أخوية

أخوية (http://www.akhawia.net/forum.php)
-   كمبيوتر (http://www.akhawia.net/forumdisplay.php?f=20)
-   -   مشكلة كومبيوترية و حلها , حل جميع مشاكل و اعطال الكومبيوتر (http://www.akhawia.net/showthread.php?t=111723)

boy freind 25/10/2008 06:57

مشكلة كومبيوترية و حلها , حل جميع مشاكل و اعطال الكومبيوتر
 
مرحبا شباب

هالموضوع رح يضم جميع مشاكل الكومبيوتر التقنية و البرمجية الخ..........

يعني اي مشكلة بتواجهك بتجي بتخبرنا واكيد منساعدك لتحلها

يعني الفارة تنحت , الكيبورد اتحيون , و الشاشة عم تطفي لحالها . الجهاز كلو ما عم يقلع الخ............

او شي برنامج متنح و ماعم ينحذف ومشاكل الفيروسات الخ.............

يا ريت ما حدا يفتح موضوع جديد لكل سؤال و منحاول تجمع معلومات الاعطال كلها هون

:D

satoman 25/10/2008 07:06

حلو بلشو معي في صوت نقرات خفيفه عندي بالكمبيوتر بدلت المراوح مامشي الحال ولسى في صوت

مصدر الصوت طلع من الهارد ديسك مع انو الكمبيوتر شغال نظامي بس احيانا لما بيطلع الصوت بيطفي



مع العلم اني اضطريت لتقسيم الهارد ديسك وعملت فورمات جديد بس النتيجه ذاتها لما يطلع الصوت


يعوض بسلامتكم بيطفي شو في حل :?

boy freind 25/10/2008 07:22

اقتباس:

كاتب النص الأصلي : satoman (مشاركة 1143365)
حلو بلشو معي في صوت نقرات خفيفه عندي بالكمبيوتر بدلت المراوح مامشي الحال ولسى في صوت

مصدر الصوت طلع من الهارد ديسك مع انو الكمبيوتر شغال نظامي بس احيانا لما بيطلع الصوت بيطفي



مع العلم اني اضطريت لتقسيم الهارد ديسك وعملت فورمات جديد بس النتيجه ذاتها لما يطلع الصوت


يعوض بسلامتكم بيطفي شو في حل :?

بعض انواع الهارد ديسك بتصدر صوت متل الهيتاشي ساتا 1

الصوت طبيعي و مابيدل على عطل بس اذا انت عملت تقسيم للهارد كتير

فهالعملية مضرة كتير وهي السبب انو عم يطفي

لا تعيدها و بكرر انو الصوت طبيعي جدا

يا هلا :D

satoman 25/10/2008 07:39

هاي
 
مشكووووور

bki 25/10/2008 10:12

حبيبي بوي فريند. أنا عندي مشكلة بالويندوز فيستا وطرحتها هون بس ماحدا قدر يفيدني. المشكلة إنو لك مابعطي كليك يمين ع فايل أو ايقونة برنامج بيروح الويندوز إكس بلورر طالب اعادة تشغيل لحالو, مو بس هيك, ماعاد فيني اعطي أمر نسخ أو لصق أو حذف ولو باستخدام اختصارات الكيبورد......
شو الحل يا كرام علماً إنو النسخة أصلية

مشكورين جداً سلفاً

Reemi 25/10/2008 11:29

مثبت :D

cornholio 25/10/2008 13:52

H E L P
 
ليك حبيب قلبي :
من شي اسبوع نزلت ال virtual drive 9 عندي عالجهاز و لما نزل تفاجئت انو في 20 virtual drive نزلو عندي
هوي الخطأ كان مني لانز انا عملت تحديد ل كل السواقات الوهمية اللي قللي انو انا اي واحد بنزل
لما بلشت احذف البرنامج , تفاجئت انو السواقات ما راحو
جربت احزفون عن طريق ادارة الاجهزة او استعادة النظام بس عبس
ف في اي طريقة ل حل هالمشكلة غير الفرمتة ؟؟؟

bki 25/10/2008 16:28

أخي الكريم برأيي ارجع نزل البرنامجين اللي عامليلك مشكلة وبعد هيك اعملن uninstall باستخدام برنامج your uninstaller واللي ممكن اتنزلو من هالرابط

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -



لأنو هالبرنامج بيمتاز بإنو رح يحذفلك البرنامج المطلوب مع أي ملفات مرتبطة فيه وحتى مفاتيح الريجيستري المرتبطة بالبرنامج المحذوف.



مع اعتذاري من صاحب الموضوع لأنو أنا جاوبت بس بتوقع إنو هوي كان قصدو جمع المشاكل بمكان واحد من حيث الطرح والرد.

boy freind 26/10/2008 02:43

اقتباس:

مع اعتذاري من صاحب الموضوع لأنو أنا جاوبت بس بتوقع إنو هوي كان قصدو جمع المشاكل بمكان واحد من حيث الطرح والرد.
ما ي داعي للاعتذار و طبعا انا بقصد انو الكل يحل المشاكل مو بس انا

شو ما عندي شغلة غير مشاكلكون :lol:

boy freind 26/10/2008 02:44

اقتباس:

كاتب النص الأصلي : bki (مشاركة 1143429)
حبيبي بوي فريند. أنا عندي مشكلة بالويندوز فيستا وطرحتها هون بس ماحدا قدر يفيدني. المشكلة إنو لك مابعطي كليك يمين ع فايل أو ايقونة برنامج بيروح الويندوز إكس بلورر طالب اعادة تشغيل لحالو, مو بس هيك, ماعاد فيني اعطي أمر نسخ أو لصق أو حذف ولو باستخدام اختصارات الكيبورد......
شو الحل يا كرام علماً إنو النسخة أصلية

مشكورين جداً سلفاً

هلأ بظن السبب فيروس اكيد لأنو اذا عم تقول انو اصلية معناها اكيد فيروس

لا تقلي عندك كاسبر سكاي 2009 لأنو الاصدار 2009 متل قلتو و غبي كتير

bki 26/10/2008 09:22

اقتباس:

كاتب النص الأصلي : boy freind (مشاركة 1144335)

لا تقلي عندك كاسبر سكاي 2009 لأنو الاصدار 2009 متل قلتو و غبي كتير

فعلاً اللي عندي هو كاسبر 2009
طيب بشو بتنصحنا باشا؟؟؟؟؟؟

cornholio 26/10/2008 20:33

اقتباس:

كاتب النص الأصلي : bki (مشاركة 1144502)
فعلاً اللي عندي هو كاسبر 2009
طيب بشو بتنصحنا باشا؟؟؟؟؟؟

حبيب قلبي لازملك انتي فايروس كتير ممتاز انا رح اعطيك 3 اسماء مشهورين
الاول هوي ال avg free edition 8,0 و هادا هوي اخر اصدار الو و حلاوتو انو ما بدو لا activation key ولا مفتاح تعريف متل الكاسبر ( الحلو فيه انو ما بيخليك تفتح keygen او اي فلاشة مفيرسة ب الاوتو رن
التاني هوي النود انتي فايروس nod antivirus و هاد كمان من النوع الكويس كتيير
التالت هوي ال eset smart security و هيك اسمو اذا ماني غلطان و هاد نسخة احسن من نسخة ال nod antvirus

و بالمناسبة : شكرا عالرد

boy freind 27/10/2008 05:18

ال avg بيهوي اكتر من الكاسبر

النود ممتاز و ال eset كمان كتير منيح

بس انت نزل كاسبر سكاي انترنت سكيوريتي 7

احسن شي و انا منزلو عندي و مشان المفاتيح مو مشكلة ابعتلي رسالة خاصة و بعطيك مفاتيح

اذا ما عندك البرنامج نزلو من

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


cornholio 14/11/2008 19:49

هلق انا في مشكلة عويصة عندي :
بزماني قفلت مجموعة برامج بالwinrar ب كلمة سر. بس مع مرور الزمن نسيت كلمة المرور . جربت برنامج اسمو winrar password remover بس ما انشالت كلمة السر ولا حتى تزكرتها .
ف اذا في حدا عندو حل ل هيك مشكلة يخبرني لانو من شي اسبوع نزلت مشاركة و طلع ما حدا كفو و رد عليي

:jakoush::jakoush::jakoush:

jano. 14/11/2008 21:42

إلى فطاحلة الفيستا....
 
أول شي شكراً يا بوي فريند عالموضوع..

تاني شي رجاءً يا شباب، الي عندو خبرة بالوندوس فيستا يساعدني..
بدي احذف برنامج الـ Media Center لأنو هلكني بآخر فترة.. كل شوي بيفتح لحالو بلا أحم ولا دستور وبيبطئلي الجهاز..

حاولت غير بالاعدادات ومامشي الحال
وما قدرت احذفو كمان..
فشو الحل؟

عندي نسخة
Windows Vista Home Premium
وشكراً سلفاً


Reemi 15/11/2008 12:26

أنا بدي حل للمشكله الي عندي ..والا بفك التثبيت عن الموضوع وبحذفووو هااا

جهازي الديسك العادي جبتلو يو اس بي ( TP Link) مشان يصير يلقط الوايرلس الي عندي .. وعرفتو ونزلتو وكلو تمام بس بيضل يطلعلي بدل الاشاره تبع الوايرلس بيطلع هيك دويره حمرا (متل تبع ممنوع الوقوف) .. وما عم يلقط شبكه ولا شي .. فشو الحل :jakoush:

..AHMAD 15/11/2008 13:25

بسيطة ريم

كبسي على START>Run

بعدين كتبي هالجملة متل ما هية وعطيه اوكي

اقتباس:

%SystemRoot%\system32\services.msc /s
في تحت شي اسمو Wireless Zero Configuration

بعدين كليك يمين ... و تشغيل

بيمشي الحال

:D

..AHMAD 15/11/2008 13:42

اقتباس:

أول شي شكراً يا بوي فريند عالموضوع..

تاني شي رجاءً يا شباب، الي عندو خبرة بالوندوس فيستا يساعدني..
بدي احذف برنامج الـ Media Center لأنو هلكني بآخر فترة.. كل شوي بيفتح لحالو بلا أحم ولا دستور وبيبطئلي الجهاز..

حاولت غير بالاعدادات ومامشي الحال
وما قدرت احذفو كمان..
فشو الحل؟

عندي نسخة
Windows Vista Home Premium
وشكراً سلفاً

مرحبا باشا...

هلئ بالفيزتا ما عندي هالخبرة الكبيرة لكن في حل موقت بتقدر تعملو

Start > Run
بعدين اكتب

اقتباس:

msconfig
بتروح على خيار startup وبتشيلو من القائمة هيك ببطل يفتح .. ازا ما مشي الحال خبرني بلكي بسالك الشباب عنا :D


الساعة بإيدك هلق يا سيدي 20:12 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03244 seconds with 11 queries