|
شو مشان العلم!!!
حدا لاحظ ان شبابنا مادخل بالعلم
يعني مجموع المشاركات بكل قسم العلوم مابيساوي مجموع الردود علي موضوع واحد بالمسابقات طيب يعني اذا علمنا ان اكثر من 65% من شباب الاخوية هنن طلاب جامعات فبيكون ان نحنا كشعب عنا حساسية من العلم وبالتالي عنا رغبة بالعي والتنظير والتقفيل اكثر بكتيييييير من العلم هلق انا ما راح ناقش الاسباب بس انا بعتقد ان السبب الرئيسي لهالشي الاسلوب التعليمي الممل والتعيس الي عنا ببلدانا ... هلق المشروع الي حابب نعمل ان نعرض علم بس باسلوب منو ممل يعني باسلوب السلايدات والصور الملونة وهاد فيكن تلاقوا بالانتريت او ناخد من الصور تبع المراجع بالنسبة للشباب الي عم يدرسوا بجامعات اوروبا كمان بدنا مساعدة منهم وكل واحد من اختصاص بنقل المعلومات الي عم ياخدوها بجامعاتهم للشباب بالوطن وبالتالي بنعمل جسر للوصل مابين الغرب والشرق انا راح كون مسؤؤل عن نقل المعلومات الكيميائية من الجامعة تبعي الي الشباب بالاخوية وبدي من كل الي عندهم اهتمام ان يشاركوا يمكن الي عم بحلم فيه شوي صعب خصوصا ان الشباب عنا بالفعل بعيدين عن العلم بس الانسان بيعمل كلشي فيه وبلا ماينتظر النتائج انا بفضل ان كل شب بيدرس فرع محدد ان يكون الو موضوع مستقل وبالنسبة للكيمياء فان بتقسم الي : عضوية لاعضوية تحليلية وفيزيائية وعتمادا علي هاالاقسام راح اعمل مشاركاتي بالنسبة للشباب الي عم يدرس طب او هندسات جوات وبرات سوريا فيكن كمان تعمتد تقسيمات انت اعلم فيها المهم نقوم بنقل اكبر قدر ممكن من المعلومات باسلس طريقة ممكنة للشباب الي حابب يتعلم تحياتي اممي :D |
اييييييييييييييه بزماني شو اتعبت لخليهون يجيو لهون بس بالاخير صابني نوع من اليأس :cry:
|
اقتباس:
مشان نعمل بشكل مشترك الحق مع الشباب يعني والله اساليب التعليم عنا بتخلي ماحدا يقرب عالعلم بس هون بيجي دورنا صحيح ان كتير صعب ان نغير هالشي الي صار بشخصية معضم هالشباب بس هيه محاولة هلق انت شو بتدرسي ؟ |
بما أنو حبيبنا بلش بالكيمياء فهي تعريف صغير عنا
الكيمياء هي علم دراسة المادة، تركيبها وخواصها ، والتحولات التى يمكن أن تحدث لها وحدها أو عند وجود مادة أخرى معها ، وغالبا ما يطلق عليها العلم المركزي ، لأنها لا تهتم بدراسة الطاقات الأساسية أو القوى التي تجعل المواد متماسكة ، والتي يتم دراسته في الفيزياء أو خطورة وخواص الكائنات المعقدة التي يتم دراستها في علم الأحياء , ونظرا لتنوع المادة (والتي تتكون من الذرات كجسيمات أساسية) ، فإن الكيميائيون غالبا يشغلهم متابعة ودراسة كيف تتفاعل الذرات لتكون الجزيئات ، وكيف تتفاعل الجزيئات مع بعضها البعض. وبالتالي ، تتضمن الكيمياء دراسة الظواهر المجهرية ، مثل تفاعل الذرات وخواصها على مقياس دقيق ، وأيضا الظواهر الأكبر حجما ، مثل تفاعل جزيئات DNA والبروتينات في المحاليل المعقدة التركيب وخواص المواد الجديدة الناتجة. ;) |
كتير هالمشروع حلو وبناء وبيرجعلنا شوي من ثقتنا بحالنا ورغبتنا بانو نتعلم ونعلم كمان وانا رح كون من المشاركين بقسم الرياضيات ورح خبر راغب و محمد شوقي لانو همو من المحبين بل المتيمين بالرياضيات ورح كمان نهتم باقسامها سواء جبر تحليل عددي وغيرو بس لازم نخطط للموضوع ويتم تحت اشراف وتخطيط بس برضو بدكم تتمهلوا علينا شوي شنو في دراسة نوعا ما ..... اممي انت رائع وريمي خلي عندك امل حبيبتي فينا نرتقي بهالقسم |
اقتباس:
علي راسي ابو ريتا وبشكر حماسك بس انا حابب ان نكون منظمين اكثر يعني انا حابب هون نعرف الشباب الي مستعدين بالشغل معنا بهالمشروع  وبالتالي بنوزع علي كل واحد جزء من الشغل يعني كل واحد عجبت الفكرة بيحط الفرع الي بيدرس لنعرف كيف فينا نستفيد من خبرات يسلمن مرة تانية :D |
انا عندي استعداد ساعدكون بشوووووووو ما كان بهالقسم ... يعني فينا نعمل مسابقات تحفيزات اي شي بتخترعوه قابل للنقاش .... :gem:.... اممي انا تخرجت computer network
|
اقتباس:
يسلمن وشم وبالفعل هاد الي حاب هلق ان نعمل شبكة من الشباب الي حابين نحيي قسم العلوم بالاخوية لان بالفعل هالقسم للاسف ميت من زمان وبلكي بنتفق علي كم نقطة ان هالمعلومات تبعتد عن الاسلوب الدج الي موجود بكتبنا الجامعية وبالتالي بنحتاج ان نتقاسم خبراتنا مع بعض هلق بالنسبة لللغة لاتاكلوا هم اي شي بالالماني وبالانكليزي انا فيني اساعد بترجمة يسلمن للحماس لاني اتوقعت ان هالموضوع راح يمرق بدون ماحدا يشارك فيه |
اقتباس:
شوف لساتني طالب انا ، بس فيني بشارك بكل المجالات بس بنسبة معينة اللي فيني بقدر عليه يعني |
اقتباس:
ياسلام هلق صار عنا كادر لهندسة الكومبيوتر والرياضيات والكيمياء يالله ناطرين الاطباء والباقي اقسام الهندسة :gem: |
معكم 100% |
اقتباس:
وتأكد في كتير شباب بيحبوا العلم ورح يتفاعلوا بس بدنا الخطة يللي نمشي عليها واهم شي انو يكون في نوع من الترتيب والتحديد بالشغل مو دج فهمان علي:D |
اقتباس:
طالب شو انت ابو ريتا ؟بكل الاحوال نحنا راح ناخد اسلوب المعلومات من البدائي للاكثر عمق يعني للماعندن اي خبرة او ناسين الي اتعلموه فيهن ياقلعوا معنا من جديد ويزيدونا بخبراتهم |
اقتباس:
ok كويس :D |
اقتباس:
بس ياريت كل واحد بيذكر اي فرع هوه متخرج من منشان يكون فينا نعمل شبكة للعمل مع بعض يسلم لكل واحد متحمس لهالموضوع وبتمني ان ماتنزل هالحيوية لما راح نبدي الشغل :D |
و انا مع المشروع على طب الاسنان :D
|
اقتباس:
طب اسنان هندسة شبكات فيزياء رياضيات كيمياء ...يعني علي هالحالة فينا ان نبلش من هالاسبوع :D |
وانا جاهزة وجدا.......
باي شي فيني ساعد.. بماانو هلا دراستي لساتا جينيرال ايديوكيشين ابل مافوت عالطب... بس كيميا رياضيات اي شي انا جاهزة مشروع رائع ع فكرة |
| الساعة بإيدك هلق يا سيدي 12:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون