أخر ما حرر.. إتصالات الإماراتيه تحجب موقع أخوية
 

هلا الحجب انتقل كمان للامارات...شي بيحير و الله :?
يعني اكيد هالقرار بيمتل وثيقة اعتراف بمصداقية الاخوية و الاكيد ان الاخوية صارت مش مجرد منتدى و بس بضن صارت شغلة اكتر من هيك...
او ممكن متل ما قال محارب

مساؤك سعيد عزيزي فيفا بن سيريا...
اليومَ شعرتُ بأنّك كرهتني لأكثر من دقيقة، هل كان شعوري صحيحا، أم امتدَّ حقدُك عليّ لساعات طوال؟ :p.

وبعيداً عن سير الحبّ والكره تقول رسالة الحجب: "في حالة أردتَ فتح موقع قد أحجب، الرّجاء قم بتعبئة استمارة الملاحظات الموجودة على موقعنا"!!!
يدفعني الفضول إلى سؤالِك يا صديقي العزيز: هل يُمكن أن تحصلَ لنا على استمارة الملاحظات هذه؟!
وهل يكفي أن نملأ الاستمارة لنتمكّن من الدّخول؟!

طبعاً منتدى الأخويّة يرفض الدّخول في الحوارات الدينيّة لأسباب تتعلّق بالإدارة لا يحقّ لنا السؤال عنها، ولهذا نستطيع أن نختصر أسباب المنع بتلك الثقافيّة أو الاجتماعيّة أو السياسيّة.
وربّما المسألة تتعلّق بأسباب اجتماعيّة أكثر منها ثقافيّة أو سياسيّة.

هو اكيد السبب ان اخويه بتاخد منظور الحادى عند البعض او الاغلبيه

وعموما انا هتاكد اذا كان الكلام صحيح ولا لا

بعتقد انو السبب هوي لانو اخوية موقع محترم و القيود فيه مكسورة بس يا عمي شو الواحد بدو يشتغل اذا هيك الحكومات بدها
بس كمان في شغلة ما عجبتني ب اخوية ( ما تواخذوني يعني ) و هيي شغلة الكفر
انو اي بس شغلة سعدو و ما سعدو و السطل المقدس و مدري شو ......... يعني كمان الواحد لازم يضبط هيك شغلات ............. ولو انو مزح بس يعني الشغلة بدها
على كلن اخوية بيضل بالنسبة الي موقع محترم و منتدى من افضل المنتديات اليي فتت و اشتركت فيها

ياعيني عليك..

هاد يلي البعض عم يحاول يوحي انو موجود... تباكي وتحوير لأي موضوع فكري حتى يعكسو هي الصورة الكاذبة.. ماحدا مشرع اهانة شي وماحدا عم يهين شي.. إلا اذا في ناس حابة تسوق بهالقصة وتعملها علكة عالطالعة والنازلة...

ويمكن نجحو لحد معين بهاللعبة الوسخة... صار بعض الناس يصدقو كذبة انو في بأخوية تيار كفار وهاجمين على الدين

بالشكل العام إحساسك صحيح.. لكن من حيث التوقيت بأسفني أن توقعك بعيد كل البعد عن الحقيقة بحكم أن شعوري بالحقد عليك مستمر حتى ساعة كتابة هذه السطور :larg:


صديقي الإستمارة هي عبارة عن صفحة انترنت بتكتب فيها شكوى وأسباب رغبتك بفتح الموقع وبتحكي عن الموقع.. صرنا باعتين شي 15 وحدة.. ناطرين الرد

ههههههههههههههههههههههه

ان الطيور على اشكلها تقع

يعني مو بس عنا محجوبة

اقتباس:

بالشكل العام إحساسك صحيح.. لكن من حيث التوقيت بأسفني أن توقعك بعيد كل البعد عن الحقيقة بحكم أن شعوري بالحقد عليك مستمر حتى ساعة كتابة هذه السطور

لَه له لَه... هاي بدها صلحة وبوسة من الشوارب!!!