|
اذا ما كنت سوري ( عن حأ وحأيئ ) لا تحاول تئرأ
أول ما جهجه الضو ، اجا يوسف ليشطف البيت، منشان البأ ، سكّر باب لصئاء، شلح الشحاطة منشان ما يجئجئ، و جرجر الكراسي و شئفة الزريعة ، و تكتك شلون بدو يشطف، بحبش شوي، دندل البربيش و شغل المي من الجب، سخنا عالنار لبقبقت و بربقت، و كتا بالحوش الجواني بالطاسة لانو ما عندن سطل أو ئسطل و صهريج و خرطوم،
و دعك الارض منيح من الزفر لانو دبئة ، فك الكمر ليترحرح و شلح الشلحة ، منشان ما تتشحور، و شلفا وراه، و فشّخ فوق المي ، و دئّر شوي ، و بعدين نط بجعزة ، تفشكل بكومة دف ، و انطبش جواتا، طبشة آآآتولية ، و انجرحت ايدو واوا حشّك ولبك، و بعئ و جعّر آخ يا يامو ، يا يابي ، واجيت امو وبإيدا الطواية و الشمشاية و قالتلو يييي عليك ، ليش عبتحركش و تنكّش ، متل البوبو ، كنت امسوك الدرابزين، شو معمصة عيونك و مفشفش ، ئعود عالبرطوشة ، و تلقح عالزيىء ، و حاج تطرطىء و تفرتّك ، و دحتّه هديك الدحة ، و جابتلو شئفة شرشوطة و ربطتا ، بعد ما خسلتا بالمي وعصرتا ، و طرطشت تنورتا، و أأأالتلو ئوم تغندر وللي على أأأمتك شو نعيان , ناتع هالطول علفاضي , أاوم من وششي , هزيتللي بدني , وما شطفت البيت , ولا راح البأ , تضرب بيهالاااامي ,, |
عالطاير عالطااااااااااااااااااااا ااااااااااير
|
منيح يلي انا سوري ولا ماكنت فهمت ولا كلمه عن جد وللللي على أمتو هاليوسف شو انو نعيان وخروأ
عن جد الموضوع فلجه |
إي سهلة كتييييير ... فكرتك جايبتيلنا شي أصعب من هيك .. بئراها وأنا مغمض
 بس منحئة بدا شوام عالأصلي مشان يعرفو يئروها ... خصوصي باب الصئاء ويجئجئ  |
شو مشان ...تحلّو عن الحلبية :pos:
|
إي الكلام تلت رباع نصو شامي .. ما حدا إجا بالحلبية طاول خيو ..:lol:
|
هووي اصلا للشوام بس ما حبيت اكتب هالشي مشان الوحدة الوطنية ومراعاة للاحاسيس المرهفة شيت اعضاء اخويتنا
|
أخلائك عالية يا lolo510 :deal:
|
طيب ..
شو مشان ..تحلّو عن الحلبية والشوام :pos: |
اقتباس:
|
اقتباس:
|
اقتباس:
|
اقتباس:
|
واتي كمان ام النور
يسلمو |
| الساعة بإيدك هلق يا سيدي 09:01 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون