|
رد
1 ملف مرفق .
وحدن - كلمات طلال حيدر غناء فيروز
وحدن بيبقو متل زهر البيلسان وحدهن بيقطفو وراق الزمان بيسكرو الغابي بيضلهن متل الشتي يدقوا على بوابي على بوابي يا زمان يا عشب داشر فوق هالحيطان ضويت ورد الليل عكتابي برج الحمام مسور و عالي هج الحمام بقيت لحالي لحالي يا ناطرين التلج ما عاد بدكن ترجعو صرخ عليهن بالشتي يا ديب بلكي بيسمعو وحدن بيبقو متل هالغيم العتيق وحدهن وجوهن و عتم الطريق عم يقطعوا الغابي و بإيدهن متل الشتي يدقوا البكي و هني على بوابي يا زمان من عمر فيي العشب عالحيطان من قبل ما صار الشجر عالي ضوي قناديل و أنطر صحابي مرقو فلو بقيت عبابي لحالي يا رايحين و التلج ما عاد بدكن ترجعو صرخ عليهن بالشتي يا ديب بلكي بيسمعو - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - يلا ناطر أراء تحياتي الحارة ظل جيفارا |
اقتباس:
اما بالنسبة لوحدن بيبقوا حبيت ان ذكر ان هالغنية كتبها طلال حيدر لفرقة فدائين من الحزب الشيوعي طلعوا ليقاتلوا الصهاينة واستشهدوا وحدن بيقوا متل زهر البيللسان بالذاكرة خالدين حتي لو زال هالوجود وكل يوم بيدقوا حيطان الذكريات بفيض هالوحدة الي عايشهامتل حمامة بقفص ناطرة الي راحوا بهديك الليلة الباردة(يعني بالبرد الاحتلال) والي كل يوم بيرجعوا بالليل ليمسحوا دموع الاطفال ويسكنوا الام المعذبين وبيظل الشاعر ناطر رفاق عضو القنديل الي شعلوا قبل مايفلو وبيسال اذا راح يمر من حدوا شي يوم رفاق متل رفاق زمان ...رفاق بيقاتلوا الشتة وبيصهرو التواريخ اممي :D |
شكرا كتير على الوصف الجميل ..... صديقي عنجد وصف جميل جدا اسهب للكلمات بمجملها .
انا برأيي يصير الشرح بشرح عام ومجمل ومن ثم اقتباس اشطر وشرحها شو رأيك هيك بتقيد اكتر بس بصراحة لازم يصير في تفاعل اكتر . تحياتي الحارة ظل جيفارا |
اقتباس:
ياسيدي يسلموا كتير انك شاركت بغنية مشان لايكون الموضوع حكر علي بالمشاركات وانا معك بهالالية بس ساعتها مابعتقد ان كتار راح يوقفوا ليقروا المكتوب كل بعتقد ان شحة المشاركات بهالموضوع سبب ان معظم الشباب بالاخوية بيحبوا يقروا او يقفلوا بس ان نوقف نفكر شوي بشي شوي ملغز راح ياخد وقت منن وبالتالي بيكتفوا بالقراية بس بكل الاحوال يسلموا لكل الي عم يمروا وبيتركوا بصمتهم او الي عم يقراوا الي عم نكتب بالنهاية الهدف ان الفائدة تعم الجميع اممي:D |
اولا موضوع رائع بجنن :D
تانيا اختيار اغنية وحدن فعلا روعة يا ظل جيفارا وشرحك الها كتير حلو يا اممي :) تالتا انتي هلأ شرحتها بشكل عام وبعتقد لامست جوانب حقيقية منها بس انو ممكن يكون نحنا عنا تفسيرات شخصية ياللي بتلائم لظروف معينة (ممكن تكون احداث شخصية مرقنا فيها) وعلى اساسها فهمنا الاغنية فهل مسموح يكون في شرح على اساس منظور وافكار شخصية بحت؟ يعني مش بشكل عام! :D |
ان مع الاخت مروة بهاي الناحية
يعني احيانا الانسان قد يجد ان الاعنية تلامس موقف او تجربة انسانية منفصلة عن موضوع الاغنية الاساسي ثانيا بالنسبة للكمية المشاركات انا باكدلك ا ن الموضوع هيكون خلية نحل باقرب وقت بس انتا اتوكل على الله وقول يارب |
اغاني مارسيل خليفة اكثر من رائعة ولما بيسمعها الواحد بيحس حاله بعالم اخر ودائما نجد البعد الوطني والقومي واضح المعالم فيها فلنحاول ان نبحث عن المغزى الذي أراده الشاعر ولنفكر فيها بطريقة مختلفة على الرغم انها تبدو للوهلة الاولى للحبيبة
انا انظر الى هذه القصيدة من زاوية نظر اخرى قد اكون مصيبة او مخطئة لكن هذا الشيء نسبي فكل انسان له نظرته الخاصة في فهم اي نص ادبي تقع عليه عيناه ناتي للبيت الاول (امر باسمك اذ اخلو الى نفسي كما يمر دمشقي باندلس)هنا يرمز الشاعر بالمحبوبة لوطنه وأمته صاحبة التاريخ المشرف والحاضر التعيس والسؤال الذي يطرح نفسه لماذا اختار الدمشقي والأندلس قد يكون ذلك من وجهة نظري انه يستحضر الماضي اذ يرمز بالدمشقي والأندلس للأمير العربي الدمشقي عبد الرحمن الداخل الذي دخل الأندلس وأقام فيها صرحا للمجد والعلم هنا أضاء لك الليمون ملح دمي وها هنا وقعت ريح عن الفرس)وفي هذا البيت يتذكر التضحيات التي بذلت لرفعة ومجد الأمة في الماضي وفي نفس الوقت يتذكر متحسرا كيف تراجعت هذه الأمة العظيمة كسقوط الفارس الشجاع عن جواده (امر باسمك لا جيش يحاصرني ولا بلاد كأني آخر الحرس)هنا يشير الى أن هذه الأمة لم تعد كما كانت منيعة حصينة وعظيمة ويشير الى حالها المتردي الآن فلا من يحرسها ولا من يذود عن حماها ولم يعد هناك من يقاتل من أجلها لانها فقدت معاني العظمة التي اقترنت بها في العصور الماضية (او شاعر يتمشى في هواجسه)امر باسمك مجردا من ذلك الاحساس المفعم الذي كان يبعثه اسمك فيا فمشاعر الاحباط والحسرة تمنع روحي من التحليق وشاعريتي من التدفق كالشاعر الذي تخلت عنه هواجسه لانك تخليت عن مجدك التليد والزفرات الأخيرة يطلقها من جوانح صدره وهو يحن الى"محبوبته"كما تمناها وأراد أن يراها هنا لاأدري لماذا تذكرت مع هذه الزفرات زفرة آخر حكام الأندلس وهو خارج منها يبكي ملكا أضاعه ومجدا هدم بنيانه هذه مجرد وجهة نظر قابلة للنقد وتقبلوا فائق احترامي وشكرررررررررررررررررا الكم كثييييييييير:D:ss::oops: |
اختي تحليل شيق ورائع ومحزن كل تلك المشاعر التي رسمتها ريشتك بتحليلك ذاكخرجة من صدري تنهيدة حراء
لهذا الواقع الاليم لو قارناه بملك مضاع وتاريخ نشعر اننا لسنا ابنائه ولا هو جذرنا نحن كلما نظرنا في مرآة التاريخ شعرنا باننا لقطاء لا دنيا لنا الا ثالوث الرعب ابون الفقر وامنا الجهل ونحن المرض بكاء اخر ملوك الاندلس ورثناه عنه هو اضاع ملكه ونحن بغبائنا وسلبيتنا نُضيع تاريخنا **** بس حبيت تضعي الاغنية الواردة ضمنها هذه الكلمات لو تسمحي |
اقتباس:
يمكن جمالية هالاغاني بتجي من كونها بتتغير معانيها حسب حالتنا النفسية وحسب احساسنا الي بيختلف من واحد للتاني باكد ان انا مابومن بوجود تفسير خاطي لاي غنية من هالاغاني لان كل التفاسير صحيحة من وجهة نظر الي كاتبها بالتالي لا حدا يخاف من ان يحط راي ويعبر عن شو حس وشو بترمز لالو هالابيات اممي :D |
اقتباس:
ياسيدي عنجد ماكنت مفكر بهالغنية بهالطريقة بس بيظبط وبيغطي رموز كتير رائعة للمرجلة الي نحنا عايشين فيها اما بالنسبة للغنية فهيه موجودة ظمن نفس المشاركة تحت اسم امرو باسمك :D |
هلا انا برأيي جمالية هيك كلمات انو ممكن تنفهم بأكتر من طريقة مو بس كل حسب ثقافته لأ كمان كل حسب ما يريد وقد تأخذ بعدا رومانسيا وقد تاخذ بعدا وطنيا وقد تأخذ بعدا قوميا ..طبقيا ... وكل حسب رغبته
انا جايب معي غنية جديدة لمارسيل بعنوان جواز السفر كلمات محمود درويش جواز السفر لم يعرفوني في الظلال التي تمتصُّ لوني في جواز السفرْ وكان جرحي عندهم معرضاً لسائح يعشق جمع الصور لم يعرفوني، آه... لا تتركي كفي بلا شمسٍ، لأن الشجر يعرفني... تعرفني كل أغاني المطر لا تتركيني شاحباً كالقمر! كلُّ العصافير التي لاحقتْ كفى على باب المطار البعيد كل حقول القمح، كل السجونِ، كل القبور البيض كل الحدودِ، كل المناديل التي لوَحتْ، كل العيونِ كانت معي، لكنهم قد أسقطوها من جواز السفر! عارٍ من الاسم، من الانتماء ْ؟ في تربة ربَّيتها باليدينْ؟ أيوب صاح اليوم ملء السماء: لا تجعلوني عبرة مرتين! يا سادتي! يا سادتي الأنبياء لا تسألوا الأشجار عن اسمها لا تسألوا الوديان عن أُمها من جبهتي ينشق سيف الضياء ومن يدي ينبع ماء النهر كل قلوب الناس... جنسيتي فلتسقطوا عني جواز السفر! يا ريت اللي عنده الغنية حاليا ينزلها . تحياتي الحارة ظل جيفارا |
اقتباس:
قبل كلشي كل عام وانت بخير رفيقي ... لهالغنية هي ابعاد كتير عميقة عندي من حهة كوني اتربيت بعائلة يسارية ومن جهة اخري اني خلال سنوات عمري ال24 عشت في 5 بلدان لضاع فيني الانتماء لوطن محدد وصار عندي قناعة حقيقية ان كل ارض هي وطني مادام في محبة بقلبي للانسان الي بيحيا فيها ومادام هداك الانسان يمكن ان يحبني فكرة هالغنية تعتدم علي فكرنا الاممي الي بيلغي الحدود الي انحطت بين الشعوب والي خلتنا بالاخير نعمل حروب ضد بعض ونمنع بعضنا من زيارة الاخر واستخدامنا لهويات عبودية بتحط في كثير من الاحيان مشاعر كره دفينة للاخر وحتي لو ماكنا بنعرف ....عفكرة هالغنية بتعبر عن اسمي ...اممي بعتقد ان هالغنية بتحكي عن انسان تاه بين المطارات وهوة عم يدور علي وطن انحرم من رغم ان كل شبر فيه كان شاهد علي دعسة قدم او ضربة من معول او قصة حب مخباية تحت شجرة توت وامام انظار عصافير الضيعة الي كان عايش فيها ليوصل بالنهاية لقناعة ان كل الوديان والجبال وكل الزهور الها نفس الاصل في كل وطن وبالتالي كل ارض يمكن ان تكون وطن ومن هون ما بيعود الوطن عند قطعة ارض علي قد ما هوه محبة وود من العالم والناس المحيطين فينا ....كل قلوب الناس جنسيتي فالتسقطوا عني جواز السفر اممي :D |
اقتباس:
شرحك رائع جدا صديقي الغنية تماما عن الفكرة الأممية طرحها محمود درويش بشكل عظيم ولحنها مارسيل بشكل اعظم تحياتي الحارة ظل جيفارا |
اقتباس:
|
اقتباس:
|
جواز السفر
1 ملف مرفق .
جواز السفر الحدود المتنقلة, يتحرر الشاعر هنا من قيود جواز السفر وقصر الجنسية على وطن معين فجنسية الانسان اكبر من ان تُحد بحدود رسمها مستعمر او رسمتها عادات و |
اقتباس:
لترسم هي الكلمات وتعبر اصدق تعبير عن المعاني |
اقتباس:
معقول انتي هالفترة تحياتي الحارة ظل جيفارا |
| الساعة بإيدك هلق يا سيدي 18:28 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون