|
مرحبا يا بني ادمين
هلا كمان مرحبا بس انو انو كنت مالل و ما بعرف شو بدي اعمل او كيف انو يعني فتحت عمنا (google) و كتبت قهوة سبيرو فطلعلي موضوع انو عن عبدة الشيطان اللي بيقعدو فيا و اللي بيوقفوا بشارع هنانو قريت الموضوع انو منيح و حلو بس الردود ولو ليش انو يعني كتير هيك ليش العالم ما بتشوف ابعد من انفا يعني او لي انو بيقيمو الواحد من شكلو انو شو هالقدرة العجيبة انا ما قدرت استوعبا... انو مثلا عمو البني ادم THE,unforgiven
ما بعرف كيف انو او من وين جايب معلوماتو عن العالم اللي بتسمع او انو بيسمعو بلا ما يحبو انو يعطيه العافي يعني بس شو منشان انو ما يعمم مثلا؟؟؟بعدين حابب ئلو شغلة صغيرة منشان العادات و التقاليد انو ولو عمي شو منشان انو في كتير من العادات و التقاليد اثبتت فشلا و حلا نكبا يعني و تاني شي انو من بعد اذنك مو كلشي غريب عنك تعتبرو شاذ او غلط انو يعني انا وئت اللي بكب ورئة بسلة الزبالة بالطريق او وقت بوقف عاشارة المرور الساعة 2 الصبح مثلا اذا حمرا العالم بتضحك عليي يمكن لانو هي عاداتا و تقاليدا و هيدا شي واضح انو غلط و ما عميقتنعو فيه فانو كيف ممكن يستوعبو بني ادم حاطط بيرس (انو حلق يعني بادنو او فوء حاجبو او هيك شي)..... و هيدا البني ادم (ابو ريتا) او شي شغلة انو ولو شكرا الك بس شو منشان انو كونو شكلك كتير مؤمن ماشاء الله اكبر عليك يعني و بسم الاّب و بسم الله انو كونك بتعرف الله فيمكن بيئلك بكل كتبو السماوية شي بمعناه انو خليك بحالك و شو بدك بغيرك و انو ما بدي ادخل بمواضيع الدين و الالحاد هلا بس رأيك بصراحة انو يعني كتير محترم... هلا بالنهاية انو شكرا الك خيي THE_unforgiven بس انو ولو شعب عندو الانسة او الاستاذة الفنانة القديرة سارية السواس و الاستاذ وفيق حبيب و حاتم العراقي و جاسم العبيد هيدول اللي انو اغانيون كلا نفس الشي عانو و الله كنت حبا و تحبني و انا كنت كتير منيح بس هيي اخر شي زبلتني و ما عم يعرف ليش لانو يمكن ما عارف شو بدو ولو بني ادمين جد انو شو منشان انو مرحبا نحنا هلا 2009 يعني... و ما بعرف بس انو ليش انو مو عبدة الشيطان هني بعض رجال الدين يللي ما همون الا يعملو طائفية بالبلد و يكفروا طوائف تانية ما برايكون عبدة شيطان او شي شغلة ابشع من الشيطان اذا في ابشع منو يعني؟؟ انو ولو عمي بالنهاية كل بني ادم و الو راسو و زوقو ان كان باللبس او بالاكل او شو بيسمع شو بيحب و شو بيكره بس انو جد بطلو شوية تعليقات و انا مع احترامي للفنانين العرب اللي ذكرتون بس انو ولو معلش عن شو ميغنو او لشو او عايا موسيقى مثلا؟ انو كتير هيك داعور و جراش و ما بعرف مين يعني يا عمي انتو يللي بتحسو حالكون الله عاطيكون قدرات رهيبة انو من شكل البني ادم او من تيابو بس يلبس اسود او من كم حلق حاطط بوشو بتعرفو شو بيعبود و شو ما بيعبود و اكيد بتعرفو عنو كلشي طيب يا عمي استوعبونا و خدونا ع قد عقلنا يعني و عفكرة اذا بتحاولو تخففو الثرثرة بنسبة 50 بالمية لمدة سنة بس انو شوفو بلدنا ئدي رح تتطور بهالسنة اللي مخففين ثرثرة و منشان هيدا اللي كاان عميحكي عن الشباب اللي بيقعدو بسبيرو و بيوقفو بشارع هنانو انو يا عمي البني ادم انا واحد منون بس حابب اسالكون سؤال انو يرحم بيكون تعو حكونا هالحكي بوشنا لانو نحنا فينا شغلة انو اذا شكل البني ادم مو متلنا انو ما عنا مشكلة فيه و ما بنحكي عليه بضهرو و شي مرة يعني اذا طبعا بتنزلو من مستواكون شوي و بتنزلو ع مستوانا انا رح انو اضمنلك انو شوي اذا بدك او بتقتنع بشي ممكن تشوفو و تلمسو قدامك رح تغير و جهة نظرك و بالنهاية انو انا من كل ميتلجية طرطوس ما بعرف ولا واحد بيعبد الشيطان او حتى بيسرق او بيعمل مشكلة او بيسب ع حدا او بيلطش ع بنت ماشية بالطريق او حتى بيحكي ع حدا و يا عمي اذا حاسدينا او منشان تعرفو شو بنحكي بس نقعد بسبيرو انو ما في موضوع محدد بس يمكن عن شي مبارات صارت او عن شي شو بدنا نعمل بكرا او وين بدنا نروح نلعب سلة او انو شغل درس و جامعة او نو شي مشكلة صارت مع البني ادم بالبيت و هيك شغلات انو ما بنحكي اسرار يعني هلا ع فكرة ما بعرف اذا بتعرفو انو بهالشلة اللي مو معبايي عينكون في شب بيلعب سلة كتير منيح و ع فكرة بيصللي و بيصوم و واحد معو بطولات دراجات و كتار بيعزغو غيتار او درامز و عالم بتدرس و متفوقة بجامعتا و واحد بطل بالجري انو و شغلة مشتركة بين الكل انو كلنا بنرفض نطلع برا سورية او نهاجر لانو جد كلنا بيهمنا هالبلد يمشي لقدام و كلنا حين الجد ما بتفرقنا الطوائف و بيجمعنا اسم سورية... و عفكرة بناكل و بنشرب ة بنبكي و بنضحك و بنحب و بنتوجع و بننقهر و انو بني ادمين متلنا متلكون بس يمكن بنفرق عن كتير عالم انو ما بنثرثر ع حدا و لا بنحكي ع حدا بضهرو و يمكن او اكيد بنعرف الله اكتر من كل النصابين و مبيضي الاموال و الحرامية و النشترية و يللي بيبلتنو و اللي بيعملو مشاكل مثلا و بالنهاية يا خيي اللي بيقلنا مرحبا بنقللو اهلا و اللي بيسب علينا بضهرنا جد بنضحك عليه و بنقول يا حرام يعني و اللي بدو يسب علينا بوشنا ما بعرف لانو اسا ما صارت لانو ما بظن وصل الوعي لهون اسا و ما بعرف شو اسا بدكون بس انو ولو بس شوي حاولو تطلعو من موضوع مبدأ الضد انو مو كل يللي مانو متلك معناتا شي غلط........ و يلا ما بعرف بس انو |
طيب أخي الكريم :
ليش أنت ما بتاخود بالمقولة التي بتقول ( الأنسان عدو ما يجهل ) و تقوم بتعريف الشباب على الثقافة اللي بتحملوها و هكذا الشباب بصير عندهم فرصة للتعرف على الشباب الطيبة عن كسب |
اقتباس:
|
اقتباس:
|
اقتباس:
أنا مغترب أكتر من عشرين سنة في أوروبا هون في الغرب لحد الأن كلما بيشوفو واحد من جماعتك الناس بتطلع فيه و هات يا غمز و هات يا لمز و لحد الأن الناس العاديين ما بيعرفو شيئ عنهم ألا أشياء ما بحب أحكيها الأن منشان ما تاخود على خاطرك مني . يعني هي أوربا و ما أدراك ما أوروبا فكيف بدك من شعبنا يتقبل شيئ غامض بهذه السهولة . و حضرتك مليت من الشرح و التفسير للناس . أذاً : اللي بدو يعيش بين الناس يجب أن يلبس ما يليق بالناس لا تنسى أن هؤلاء الناس هم أهلك و ناسك لا تغرد خارج السرب |
اقتباس:
|
ولصاحب الموضوع: بالمواضيع الواردة بأخوية عن هالقصة في كتير أشياء مذكورة منها آراء ومنها آراء متشنجة، بس اعتراضك على بعض الآراء ما لازم يخليك تعمل متلون وتهاجم أزواق غيرك بنفس الطريقة اللي عم تعترض عليها.
وخصوصاً أنو هون في كتير ناس ما عندا مشكلة مع أين نوع حياة بتحب تختارو أو أي نوع موسيقى بتحب تسمعو. ملاحظة صغيرة: اسمحلي اعترض على الطريقة اللي كاتب فيها فوق، يعني ما في لا فاصلة ولا نقطة ولا مقاطع، حولتني لقدرت ركز لأقرا الموضوع!!!  وهي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
لذا و كما يقول المثل الباب اللي بجيك منو ريح سدو و أستريح يعني هيك الغاية من التصرف فقظ الظهور على أي شيئ لا أحد يعلم |
انو خيي حابي ليك في شغلة ما بعرف يمكن ليش العالم هون او بشي محل تاني مانا مستوعبتا يمكن لانو فوق مستوى تفكيرا او يمكن لانو تفكيرا الكتير عالي نسي هيك موضوع تافه انو يا عمي لانو تقليد لحدا وكا ناطرين شي من وراه ولا ختى انو يا عالم شوفونا لك يا عمي العالم كلا ع راسي و عيني بس شو منشان انا يعني ؟؟؟ انو جد مو ضروري كل شغلة بيعملا البني ادم يكون في الا سبب غير انو هيك بدو او عاجبو هيك.... و يا عمي انو ما تزعل مني او مو انت بس جد لو كل العالم متلك بتسكر الباب اللي لابيجيا منو ريح كان شكرا يعني انو هيدا اللي بدنا ياه انو كل واحد بحالو و ياعمي صدقني انو لا تغرد خارج السرب طيب انت انو ما بعرف من وين انو انت جبت كلمة سرب ما تزعل مني و سوري لهالتعبير بس شكلو قطيع معمي ع قلبو و ماشي عالفطرة بس... يعني يا ريتو سرب لانو بشكل عام السرب بطير متل ما بدو مو متل ما بيحس انو لازم و عيب و ما بيصير... و بعدين انو ممكن بس تفسرلي شغلة لانو ما فهمتا انو اذا بدك تعيش بين الناس يجب ان تلبس متل الناس(يجب) ما بظن في شي بيلزمني... و بالنهاية خبرتك و رح ارجع خبرك كل العالم ع عيني و راسي بس شو منشان انا ... و ما بعرف بدي خبرك شغلة انو اوروبا و ما اوروبا عراسي بس شو منشان انو انا سوري و من سوريا........ ما ةبعرف شو بتعنيلك هالكلمة بس بتعنيلي الي كتير. و يمكن الشي الاساسي لنجاح البني ادمين باوروبا هوي بس شغلة صغيرة بس كتير مهمة يمكن الطوق تبع العادات و التقاليد شالوه من رقبتون و بشكل عام كل بني ادم بحالو و شو بدو بغيرو....
|
هلأ ثواني شوي
.. انو .. عنجد خيو بينك فلويد .. مرحبا .. اهلين هلأ ما فيني قلك انا شو رأيي بالموضوع اللي فوق .. بيكوز لأنو ما بعرف شو القصة .. وماني قاري هيك موضوع من قبل .. اما الشغلة التانية .. فأنو انا سمعت اسم قهوة سبيرو .. هلأ هي قهوة سبيرو قعدت فيها مرّة وحدة .. فقط لا غير .. هلأ ايمك عن انو عبادين شيطان ولا عبادين بقر .. ولا عبادين متّة .. بس شفت الشباب هنيك اغلبو شباب واعي ومثقف .. لأ وبتزكر انو كانوا عم يشتغلو على شغلة رائعة وحبيت اني كون معن بس خجلت قلو لرفيقي .. كانو عم يعملو " ما بعرف شو اسما بالضبط .. بس انو قعدة " وشموع وكزا .. على روح محمود درويش كان وقتا متوفّي .. طيب .. منرجع لردّك الاخير .. وهادا ما فيني احكي فيه ولا كلمة .. سوى انو انا موافقك بالافكار الرئيسية .. والفكرة العامة .. وكل الافكار .. والطريقة مع اني حبيتا .. بس انو تقيلة شوي .. عالعالم .. وعلى معدتا .. هامش : يا زلمي خليتني عد حالي قديش بكتب " أنو " .. كتير ولو .. |
أنا رأيي الخاص فيني
أنو هالموضوع قد يكون مطرحو بالسقيفة قد يكون للحزف ... و ليزالك رح نخلي عكيد السقيفة ( أبو سمرة ) يـُنظر في هالموضوع .. و منردلك خبر . :pos: |
ولو يعني او ما شطح نطح...........يمكن كان لازم العنصر البشري يطور فكرة عبدة الملائكة كمان عشان يصير توازن مذهبي
|
| الساعة بإيدك هلق يا سيدي 16:27 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون