|
كنيسة اللاتين" دير الأباء الفرنسيسيين
كنيسة اللاتين" دير الأباء الفرنسيسيين
تعتبر "كنيسة اللاتين" للآباء الفرنسيسيين الواقعة في حي "العزيزية" بحلب من أهم الكنائس الحديثة وأكبرها حجماً وهي على اسم القديس "فرنسيس الأسيزي". بدء بإنشائها في مقبرة الطائفة في العزيزية عام 1934 م وتم تدشينها بتاريخ 10 تشرين الأول عام 1937م، وهي كاتدرائية واسعة الأبعاد على طراز البازليك ذات ثلاث أبهاء تفصل بينها الركائز الضخمة وتتميز بسعة هيكلها وأرغونها الضخم وقد بنيت على طراز كنائس القرن السادس الكلاسيكية ببرجيها الأماميين مثل كنيسة "قلب لوزة" ويقوم إلى جانب الكنيسة "دير اللاتين" الذي يقيم فيه الآباء الفرنسيسيون ويضم قاعة متحف صغير غني بالكتب واللقى الدينية. قام التجار الأجانب بعد زلزال 1822 م المدمر ببناء منازل خارج سور المدينة في حي الكتاب فشيد الرهبان الفرنسيسكان في الحي كنيسة على اسم القديس "انطونيوس البادواني" هدمت سنة 1975 م كما شيدوا في حي "الرام" في "السليمانية" عام 1910م كنيسة وديراً ومدرسة كانت تضم أكثر من 2200 طالباً وطالبة من عرب وأرمن. أما فيما يتعلق بالرهبان الأجانب فكانوا يقيمون الصلاة مثل "الفرنسيسيين" في "قنصلية البندقية" أو في "قنصلية فرنسا"، كما تمركز بعضهم في "خان البنادقة" وكان "لليسوعيين" كنيسة برعاية الجالية الفرنسية في "خان الحبال" وللآباء الكبوشيين كنيسة في "خان القصابية" ولآباء الكرمل كنيسة بحماية الجالية الايطالية في "خان البنادقة"، كما كان "للإنجيليين البروتستانت" معبد لخدمة الجالية البريطانية في "خان الجمرك". |
اقتباس:
في شغلة حيرتني بالصور أنو الصورة التانية والتالتة مالهم علاقة بكنيسة اللاتين الصورة التانية هي لكنيسة السريان الكاثوليك والتالتة على ما أظن لكتيسة مارجرجس |
الله عليكِ يا ساندرا... من إيمتا صرتِ تشتغلي بالإفتاء؟!
عجبتني ملاحظاتك وهاد يدلّ على ثقافة حلبيّة ميدانيّة :p. وهاي ألك :sosweet:. مع الشكر لصاحبة الموضوع. |
هلا عزيزي قرصان الأدرياتيكو :oops:
القصة مش متعلقة بدقة الملاحظة :larg: بس عملياً أنا بنت المنطقة ويعني مو حلوة صور مأخوذة من منطقتي وما أعرفا ثقافتي الحلبية الميدانيّة ماشي حالا يمكن لأني بنت دوارة :lol: بس ناقصا كتـــــير اشيا هي صورة قديمة لكنيسة اللاتين لقيتها عالنت  - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
يعني ضروري تفضحينا؟! هلا بحلفك بالآلهة الوثنيّة شلون شفتيلي أراضيّ الأدرياتيكيّة؟!
غير شكل ما هيييييييييييك؟! بعدين أنا فهمت كل شي إلا صورة الخجلان أوّل سطر :larg:. ليش من إيمت يعني؟ :p :lol: :sosweet: |
من حوار الروح :D |
يا اما حلب اللي انت قاصدتيها بموضوعك غير اللي انا عايش فيها
يا اما في شي غلط بالقصة موضوعك شلشني وخلاني اخطف رجلي ونسيت آخد الكاميرا معي (( من سرعة الخطفة يعني )) ورحت على الاتين وصورتها بموبايلي لأن فعلا هلوست انه معقول خلال فترة سفرتي غيروا شكلها وهاد اللي طلع معي  وبحياتها ما كانت كنيسة جوارجيوس او مطرانية السريان الكاثوليك تنتمي إلى اللاتين فـ شو القصة ؟! |
اقتباس:
شو ساندرا .. شو بفهم من هالسمايلي ؟؟ اللي حاطتيه جنب كلمة الرام ؟؟ بالنسبة للصور ما طلعو عندي ... بس اذا فعلا صور مارجرجس والسريان الكاتوليك ... فأكيد مو تابعين للاتين ... |
اهلين بالجار والله :yahoo:شو مشان لازم كون بعرفك :o ارجع حوّل عالخاص
اقتباس:
... من الأماكن يلي مجرد ما اسمع اسمها قلبي بيدق كأن عم اتذكر حبيب أو شي كتير عزيز عليي إييييه أيام :fthink: |
| الساعة بإيدك هلق يا سيدي 04:50 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون