اســـبوع
 

مـرحبا ,

من شـي كم اسـبوع كنت عم احـضر بـرنامج اسـمو " 30 Days" هالبرنامج بيـحكي عن تـجربه شـخص خلال 30 يوم من الـعيشه بظروف غير ظروفه الطبيعيه يعني اجواء مش متعود عليها , مرّه جرب يعيش كـمقعد على كرسي متحرك و مرّه كـسجين و مرّه يعيش تحت الارض و مره و مره و الخ الخ .. اللي حابب يعرف اكتر عن البرنامج يزور الموقع تبعو ..
باخر كل تجربه بيحكي عن اديش افادته التجربه و شو غيرت من نظرتو للاشيا .
هلئ بما انو هو خارج الحاله و عرفان انو رح تخلص بعد 30 يوم فاسـهل عليه نفـسيا التعاطي معها .. انما مع ذلك ببعض الاحيان بتكون متعبه جدا ..
هــون خـلينا نـجرب , ضـمن قـدراتنا , نـغير شـي بـحياتنا و نـعيش اسـبوع خلال جـو مـختلف لنـشوف اديش بنـقدر نتقبل هالـتغير و يـخبرنا كل يوم بهالاسـبوع شـو عم يـصير معو و بالاخر شـو اللي تغـير بنـظرتو للحاله اللي جـربها ..
انا مـبارح بـلشت عايشه اسـبوع كـنباتيّه , يعني انسان نباتي ما بياكل شـي من اللحوم , بيقدر ياكل المنتجات تبع الحيوان من سمنه و لبن و جبنه و الخ الخ .. بس اللحوم بكافه انواعها ممـنوعه و لـهلئ كتـير ماشي الوضع تمام و ما كتير حاسه بـتغير شـي لاني ما كتـير من اكـلي اللـحوم عامه بـحياتي الطبيعيه ..

** هــامش , خـلينا نـجرب الاشـيا اللي ضـمن قبول العقل و المـعقول و ضمن ارشادات الـسلامه فـقط . يعني ما حدا يجرب يعيش اسبوع كـحرامي مثلا :shock: ..

اي اي .. حلوة الفكرة بس نطاق التطبيق بحسو .. ضيق ما بحس انو في كتير امور ممكن انو تصير ..

عكلن اول ام بيخطر عبالي شي ممكن اني طبقو .. وببقا بخبركم:D

موضوع حلو والله تسلمي....يعني هيك ممكن الانسان يصير فيه يكتشف قدرته على التحمل اول شيء و كمان يستفيد من تجربة الاخرين...كتير حلو الموضوع

موضوع حلو

خلينا نعبش اسبوع بدون انترنت ولا موبايل ولا تلفزيون بلا تكنولوجية

في امور صـعبه و في امور اسـهل و ضمن الـقدره و لهيك لونتلك ضمن قدراتنا بالاحمر الفاقع 8)

قـلنا ضـمن المـعقول :lol:

اوكـي طـيب بالمرات الـجايه هي كتـير فكره ظريفه ..
بس خلينا نمشي شغله شغله ,,

بس هلئ مين حابب يجرب تجربه العيشه كنـباتي مـعي ؟؟

أنا شغال على الطرفين
لحمي ونباتي
:lol:
بس كفكرة اورجينال خالص :D

أنا بجرب معك لأنو انا متلك ما باكل لحوم كتير

يسلمو ع الموضوع:D

اوكـــــي :gem:
هي صرنا 2 ناقصنا تنين و بنلعب طرنيب نباتي .. بس باخر الاسبوع بدك تفوتي تكتبي تجربتك و كيف كانت و شو اثرت عليكي و الخ الخ ديل ؟

ماشي ديل:deal:

ايمت رح احكي عن تجربتي؟؟ بس خلص انا ولا كلنا بنفس اليوم:?

بس تخلصي الاسبوع ..

خلص لكــــــــــان نحن لهـــــــــا:gem:

حلو كتيييييييييير جميل جدا
عندي فكره انو نعيش بلى تلفزيون بس حاليا صعب لانو في مباريات يعني ..

رح ابدا معكن من بكرا نباتي :gem:

هلئ بما انو ولدان بالشام وعاييش بالشام ... يعني مدينة ... وبما انو صرلي 3 ايام بالضيعة والبيت بالضيعة خالي من اي وسيلة تكنولوجيا وترفيه الا هالمسكين اللابتوب ... ف رح اعتبر حالي عايش بظروف غير طبيعية :gem:

المشكلة انو يعني احيانا بيمر عليي اسبوع بلا ما اكل لحمة و احيانا بضل كل الاسبوع عم اكل لحمة بس :shock:

انو يعني قصدي انو بيمر عليي اسبوع ما باكل لحمة وما بحس بشي تاقصني او انو شي غريب بقى شو بعمل يعني؟؟ :?

لما الاسبوع بمر لحالو شـكل و لما انت بتتقصد مرورو شـكل تاني .. يعني لما ما بيجي عبالك تاكل لحوم غير لما بتشوفها و بيجي عبالك تاكلها بس انت بتكون موقع الاتفاقيه معنا لذلك ما بتقرّب عليها ..