|
التصنع....
التصنّع من فترة كان عم يدور ببالي هالموضوع فقلت لازم اطرحو لنشوف ارائكم .. المهم هلأ شو يعني تصنع .؟ يعني رح بطرح مثال زغير هلأ مثلا واحد اردني بيحكي بلهجة اردنية طبعا ... نفرض راح سافر على سوريا وعاش هناك فترة من الزمن... واتعود على اللهجة السورية.. وصار يحكي فيها يعني بمعنى اخر اخد ع الجو ... فبيجي مثلا ع الاردن وبيحكي بهاللهجة . بتلاقي اللي بيعرفوه بيصيرو يقولولو انو بيكفي تصنع واحكي بلهجتك الاصلية !!!:shock: مع انو بيكون كلامو مفهوم يعني الزلمة ما بيحكي سنسكريتي .... هل فعلا لما الواحد يحكي بلهجة غير لهجتو يعتبر تصنع ؟؟ واذا ما كان هاد تصنع هل ممكن يكون جزء بسيط او نموذج زغير من التصنع ؟؟ واذا هاد مش تصنع شو هوي التصنع؟؟ ومتى ممكن نقول عن الشخص انو متصنع ؟؟ --------------------------------------- هموش: المثال فوق حقيقي بس بطريقة تانية قلتو هيك لتقريب الصورة فقط .... |
ياسيدي التصنع شغلة جدا مزعجة فوق ما تتصور
إلي رفيق طلع يشتغل بدبي رجع بعد فترة طبعا طريقة حكيو صارت مقرفة جدا لدرجة انو كشينا منو هلأ هو مفكر حالو عم يتهاضم وانو هو الشب الكوول بس بعد فترة اكتشف انو كتير من الشباب كشت منو وصفي وحداني وعلى هالمقياس قيس يعني عندك شباب مثلا بس ينزلو عالمالكي بيبلشو هاي وباي ومامي ودادي وهالحكي الي مالو طعمة وبس ينزل عالحارة بتلاقي بني آدم مختلف وماشي بالعرض يا أرض اشتدي محدا قدي بالنهاية هي شغلة نحنا بنتحكم فيها وطريقة صياغتنا الها. أنا مثلا قعدت بالأردن خمس سنين ومع هيك لساني لساتو شامي أصلي ما تغير في شي مع انو كل رفقاتي كانو أردنية |
" المدني بطبعه " قالها ابن خلدون وأقولها لأن المدني لا يُعرف من لهجته باطلاق أما مسألة التصنع فهي التطبع بشيء غير معهود لدى الانسان بالرغم من وجود بدائل من يتكلم لهجة بحكم ظرفه لا يعد متصنعا برأيي فلو كنت أسكن بلدا في المغرب العربي لتكلمت لهجته و اللهجات اصلا تعد نسخا و مسخا للغة الأم فليس أبلى من لهجة إلا أخرى سيء أن نصتنع لأن في ذلك محو لمعالم الحياة وحينها نفقد تفردنا ونحيا بقوالب مزيفة الموضوع هام وطرحك جميل :D |
انا برأيي بعتبرها تصنع متلا احنا بالاردن بنعتبر اللهجة السورية فيها دلع فلما حد اردني يحكي فيها بتحس انو بيدلع دلع مو لابقلو ومتلعا اللهجه اللبنانية
بعدين الواحد لازم يحافظ ع لهجتو شوف الشركس كيف محافظين ع لهجتهم وتراثهم مع انو الهم 100 سنه ببلادنا ودمتم |
لقلك شو هو التصنع
التصنع انك تعمل شي او تقول شي متقصد تعملو .. يعني مو بديهي يعني اكتر مثال مناسب فيني قلك عليه هلا هيفا وهبي يقطع عمرها .. بس تحكي ببين عليها التصنع ليش لانو هي عم تفكر شو تعمل بالزبط وشو تقول يعني حركاتها وحكيها مو بديهي او لا ارادي لا فهمت عليي شلون :larg: |
اقتباس:
:lol: بتصير انو الواحد يتعود بمثالك, بس انو مرات ممكن تكون تصنع و مقصودة بس بتصير |
اقتباس:
بتصير انو الواحد ممكن يتعود متل المثال اللي اعطيتو بس انو مرات بتكون مقصودة و تصنع |
اقتباس:
اقتباس:
اقتباس:
اي ماشالله علينا نحنا الاردنيين شاطرين بشغلات وشغلات ......... خلي الطابق مستور بلا ما نفضح حالنا هلأ ....:jakoush: اقتباس:
اقتباس:
|
| الساعة بإيدك هلق يا سيدي 13:09 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون