:p أنا إذا حطيت موضوع عن ضيعتنا ما حدا بيجرؤ إنو يئلي عم تشهينا و عزيمة و مدري شو ؛؛؛
الشباب كلا عم تخاف لما بعزمهن

®

انا ما بخاف حط الصور واعزمني وانا تاني يوم بكون عندك

لو تعرف بس :cry:
ياحويلتك .. :cry:

ليش شو فيها الضيعة؟ فرع فلسطين؟

تعا عملّي كفّين :frown:

ليش معصّب..عجبو الجسر ولا البحص وين المشكل؟:p

أكيد حابب تشوف ضيعتو ...
و لا في بمخط شي تاني ..؟؟ :p

بصراحة ... من شوي كنا بالسيرة ...
اتفقوا كلكون ع شي يوم ..... مشان تكون عزيمة جماعية بكل معنى الكلمة

بتفرق بنظرتك ....
ما شفتي شي بالصورة ..... غير البحص ..؟؟ :jakoush:









عالهامش ... ايمتى انتي كمان رح تعزمينا ع ضيعتك ..؟؟

انا قررت اشتري قطعة ارض بهاي المنطقة ... :pos:

حلوه كثير هالضعية ...

مليانة مياه ... وجوها حلو .. واشجار .. :sosweet:

بتذكرني بالجولان ....

موجودة ....
قطعة أرض غير شكل .... كلا شجر و مي
بس ...
بس ..






في معها عريس ......
و بيجو التنين مع بعض ....يعني متل ماكانو يجبرونا من زمان مع كل علبة سمنة .. بشوية معلبات

بالله ...واللي بدو الارض بلا عريس ...:o

.....
 

ياعيني .. من اولا استدراج :cry:

خيو طارق روح روح .. وابقى عملي رنة ازا بترجع :p
يامحلا فرع فلسطين قدام هالروحة ..
روح اخي روح :larg:

أي يعني شي مشابه :lol:

ما نحنا اتفقنا على ان لا نتفق
مشان هيك ما بظن رح تظبط
مع اني حاضر
راغب شو في بضيعتك ؟ مشان كله مخوفيني منها



ولك اعترفوا شوفي هونيك لسا كل مين عاملي ناصح زمانه؟

يعني مثلا فرع جنوب لبنان ؟ او فرع العراق؟

هلأ هيك فهمت؟!..انا شفت الصورة منيح وتمعنت بكل شغلة..
بس هو قال كأنها مرسومة قمت قلت الشي اللي ممكن يظهر انه رسم نظراً لـ مدى خياليتو
هو شكل البحص على النهره عرفت؟!..

بقى بتفرق باستيعابك لقصدي مو بنظرتي :frown:

عالهامش: مين قال اني بدي اعزمك اصلاً؟ :frown:

طب لا تعزميه بس اعزميني انا ولا كمان ضيعتك متل ضيعة راغب


شباب والله فكرة تعوا نعمل رحلة مشتركة

اي بالناقص




انشالله منعزمك على تم ضبعة ....... ( ضبعة مو ضيعة :p )

لك حبيبي مافي شي

و الله ضيعة متل كل هالضيع

بس من غيرتهن

خلص اعتمد

لا تضل تضرب أخماس بأسداس بعدين بياكلك البعبع

:melody:

®

اخي
ابعتلي دعوة لقرر الحضور او لا

ياضيعتنا ياضيعتنا :lol:
حلووووه طبيعتها بتسحر نيالك والله :cry:

و إزا أنا بدي بيجي معا عروس . ؟! :lol:

اي ليش لا ...... منعملك صهر الضيعة






بس لتخدم جيش بالاول :p

يخزي العين...خيالية..بتجنن

عنجد كتير حلوة

ابو سمرا المنطقة حلوة كتييييييييييييييييييييييي ييييييييير
نيالك:cry: وعم تشرب متة كمان:cry:

أرنب .. :pos:

نيالك على هيك ضيعة..:cry:

صحي شو اسما لضيعتك..?

حلوة هالضيعة ... طيب وبعدين :larg:

ولا قبلين
هون القسم اسمو سفراء أخوية ...... يعني كل واحد بيحكي عن منطقتو

يعني بتقدر تحكيلنا عن حارتك ...أو عن مدينتك ....و بعدين منبقى منحكي ببعدين

مدينتي فيها السكان من كل مكان
بس يجي الواحد يسكنها بيبطل يرجع على ضعيتو
لما بدون بيعملو حالون شوام
ولما بدون بيتنغنوا بأمجاد ضيعهم :larg:

هادا كل شي بتعرفو عن مدينتك ...؟؟

ليش مين أنا لأقدر أوصف الشام يلي عمرها من عمر الزمان . ويلي وصفوها عشرات الأدباء والفلاسفة والشعراء . بس أنا حكيت عن أكتر شي بيميز مدينتي حاليا" :larg:

بالنسبة لمين انت .....و اذا قادر توصف ولا لا .... هادا شي انت أدرى فيه
عموماً ... بتقدر تعمل موضوع تحكي فيه عن بلدك ......
و تحكيلنا فيه عن يللي تركوا مدنهون و ضيعهون ..و اجو سكنو بالشام .... ليتمتعوا بجوها النقي و هواها المنعش
و مناظرها الخلابة .....
بس أكيد خارج هالموضوع

أكيد أكيد
بس لننضف جوها من يلي خربو . وننضفها من يلي خرب منظرها . بعمل موضوع :shisha:

اللعمى 9 صفحات عم توصف فيها ضيعة معناها اذا رجعت قريت الصفحات كلها رح لاقي معلومات عن هالضيعة ما هب و دب يعني رح استفيد كتير اكيد فيها آثار و حضارات و معارك كبيرة لحتى كل هالصفحات
اي عزروني هلق بدي اقعد على رواق اقرا الموضوع اتشوقت

بتساووا كبسة ومناسف بالضيعة؟! ...
لأن عم فكر اجي انا ورفقاتي السعوديين زيارة للضيعة بس انزل عسوريا بعد 3 ايام اذا الله راد ... وبتعرف انت الاكل المفضل بالسعودية هي الكبسة ...

بنشوف هنيك ابو السمررررررررر :oops:ّ!! مشان تظبطلنا المتة باعتبار لسا ماجربناها ;)