|
فتاة سعودية تخرق القانون وتقود سيارة لإنقاذ عائلتها
خرقت فتاة سعودية القانون السعودي الذي يمنع قيادة المرأة للسيارة بعد أن اندلع حريق في منزل عائلة "رويدا" بسبب تماس كهربائي أدى لإصابة والدها وأشقائها مما منعهم من قيادة السيارة . ونقلت صحيفة "الرياض" السعودية بأن"رويدا" قامت بنقل أفراد أسرتها إلى المشفى في العاصمة السعودية الرياض ودعت "رويدا" بنات جيلها إلى الاقتداء بها والاستعداد لمواجهة أي طارئ، معتبرة أنها قامت بعمل بطولي قررت خلاله تجاوز النظام المروري والاجتماعي . من جهته والد "رويدا" الذي علمها وأخواتها وزوجته القيادة في مزرعته، أكد إنه يسمح لهن بالقيادة داخل مزرعته فقط كلما ذهبوا هناك. وأضاف : "لا مجال لمخالفة النظام وأثق أن عائلتي ملتزمة بالأنظمة المرورية ولولا الظرف الطارئ الذي تحل فيه المحرمات لكنت أول من يحاسب رويدا، لكني أتفهم الظرف وأشعر بالفخر بها وبشجاعتها في اتخاذ القرار الصعب". تجدر الإشارة إلى أنّ علماء الدين في السعودية يقولون إن قيادة المرأة للسيارة لا تجوز من باب سد الذرائع باعتبار أن القيادة تفضي بالمرأة والمجتمع إلى الوقوع في "مفاسد عظيمة وعواقب وخيمة". سيريا نيوز |
اقتباس:
مفاسد عظيمة !!! عواقب وخيمة !!! في شي غلط بهالبشر "اذا جازت تسميتهم"... |
اقتباس:
إني أتساءل ألم تركب المرأة قبل وجود السيارة الخيل والحمار كوسيلة مواصلات، ومن أرادت أن تخطئ ستخطئ ولو كانت في بروج مشيدة. |
لك شو هالقوانين والفتاوى الغبية هـاي؟!!!
المهم كـل الاحترام لــ "رويـدا" =) |
الصدفة السعيدة ... انها متعلمة سياقة السيارة !!
اكيد متعلمة خارج اراضي المملكة :lol: |
رجموها وحبسوها واقامو الحد او لسا؟
|
اقتباس:
هوي انا كان بدي قول كلمة كبيرة.... عليهنبس قلت منشان العالم بلاها ... بس لح اكتفي بـ " طــــــُـــــــــــــــــ ـــز " مو مرة وحدة ... الف مرة والف كرّة :pos: لانو لما نقول عنهن متخلفين وبدو فهنن بالفعل هيك ....:jakoush: انا بتزكر حلقة يمكن كانت مع محمود سعد ... عم يحكو فيها عن قيادة السيارة ...... بيجي شيخ شو بيقلك ...."لم يأتينا من الرسول الكريم (ص) نص بأن المرأة آنذاك كانت تقود السيارة " :? هادا يا اهبل يا عم يستهبل :frown: قال مفاسد عظيمة وعواقب وخيمة ... ليش هادا الشب مقصوف الرقبة لما يسوق سيارة ما عم بيروح يلطش فيها بنات ... او بالاحرى خلينا نكون واضحين .... يروح يلطش بهالسيارة ولاد -18 ... منشان ملذاتو الشخصية ..... هي مافيها مفسدة عالشب وعواقب وخيمة .... :? ولا القصة ... انو انتو متخلفين ولساتكن معتبرين المرأة ضلع قاصر.... اي فشرتو بنص عينكن ...:jakoush: شي بيدعي للقرف والاشمئزاز :frown: اقتباس:
لانو هيك بهايم .. مو مستغرب منهن شي :frown: |
اقتباس:
|
اقتباس:
اي و بعدين ينزل عفو ملكي بايقاف الحكم ...و يبين سماحته و عطفه على الشعب و المساكين في كل مكان ... و يصرح ... روح القانون الرحمة :lol: تعرف الشباب يموتوا على المسرحيات الاستعراضية ... |
ألطف انها متعلمة سواقة
|
مش فاهمة انا ليييييش ممنوع المرأة تسوق بالسعودية ؟؟!
شو رح يصير عليها ؟؟؟ الستات صارو يسوقو صواريخ وهم لسة بيحكو عن سواقة سيارات!! عالم متخلفة ورجعية |
يجب محتاكمتها لخرق القوانين
وكيف بتتعلم سواقة وبتعرف أنو ممنوع :aah: لازم محاكمة اللي علما سواقة كمان |
لك شو ؟؟ وكيف ساكتين ؟؟ لك هي البنت ما بتستحي على حالها ؟؟ كيف كيف غدرت تسوق سيارة ؟؟ خلص دمها مهدور
:frown: يعني عنجد ما بعرف شو بدي قول اذا السواقة صارت حرام ونؤدي الى عواقب ؟ مش ناقص غير يفتو انو المراة ممنوع تتنفس من نفس الهوا لرجل غريب ;) |
| الساعة بإيدك هلق يا سيدي 16:34 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون