|
akhawia.net
مرّ .. حبن
تنويه : هذا الموضوع وضع لأسباب شخصية .. بح تة ... فقط .. لا غير .. لا خير .. لا شر كتير عالم فاتو لهون .. مشان سبب معيّن .. مقال .. اغنية .. رأي .. موضوع .. صديق .. حب مشاكل .. تعددت الاسباب .. والفوتة وحدة .. وفتنا هديك الفوتة كتير تطوّر الموضوع .. لدرجة انو نكون طالعين بالسرفيس .. تصير معنا شغلة .. نفكر انو بدنا نحكي على هادا الموضوع بأخوية .. ما نفكر انو بدنا نحكيه لأهلنا مثلا .. انو اخي هون منلاقي حالنا .. هون صار في شي اكتر من بيت .. واقل من وطن بشوي .. طيب هلأ نحنا كنا نجي لهون .. انو احيانا نهرب من شي .. ونجي لهون نلاقي شي جاهز معلّم ومرستق .. وجو على كيف كيوّفك .. نتمسخرنا على شي واحد من جماعة اللهم عافينا وشافينا بالسهرة .. وعالصبح نسلّم عبعضنا وفيروزيات .. واللذي منّو .. انو هيك خيّو .. كل شي موجود .. طيب هلأ هون صارت شغلة حلوة .. وبتقرّف بنفس الوقت .. انو هادا البيت خيّو .. او هادا الوطن .. اكتشفنا انو نحنا آخدينو بالأجار .. وانو كان في مستأجر قبلنا .. دافع مدّة زمان لقدّام .. وصار عندو ظرف .. وراح فا اجا الزلمي الله يوجهلو الخير .. " جبنا وجمعنا .. يا ريت ما جمعنا .. زدلنا فوق الهم هموم " هلأ خلص الاجار .. الزلمي شاف انو عجبنا هادا الشي .. لأ ما عجبنا .. الا مدينا اجرينا وتفرفدنا يعني .. وسهرات وسكرات وبنات وقصص ما بيعرف فيا غير ربّك .. والكاميرا اللي حاطينا هلأ هون .. في عالم تعلّمت خيو .. وأسست حالا .. وراحت عملت بيت .. وصار بيت معترف فيه .. وشي استرواء .. بس الشهادة لله يا اخي .. ما حدا نسي البيت منون .. وبيعملو طلّات .. منن بيمرّوا من قدام الحارة .. و منن بيفوتو عالبناي .. وحتى في شباب بيفوتوا .. احينا بيتدايقو اخي .. الجو كلّو ضباب .. دخّان .. بيطلعوا هيك .. لعما ما نفس الدخّان .. ما نفس الريحة اللي كانت تسطل .. بس لسا في عالحيط .. هادا اللي كاتب سنرجع يوما .. وازا مر الزمان ولم تروني .. بيطلع هيك بيشوف هدول الكتابات .. وايمت كتبوهن .. وبيضحك .. المهم يا ابو الشباب .. ويا ام البنات .. ما بدي طول عليكن .. انو اخي .. اللي عمل بيت .. واللي لساتو مشرد .. بدنا نرجع ندفع الاجار خيّو .. اي بعرضي .. وانا من العالم .. اللي بدي ادفع .. والله لادفع يا اخي .. وايمك عن الدفع .. انا كمان .. بدي صير اسرق من الشباب اللي عندن بيوت جديدة .. اللي حاططلو مزهرية .. اللي حاططلو قصة .. والله بدي اسرق .. وانا عم حذركن ترا ها .. قبل ما حذر وانذر وفذر .. يتبع .. |
اقتباس:
اقتباس:
ولي .. لسا في يتبع كمان :? اي .. يعدمني حالي ويعدمني ياك ازا فهمت كلمة ... :shock: |
خيو ..
بس لندفع الاجرة .. بيكون في عالم بتفهمني :P بعدين انتي بأيام الولدنة ما كنت تفهم هلأ بدك تفهم بعد ما صرت 18 :p |
وانا كمان بدي استاجر
|
لمووووووووووووووووووووووش ة
لك آآآآآخ آخ عيني ربك عيني .. بربي اصيلة :) |
انا بدفع كمان..
|
انا بدي ادفع واستاجر واللي بدك يا..
معك انا ليون |
اقتباس:
|
انو معك بالحكي لك دب
هلق بطلت تفهم |
اقتباس:
خيو مندفع وامرنا على الله |
و الله بدكن تعذروني :oops:
راح أدفع ............راح أدفع إذا تطلب الأمر بس بدكن تعذروني لأني و الله مو فاهمة شي :? ولا خلاص راح استنى هي يتبع بركي افهم :pos: |
حلو حلو ..
حلو جدّا جزيلا .. مع انو كانت مجرّد فكرة شخصية .. بس صارت حقيقة .. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
:sick: ابو عيسى شو ذنبو تحملو كفرية هلئ .. |
ما بدفع غير بالعملة المحلية انا :pos:
|
اقتباس:
اي شو توارد الافكار الغريب هاد.. بكلّ الاحوال انحكى بهالموضوع من شي سنة و نص....وعلى اساس انو مارح يصير ها الشي.... وهلاء .... انا in.. |
انحكى بهادا الموضوع ..
من شي الف سنة .. |
اي كمل خيوو:cry:
|
وانا كمان حسبو حسابي ...صحيح قليل لطل بس بتبقى اخوية بيت اهلي الززغير بحبو لهلبيت وبحبكن كلكن
|
علاء الدب
و الله عما يطلع معك |
لك تقبرني مطرقتك انتي ..
الا ما شوفك واطرقا على راسك شي نهار :D |
اقتباس:
ههههههههههههههههه .. والله شي حلو .. :cry::cry: علئلئ .. جد انك نهفة ونغم .. وانا عم قول شو قصة ال 3000 .. والشئسمون ال 1450 .. اي .. مااااااشي ادفع يا البي ادفع .. :pos: وانو انا بدفع .. بس اديش الدفع بلا كبرة ؟ |
اقتباس:
|
لأنو هيي الوحيدة اللي قدرت استوعب من خلالها
مين ابو الولايم :) |
| الساعة بإيدك هلق يا سيدي 02:17 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون