هلأ الموضوع مش وليد هاللحظة ولا انتقاد اليوم, انا عم ادرس هالموضوع من اول رمضان ولاحظت عدة شغلات بتشترك فيها اغلبية المسلسلات (الا من رحم ربي :p)

1- في اكتر من مسلسل بيحكي عن خيانة الزوج وبالتحديد الخيانة مع صديقة الزوجة مثلا مسلسل (عن الخوف والعزلة مع كاريس بشار) و (قاع المدينة مع سلاف معمار) و (قلبي معكم مع نادين تحسين بيك) وغيرو واذا بتلاحظو قليل ما في ازواج مرتاحين وهالحكي وارد بس مش بهالشكل.

2-التحدث عم موضوع الفقر والكثير من النكد وعن هالموضوع في كتير مسلسلات وفي الجهة المقابلة في عائلة بتكون غنية وافرادها دائما بيعانو من الانحلال والفساد وهون عاضو مبدأ (لا للتعميم)

3- تشويه صورة الرجل بالمجتمع وتصويره على انه وحش ودايما الحق عليهو وهو غالبا هالمسكين تحت دائرة المسائلة (حرام احنا يا اخوان:cry:)

4 ظاهرة الخربطة شيت انو نفس البطل موجود بأكتر من مسلسلين تلاتة والله بطلت جمع:shock:

انا هون ما بعترض على المسلسلات من حيث النوع لأنو الدراما السورية قدمت وبتقدم ارقى انواع الدراما بس هو عتاب كونو ما صار هيك من قبل والله شي بيمخول
هلأ لازم ننصح كاتبين هالسنيناريوهات انهم يقعدو قعدة عرب يشوفو هالافكار وينسقو بينها والذي منو ( طبعا هاي دعابة:o)

وبشكركم لحسن استماعكم:D

كاتب النص الأصلي : ورده بغداد (مشاركة 1330090) للاسف هذا الماشي في في المسلسلات صناع الدراما والمشاهد يحبو هيك نوع

كاتب النص الأصلي : zen (مشاركة 1330093) هلاء اللي انت عم تحكي عنو او هالقصص اللي عم تشوفها متشابهة هي موجودة بسياق احداث روتينية بالمسلسل لانو قصص المسلسلات الاساسية مختلفة يعني متل قلبي معكم هوي ما عم يبحث الخلاف بين الزوج والزوجة هوي بيبحب عن العلاقات اللي بتصير بين الطبيب والمرضى وغير هيك تحديدا الخلاف القائم بين الزوجين هوي خلاف ما تعودنا نشوفوا باي مسلسل تاني يعني التكرار بالقصص شي روتيني وهوي من الحياة بس لب القصة مختلف هيك انا بشوف :D

كاتب النص الأصلي : IWANA1990 (مشاركة 1330676) بالفعل لاحظت هالشي خصوصي شخصية سولافة معمار بزمن العار يلي حسيتها قريبة كتير من شخصية امل عرفة بغزلان في غابة الذئاب ,,