ها هي واحد بفش القلب :سوريا: |
اقتباس:
|
اقتباس:
|
اقتباس:
بسست .. كمشو مدير أقتصاد دمشق و تكوه بالحبس ... حزور شو التهمة ؟؟ تجسس .. والله هيك سمعت .. بس شو دخلو هدا الكلب ...؟ |
في شغلة كمان حابب ضيفها
قاعدة اقتصادنا الدهبية ... "إن لم تكن مخلوف، فأنت مخالف" بعدين شو مشان البترول ؟؟؟ رح يخلص و ما لحسنا اصبعنا |
| الساعة بإيدك هلق يا سيدي 12:16 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون