أخوية

أخوية (http://www.akhawia.net/forum.php)
-   علوم و تكنولوجيا (http://www.akhawia.net/forumdisplay.php?f=24)
-   -   السفر في الزمن حقيقة أم خيال (http://www.akhawia.net/showthread.php?t=127323)

Nasserm 26/08/2009 22:40

اقتباس:

كاتب النص الأصلي : mblue
ما ظبطت !!! هلق فهمنا انت لما عم تمشي بسرعة الضوء الزمان بالنسبة الك وقف منيح هيك ... منيح ! وعلى اعتبار انه الزمن الخاص فيك مستقل عن زمن البقية معناها انت لما بتبقى عم تمشي بسرعة الصوت لمدة يوم بالنسبة لزمن الناس اللي هنن بالوضع العادي معناها هنن مرق عليهن يوم وانت محل ما انت فلما بدك ترجع على الوضع الطبيعي رح تصير انت بكرا بس بالواقع قضيت هالفترة وانت عم تمشي بسرعة ... ما بعرف هيك فهمتها انا !!!!

كيف يعني بدك ترجع ع الوضع الطبيعي؟ ما في.. خلص.. مشيت بسرعة الضو ما بقى في شي طبيعي.. وين بدك ترجع.. راحت عليك :) .. برجع بكفي معك أبو شريك بعد شوي.. هلق عم زبط شغلة وما كانت تزبط.. اعطيني شوية وقت

Nasserm 27/08/2009 00:44

اقتباس:

كاتب النص الأصلي : mblue
بس الماضي لهلق ما اقتنعت فيها حتى نظريا ... انه كيف انت ماشي بسرعة وعلى قولتك انه لسرعة معينة الزمان بوقف واذا زدت السرعة ما بقى بيرجع لورا ...

هالحكي مش مزبوط.. إذا مشيت بسرعة الضوء.. بيوقف الزمن.. أي نعم.. هيك قلت أنا.. بس ما قلت إنو إذا زدت السرعة ما بقى يرجع لورى.. أنا قلت بالزبط.. إنو بس تمشي بسرعة الضوء في ترجع لورى.. تقدم لقدام.. تروح لوين ما بدك (بزمنك الخاص).. بس لا تستطيع يا عزيزي (وهالحكي قلتو) إنك تمشي بسرعة أكبر من سرعة الضو.. مستحيل.. إمبوسيبل.. خلص.. قطع بت.. لا يمكن أكبر من سرعة الضو (هيك المبدأ التاني بالنسبية الخاصة بيقلنا)

mblue 27/08/2009 01:20

اقتباس:

كاتب النص الأصلي : Nasserm (مشاركة 1323985)
هبس لا تستطيع يا عزيزي (وهالحكي قلتو) إنك تمشي بسرعة أكبر من سرعة الضو.. مستحيل.. إمبوسيبل.. خلص.. قطع بت.. لا يمكن أكبر من سرعة الضو (هيك المبدأ التاني بالنسبية الخاصة بيقلنا)

يعني على اساس سرعة الضوء ممكن انه نمشي فيها ؟؟؟!!!!

بعدين شو فائدة العودة بالزمن من غير ما اقدر ارجع للوضع الطبيعي انه هي ما فهمتها !!! خصوصا انه نحن تقريبا متفقين انه ممكن الشكل اللي كون فيه بالماضي او حتى المستقبل هو كمشاهد مستقل خارج الاحداث ؟؟؟؟ بقى كيف منقول انه صار بامكاننا نظريا نسافر بالزمن ولاقينا حل للمشاكل تبعها بس انه نرجع طبيعي لمحل ما نحن ما منقدر !!!!
مالها منطقية ما هيك ؟ ;)

Nasserm 27/08/2009 15:12

اقتباس:

كاتب النص الأصلي : mblue
يعني على اساس سرعة الضوء ممكن انه نمشي فيها ؟؟؟!!!!

:) شو الأساس اللي عم تسأل عنو؟ أنا عم جاوبك بالإطار النظري العلمي.. النسبية الخاصة بتقول لا يمكن السير بسرعة أكبر من سرعة الضوء.. هيك بس. هلق ما عجبتك القصة.. ما بعرف شو فيني قلك.. خيو خلص.. متل ما بدك
اقتباس:

كاتب النص الأصلي : mblue
بعدين شو فائدة العودة بالزمن من غير ما اقدر ارجع للوضع الطبيعي انه هي ما فهمتها !!!

يا أوستاذي.. اتركلي الفائدة هلق.. اللي عم يوجعوا راسهن بالعلم.. ما عم يدوّروا ع الفائدة.. سدقني.. بكل الأحوال فيك تضل تشوف القصة مو منطقية.. بس بالمستقبل رح تصير.. وفي ناس رح يضلوا يشوفوها مو منطقية (بناءً على أفكار مسبقة).. بتعرف إنو في ناس لحد اليوم مو شايفين إنو الوصول للقمر شغلة منطقية؟ آينشتاين بذاتو مات وهو شايف إنو الثقوب السوداء مو منطقية حتى كان يقول: (نظريتي لا تنتج هذا الهراء).. طيب هلق الثقوب السوداء صارت مكتشفة رصدياً.. آخر شي.. أنا حبّيت شارك بكام شغلة بعرفهن.. هلق ما عجبوك؟ ما بعرف شو فيني أعمل.. بس هيدا حكي العلم.. فـ ع قولة الإخوة بليبيا (الله غالب) :)

DARKNESS 27/08/2009 22:18

و الله الشباب عاملين حركة بالموضوع

متل ما قال اخونا شام بعتقد انو كل ما تقدمنا بيصير في شغلات كنا مفكرينها خيال بتصير واقع

فما تستبعدو شي

.:D

Nasserm 28/08/2009 09:32

ع راسي أبو العتم والله.. قلتلك شو بيقول خليل روكز؟ قال يا سيدي بيقول: (أنا يا ليل حبّيتك لأني...أنا منّك وعتم الـ فيك منّي)
اقتباس:

كاتب النص الأصلي : DARKNESS
متل ما قال اخونا شام

هيدا أنا.. بس بغير مطرح :)


الساعة بإيدك هلق يا سيدي 16:12 (بحسب عمك غرينتش الكبير +3)

Powered by vBulletin® Copyright ©2000 - 2022, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03281 seconds with 11 queries