|
ازدياد الحجاب: ملمح نسائي للصحوة الاسلامية السورية
 ويقال ان اتباع اكثر شخصية نسائية دينية محافظة في سورية، وهي منيرة قبيسية البالغة 70 عاما، يزيدون على 75 الفا. واغلب الواعظات على طريقتها، وتسمى الواحدة منهن الانسة، من ابناء الطبقة المتعلمة ويذهبن الى اجتماعاتهن بسيارات سوداء فاخرة في ملابس انيقة ويتحدثن بلغة طليقة تنم عن قيادة تجعل جمهورهن فاغري الافواه. تقول ام محمد، احدى تابعات قبيسية سابقا: "لقد ساعدوني وجعلوني اكثر ثقة بنفسي. اصبحت امشي في الشارع دون خوف من الرجال حولي، واصبح بامكاني ان اقول للناس انهم مخطئون". لكن زوجها لا يعجبه الوضع تماما، ويقول ابو محمد: "لا مانع لدي من خروجها وان تقوم بشيء مفيد، لكنها بدأت تتغير وتريدني ان اتغير انا ايضا". ويضيف انها منذ التحقت بالقبيسيات اصبحت اكثر جمودا وتركز على التفاصيل الغيبية. وتقول ام محمد، التي تركت الجماعة: "اوافق. لقد اعجبتني طريقة عملهن ومساعدتهن للناس لكني لم اقبل الطريقة التي يردن بها السيطرة على عقولنا وتقرير ما هو جيد وسيء، فاذا واذا خالفت القواعد ولم تطيعي اوامر الانسة يعتبر ذلك تجديفا". وفي مطلع الثمانينات، ابان حكم الرئيس السابق حافظ الاسد، وقعت صدامات بين حزب البعث الاشتراكي الحاكم والاخوان المسلمين الذين كانوا يحاولون الانقلاب على النظام. واسفرت معركة حامية في حماة، شمال دمشق، عن وقوع 30 الف قتيل، معظمهم من المدنيين، كما قيل وبدأت حملة على الاسلام المتشدد بعد ذلك واخضعت المساجد لرقابة صارمة. وتبنى الرئيس الاسد نوعا من الاسلام المعتدل "الذي تقره الدولة" يسمح ببناء مزيد من المساجد والمعاهد الدينية ومزيدا من الوعظ من قبل الدعاة الرسميين. ووفر ذلك فرصة للواعظات النساء ليلقين عظاتهن خلف ابواب مغلقة وحافظت كثيرات منهن على الاسلام الاكثر راديكالية ومحافظة. وفي ظل حكم الابن، الرئيس بشار الاسد، خرجت النساء الى العلن، وبينهن عدد كبير من الاصوات المحافظة، يعظن في المساجد والمعاهد الدينية. ترى المعلقة والناشطة الدينية اسماء كفتارو ان القبيسيات يتبنين الان توجها اكثر مرونة عما قبل. وتقول: "ادركن انه ليس بامكانهن الاستمرار بايديولوجية جامدة وان عليهن ان يكن مرنات لزيادة اتباعهن وهذا ما يفعلنه". ويفخر السوريون بالسماحة والتنوع في مجتمعهم، الا ان البعض يرى ان ذلك يتغير الان. ترى كنانة الركبي، وهي مصممة جرافيكس علمانية التوجه، في تلك الصحوة الدينية نتيجة غير سارة للاحباطات الاجتماعية والاقتصادية. وتقول: "انها خطرة على المجتمع السوري، خاصة وانه لا يوجد تيار موازن. فجانب واحد نشيط، هو الجانب الديني، اما العلمانيون فليسوا ناشطين اطلاقا". - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - كلنا شركاء |
اقتباس:
هون المشكلة الحقيقية بكل شي اسمو التزام ديني ... انك انته مانك حر تشغل عقلك و تقرر شو جيد و شو سيء ، إذا عجبتك أفكارنا و اتبعتنا بتكون عم تفوضنا نفكر بدالك ... نحللك و نحرملك ، لأنو الله بعدي اسمو باعتنا وكلاء و مندوبين الو على الأرض ..! |
uote=مايسترو;1362307]
ترى كنانة الركبي، وهي مصممة جرافيكس علمانية التوجه، في تلك الصحوة الدينية نتيجة غير سارة للاحباطات الاجتماعية والاقتصادية. وتقول: "انها خطرة على المجتمع السوري، خاصة وانه لا يوجد تيار موازن. فجانب واحد نشيط، هو الجانب الديني، اما العلمانيون فليسوا ناشطين اطلاقا". كلنا شركاء[/quote] أنا لا أرى أن الاسلاميين ناشطون على مستوى أعلى من العلمانيين .. في سوريا ربما الاسلاميون أكثر نشاطا على المستوى لشعبي .. لكن اليساريين والعلمانيين هم الاكثر سيطرة ثقافيا.. بمعنى آخر الفكر اليساري يسيطر على الاعلام وعلى الصحف حتى الحكومية منها.. الشعراء الكتاب والممثلون والخرجون جميعهم طبوعون بطابع يساري على خلاف ما هو حاصل في مصر او الخليج مثلا.. |
اقتباس:
اقتباس:
ويا ستي..العلمانين ضايعين..والتيار التاني مسيطر تماما وحتى بلش يدخل على اروقة الصحافة والاعلام كمان! والشعب بالاخر مو هامو ثقافة..فشو استفادو العلمانيين من هالشي؟ ولا شي |
المشلكة مو هيك .. المشكلة انو من يلي عم يدعو الناس ويهدون ..و ما عم قول كلهم.. يلي ماسكين الدين من دنبو .. هون المشلكة لانو بهي طريقة ممكن يزرعوا شي اسمو ملل او كره وحقد او حتى كسل وكتير شغلات تانية بنفوس هالناس العادية البسيطة يلي ممكن تكون بتصلي وبتأدي كل العبادات لكن لا هي محجبة ولا باين عليها الالتزام .. فطبعا طريقة الناس يلي بيكون الله أنعم عليهم وهداهم وما إلى ذلك .. هي الغلط .. لاني انا كإنساة عادية طبعا مارح يهمني اي شي رح بيقولوه لانو اصلا الطريقة مو عاجبتني .. بينما انا جاية عمكان عم بطلع منو مرتاحة وقلبي هديان وحسيت بالبعد عن الدنيا و مشاغلها .. وحسيت براحة بال طبعا رح اتردد لمتل هيك تجمعات ..
وهي انا هون بالكويت ..يعني بجو الخليج.. بشكل عااااام غالب اهل الخليج من الناس العادية يلي اذا سالتيها شو دينك بتقلك مسلمة .. وبتسأليها عن ربها بتقلك ما بعرفو .. حتى بهالأيام زايدة نسبة الناس يلي ما إلها علاقة لا بدين ولا برب ولا بغيرو .. وهي النسبة أغلبها من الشباب والمراهقين.. لكن هي انا عم روح على دورات بشكل دائم من وقت ما كنت بالصف الخامس يمكن .. مع ناس الله هداهم قبلي ومشيوا عالطريق الصح من حالهم من غير ماحدا يقلون اعملوا هيك ولا تعملوا هيك .. كأمر قصدي .. بس طبعا بمساعدة آنسات وأبلات علمونا الأساسيات والمتفرقات وقالولنا انتو اختارو الاريح ومرة عمرة . مرة عمرة .. لحالنا صرنا نتبع الإسلام الصح .. من غير ما نغير كتيير من حياتنا الطبيعية .. و ماحدا من الناس عامة .. عطوا عني انا او غيري فكرة انو نحنا مختلفين .. يعني ليش بسوريا صاير هيك .. ليش عم بيسموا الناس الملتزمة بدينها باسماء بتميزها و يها حس العنصرية هاد .. متل يلي صار بسوريا اقتباس:
بعدين شو المانع من ازدياد نسبة البنات والنساء المتحجبات .. بس طبعا عن قناعة مو عن أمر او واجب او فرض .. مع انو هاد هو الصح .. لاني بشك بانوفي حدا بهالزمان بيقبل بهيك شي .. غير الأقلية منهون .. فبالعكس لما هالنسبة من النساء عم تزداد فكتيير من المشاكل الاجتماعية رح تقل و كتير من هالحالات يلي عم بتصير وعم نسمع عنها وين ما رحنا رح تقل وتخف أكيد ,.. فليش جاية هالاعتراض الكبير ع هالقصة! ما بعرف ... شو هو المانع يعني .. أظن انو اي شي الانسان بيختار يعملوا لازم يكون في تدخل من رأي الناس يلي حواليه و العائلة والشعب وحتى حكومة وسياسة البلد .. بتحدد المسموح والممنوع نعمله .. إلا الدين فهادا شيء ..ويمكن هو الوحيد.. يلي الإنسان حر باختياره لانه هو على حسب رأيه الشخصي وطبيعته .... وآسفة لأني طولت بالحكي بس الموضع جذبني شوي :oops: :D |
اول شي يا لولو..منيح انو جذبك الموضوع..احكي قد ما بدك قاعدلك للصبح:p
تاني شي سبق وحكينا كتير هون..انو خيو الناس احرار..ما في مشكلة..اللي بدو يالحد..يالحد واللي بدو يؤمن بسعدو..هو حر. بس الفكرة..واللي سبق وحكيت فيها..انو الناس شو عم تاخد من الدين اليوم؟انو يتجوز 4 ..انو يقتل اختو تحت مسمى الشرف..للاسف الناس عم تاخد القشور وماعم تشوف الشي اللي جوا. عدا عن انو توجه موقع كلنا شركاء ..وانا اللي نقلت الموضوع..وكاتب المقال الاصلي..توجه علماني..بالتالي ما منحبذ التوجه الديني عموما..رغم انو منضل منحترم هالشي. والشي الاخر..انو العلمانيين ومتل ما انكتب بالمقال شبه نايمين والتيار الديني..اللي الله اعلم وين ممكن تكون اخرتو..ناشط..وهاد الشي..كمان مالنا محبذينو. انا كمان لعيت كتير:p |
تسلم ...ريحتني :p....
بعدين انا هادا يلي قصدي عليه.. الناس يلي ماسكين الدين من دنبو .. هيدول هم الناس الغلط .. وعم يحللو ويحرمو شو مابدهم وكيف مابدهم عمارءهم .. هيدول مالازم حدا يسمحلهم .. ولا زم يتوقفوا عند حدهم .. لانو الأشياء يلي مفروض تصير ما حدا عم يتبعها .. وهي الشغلات لازم تكون الدول كلها بشكل عام ماشية عليها .. مو واحد ولا تنين ... طيب ليش شو فيها اذا نشط تيار والتاني لا .. يعني قصدي شو المشاكل المتوقع تصير .. غير عدم التوازن الثقافي بين أفراد الشعب .. والتحير بالاختيار ... بما انو هالاختيار يعتبر اسمى الخيارات الحرة ... صح ولا كلامي فيه غلط ..؟!؟ وكمان لما أعداد الناس كلهم ... يعني نساء ورجال صغار وكبار .. بتزداد تحت شعار الصحوة الإسلامية هيدا شي .. بيحسس الواحد بشي من الفرحة .. البسمة الخفية .. بإنو لسا في ناس بخير .. والدنيا بعدها بخير .. يعني في فئة من هالعالم عم تصحا.. و بتحسس الناس كانو بدأ الإنسان العربي بشي من الصحوة بقا حاجة غفلة ونوم وغرق بالهموم .. يعني أظن إنو نحنا سمعتنا الثقافية العالمية بلشت تقل عمهلها مرة عمرة لوصلت للاختفاء .. يمكن صار الوقت انو نرجع نحنا أولياء وحكام للعالم الثقافي والتاريخي .. حاجة فخر واعتزاز بماضينا و تراثنا الإسلامي والحضاري والإستراتيجي .. إلخ .. وإلا مارح يكون لأجيالنا اللاحقة حدا تشد ضهرا فيه وتقول نحنا منفتخر بأجدادنا .. متل ما سبقناهم نحنا و أخدنا حصتنا وزيادة من الفخر فيهم و التغني بهالماضي المجيد .. صح ولا لأ !؟! إذا إنت لعيت كتير انا شو ... ؟:p :D |
أنو منيح ..
بس يا ريت تفرقولنا بين فكرة التدين بشكل عام ..... و بين الجمعيات الأصولية متل القبيسيات يللي حسب ما قريت عنهون هني مجموعة بتنادي بأفكار .... أقل ما يقال عنها إنها غبية و مستحيل تكون بتمثل دين بالعالم |
انا ع حسب شو بشوف وشو بسمع
الحجاب هو موجود عند الأغلبية مشان القبول الاجتماعي لانو معلومكون اذا وحدة محجبة ولو كانت بتشتغل عاهرة هي بنظر كتير كتير عالم أشرف من وحدة مو محجبة انا عندي صديقة مانها محجبة طلعت بباص ع الواقف وفي تنين قاعدين شباب قدامها ماحدا قال لتقعد وبعد شوي بتجي وحدة محجبة بتوقف قدامها فبيقوم واحد من الشباب بيقلها انتي بتستاهلي الواحد يقوم كرمالك فانو ناس هيك بتفكر شو منعمل معها ؟ |
مابعرف شو الطريقة إلي اكتشفوا فيها إنو نسبة المحجبات صارت كبيرة وبتخوف, إلا إذا حاسبين الصبايا إلي حاطة على راسها شاشية ولابسة بنطلون جينز ما بينزل من غير فازلين من فئة المحجبات فهون صرنا موضوع تاني اقتباس:
القبيسيات أصوليّات, في مسافة كبيرة بينهن وبين الأصولية وياريت تحكيلنا شوي من الأفكار إلي يقال عنها غبيّة حتى نستفاد ونتعرف عليهن أكتر |
اقتباس:
بيكفي تعمل بحث هون بالمنتدى لتاخد فكرة القبيسيات هني أتفه وجوه الأصولية و يللي بآمنو بأفكارون هني أسخف شعوب الأرض و عيب يرتبطوا بالاسلام بأي رابط |
كمان نقطة تانية كل الحكي اللي بيحكوه هدوول الجماعات .....حكي بهويييييييي...........لأنوالمص در اللي بيجيبو منها معلوماتن .......مصادر موجهة .......او محرفة
هلأأنا عندي سين سؤال.......... هل هادا الحجاب اللي عم يحكوا عليييييه..........هو الحجاب الاسلامي الاصليييييي.......و لا المفزلك..... بتلاقي الوحدة لابسة جنز ضيق أو تنورة قصيييرة ......و فوقو بلوزة مطالعة فيها كل جسمها ..............و وجها عليه نص كيلو مكيااج..................و بعدين حاطة هلحجاااب الملون اللي بيلفت النظر ......... يعني هيي صحيي حاطة الحجااااب.....بس ما عم تعمل هدف الحجااااب... واللي هو انو تغض النظر عنها........من اللي ممكن يؤزوها.....................بقا هدول بيشكلو 80 بالمية من المتحجبااااااات:zen:........ |
كالعادة كلام تخويفي عن القبيسات بدون دليل . موجه لتعبئة الطبقة العلمانية ( يلي المفروض أنها واعية ) ومابيمشي معها مقال ببساطة فكرة هالمقال
|
اقتباس:
هاد رأيك بس يعني وجود عدّة أشخاص أو عدد كبير من الأشخاص بيشوفوا هالجماعة أصولية أو حسب ما وصفتها تافهة والناس إلي بآمنوا بأفكارهن هني سخيفين فهاد ما بيثبّت هالصفة عليهن بس لحتى تكون بالصورة هالجماعة هي ما عندها أي أفكار منفردة فيها أو هية أوجدتها يعني مافي إلهن معتقدات خاصة فيهن وكتب خاصة فيهن بيدرسوها |
اقتباس:
|
اقتباس:
|
دائما متل عادة اي موضوع ذو بعد ديني...النتيجة معروفة...خلاف وشد شعر وخناقة...
بس الاجمل هو اننا بموضوع بسيط بنقدر نعرف توجهات وعقلية اي فرد....شي مساعد جدا منشان نعبي فيش كل واحد فيكم... بـــــقا... فرطولنا ياها...شبابز... |
همممممممم........يعني ما بعريف شو بدي قول.........رغم أني ماني متدين بوتاتاً.......بس يعني بنسبة للقبيسات........وبيما أنو أنا عايش كنت ضمن جو دمشقي بحت.....فما شفت وللشهادة ل سعدو اي مشاكل عا قبيسيات........وبأخر نحن بندعي التحرر....وبظن كمان هنين اللهن حرية بي معتقدات وتعبير عن الي بيأمنو فييو........وما بظن أنو وئت نتهمن.......بتفاهة....بيدون ما يكون عنا اي دليل بيكون العلة فينا
وكل واحد عندو عقل بيراسو.......بيقدر يحكوم فيو وكل سنة وانت حبابين |
الموضوع مالو متل مالو مفكّر البعض ...
للولهة الاولى ...واللي عايش خارج الوسط الاسلامي ...بيفكّر انو كل الجماعات هنن جماعات منغلقة , متعصّبة , تافهة ..الخ خليني وضّح كم نقطة و اشرح ...وخصوصي للبشر الغير مسلمين و للخارج الوسط الاسلامي ابّان نهايات الحكم العباسي و بدايات الحكم العثماني انتشرت ببلاد الشام و العراق ظاهرة المسلمين الصالحين .....أو مايعرف بالاولياء ....وهنن بالغالب من علماء الدين المتبحرين و المجتهدين بالعلوم الدينية ...ولكل عالم أو رجل دين مريدين و اتباع أسسو مايعرف بـ " الطرق" مستمرين للوقت الحاضر....أمثال الطريقة الرفاعية و النقشبندية و الجيلانية ..الخ لذلك ظاهرة الجماعات الدينية مو غريبة عن المسلمين بالمنطقة ... منجي للوقت الحاضر ...من بدايات القرن الماضي للوقت الحاضر ظهر علماء دين أكفّاء و كبار ولكل عالم دين الو مريديونو واتباعو ...بس هنن بالاصل مالهون أي منهج أو تعاليم خاصّة خارجة عن حدود الدين الحنيف و بيتسّمو بالاعتدال و اليسر بالدين...ماعدا بعض المتزّمتين اللي ظهرو بفترة معيّنة ...في ظروف معيّنة ...لذلك بتلاقيهون مكروهين من التكفيرين الموجودين بالسعودية و اللي بيتهموهن باحداث البدع و التساهل بأمور الدين ك الشيخ عبد الله سراج الدين و محمود الحوت بحلب و رمضان البوطي و كفتارو بدمشق وعبد الستّار السيد بطرطوس....الخ وبالغالب يتّسم هؤلاء العلماء بالاعتدال و الرفق و اللين و الحض عالتكافل و فعل الخير و الميل الى الوداعة و الهدوء بأمور الاسلام و المسلمين ولهدول العلماء مريدين و اتباع ....بياخدو منّو علمو و حلول لمشاكل ممكن يواجهوها.... بيقولو هاد من جماعة كفتارو و هداك من جماعة سراج الدين ...الخ بس بالنهاية كلّون بيصبّو ببوتقة وحدة ومافي أختلاف بيناتون... أما اللي بيحكي عن الفتاوى الخلّبية اللي بتطلع على لسان هالجماعة أو تلك ..فهاد الحكي مو صحيح أبداً ..وبتكون اشاعات تطلقها بعض الجهات بهدف التحريض وزيادة الحقد... واللي بيلاحظ انو أغلب الفتاوى الصميديعية مابتخرج الا من مصر أو السعودية " كل مين ايدو الو " |
واللي بيلاحظ انو أغلب الفتاوى الصميديعية مابتخرج الا من مصر أو السعودية " كل مين ايدو الو "[/quote]
زكرتني بالفتوى اللي طالعهاواحد من أتباع (محمد جمعة) مفتي مصر الله يعطي العافية....قبل شي سنتين وقت أباح للموظفة انو ترضع زملاء العمل في المكتب معها............ مشااااان ما يصير في اختلااااااط محرم:cry:. مستدلا بدليل خاص بعائشة رضي الله عنها.و النبي صلى الله عليه وسلم عندي بقا سين سؤااااااااااال وهو (كييييف بدها ترضعهن ؟؟؟؟؟؟) افيدونا افادكم الله |
القبيسيات... تنظيم خطير تجهله النساء!! فوزية الخليوي عضو الجمعية العلمية السعودية للسنة كثر الجدل مؤخراً عن منيرة القبيسى التى ظهرت منذ ما يزيد على ثلاثة عقود من الزمن في دمشق فمن هى؟؟؟ نفوذها: .. بشكل خاص في سوريا ولبنان والأردن وفلسطين والكويت ودول الخليج، ووصلن الى كندا وأمريكا!!وتنسب إلى منيرة القبيسي، وهي امرأة سورية تعيش حالياً في إحدى الحارات القديمة في العاصمة دمشق، وتبلغ من العمر 75 عاماً ,وتلقب بالأنسة!! وقد تفرقت تلميذات منيرة القبيسي في بلاد الشام ودول الخليج، واستطعن تأسيس جماعات أطلق عليها: الطبّاعيات في الأردن نسبة الى فادية الطباع ، والسّحَريات في لبنان نسبة الى سحرحلبى, وأميرة جبريل ,وسعاد ميبر ...، وبنات البيادر في الكويت ووجدت هذه الحركة رعاية خاصة مادية ومعنوية. كما استطعن إنشاء الجمعيات الخيرية والمؤسسات التعليمية والتربوية، وتحقيق انتشار لافت بين الأوساط النسائيةوخاصة الثريه، تشرف «القبيسيات» على تدريس مئات الآلاف من التلاميذ منذ نعومة أظافرهم وبطريقة محافظة تلازمهم في المراحل اللاحقة عبر الدروس أو المساجد، وصولاً إلى رعايتهم عبر المساعدات الخيرية والأهلية وتقديم بعض الخدمات الطبية في مستشفى «سلامة» الواقع خلف السفارة الأميركية والتابع لهن بلغ عدد «اتباعها» اكثر من 75 ألف فتاة، كحد أدنى، وفق ما أجمعت عليه تقديرات متابعين وشيوخ. ،(صحيفة الحياة اللندنية - يومية - 3 أيار/ مايو 2006) ) وسمحت السلطات السورية أخيراً للداعيات التابعات لـ «الآنسة» منيرة القبيسي، اللواتي يلقبن بـ «القبيسيات»، بإعطاء دروس دورية في عدد من المساجد في دمشق -2006/05/03الرأى علاقتها بالصوفية: كانت من مدرسة مفتي سوريا الشيخ أحمد كفتارو شيخ الطريقة الصوفية النقشبندية في سوريا، وهو الذي أشار عليها بالدخول إلى هذه الطريقة الصوفية، وقد بدأت القبيسي نشاطها في سنوات السبعينات من القرن الماضي. _قال نجل كفتارو صلاح الدين مدير مجمع أبو النور أن الانسة طلبت منه أن تختلي بجثمان كفتارو في مستشفى دار الشفاء، لدى رحيله في نهاية عام 2004، وقال: بقيت تبكي هناك أكثر من ساعة ونصف الساعة) صحيفة الحياة اللندنية - 3 أيار/ مايو 2006) وهذا سبب من أسباب العداء الحبشي لها لكون الأحباش من أتباع الطريقة الرفاعية. *وهى على علاقة فكرية ودينية وشخصية مع محمد سعيد رمضان البوطي، بل انه من اكثر المتحمسين قال عنهن : «الاخوات اللواتي ضربن المثل بالحضارة والدين والوطنية والمثل العليا" لباسهن: ويوضح البوطي: «انهن يرتدين الحجاب الكحلي لتمييزهن عن غيرهن. وغطاء الوجه ليس اجبارياً. ليس هناك إجبار على ذلك إلى ان يصير ثبات ديني عند الفتاة، بعدها ممكن ان تلبس المنديل اذا شاءت )صحيفة الحياة اللندنية - 3 أيار/ مايو 2006) وأيضاً يلبسن البالطو القصير وهذا من شعارهنّ,وهذا اللبس يلزم به الصغار والكبار؟؟ من عقائدهن القول بالحلول ووحدة الوجود : وتعظيم أئمة الصوفية القائلين بهذا القول كابن عربي والحلاج . *ومن كلام الآنسة الكبيرة " منيرة " : فقد عرف الحلاج الله حتى ذاب في حبه ، كان يخفي في ملابسه قال : " مافي الجبة إلا الله " . وكذلك الشيخ محي الدين بن عربي لم يعد يعرف الفرق بينه وبين ذات الله حيث كان يقول : أنا من أهوى.. من أهوى أنا.. نحن روحان حللنا جسداً؟!!! * قال أحدهم:تم احراق كتيب اركب معنا للدكتور العريفي عندما قمت بتوزيعة هناك من قبل بعض المتصوفات اعتراضا على قولة ابن عربى ضال وفاجر واشهد الله على حصول هذا الموقف لى شخصيا ( نقلا من منتدى الأمارات) * زهرة منصور سمعت من سحر حلبي أنها قالت : أن الله موجود في الكعبة لذلك الناس يذهبون للحج . * الآنسة رضا ي . وهي من تلميذات سحر حلبي ومن مدرساتهن في إقليم الخروب في لبنان قالت في درس لها بعد أن سألتها إحدى الحاضرات [ الله موجود بلا مكان ] فقالت رضا ى: الله موجود في هذه الشجرة وهزت الشجرة بيدها؟؟؟ امرأة من بيت شجاع دخلت إلى مجلـس سحر حلبي فوجدت تلميذاتها في حالة صمت وسكون فأرادت أن تتكلم فقيل لها اسكتي الآن ينزل الوحي عليها .؟؟؟؟ نقلا من كتاب التنظيم السرى الخطير منيرة القبيسى ..لأسامة السيد ( * نوال أ . ألفت كتابًا سمته (( المتاح من الموالد والأناشيد الملاح )قولها في ص 378 عن الله وهذا من الحلول : يـــا جـــــــــمال الـــــــموجود طــــــاب فيـــــــك الشــــــهود ثم قولها : أنـــــت فــي مــهجتي وضــــلوعـــي التــي عشــقها غايتـــي ثم قولها : ذاب كـــــلي علـــــيك وانتـــسابـــي إليــــــك والورى في يديــــك ثم قولها ص 57 عن الله : وأنــــت مــــرءاة النــــظر عــــين الـــــعيان انـــــظر جـــمالي شـــاهدا فــــي كــــل إنســــان كـــالمـــاء يـــجري نــافــذا فـــي أصـــل الأغـــصان ثم قولها ص 63 : أعــد من مشرق التوحيد نورًا يتم به اتحاد العالمــينا ثم قولها ص 77 : ما في القلب سوى الله ثم قولها ص 91 : أنــــت طب يا رب فينا وبلسم . ثم قولها ص 96 : أنـــت نسخة الأكوان فيك صورة الرحمن. ثم قولها ص 158 : مافي بقلبي غير الله . ثم قولها ص 175 عن الله : ياظاهرًا في كل شئ . ثم قولها ص 348 عن الله : يا حي يا قيوم قد بهر العقول سنا بهائك . عجـــبا خفاؤك في ظــــهورك أم ظـــهورك في خــفائك ثم قولها ص 372 : يا إلــه الــــكون يا ســـندي أنـــــت لــي بحـــــر ّ من الرغــــد يا نــــعيم الـــروح يا أمــــلي ) التنظيم النسائى الخطير لأسامة السيد) . • تعظيم الشيخة: في معتقد " القبيسيات" بأن شيختـهن لا يجوز مناقشتها؟ ، وأمرها مطاع!! ، وطاعتها من طاعة الله ، وأن حبها من حب رسول الله صلى الله وسلم ؟؟، وأن المريدة عبارة عن هيكل خلقه الله للتفاني في حب وخدمة " الآنسة " وكلما تفانت التلميذة في حب الآنسة كلما قربت من الله ، حتى تصل إلى درجة الكمال ، وإلى معـرفة الله عز وجل .. وعندها تنتقل من مرحلة العوام إلى الخواص ، ومن خلال هذه المفاهيم فهن يقمن بتقبيل يدها ويتاسبقن لشرب فضلات كاسها من الماء ، أما من ينالها شرف التوبيخ من حضرة "الآنسة الكبيرة " فقد نالت شرفاً كبيراً من الله ساقه إليها ، وفي سبيل غرس هذه المفاهيم يُطلقن بعض الشعارات مثل : "لا علم ولا وصول إلى الله من دون مربية " ويجب أن تكون العضوة كالميتة بين يدي آنستها وتكشف لها كل ما عندها حتى تستطيع أن تأخذ بيدها " ،كقولهم: ( ومن قال لشيخه : لم ؟ لم يفلح أبداً )!!! ويحكى أسامة السيد فى كتابه عدة نقولات فى هذا الشأن: قال شيخ لبناني أنهن يقلن عن الآية ( ونجيناهم بسحَر )ٍ أن معناها أن الله نجاهن من الضلال بسحر أي بسحر حلبي .. • حكم زيارة الشام تعد زيارة الشام واجباً أو لنقل حلماً لكل من يتم لها الإذن بذلك من نساء التنظيم اللاتي يدعين أن رحلة الحج والعمرة هي "رحلة كعبة المباني " ورحلة الشام هي "رحلة كعبة المعاني " هكذا ، وفي هذه الرحلة يتم مقابلة " الآنسة الكبيرة " ويتلقي الإرشاد والتوجية منها ، ولذلك تحتال بعض نسـاء التنظيم على ولاة أمورهن للذهاب إلى " كعبة المعاني" * من شهادة أخرى عضوة سابقة في بيادر السلام :تقول أنها ذهبت معهم إلى الشام في رحلاتهم السنوية الدائمة،و رأيت هناك جلسات الذكر الحماعي وقد حدث هناك أن رأيت الفتيات الكويتيات قد قبلن قدم الآنسة !?? فتجلس الآنسة في مقعد مرتفع، و يجلس الجميع على الأرض فتقول: أنت يا فلانة مظلمة و انت يا فلانة معتمة و انت يا فلانة" الله موراض عنك"، و كان الجميع يأخذ كلامها بمحمل الجد و كما لو كانت تعلم الغيب و العياذ بالله. كتبهن: (1) جماعة منيرة قبيسي كان لهنّ كتاب يتداولنه يسمى { مزامير داود } وهذا الكتاب ليس عليه اسم من ألّفه ؛ وإنما منيرة قبيسي وجماعتها لفقنه من مصادر شّتى وزدن فيه من عندهن مثل قولهنّ : " شيختنا معنا أينما كنّا لا تضيعنا " ؛ وليس عليه اسم مطبعة من المطابع . ومنذ نحو أربع وعشرين سنة كان شاب في ذلك الوقت يدعى أحمد الرفاعي مؤذنًا بالزبداني فأهدته بنت من أهلها هذا الكتاب المسمى { مزامير داود }فاطلع عليه ووجد فيه بعض هذه الأقوال الفاسدة فردّ على هذه الأقوال وأعطاه لها لكن هي خافت أن تواجه ءانستها التي تدرسها بهذا ؛ ثم نزل إلى صاحب مكتبة الفارابي وأخبره عن الكتاب فقال له أنا أبيع هذا الكتاب لهنّ ولا يشتريه من عندي غيرهن ؛ فأعطاه أحمد الردود ليوصلها لهن . قال صاحب مكتبة الفارابي لأحمد الرفاعي بعد ذلك هن عملن اجتماعًا في الشام مع منيرة قبيسي واتفقن على إنكار نسبة هذا الكتاب إليهن . وقد استمرت هؤلاء النسوة في تداول هذا الكتاب بعد ذلك ويدلّ على أنه لهن كلام اللاتي كنّ مع هذه الجماعة وتركنها فإنهن حصلن على هذا الكتاب منهن ؛ * وقد كانت أميرة جبريل تبيع هذا الكتاب لما كانت في الجامعة العربية في بيروت. * وشهدت الحاجة سلمى صندوقة في الأردن أنها اشترت هذا الكتاب من مجلس فادية الطباع قبل خمس عشرة سنة . وفي هذا الكتاب كلمات ضد عقيدة أهل السـنة والجماعة منها (كل ما تهواه موجود في ذات الله) وفيه ألفاظ باسم الاستغفار فيها هذه الكلمة ( أستغفر الله من تركي للمعصية) وفيه : ( قــل الله وحده في الـكثرة ما ترى سواه في كل كائـنة ) ومعنى هذا الكلام الأخير أن الله هو البشر والبهائم والأرض والشمس والسماء ، أي أن العالم هو الله والله هو العالم وكل هذا كفر صريح بلا شك نقلاً عن( كتاب التنظيم السرى الخطيرمنيرة قبيسى..لأسامة السيد) . (2) واحدة منهن اسمها نوال أ . ألفت كتابًا سمته (( المتاح من الموالد والأناشيد الملاح )) أكدت فيه هذه المؤلفة أن ما ذكرناه من أن الكتاب المسمى (( مزامير داود )) لهن هو كذلك حيث إنها تذكر العبارات عينها الموجودة في هذا الكتاب الفاسد . وتزيد عليه أشياء تؤكد عقيدتهن الفاسدة عقيدة الحلول !!!. ( الجامع) لسميرة الزايد ان الدكتور البوطي قدم الطبعة الأولى في العام 1994 والآن منهن واحدة اسمها سمر .ع ألفت كتابًا سمته (( المدخل )) وكتابًا ءاخر سمته (( مجلس النور في الصلاة على الرسول )) وواحدة اسمها سميرة .ز. ألفت كتابًا سمته (( مختصر الجامع في السيرة النبوية )) وواحدة اسمها نجاح . ح . ألفت كتابًا سمته ( فقه العبادات على مذهب الحنفي ) الأذكار: و لديهن ذكر يطلق عليه الصلاة النارية ولفظه "اللهم صلِّ صلاة كاملة وسلم سلاماً تاماً على سيدنا محمد الذي تنحل به العقد وتنفرج به الكرب وتقضى به الحوائج وتنال به الرغائب وحسن الخواتيم ، ويستقي الغمام بوجهه الكريم ، وعلى آله وصحبه وسلم في كل لمحة ونفس عدد كل معلوم لك " . وتقرأ هذه "الصلاة النارية " بأعداد خاصة مثل (4444) مرة في أوقات خاصة قراءة جماعية أو فردية لجلب مصلحة ما أو دفع ضرر ما عن الدعوة . وقد حدثتنى أحدى الأخوات والتى تسكن بجانب جامع النور فى دمشق حيث تتم القاء الدروس وقالت: يتم اطفاء الأنوار ويبدأ الذكر الجماعى مئات المرات والتى تصرع يحتفى بها فهذا نوع كرامة!!ويتم أيضاً ضرب الدفوف فى المسجد مع الذكر حتى أنهم أنشدوا الآذان مع الضرب بالدف ؟؟؟ علاقة جمعية بيادر السلام فى الكويت: قد طالعتنا مجلة النور في عددها الصادر في مارس 1996: باستطلاع عن زيارة الشيخ أحمد كفتارو حيث يفتخر بنفسه و يقول " أنا صوفي نقشبندي سلفي " كما أشارت المجلة إلى أن الشيخ كفتارو قد خص عضوات بيادر السلام بلقاء خاص و هذا شأنه في كل زيارة للكويت كي يمنحهن البركة في شرب فضلة كأسه حيث التسابق عليه ، و يبشرهن أن مستقبل الدعوة في المرحلة القادمة للمرأة فتوى اللجنة الدائمة حول القبيسات رقم (16011) وتاريخ: 18/5/1414هـ. الحمد لله وحده والصلاة والسلام على من لا نبي بعده... وبعد: فقد اطلعت اللجنة الدائمة للبحوث العلمية والإفتاء على ما ورد إلى سماحة المفتي العام من مستفتي من الكويت والمحال إلى اللجنة من الأمانة العامة لهيئة كبار العلماء برقم (11-16) وتاريخ (18/5/1414). وقد سال المستفتي سؤلاً هذا نصه: (بشأن جماعة من النساء في الكويت يقمن بنشر الدعوة الصوفية على الطريقة النقشبندية، وهن يعملن تحت إطار رسمي " جمعية نسائية " ولكنهن يمارسن هذه الدعوة في الخفاء ويظهرن ما لا يبطن وقد حصل أن اطلعنا على كتاباتهن وبعض كتبهن واعتراف بعضهن ممن كن في هذا التنظيم . وذلك يتمثل بعضه بالآتي: يقولون من لا شيخ له فشيخه الشيطان، ومن لم ينفعه أدب المربي لم ينفعه كتاب ولا سنة، ومن قال لشيخ لم، لم يفلح أبدا، ويقولون بالوصل بعملية الذكر الصوفي مستحضرين صورة شيختهن أثناء الذكر ويقبلون يد شيختهن والتي يطلقون عليها لقب الآنسة وهي من بلد عربي من خارج الجزيرة، ويتبركن بشرب ما تبقى في إنائها من الماء، ومن كتاباتهن لأدعية خاصة، وأني وجدتها بعد ذلك مقتبسة من كتاب اللؤلؤ والمرجان في تسخير ملوك الجان، ويقومون بتأسيس المدارس الخاص بهم لاحتواء الأطفال على طريقتهن ويعملن في مجال التدريس مما يعيطهن مجال لنشر هذه الدعوة في صفوف بنات المدارس الحكومية المتوسطة والثانوية. وقد فارقت بعض من هؤلاء النسوة أزواجهن وطلبوا الطلاق عن طريق المحاكم عندما أمرهن هؤلاء الأزواج بالابتعاد عن هذا الطريق الضالc |
فيك تقول "للصحوة الشكليّة"...
لأن بعمرو "الحجاب" و"المأذنة" (سويسرا) و"نصب المساجد" وكافّة أنواع "التديّن" الشكلي أو الصوري ما بيعبّر عن "إيمان القلب" أو عن "علاقة الإنسان بالله"... قالَ النبيّ عيسى: "ماذا ينفع إذا كان الخارج طاهراً والداخل نجساً؟! كالقبور المكلّسة" المعنى أنّو يا شباب الله يرضى عليكن القلب أهمّ بكتير من المظهر... وطول عمرو "الشكل" ما صنع "وجه"! فإذا كانت "الصّحوة" بالحجاب فبئس "الصّحوة"! |
اقتباس:
كمان ليللي بقول أنو ما عندون أفكار خاصة فيهون أنو أفكارون مستمدة من الاسلام ... أول سؤال بيتبادر لذهن أي واحد .. أنو هني على شو مجتمعين لكن إذا ما عندون أفكار دينية خاصة فيهون .. فهل يعني عندون مشروع سياسي مثلاً ..؟ ولا على شو مجتمعين بالضبط بالنسبة الي ما احتكيت فيهون غير بموقف واحد فقط ... دخلت أنا و بنت ( من هون من أخوية ) على صيدلية لنشتري دوا ... و إذ ....طلعلنا وجه شنيع لأمرأة قبيحة ... الشعر مملي وجهها ....و ازداد هالوجه قباحة .. لما نظرلنا نظرة ازدراء ... لأنو البنت يللي معي لابسة لبس فيه شيء من التحرر و رفضت تبيعنا مع أنو الدوا موجود و قدامنا .... عرفنا بعدين من الجيران أنو هالامراة قبيسية فأكيد الفكرة الاولى يللي رح تتكون عنا أنو هالجماعة ... بما تسوق له من أفكار متشددة ... بما فيها نبذ الآخر الغير متشدد .. أو الغير ملتزم متل هني ما بيقولو هي جماعة تدعو للكراهية بين أطياف المجتمع .. و تدعو إلى رفض الآخر |
لك مشان ربكم شو هالحكي هاد .. ليش هيك عم تديقو عفكركم عم تزمروا على اعتقاداتكم ..
لك مافي شي من هالحكي .. هي انا مشتركة بدورات تتبع بيادر السلام وحصل وقابلت وسمعت محاضرات وحكيت انا شخصيا مع هالناس يلي عم تحكو عنهم ... والله ما فيهم جنس الحكي يلي عم تقولوه .. وبعدين هيدي الصلاة النارية يلي عم تحكو عنها .. الكل بيعرفها .. انا كتير احيانا بقولها .. مافي شي من هالحكي .. انو شو المشكلة اذا كان في مجموعة من الناس عم تحيي جمعات عم تسأل فيها مرضات الله .. متل ما بيصير حفلات لمطرب الفلاني .. ولا مقابلة مع الفنان الفلاني ... بس هون عم يبسطو حالون من دون ما يعصوا الله .. و دق عالدف يلي عم تحكو عنوا .. والأناشيد كلها هي لحتى يبعدوا عن الأغاني التانية يلي فيها كلام بعيد عن الحلال .. لانو بطبيعة نفس الإنسان فيه حب للنغم وللطرب .. لكن قصة تقبيل اليد وهالحركات انا ما شفتها هون وإذا شفتها طبعا رح انتقدها .. لكن صح نحنا لما بتجي الآنسة يلي بتكون مسؤولة عنا طبعا رح ننزل نحنا عن الكنباية أو الكرسي مثلا .. ونقعدها بمكان بتشوف الكل لانها جاية تحكي معنا ... وبعدين لما انت احيانا بتكون عم تقابل ناس مانك متعود عوجوهها رح يصير عندك إحساس اذا كان منيح ولا لا طيب ولا غدار وخاين ولا غيرو وغيراتو .. بس هي ما بحياتها قالت هيك من الباب للطاءة قدام الكل لحدا انو انتي هيك وانتي مظلمة ولا انتي بعيدة عن ربك ولاا مابعرف شو .. يعني والله حاسة كتييير من هالحكي في ظلم وكذب او تحريف للصح ... حتى انكم عم تلقبوهن اسماء من عندكم.. انا يمكن هي اول مرة بسمع فيها .. بعدين من هالحكي يلي عم بقراه فوق حسيت بشؤم واكتئاب وغم وكانوا هالناس ناس ما بتستحق تكون عدين الإسلام لكن لما شفت اسم بيادر السلام بالكويت .. لا.!. حسيت بنفرة فظيعة وصعقة قوية عقلبي .. لاني بحياتي ما شفت شي من الحكي يلي عم ينحكى .. وصح نحنا بنجتمع وصح نحنا منستعمل الدف ومنأنشد .. وعندي اناشيد بتجنن كتير بحب اسمعها .. و منعمل الصلاة النارية(يلي ما بعرف شو سبب انتقادها فوق ) بس انا للعلم .. الصلاة النارية اظن ولا مرة انا حضرتها لكن سمعت عنها لكن ا نا عملتها مع امي و خالتي وخوالي بسوريا ومع انو امي وعيلتنا كلها تقريبا ما حدا كل هالقد ماشي عتعاليم الدين الإسلامي و خوالي بيصلوا يوم اي وعشرة لا بس وقتها اجت عبال ماما وقلناها شي كذا مرة وقتها كان يوم مدري شو اسراء والمعراج يمكن ولا هيك شي ... وهيدا شي بيدل عانو ا هي الصلاة النارية مو من اختصاص القبسيات ابداا عقولت الكاتب فوق .. أما عن هالمدارس يلي قال انها منهم هي .. فانا قصيت فترة المتوسطة تبعي بمدرسة إلها علاقة قوية مع بيادر السلام .. وبحياتي من وقت ما كنت بالرابع لهلا ما شفت او سمعت عن شي من يلي عم ينحكى .. بقا مشان الله هيدا الحكي على أي أساس مستند .. انو فعلا بدون بزوق ولا من دون الزوق بدون يكبروا فكرة انو هيدول ناس ما بتسوى وكخة .. رغم اني ما بنكر انو في ناس حاملين السلم وفايتين بالعرض و عم يعملو كتييير شغلااااات ما بينسكت عليها .. هيدول الفئة من الناس يلي ازم يتحاربوا ... مو هيدول .. لك بعدين شو بدكم منهم .. ان اجتمعوا ولا ما اجتمعوا ... شو بيأثر هالشي ... هم بهيك اجتماعات فكرهم يشجعوا البنات على ختم القرآن بشكل اسرع او يتحجبوا وا كتيير شغلات تانية .. بعدين بمتل هك اجتماعات بيصير في لقاء للأحبة لوجه الله تعالى مو لمصالح .. وسوري مرة تانية لاني عم طول .. :oops:.. بس عنجد شي بيأسي :cry: :D |
اقتباس:
:D |
اقتباس:
|
اقتباس:
المقصود يا سيدي العزيز إنو في جماعة من الناس بيطلقوا على أنفسهم علمانيين طبعاً مو كلهن بأي مكان بالعالم بيطالبوك بفعل أمور والتصرف بتصرفات تدل على التسامح, وبيوصفوك بأوصاف ما أنزل الله بها من سلطان, هلأ كونو أنا وانت وهداك وهديك مسلمين فنحنا ملزمين بالتصرف حسب رغبتهم, بس بالمقابل هنن مالن ملزمين بتطبيق جزء بسيط من التنظير والمحاضرات إلي بيحكوها عن التعايش والتسامح وتقبل الآخر واحترام آفكار الآخر وإلخ إلخ. بيطالبوك إنو يكون عندك تقبّل للناس إلي بتختلف أفكارها عن أفكارك وبيختلف دينها عن دينك وبتختلف توجهاتها عن توجهاتك وتعاملهم على أساس مبادئ الإنسانية, وعلى أساس إنهن بشر وأناس متلهم متلك, بس بالمقابل هنن مالهن ملزمين بالتعامل بنفس الأسلوب معك. بتقرأ مقال أو أي كتابة لأشخاص تدّعي التحرر والعلمانية بتلاقي كلها هجوم على حريّة ومبادئ أشخاص مقتنعين بيلّي عم يعملوا, بتناقش بتلاقي إنّو تيتي تيتي آخدين فكرة مستحيل يغيروها حتى لو قعدت حلفتلهن بالله أو بكارل ماركس من هون للصبح وقلتلن إنّو هاد الشي مو من عنّا وهالمجموعة مو هيك أفكارها ما بيسدقك ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ يعني إذا بنرجع للمقالة المنقولة مالي شايف فيها أي شي صحيح وواقعي, بيقلّك الحجاب عم يزيد وين عم يزيد كرمال الله قلّولي, بس شكلو إلي كاتب المقال كتبوا بعد ما مر من ناح جامع كاين فيه صلاة تراويح وشاف النسوان طالعة وحاطة على راسها قال الحجاب زايد :lol: بنجي على فكرة القبيسيات, أنا خريج مدرسة قبيسية تعلّمت فيها 9 سنين وطبعاً إلي الشرف بهالشي, صح إنها مدرسة قبيسية وكل آنساتها قبيسيات بس والله كنّا ناخد نفس منهاج الوزارة ما كان عنّا منهاج غيرو والكتب إلي كنّا ندرس فيها نفس كتب الوزارة يعني بتذكر كان مطبوع عليها من ورا مطابع تشرين أو مطابع البعث, الفرق بينها وبين باقي المدارس إلي مالها قبيسية إنو لبين ما يجتمعوا كل الطلاب الصبح بيحفظونا قرآن ووقت الإنصراف لبين ما يصير وقت كل واحد وباصو بيحفظونا قرآن وهاد كان كل الإختلاف عن المدارس التانية, حتى كان معنا طلاب ولاد مسؤولين وفنّانين فلو إنها ذات طابع ديني مابظن كانوا هالأشخاص بيرضوا يسجلوا ولادهن فيها.... إذا في منهن عاملين غابات على وجوهن هاد ما بيعني إنه من ضمن دراستهن ممنوع نزع الشعر, يعني كلها إجتهادات شخصية... |
اقتباس:
|
احلى لولو
حكيت فوق وبرجع بحكي ما بيحق لاي بني ادم بالدنيا انو يرفض الاخر..السبب الاول لمهاجمتهون هو مو بس عدم تقبل..بل وعدم احترام الاخر..متلون متل كل الجماعات الاخرى المتشددة..سواءا كانت مسيحية او لا |
اقتباس:
مثلاً ازا انا صادفت وحدة تنتمي لجمعية ما أو للكشّافة اللي تتبع طائفة ما و كانت هالبنت فلتانة من حضن لحضن...ممكن أقول انو هالجمعية تحضّ عالرزيلة و افشاء الفاحشة و التحلل الاخلاقي !! النا أحدى المعارف اللي عايشة بالشام ...المخلوقة متزوجة و عايشة طبيعي و بتحضر أعراس و وبتشارك بكل الامور اللي منعملها نحن .... كمان كانت المعيدة عنا بالجامعة ...كانت تضحك و تمزح و تختلط فينا متل أي معيد و دكتور ...وكانت قبيسية هي المشكلة انو هيك جماعات .....وبحكم انغلاقهون على نفسهون ...بيعطو ارضية خصبة للشائعات و القيل و القال .... مثلاً يامن "مايسترو" استشهد بجماعة افتاء السعودية بحكم هالجماعة ..مع انو افتاء السعودية بيكفّر و بيحرّم عالمرأة انو تسوق السيارة مثلاً ....هل من الممكن انو نستعمل هيك شهادة كدليل أدانة و اثبات ؟ |
اقتباس:
طالما انو مافي غصب أو أو اكراه على الدخول بالجماعة ...ونشر أفكارون بالقوّة و تحت تهديد السلاح .:lol:.. فشو المشكلة..!! |
ليش عدم احترام الاخر بيبين بس تحت تهديد السلاح او انو يغصبوك تفوت بالجماعة؟
ليش تطليعتون وحكيون ونميمتون على اي بنت غير محجبة تطليعتون عليك بطريقة غلط..هي مو عدم احترام؟؟ انو يجبرو بناتون واولادون على شي..مو عدم احترام؟ مجرد عدم قبولك..وعدم قبول انك تناقشون باي شي...طالما هنن مو مقتنعين فيو صديقي..هو عدم احترام |
ليش مين قلك انو ولادون وبناتن عم يعملو يلي عم يعملو بالأكراه .. انا عم قلك عايشة بين هالناس يلي عم تحكي عنهم .. وترا أغلبهم سوريين .. مافي ولا شي من هالحكي ..
يمكن بعضهم بيفكروا انو هيدا الصح واي شي غير هيك .. غلط .. وبعدين هي الزمرة من الناس لما حتطلع عبنت مو محجبة او عليك او على اي حداا غيرك بطريقة غلط فهادا مستحيل يكون صار إلا بسبب تصرف بدر من هالإنسان يلي عم يطلعو عليه بيجبر الواحد غصب انو هيك يطلع عليه .. هلا انا عن الوضع بسوريا ما بعرف .. بس هون بالكوويت البنات بشكل عام .. طبعا بشيل منهم الفئة يلي بعرفها ومعاشرتها .. ما عاد عندهم شي اسمو الحياء او الخجل .. واي حدا بيطلع فيهم او بيحكي معهم .. وانا بأكدلك انو قدام عيني وعلى مدى مسمعي .. ماصار شي من هالمواقف غير بكل الزوق والأدب والاحترام .. لإن صارو البنات يعملوا الطالع والنازل والهابط والصاعد وحتى المستعرض:p ومو هامهم الرأي العام ونظرة الغير إلهم .. ولا حتى محترمين الناس يلي عم يقابلوها وين ما راوحو و وين ما إجوا .. فإنت عم تحكي عن الاحترام .. وانا بقلك انو هو موجود لكن مو من الطرفين .. هي انا عم بحكي عن الشي يلي بيصير قدامي .. و لا تخطر عبالك ابدا فكرة انو هي(عني انا) شو عرفها بيلي بيصير .. والله قدامي بتصير شغلات بتشيب شعر الراس .. بعدين لما وحدة من الآنسات المقتدرات مثلا رح تنظر نظرة ما بعرف شو ممكن تكون اسمها ... يعني ممكن تكون استخفاف استحقار او اي شي تاني .. فهي بتكون عم تنظر لوحدة عم تشوه سمعة دينها بما انها وحدة مسلمة .. بس مستحيييل يكون حدا من يلي عم بحكي عنهم بينظر نظرة متل هيك عحدا مو مسلم أصلا .. لانو ما خصون .. إلا طبعا بعض الناس يلي بيكون هي من طبعها ما في شي اسمو زوقو لا أدب ولا أخلاق متربية عليها .. ومتل ما كمان حكيت قبل هيك ماسكين الدين من دنبو .. ترا والله هيدول حرام وغلط لانو (بما معناه) الرسول عليه الصلاة والسلام .. قال ان الدين يسر لا عسر ... بقا عرفت كيف ؟!؟ :D |
اقتباس:
صديقي مايسترو, هي الفكرة كان عندي شبيه إلها, بذكر بمرة من المرات عم جيب أهلي من درس فإنو نزلت رفيقة إمي مشان وصلها على طريقنا الفكرة إنو كانت مالها محجبة, هلأ أنا إلي بعرفوا إنهن كانوا بدرس بس هي شو عم تساوي بالدرس, طلعت بتحضر معهن دروس من حوالي الشهرين فإنو أنا سألت أهلي إنو في معكن بالدرس ناس مو محجبة قالوا ايه وفي كتير وكتير عادي الوضع المشكلة بحد ذاتها صديقي إنو في بعض الأمور الغلط إلي طلعت والتزئت بالقبيسيات مع إنهن كتير بعاد عن هالشي, ومالن متل ما كتير منكن متصور إنهن جماعة متشددين |
اقتباس:
هلاء مشان موضوع الاحترام أو عدمو هي بتتبع لشخصيات و عقد و تربية الشعب .... النميمة و طق البراغي و الحكي الطالع نازل متبادل بين كل البشر عندنا....:lol: الاغنيا بيفكرو كل الفقرا طمّاعين و عينن ديقة .... الفقرا بيفكرو كل الاغنيا مصاصين دماء و محظوظين ... السبور بتحكي عالمتحجبّة متخلّفة و متقوقعة ... المتحجبة بتحكي عالسبور فلتانة و ماحدا ضاببها... السلفة بتستغيب بنت حماها ... الموظف بيفنجر عيونو و بيحسد زميلو ازا اخد مكافأة الشوام بيحكي عالحلبية ...الحماصنة عالحموية ... اهل المدينة بيحكو على اهل الريف انن نَوَر و مابيفهمو اهل الريف بيحكو على أهل المدينة انن كسالى و نفسيات واطية يعني بالمحصلة انو هالامراض الاجتماعية "عدم احترام - نميمة - حسد ..الخ " مابتتمي لجماعة أو تيار .... وبالنسبة لاجبار بناتون و اولادون على اتباعون ...هي ماعرفت منين جبتها ...لانو مافي أي جماعة بسورية ....وانا عندي خبرة بهالموضوع ....بتحض الاباء على اجبار أولادون اتباع "شيخ" او "طريقة معيّنة" .. وعلى فرض انو موجود ....ما انا لمّا بدي ربّي ابني متل مابشوف انا ...مو متل مابيشوف جاري أو رفيقي ... وكوني عمبربّي ابني ...معناها عمبضخّ فيه قناعاتي و تجاربي بحياتي ....وهو بالاخير يصطفل ... كتير من الناس منعرفون ...الاب بيكون متدين و محافظ و ملتزم جداَ بيطلع ابنو شيوعي متحرر ... |
اقتباس:
:D. اقتباس:
اقتباس:
|
| الساعة بإيدك هلق يا سيدي 03:58 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون