|
اقتباس:
لحد هلئ ما في بشري تجاوز حدود المجموعة الشمسية و بالنسبة للمركبات ما عندك غير الفويجارالتنين و البايونير التنتين كمان يمكن في واحدة منن ما وصلت اما بالنسبة لصور المجرة فهي صور محاكاة بتعتمد على كمبيوترات جبارة و مسح التلسكوبات الراديوية و غيرها |
اقتباس:
البشر ما وصلوا إلا للقمر.. يعني شلفة حجر عن الأرض يا دوبك 400 ألف كيلومتر لا أكثر!! اقتباس:
تقريباً وصلوا لكل كواكب المجموعة الشمسية أما فوياجير-1 وفوياجير-2 وبايونير-10 وبايونير-11 فـ هني صاروا أبعد من أبعد كوكب.. ولكن.. للدقة.. ما زالوا تحت تأثير الجذب الثقالي للشمس.. لسّا قدامهن طريق طوييييييييييييل حتى نقدر نقول إنهن خلصوا من المجموعة الشمسية اقتباس:
بس لتوضيح الفكرة كوكب الأرض عم يدور حوالين الشمس.. اللي هي وحدة من 400 مليار شمس تانية ضمن مجرّة درب التبانة يعني مثال للتوضيح.. كيف قدرنا نعرف شكل المجرة ونحنا لساتنا جواتها؟ إنت قاعد بـ بيت.. وما بتقدر تطلع منو.. كيف بتقدر تعرف شكل البيت من برّا؟ حلاوة هالبيت شو؟ إنو في عندك شبابيك بكل الجهات.. تقدر تعرف كل شي في بيوت حواليك (وهني بالملايين) فـ قعدت تمحّص بهالبيوت اللي حواليك.. لقيت إلهن تلات أشكال فقط (بيت حلزوني.. بيت بيضوي.. وبيت عديم الشكل) مممممممممممممم رحت درست توزّع المادة والكتل بالبيت.. لقيت إنو بتشبه البيوت الحلزونية اللي شايفها فـ طج.. البيت (المجرّة) تبعك حلزوني الشكل |
بعتقد في غلط بسرد معلومة معينة:pos:
وهو تطور الحياة على سطح الارض هالشي لساتو نظرية وبس اخترعا العالم داروين:? |
اقتباس:
تعى قيمني بقى يا دارك!! لساتنا ناقمين على داروين؟! النظرية الجديدة لتطوّر الحياة ع الأرض "الداروينية الحديثة" ما بقي فيها من حكي داروين إلا "بقايا".. بس هاد ما بيعني إنها ما قالت "بالتطوّر".. وأكيد ما بيعني إنها قالت "صح.. نظرية خلق آدم وحوّا هي النظرية المزبوطة"!! لأ.. وبيجوا بيقولولك إنو صح.. نظرية الانفجار الأعظم وتوسّع الكون مذكور بالقرآن.. طيب نظرية الانفجار الأعظم ما بتأيد التطوّر؟ مو كل شي بالكون تطوّر من "مادة بدئية"؟ يا حسرتي علينا لنقرأ العلم.. قبل أن نعترض |
ما بعرف ليش نحن ناقمين عا داروين و نظريتو اللي يمكن ما ضل غير أسمها ألو عا قد ما تشعبت و تطورت
يا شباب أنا عم ناقش حديث علمي و أنا بحترم كل الأديان و ما عندي شي ضد حدا بس شي قالو العلم و الواحد لازم ينقلو أنا ماني عالم أو ناقم بدو يشوف حالوا بمعلوماتوا أنا مجرد ناقل للأراء و الأبحاث و ألي رأيي المتواضع و أضافاتي التوضيحية من شان توصل الفكرة بشكل أسهل.... و كمان صديقي و شريكي العزيز (شام) ناصر موجود هون و معلوماتو أكبر من معلوماتي و مخو أكبر من مخي و توضيحو عم يساعد الكل كمان و ألو جزيل الشكر على جهودو:D بس أنو أتجاهل بحث من شان أنو ما بيتوافق مع رأي حدا من الأعضاء فهاد الشي غير مقبول و أنا ما عم جيب شي من عندي كل بحث موجود المرجع تبعو و متوسع بشرحو كمان و عا راسي الشباب كلها :D |
اقتباس:
بس أنا برأيي.. يعني ريجاءن شريك.. بلا قصة المخوخ وحجومها هون.. خلّينا عم نحكي بالعلم أحسن مجقة إلك |
القمر.. الجار الكوني الأقرب لكوكبنا  * تضاريس القمر.. "لقد تملكتني الدهشة إذ وجدت أن القمر جسم شبيه بالأرض" عندما رصد غاليليو القمر للمرة الأولى لاحظ مناطق مختلفة الإضاءة، وتمتد على مساحات كبيرة، فأطلق على بعضها تسمية "بحار" ظناً منه أنها مساحات مائية كما على الأرض، وما تزال هذه التسميات متداولة حتى الآن، مع علمنا اليوم بأن القمر صخرة ميتة، لا يحوي من الماء سوى قليل من الجليد بالقرب من قطبه الجنوبي، فنجد حتى الآن: بحر الأمطار (وهو أكبرها امتداداً، 1200 كم)، بحر الغيوم، بحر الأمل بحر الهدوء... الخ كما نجد على سطح القمر سلاسل جبلية (مثل سلسلة جبال إبينين القمرية، وتصل بارتفاعها إلى 5500 كم)، أما السمة المميزة للقمر فهي كثرة الفوهات على سطحه، وتنجم هذه الفوهات عن ضرب النيازك له، وهناك كثير من الفوهات القمرية تحمل أسماء علماء عرب (طبعاً أطلقها الروس أو الأمريكان أثناء استكشافهم للقمر) مثل: البيروني، الخوارزمي، البتاني، المأمون... * لا نرى -من على الأرض- سوى وجهاً واحداً للقمر. يعود ذلك لأن القمر يدور حول نفسه بنفس سرعة دورانه حول الأرض، وقد تم للمرة الأولى في 4 تشرين الثاني من العام 1959 كشف ذلك الجانب الغامض من القمر عبر السفينة لونا-3 الروسية، ويتميز هذا الجانب بندرة البحار عليه، وبكثرة الفوهات، ومعظم معالمه تحمل أسماءً روسية (بحر موسكو، فوهات: تسيلكوفسكي، مندلييف، كارالليوف)، وهناك فوهة تحمل اسم جوردانو برونو (نجمت عن صدم نيزك للوجه الخلفي للقمر في 18 حزيران من العام 1178 وهو نفس التاريخ الذي سجل فيه قساوسة إنكليز رصدهم لإنشطار القمر!).
 الوجه الخلفي للقمر.. نلاحظ كثرة الفوهات * شروق الأرض على القمر.. كما نشاهد، من على الأرض أطواراً (هلال جديد، ربع أول، بدر، ربع أخير وتتكرر كل 29 يوم و 12 ساعة و 44 دقيقة و 2.8 ثانية وتسمى بالشهر القمري الشمسي، وهي الفترة التي تفصل تكرار توضعين متتاليين للشمس والأرض والقمر على استقامة واحدة) وخسوفاً للقمر، كذلك هي حال الأرض لراصد من على سطح القمر، مع فارق أن حجمها في سماء القمر أكبر بـ 4 مرّات من حجم القمر في سمائنا، وبالمناسبة الحجم الظاهري للقمر في سماء الأرض يقاس بالدرجات وهو 0.5 درجة، ويعادل تقريباً الحجم الذي تظهر عليه قطعة نقد (بقطر 2 سم) عند إبعادها عن عين الناظر 230 سم، لأن هناك قاعدة، بأن كل جسم يبعد عن العين مسافة تزيد عن قطره بـ 57 مرة سيظهر للعين بزاوية إبصار تساوي درجة واحد، القمر يبعد عنـا (وسطياً) 114 ضعف من قطره (يبلغ قطر القمر 3475 كم وهو أصغر من قطر الأرض بأربع مرات)، كتلة القمر 7.35×1022 كغ وهي أصغر بـ 82 مرة من كتلة الأرض.، وحجمه أصغر من حجم الأرض بـ 50 مرة.  شروق الأرض في سماء القمر * يتحرك القمر بحيث يبتعد تدريجياً عن الأرض. بعد ولادة الأرض بـ 200 مليون سنة ضرب نيزك الأرض فتكون من الشظايا القمر وكان اليوم آنذاك 6 ساعات فقط، ونتيجة فعل القمر والذي بدأ بجذب مياه المحيطات والتي تعود لتضرب القيعان فتبطئ حركة الأرض حول نفسها من الغرب نحو الشرق، وترد الأرض بشكل معاكس فتبعد القمر لذا بعد 30 مليون سنة يصبح اليوم 68 ساعة وبعدها يفلت القمر فتعود الأرض للتسارع ليصبح اليوم 6 ساعات بعد 1000 مليون سنة.. إذن نقول أن القمر يصبح كل سنة أكثر ابتعاداً عن الأرض بمقدار 4 سم تقريباً، وسيفلت القمر من قبضة جاذبية الأرض بعد حوالي 30 مليون سنة. * الشمس من على القمر.. بسبب انعدام غلاف جوي يحيط بالقمر (لصغر كتلته) لا يتبعثر الضوء القادم من الشمس (كما على الأرض) في الفضاء، بل تبدو الشمس مضيئة وتبقى سماء القمر حالكة..  شروق الشمس على القمر.. نلاحظ أنه وبرغم شروق الشمس إلا أن جو النهار القمري مظلم.. حيث تسطع الشمس لكن محيطها مظلم كما قلنا هذا يعود لانعدام الغلاف الجوي الذي يبعثر الضوء  لقطة من أبوللو-15 تظهر التلال والتربة القمرية  أيقونة القرن العشرين.. صورة لكوكب الأرض.. من المركبة القمرية أبوللو-17 |
خسوف القمر.. يحدث الخسوف عندما يكون القمر بدراً ويقع في ظل الأرض (أي تحجب الأرض نور الشمس عن القمر).. ولكن.. هذا لا يعني أنه كلما كان القمر بدراً سيحدث خسوف للقمر.. فيمكن أن يكون القمر في طور البدر لكنه بعيد عن ظل الأرض فعندها لن يحدث الخسوف.. وبما أن القمر يدور حول الأرض، والأرض تدور حول الشمس، فعندما تتراصف هذه الأجسام الثلاثة على مستقيم واحد وتكون الأرض في المنتصف يحدث الخسوف..
أمر أخير هنا.. بما أن حجم الكرة الأرضية كبيرة قياساً للقمر فإن كافة سكان نصف الكرة الليلي يمكنهم مشاهدة حدث الخسوف ويكمن الخلاف فقط المواقيت المحلية وموقع مشاهدة القمر في السماء..  أطوار القمر  مراحل خسوف القمر |
لك عا راسي عمي ناصر ريحتني من القمر و مشاركة رائعة:D
|
يعطيكون العافيّة....
عانن على بالي سؤالين مو متبلورين عندي .... 1- ليش أحياناً بنشوف القمر بأول المغرب كبير و واضح ..ولما بيصير بنص السما بيصغر و بيتغير لونو.... 2-أطوار القمر مالي فهمانها عالضبط ...عندك بالصورة التوضيحية عاليسار لمّا بيكون قمر جديد...يعني بنفس الوقت اللي بيكون القمر غير منظور لسكان القسم النهاري من الارض بيكون بدر بالقسم الليلي ..!!!! ولما بيكون القمر هلال كيف بيكون وضع الارض و الشمس و القمر لحتّى بنشوفو بهالحالة ....؟ |
اقتباس:
هاي ملاحظة كتير منلاحظها (تغيّر حجم القمر بين لما يكون قريب من الأفق ولما يكون بكبد السما) هاي يا سيدي قصة نفسيّة.. بتسدّق؟ بيسمّوها: الانخداع القمري Moon Illusion يعني هي ببساطة "خداع بصري" ناتج عن مقارنتنا للقمر -لما يكون قريب من الأفق- بالشغلات اللي منشوفها جنبو (جبال بعيدة، بنايات، وغيرها) فـ نحنا منعرف إنو حجم هالشغلات كبيرة رغم إنها -بسبب بعدها- بتبيّن صغيرة للعين.. فـ تلقائياً منقوم بتكبير هالشغلات.. ومنقوم بتكبير القمر معها.. فـ يـُـخيـّل إلنا إنو حجمو أكبر.. ولتتأكد من هالشي.. جرّب طلّع ع القمر من خلال أنبوب صغير.. بحيث يحجب عنك الشغلات التانية اللي جنب القمر.. وقتها بتشوفو بحجمو الطبيعي هاد بخصوص الحجم أما قصة اللون.. فـ بسيطة متل تغيّر لون الشمس لما تصير بالأفق عند الغرب أو الشروق بيكون ضو القمر/الشمس عم يقطع سماكة من الغلاف الجوي للأرض أكبر بكتير من السماكة اللي بيقطعها لما يكون عامود على سطح الأرض.. فـ من هيك بيميل لون الضو نحو الأحمر هاد العامل الأساسي... وفيه عوامل تانية بتتعلق بـ نسبة الرطوبة وجزيئات الغبرة اللي بالجو.. وإلى ما هنالك اقتباس:
المهم.. لما بيكون القمر جديد (طور المحاق) مزبوط ما بيكون منشاف بالقسم النهاري من الأرض.. بس أكيد ما بيكون بدر بالقسم الليلي.. بيصير بدر لما يدور حوالين الأرض وتصير الأرض بينو وبين الشمس (بس وقتها بيكون القمر فوق الأرض نتفة) من هيك بتنعكس أشعة الشمس عن سطحو كلو.. وبيبيّن بدر وضع الهلال بيكون وضع الشمس والأرض والقمر متل ما هو واضح بالصورة التوضيحية تقريباً بيكونوا على شكل "مثلث".. الفكرة المهمّة هون.. إنو نحنا ما منشوف القمر "هلال" لإنو الأرض عم تحجب ضو الشمس عن تلات رباعو (يعني عم يوقع بظل الأرض) لأ أبداً.. وإنما.. بيكون هلال.. بسبب حركتو حوالين الأرض.. وأيمتى منقدر نشوف قديش من سطحو هاي القصة بتشبه دوران سيارتين بسرعتين مختلفتين حوالين ساحة.. إذا إنت قاعد بوحدة منهن.. كل شوي رح تشوف "شي" مختلف.. حسب "المواضع النسبية" لهالسيارتين.. مرة بتشوفها كلها.. مرة بتشوف بوزها.. مرة بتشوف طيزها (العفو).. وهيك.. بس أكيد السبب هالشوفات مو لإنو السيارة التانية عم تجي بـ "خيال سيارتك".. أكل؟ |
مرسيم الكون كتير
موضوج جميل جدا بس انو عندي سؤال من وانا صغير عميراودني انو هلا مو في مجرات طيب بهالمجرات التانية هل في ارض وبشر متلنا يعني؟ |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - عن هالموضوع..وممكن نحكي لسا.. الموضوع طويل.. |
اقتباس:
حاليا انا ماني قادر اكملو لأنو النت عندي تعبان و ما فيني رفع صور و ملفات و خلوها لربكن:cry: يعني اذا تيسرت اموري بعد العيد منرجع و منكملوا و في كم بحث حلوين حول الكون ترجمتن رح حططن كمان و شكر خاص للأخ شام (ناصر) على جهودو و تفاعلو :D |
مشكور أخي الكريم على الجهود الجبارة و الله يجزيكم الخير أنت و الأخ ناصر
و الله أول أمس كان في فيلم وثائقي عن الأرض على الجزيرة وثائقية و للأسف لم أحضره من البداية و لكن لفت أنتباهي الى سؤال لا يوجد له جواب حتى الأن على حد قولهم ألا و هو من أين الوقود للكرة الأرضية لدفعها للدوران حول نفسها و على حسب أعتقاد منتجي الفيلم أنه لا يوجد تفسير علمي يفند السبب لكنهم لم يقطعو الأمل و يتوقع في المستقبل أكتشاف الأسباب الخفية |
اقتباس:
و الله يا معلم فيك تقول انو في كذا نظرية بس ما في اثبات يعني من النظريت نظرية الطرد المركزي للجاذبية المتبادلة بين الارض و الشمس يعني تأثير الجاذبية ما في حدا ينكرو و قوانين الفيزياء واضحة و ثابتة و في ناس بتقول انو من حركة الماجما داخل القشرة الأرضية و في ناس بتقول عوامل التاأثير المتبادل بس في نظرية حديثة حول طاقة أسمها طاقة الظلام و هي أكبر طاقة تم العثور عليها أو بالأحرى مادة الظلام الل تقريبا مكونة معظم الكون و بيقولو انو هي مسؤلة عن عمليات أبطاء المركبات الفضائية و هي المسؤلة عن تمدد الكون و شغلات تانية بس ما قدرو يثبتو وجودها لحد هلق لأنو ما في شي بيقدر وجودو لأنو فيك تقول انو استنتاجها اجا من عدم وجودها و من وجوب وجودها بنفس الوقت لتفسير بعض النظريات الحديثة متل تباطئ المركبات خارج الأرض بالرغم من عدم وجود اي قوى مؤثرة خارجية و بجوز لمادة الظلام دور بحفظ مصونية الطاقة للكوكب و الأجرام و عدم أنهيارها و بجوز مانها موجودة بالأساس مع أني بعتقد أنها موجودة فعلا .:D |
يسلمو أخي الكريم على التوضيح
اللي بحب أقوله أن العلم في القرن الماضي أستطاع أن يصل الى معلومات أدق في التفاصيل عن السابق و أثبت نظريات كانت من باب الخيال و وضع أشياء في مناصبها لم تكن لتدرك من قبل فمثلاً قضية دوران الأرض لم يعترف بها من قبل و قد أعدم غاليليو لأنه صرح بدوران الأرض يعني تصور أخي الكريم في ذاك الوقت محكمة و جدل عقيم و أعدام عالم من أجل دوران الأرض أما الأن الطفل في وقتنا يعرف أن الأرض تدور حول نفسها ما أريد أن أقوله أن العلم في هذه المدة الأخير من القرن الماضي أجتاز شوطاً أطول بكثير مما مرت به البشرية عبر التاريخ |
اقتباس:
في شي بالفيزيا بيسمّوه "مصونية كمية الحركة" ومتلو "مصونية الاندفاع الحركي" كل شي درس بكالوريا علمي بسوريا بيعرفو من الفيزيا شو بتقول الفكرة؟ حتى تصير الفكرة مفهومة.. لازم نحكي شوي عن كيفية ولادة المجموعة الشمسية: منعرف اليوم إنو المجموعة الشمسية كلها تكوّنت من "سديم" (يعني غيمة هائلة بتمتد من 1-3 سنة ضوئية) هالسديم مكوّن من غازات (بشكل أساسي غاز الهيدروجين، اللي هو أخف عنصر وأكثر العناصر تواجداً بالكون) بالإضافة لذرات غبار وغيرو هالسديم كان هائم على وجهو بالفضا.. فـ لسبب معين (اصصدامو بسديم تاني مثلاً) بدأ بالانهيار والدوران حول نفسو (في نظرية رياضية اسمها "نظرية النقطة الثابتة" لـ براور.. ما رح نفوت فيها هلق.. بس إنو بتفسّر عملية الدوران حول مركز) إذن.. كل مادة السديم صارت تدور أو تدوّم حول مركز.. وصارت المادة تتكتل على بعضها.. وصارت تزداد الكثافة.. ويصير الاصطدام بين الذرات أقوى وأعنف.. وطبعاً صارت تزداد درجة الحرارة.. وهكذا دواليك.. وإذ.. بلحظة معينة.. لما زادت الكثافة كتير.. صار الاصطدام بين الذرات (اللي معظمها هيدروجين) عنيف لدرجة.. ما بقت هالذرات ترتد بعد الاصطدام.. وإنما صارت تندمج مع بعضها.. (بدء التفاعل الاندماجي) هاي اللحظة هي لحظة ولادة نجم الشمس إذن.. ولدت الشمس بالمركز الرئيسي لانهيار السديم.. من هيك جمّعت أكبر كتلة من مادة هالسديم هلق الكواكب تكوّنت من انهيارات محلية صغيرة بأطراف هالسديم.. وبسبب صغر الكتلة اللي كوّنتها.. ما قدرت تنهار مادتها حتى تعمل تفاعل اندماجي.. فـ ما صارت شموس.. تمت أجسام صغيرة هلق الزبدة وين؟ بما إنو هالسديم كلياتو كان عم يدور بجهة معينة.. فـ لما نشأت الشمس.. ومن ثم نشأت الكواكب من مادة هالسديم.. ضلّت الشمس والكواكب يدوروا بنفس الجهة اللي كان عم يدور فيها السديم (والسبب مبدأ انحفاظ الحركة اللي حكينا عنو بالأول) إن كانت هاي الدورة حوالين الشمس.. أو كانت دورة لكل كوكب حول نفسو الدليل على هالحكي.. هو إنو الشمس وكل الكواكب بيدوروا حوالين نفسهن (من الغرب نحو الشرق) وكل الكواكب كمان بيدوروا حوالين الشمس.. بنفس الجهة هلق في استثناء.. بحركة الكواكب حول نفسها.. عند كوكب الزهرة الأخ بيدور حول نفسو بجهة معاكسة لبقية الكواكب.. السبب؟ نيزك أخو إختو.. ضربو بهالزمانات.. وخلاّه يعكس جهة دورانو.. من هيك منشوف إنو يوم الزهرة (فترة دورانو حول نفسو) أطول من سنتو (فترة دورانو حول الشمس) |
اقتباس:
إنجازات العلم بالقرن العشرين.. هائلة.. ولأول مرة بتاريخ البشر ييصير عندهن هيك قدرة متل ما بيقول فيرنر هايزنبرغ: " إن الإنسان يقف لأول مرة في التاريخ وحيداً مع نفسه على هذه الأرض دون شريك أو خصيم" ------------------ ملحوظة: غاليليو غاليليه هو اللي قال بدوران الأرض حوالين الشمس.. بس ما انعدم.. وإنما اعتقل 1632.. وتعذب سنة بمحاكم التفتيش.. وانحكم 1633 بالإقامة الجبرية لنهاية حياتو (توفى 1642) اللي انعدم.. هو جوردانو برونو.. سنة 1600.. والسبب إنو كان يقول: "كل هالنجوم اللي شايفينها بالسما.. هي شموس متل شمسنا.. وحواليها كواكب متل عنا.. وهالكواكب عليهن كائنات حية" ما عجب حكي برونو رجالات الكنيسة.. فـ حرقوه!! |
هلق نظرية السديم هي اخر شي تم الأرساء عليه بالنسبة لتشكل المنظومة الشمسية و هالشي مؤكد بحسب
ما تم رصده بمختلف بقاع الكون بس في بحث اريتو انو كل يوم في نقص بمقدار مصونية طاقة الطرد المركزي لدوران الأرض حول الشمس و كمان دورانها حول القمر بس يعني ما بعرف مدى صحة هالنظرية انو في طاقة مجهولة عم تعوض الطاقة المفقودة اثناء الدوران و ما حدا بيعرف من وين جاية و ماحدا قدر يحلل سبب الحفاظ على المدار الثابت طالما في مقدار من النقص بالطاقة. النظريات لساتها عم تنحط بهالمجال فيزياء الأجرام السماوية بالغة التعقيد و خصوصي بعد التوصل لنتيجة مادة الظلام اللي بجوذ تغير كل قناعاتنا الفيزيائية |
يسلمو أخ ناصر على التوضيح
في مسألة دوران الأرض و بصراحة أضررت للقرأة مرتين لكي أستوعب الفكرة اقتباس:
كأني أول مرة بعمري أسمع هذه الخبرية أن الزهرة تدور دورة عكسية عفواً هل هذا مكتشف من قديم أم حديثاً رجاءً لا تضحك هي أول مرة ربما مرت علي من قبل لكن لم تلفت أنتباهي |
اقتباس:
لأنو أعلى كوكب من جهة درجة الحرارة على سطحو مع انو ابعد من عطار بس هوي اسخن منو و دورانو بالعكس لسا ما انعرف انو هل هو من اصطدام كويكب او من نتيجة كارثية تانية بس الزهرة كوكب منكوب و جحيمي الجو كان لازم يسمو هاديس إله العالم السفلي بدل فينوس اسم ألهة الجمال |
اقتباس:
و أتمنى أن تبقو كرماء دائما لأن الكريم كلما طلبت منه يجود و ميت طبق ورد للشباب الطيبة :D |
اقتباس:
قلنا قبل إنو منشوف خسوف للقمر على سطح الأرض.. لما بتكون الأرض بين الشمس والقمر.. فـ من هالشي.. لو كان في حدا (وقت حصول الخسوف) واقف على سطح القمر.. كان رح يشوف كسوف للشمس بـ سماء القمر..  |
اقتباس:
*الغلاف الجوي للقمر: لا يمتلك القمر غلافاً جوياً كما هي الحال على الأرض.. لذا لا تهبّ الرياح على القمر، ولا تهطل الأمطار.. وطبعاً لا تحدث سيولٌ أو فيضانات.. ولا تنفجر البراكين لذا يحافظ سطح القمر على معالمه لملايين السنوات.. والتغيير الوحيد الذي يصيبُ سطحَ القمر هو بسبب اصطدام النيازك به.. ترك روّاد الفضاء في بعثات أبوللو آثارَ أقدام كثيرة على سطح القمر.. ستبقى هذه الآثار ملايين السنوات ولن تـُـمْـحَ إلا في حال قام أحد الرواد في المستقبل بمحوها.. أو في حالة اصطدام نيزك فوق هذا الأثر تماماً!!  |
اقتباس:
|
اقتباس:
يعني ما بيقدر يبركن شي المعتّر! وهاي صورة توضيحية للبنية الداخلية للقمر..  شوف قديش "نواة" القمر صغيرة.. (هاي حرارتها بحدود 1500 درجة مئوية) بس الدق وين؟ بالـ "عباءة الداخلية" اللي بيقولولها: "Mantle" هاي بالأرض بتتكون من مادة مصهورة.. بينما بالقمر.. شبه صلبة.. من حديد وصخور.. شبه صلبة وهالطبقة سماكتها بالقمر بحدود 1000 كيلومتر.. آخر طبقة.. هي القشرة الخارجية.. بتتراوح سماكتها بين 60-100 كيلومتر.. وعليها طبقة من الغبار ما بتتجاوز الـ 15 سم. |
يسلمو ايديك عالشرح....
ازا خلصت من القمر ...عندي كم سؤال بدّي أطرحون هون و عليك التفسير و الشرح....من بعد اذنك يعني ... شنّو عجبني شرحك المبسط ....اللي بيتناسب مع مخّي :lol: |
موضوع كتير حلو
وشكر للشباب يلي عم يشاركو بالشرح متابعة :D |
أهلا و سهلا بالكل
أبو نجبو تفضل .... |
سؤال حيّرني و ماعرفت الو جواب شافي ...
ما هو الضوء ...شو طبيعتو ؟ اش هيي خواصّو الفيزيائية ....؟ هل هو طاقة ؟ ام جسم ذو كتلة و وزن طبعاً رح أتطرّق الى تساؤلات تانية تبعاً للاجابة .... |
مممم يا سيدي الكريم للأجابة عل سؤالك رح اقدملك شرح بسيط عن اشكال المادة
المادة يمكن ان تتواجد بي اربع حالات صلبة او سائلة أو غازية أو بلازما اللي اكتشفها عالم اسمو السير وليام كروكس و سماها المادة الأشعاعية في ناس بتصنف كل الأشعة بالكون ضمن تصنيف البلازما بس ياترا هالشي صح؟ منرجع للضوء كتعريف هو عبارة عن إشعاع كهرومغناطيسي الو طول موجة العين ممكن تشوفو اذا كان طول موجتو ما بين750 نانومتر (الضوء الأحمر) و370 نانومتر (الضوء البنفسجي ) لتعريف الضوء و معرفة ماهيتو ظهرت نظريات متتابعة لعلماء حاولو يفهمو تركيبو مثلا عمك نيوتن فسر انو الضو عبارة عن جسيمات صغيرة بتسير بخطوط مستقيمة اذا ما اعترضها شي و اعتمد بنظريتو على انعكاس الضوء و زوايا الانعكاس عالأجسام المصقولة يعني اعتبر انو انعكاس الضوء بحيث يكون زاوية الانعكاس تساوي زاوية السقوط دليل عا حكيو انو الضو جسيمات بجوز لاقت نظريتو نجاح اول شي بس بعدين لقوها بتتعارض مع الواقع التجريبي و قوانين نيوتن للحركة لأنو الضو وقت بيمر من ثقب بعد ما يجتازو بيكون بقعة ضوئية ا اكبر من الثقب نفسو فقام عالم اسمو هوغنز بأعتبار الضو موجات و دعم حكيو تجربة شقي يونج المشهورة عنا بالثانوي و هالشي عطانا دليل على انو الضو ذو طبيعة موجية ...راجع |
معناها لبين ماترجع رح حطّ الركوة عالنار ....:gem:
الشغلة بدها استمخاخ.....:lol: |
العالم مكسويل
وجد انو الضو موجة كهومغناطيسية سرعتها تساوي سرعة الضوء. أي أن الضوء موجات كهرومغناطيسية ذات طاقة منجي هلئ لأينشتاين اللي أخد جائزة نوبل من شان نظريتو بالفعل الكهرضوئي و كان اعتمادو عا ابحاث ماكس بلانك حيث اعتبر انشتاين ان الضوء يصدر على شكل كمات صغيرة من الطاقة تدعى فوتونات يعني رجعنا لمبدأ أنو الضوء جسيمات و انشتاين بهالنظرية عارض مبدأ أعتبار أنو الضو موجة بالرغم من النجاح التجريبي لهالنظرية بس بعدين رجع انشتاين و عارض حالو و رجع لمبدأ أنو الضو موجة بعدين بعام١٩٢٤ اجا عالم فرنسي اسمو دي بروجلي وضع المبدأ السائد حتى اليوم لتعريف الضو و اخد الدكتوراه من وراه و بينص هالمبدأ على أنو ( أن للضوء صفة مزدوجة فهو يسلك سلوك الموجة تحت ظروف معينة - (وهذا يفسر الانعكاس والانكسار والاستقطاب و الحيود و التداخل وهذا ما يتفق مع نظرية ماكسويل)- وأن الضوء يسلك سلوك الجسيم (الفوتون) تحت ظروف أخرى -(وهذا يفسر تفاعل الضوء مع المواد والظاهرة الكهروضوئية وظاهرة كومبتون وغيرها وهذا ما يتفق مع نظريات اينشتاين و نيوتن ) . اذا بدك تتوسع - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
حلو كتير...
الضوء ذو طبيعة مزدوجة ....ماشي الحال سؤال لمّا نحن منشعل لمبة بغرفة معتمة بينتشر الضو بكامل الغرفة ...وعلى اعتبار الضو ذو طبيعة مزدوجة...اذا كان موجات "طاقة" أو اذا كان جسيمات "فوتونات" ... السؤال اللي بيطرقلي راسي ... انو لمّا منطفي ضو اللمبة ..بمعنى أخر ...لما منلغي مصدر الضوء ... موجات الضوء أو الجسيمات الموجودة بالغرفة والي صدرت من المصدر قبل فترة ... وين بتروح ....ليش بتختفي :? |
معلومات راااااائعة:clap:
|
اقتباس:
يعدّمني الويكيبيديا إلهي :krimbow: |
اقتباس:
لبسطلك الأمر شوي بالنسبة للكهربا وقت بتنتقل بسلك شو هيي ؟ هي عبارة عن الألكترونات اللي عم تتحرك بالسلك هاد الضو عبارة عن هالموجات اللي عم تنتقل بالغرفة حسب الطبيعة الموجية اوكي هالموجات جزء منها بيمتصو الجسم و اللي بسبب الحرارة للجسم المضاء و جزء بيرتد عنها و هالشي بخلينا نشوف الجسم هون الحكي بشكل مبسط اذا بدك منتوسع بعدين .. |
اقتباس:
لإنو الوضع هيك صراحة.. "ماشي الحال" علماء الميكانيك الكوانتي بيقولولك: "لا تسأل لماذا؟ بل اسأل كيف؟" إنو يا خيي والله صعبة.. شلون الضوء هو جسيمة وهو موجة بنفس الوقت؟ طيب هيك.. ومثبتة بالتجربة هالقصة.. في تجربة شهيرة بالفيزيا اسمها "شقي يونغ" أي كتاب ميكانيك كوانتي بتفتحو.. بتلاقيها يعني الفكرة بالنهاية متل ما قال أبو العتم العزيز الضوء ببعض التجارب (الانعكاس مثلاً) بيسلك سلوك "جسيمات" وببعض التجارب (الانعراج) بيسلك سلوك "موجات" طيب هو شو؟ قال هو "فوتون".. بس مرة بيشتغل على إنو موجة.. ومرة بيشتغل على إنو جسيم إذن.. لا تسأل "ليش هو موجة وجسيم" بس إسأل "كيف بيتصرف هالفوتون.. وأيمتى بيكون موجة وأيمتى بيكون جسيم" اقتباس:
قال يا سيدي فوتونات الضوء بتتفاعل مع الذرات الموجودة بالغرفة.. بالحيط.. بالكرسي.. بالطاولة.. الخ هلق لما كان الضو شغال.. كان عم يعطي ديماً دفق جديد من الفوتونات.. عم تعوّض الفوتونات اللي عم تفوت على ذرات الحيط.. هلق لما طفيت اللمبة.. خلص الفوتون اللي فات ع الحيط.. ما بقى يرجع هلق طيب فوتون فات على ذرة بالحيط.. ليش حتى ما يهيّج هالذرة ويغيّر من تركيبتها؟ مممممممممممم لإنو هالفوتون هاد طاقتو صغيرة (يعني طول موجتو كبير نوعاً ما -طول موجة الضوء المرئي-) فـ ما بيحمل طاقة كافية لإنو يعمل تغيير بذارت الحيط.. هذا.. والله أعلم |
تعالوا نحدثكم عن المريخ..
الكوكب الأحمر.. مالئ الدنيا وشاغل الناس * آريس اليونانيين، ونيرجال الفرس، ومارس الرومان، ومريخ العرب. ارتبط الكوكب الرابع، المريخ، في جميع الثقافات القديمة بإله الحرب، يعود السبب إلى لونه الأحمر، والذي يأتي من أكاسيد الحديد في التربة المريخية، أي أن هذا الكوكب صدئ إلى حد ما. في اللغة العربية يقال "أمرخ" أي "به بقع حمراء"  * أكثر الكواكب شبهاً بالأرض. يعتبر المريخ أكثر الكواكب شبهاً بكوكب الأرض، فالبرغم من أن قطره لا يتجاوز نصف قطر الأرض، وكتلته تقارب عشر كتلتها فقط، إلا أن غلافه الجوي وسطحه أكثر شبهاً بمثيلاتها على الأرض من كوكبي عطارد والزهرة (وهما مع الأرض والمريخ الكواكب الصخرية الوحيدة في المجموعة الشمسية). كما أن مستوي مدار المريخ حول الشمس يكاد ينطبق على مستوي مدار الأرض، فهو يختلف عن مدار الأرض بدرجة واحدة فقط. أما يوم المريخ (فترة دورانه حول نفسه) فيزيد نصف ساعة فقط عن يوم الأرض. وإن كانت سنة المريخ (فترة دورانه حول الشمس وهي 687 يوم أرضي) أطول بكثير من السنة الأرضية. تشابه آخر بين الكوكبين يتمثّل في زاوية ميل محور دوران المريخ حول نفسه، حيث تبلغ هذه الزاوية 24 درجة بفارق بسيط عن الميل المحوري الأرضي. بينما لا تتجاوز هذه الزاوية في كوكبي عطارد والزهرة درجتين فقط.  |
| الساعة بإيدك هلق يا سيدي 05:28 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون