|
هدا الموضوع حرية شخصية بحتة..
في شغلات كتير ممكن تمنع اي حدا من انو يصافح.. ممكن تكون التقاليد,,الدين,,افكارو الشخصية.......الخ.. يعني لفت نظري رد محمد ابراهيم عن الرجال اللي ما بحب يصافح حدا من اجل النضافة.. هدا امر طبيعي جدا و هو حر فيه سواء ان كان صح ام غلط.. المهم انو هو مقتنع فيه.. و هي حريتو.. اما انا عني شخصيا.. فهو امر عادي بالنسبة الي.. بس انو ما ببادر فيه.. لحتى ما سبب احراج للطرف التاني.. و ينجبر بأنو يصافحني و هو داخليا رافض هل الشي.. اما بشكل عام .. انا ما بستغرب من اللي بمتنعوا عن هل الشي.. فهنن حرين.. و حرين ايضا بالاسباب اللي منعتون من القيام بهل الفعل.. مية وردة..:D |
برأيي انو المصافحة مو قضية مودة أو احترام أو ما شابه لكن تعتمد على فهم الشب لهذه المصافحة ، يعني اذا كان الشب بعمره ما سمع كلمة مرحبا من بنت رح يقول انه البنت حبته ومع تنامي الوعي تصل الى حد كونها طبيعية
|
والله يا شباب لازم الانسان يحترم الشخص التاني
عاداته دينه يعني ما فينا ننتقد حدا كل مين اله عقل بيفكر فيه واله مبادئ بيمشي عليها فكل واحد بيعمل اللي بيريحه و الصراحة مو ضروري كل الناس تكون متل جنابك يعني اذا بتصافح مو كل الناس لازم تصافح والعكس بالعكس |
انو كتير بيكون الموضوع محرج ببعض الاحيان بالنسبة للبنت او الشب
يعني هيي حرية شخصية بحتة يعني مبارح مرقت احدى الخريجات لتستلم الدرع التقديري من قبل رئيس الجامعة سلمها الدرع ووقفت هيي فمد ايدو ليسلم عليها فامتنعت كان الوضع كتير محرج بالنسبة الها ولرئيس الجامعة خاصة انو هو ما مد ايدو ليصافحها الا بعد ما وقفت شوي قبالو وعم تطلع فيه ورغم انو شكل البنت ما بيوحي انو ما بتصافح:pos: بس فعلا شي محرج |
انو انا باريي المصافحة بين الشباب والبنات شي عادي ودليل احترام وتقدير ومودة للشخص الاخر
يعني بالمختصر المفيد بيصافحها احسن مايبوسا |
طيب اذا شفتو شب ما بصافح لا بنت ولا شب, شو بتقولو عنه ؟
|
اقتباس:
|
اقتباس:
|
ما بمد ايدي وبسلم عبنت لانو النبي نهانا عن هالاشي
ما فيها تفكير ولا فتوى وما بظن تجي بنت بيوم وتسلم علي ما بتعملها الا اذا كانت اخدة وجه علي وانا ما رح اعطيها اياه:p اقتباس:
ليش لتحط حالها بهاد الموقف من اساسو تئدر حالها |
على فكرة الامتناع ليس ظاهرة الامتناع عن المصافحة هو الاساس لانه يحرم لمس امرأة من غير المحارم تحريما قطعيا لا بمصافحة ولا غيرها إلا في حالات اضطرارية كحياة او موت يسمح بقدر الضرورة فقط
الظاهرة يلي لازم ندرسها هي ظاهرة ازدياد نسبة المصافحة بين الشباب و الفتيات |
اقتباس:
|
انا بالنسبه الي ما بسلم الا على البنات
وعلى المحرمين عليي " اهلي " اجدادي / اعمامي / اخوالي / اولاد عمي او خالي "الصغار" بسلم عليهم مع بوستين عالخد لاكن غيرهم ما بسلم عليهم غير من بعيد : بدون المصافحه بالايادي |
اقتباس:
الله يحيي اصلك عا راسي حارتك :deal: |
اقتباس:
|
اقتباس:
 |
همممم
انو المصافحة اكيد شي مهم ومستحيل يخلا لقائي مع واحد أو وحدة بدون مصافحة ألا أزا رايح لحتا خانق هاد شي تاني :lol: و حتى المصافحة في ألها انواع يعني بحسب العلاقة بينك وبين الشخص أو "الشخصاية :p " مصطلح جديد سمعتو هون :lol: يعني في مصافحة محترمة كالعادة :deal: وفي مصافحة أهلين بربّك يعني فيها لازم يطلع صوت أنفجار وألا ما بتتسما أهلين بربك :o هي بين الشباب بكتير من الأحيان وفي مصافحة مع التبويس هي كتيرة بين القرايب و الأصدقاء البيعرفوا بعض يعني بيكونوا التقو لتاني مرة ع الأقل بس هي أنا آكل منها كتير مقالب بزمناتي :p أنو لما كنت زغير كنت آكلها مرضة ع كيف كيفكون :sick:كل ما بوّس حدا مريض وشوي لما كبرت بس هلأ صار عندي خبرة يعني بتطلع بعيون الواحد قبل البوسة و بعد المصافحة بعرفوا مرضان ولا لأ بئا أحيانا ممكن اللي بدي صافحو ما بوسو بيكون في شك ويمكن يحس أني نقزت :p فما يستغرب !! بكون شاكك فيه :o بس حلوة المصافحة مع التبويس و وبعدها شي عبطة بتزكرني بأيام استقبالات السفر ، وطبعا العناق مع الحبيبة هي بتكون فيها شئ من اللمس و :oops: :sosweet: |
اقتباس:
|
| الساعة بإيدك هلق يا سيدي 23:32 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون