نداء الى كل شامي حندوء وكل شامية حندوءة
 

نداء الى كل شامي حندوء( يعني زكي) وكل شامية حندوءة( يهني فهيمة كمان) نحنا هون سوف نضع قاموس بمصطلحات الشامية العريقة......

وسوف نرجع لأيام زمان.... يعني موبس منار بتحط قاموس ونحنا كمان بنحط واحد... يحرء حريشك( قول يقال للمدح...و يعلا أطاط كل واحد بساهم بهالقاموس الفريد ( يعلا أطاطك لفظ يطلق للمدح المهضوم) المهضوم أي الخفيف الظل...شنو ( لأنو بالشامي) نحنا بالشام عنا مصطلحات خيلة ( خيلة يعني شغلة كتير كبيرة وعظيمة) بابا...كلمة بابا تأتي للتأكيد على التميز والتفرد......


شلوني معكون يامنظيم( منظيم جمع منظوم وهو الشخص الحباب ) أيضا والكربيج( والكربوج وهو مفرد كربيج ) ويعني الأشخاص الي كتير حبابين بشكل مو طبيعي.........

يلا بلشو بالصلاة على الحبيب ( اللهم صلي على سيدنا محمد وعلى آله وصحبه وسلم).

^^^^^^^^
تقبرني = من شدة المبالغة يقال تقبرني من القبر .
تشكل آسي = أي تضع نبات الآس على قبري بعد أن أموت .
تقبش عظامي = بنفس معنى تقبرني .
كربوج = لطيف و ودود .
مهضوم = خفيف الدم .
ورقة = ليرة ..وفي العامية تقال ورقة .
ليش = لماذا .
شلونك = كيفك .
شو = ماذا .
شبك = ما بك .
بدّي = أريد .
هادا = هذا .
أجدب = احمق .
طاقين فيوزاته = مجنون .
يللا = هيا .
ابضاي = قوي ، شهم .
زكاتك = لوسمحت .
اديش = كم .
يسلمو = شكرا .
بوسة = قبلة .
منيح = جيد .
لعمى = تقال من الدهشة وتخفيفا (لعمش) .
فوت = ادخل .
اجى = جاء .
لازم = يجب .
زفت = سيء جدا .
خراس = اخرس .
سد حلقك = اسكت مهائيا و هي ثقيلة و الأخف سكوت .
على أبو موزة = دليل على العشوائية و عدم التركيز .
أبو اربع عيون = اللي يلبس نظارة .=======>هاي بطلوها عنا من أيام ماحفرواالبحر
حليق ، قحط = اذهب .
ببو = طفل رضيع .
حرامي = لص ، سارق .
زلمة = رجل .
خورفة = مصطلح جديد و يعني لجرم بالشخص كالخروف .
دخيل اسمو يلي خلئك وصورك يامضر شوانك مافي منك.......
دخيل اسمو مصطلح يعني والله

صورك يعني خلئلك

شوانك مافي منك دليل التميز والتفرد

منقول مع بعض التعديل

نيجي هلق للأمثال:-




اّاّرع ودانه طويلة ----- شي بيغطي شي


ابن الحلال عند ذكره بيبان

ابن عم العروس بينزلها من ضهر الفرس

اجرة السلم حملانه

اّتاية عوجا جلسها بتنكسر

اجري واجرك بالفلاّة

احسن دوا شم الهوا

احمض ماعندك طبوخ

ادن من طين وادن من عجين

اذا الاكل مو الك بطنك مو الك

اذا بدك تحمه لا ترد بتمه

اذا بدك مرتك تلين عليك بحطب التين

اذا حضرت الملايكة هربت الشياطين

ارعة بمشطين وحولة بمكحلتين

الاخرة يافاخرة

بالوش مراية وبالافا صرماية

باين عليك وعلى اوالبك

بتحطه بالصدر بتلاقيه بالعتبة

بسعد السعود بتدب المي بالعود-----وبيدفا كل مبرود

بكينا لعمينا------ومشينا لحفينا

بياكل فول وبيرجع للاصول

بيموت المعلم ونائصه تعليم

تاجرنا بالكفان بطل حدا يموت

تتعشى لما تنام خفيف

توب العيرة مابيدفي ------وان دفا ما بيوفي

جاجة حفرت على راسها عفرت

جارك الاريب ولا اخوك البعيد

جبنا الارع ليونسنا ---- كشف عن ارعته وخوفنا

جنازة حامية والميت كلب

حاكي اليل اصل ولا تحاكي صايم بعد العصر

حبيبي وصاحبي بس عالجيبة لاتاّرب

حكى بدري ------ وانشرح صدري

راكب جمل وحامل علم وبيؤول ماحدا شايفني

رخيص وكويس وابن ناس

زبال وشاكل وردة

سموك مسحر خلص رمضان====> هادي منتشرة في الوطن العربي عامة

استروا ما شفتو منا

اقتباس:

لك انا كنت مفكرتها يعمى الظاهر هادا يللي علمني ياها ما بيعرف شامي مزبوط :tomtom::tomtom::tomtom:ولا شو كرومة

هادي اختلفت فيها الأقوال
بدك قول الجاحظ ولا قول الثعلبي في تفسيرها


عموما نكمل شوية عندي زيادة
اغييي = دليل عالرجولية ( الزلمنة)
أسسع هيك = بعّد عن طريقي
ايوا - خاااال - عمّي - = للمنادات
سداجة = سجادة
أعل = عقل
معلأة = ملعقة
ءعووود = اجلس
منيح = مليح
حاج تحوص وتلوص متل الصوص = دوختنا حاج تتحرك رايح جاي
برسيس = لعبة شامية ( معروفة مارح اشرحها )
شكر بكر = لعبة شامية
( عبارة عن ورقة صغيرة مجعلكة و3 كشتبانات ... منحط هالورقة تحت شي كشتبان ومنضل منفتل بهالـ3 كشتبانات والتاني لازم يحزر تحت أي كشتبان هي الورقة )
والكلمة المألوفة عنا بسوريا هي أصلها بنانية منقوا (حكرة بحكرة)
زيء ميء = في الها معنى بس والله ما خطر ببالي هلأ

بدنا ناخد استراحة وبعدين نحكي

يتمييز ابن حلب بالود والوفاء والعفوية والصفاء والكرم ومن
عفوية ما يقال الامثال الشعبية الحلبية...بني الشهباء ...الذين يالفون الضحك والفكاهة والحب والود....رايت ان اذكر او ابدء بذكر بعض الامثال الشعبية التي تقال والتي سمعتها او قرئتها او ما لدي ...
*المنحوس منحوس ولو علقوا على باب بيتوا فانوس ,وان شعلو بينطفي ,وان ازلو بنوس.
*دايمة بالعز في شاي إلا نفز.
*هلي بتطبخ منه بتاكل منه.
*حبسو في كيس مع ابليس ,طلع منه ابليس يستغيث.
*ابن ادم نصو خلقة ونصوا خرقه.
*ابنك صغير ربيه وان كبر خاويه.
*الارض التي ربت حنطة وشعير ما بتربي ها الصغير.
*دسنا الاراضي التي ما بتنداس وبسنا الايادي التي ما بتنباس.
*الاستقامة عين الكرامة.
* خود لبنتك الاصيل ولو كان عا الحصير.
*آخ على اكل مخاخ
*يقبر امو لو فتح تمو كان اكل الحكيم وامو. :p :p
علمناهم الشحتة سبقونا عند أبوابها ===>هادا المتل بحبو كتيير
*منو ما اخد امي بسميه عمي.
*ما بروح عاشق الا بيجي مئة الف مشتاق
*اللي بدق الباب بيسمع الجواب.
*ست خدوج لبست البابوج باجريها العوج
*البخل ما نزل من السما ولكن ناس تعلمت من ناس.
*.
*البقة تولد مية وتقول ياقلة ها الذرية.
*تطفضلو ياناور جبنالكن اكلة فيها زفر.
*كل جديد وله لذة وعا العتيق السلام

وفي بعض المفردات ماني متأكد منها متل كلمة (زمك) اللى كانو يقولولي اياها وانا صغير
اعتقد معناها قصير والا مو:lol:

:lol: :lol: :lol: :lol: كتيييييييييير حلوين مشكور امير
عنجد في شغلات كتير مهضومة هاد تبع :gem:
يسلموووون وبانتظار المزيد واذا فيك اذا فيك تجبلنا شوية حكيات حلوين عن الحماصنة :p 8) 8)

والدبك للنبك كمان نسيتها

لك تأبوش ألبي على هل حكيات شو حلوين بتستاهل عليهون مجأة :kiss:
لك يسلم هالتم يلي عم ينئط عسل :king:

(( على أبو موزة = دليل على العشوائية و عدم التركيز ))

أنا بعرف معناها غير هيك
بس على كل حال مشكور يا أمير على الموضوع الحلو كتير ;-)

مشكور و بحاول ادور

خجلتني والله ياأخي



طيب ولا يهمك بنضيفها للموضوع ^_^

اقتباس:

(( على أبو موزة = دليل على العشوائية و عدم التركيز )) أنا بعرف معناها غير هيك

يعني بدي ارجع للقاموس

يسلم هالتم على هالحكيات