|
زمان لما كان فرويد ببداية مشواره للعلاج النفسى كان بيعالج بعض الامراض النفسية بالمخدر
شئ متل السيجارة , لان ها الشئ بيساعد ع التنفيس وبما ان الضغوط النفسية كترت وبشوى ع المرأة فليش لأ ؟ اذا هى بتختار وشايفة انو هى السيجارة بتريح فمن حقها تدخن وزى ما بناخد الدوا بغرفتنا او بمشفى ...اعنى بمكان خاص فبحبذ السيجارة كمان ما تتدخن الا بمكان خاص بالشخص بيبتوا او بغرفتو انا مع الرأى لامانع من التدخين لكن ضدو فى الاماكن العامة للجنسين |
اقتباس:
الأماكن العامة مو يعني المستشفى و السينما و المكتب .. و حرية الشخصية للمرأة في التدخين أكيد مو يعني إنها تحط ابنها بحضنها و تنفخ سيكارتها بوشو ..! الأماكن العامة بالنسبة إلي هي الشارع .. الكافيه و المطعم (إذا كانوا المكان مفتوح أو بجناح المدخنين متل ما منشوف ببعض دول الغرب) .. و كمان لما بقول ما فيها شي المرأة تدخن مو يعني تفتحلا تحشيش و تكون حامل مثلاً .. و ع فكرة أصلاً أنا ما بدخن .. بس انو يعني إذا كنت سهرانة بشي مطرح و القعدة ظريفة و حبيت نفخلي سيكارة لازم أشربا تحت الطاولة ؟ ولا على قولة سعيد صالح روح اشربها بالحمام ؟!! :shock: |
اقتباس:
لو المبدأ هو حرية شخصية او من منطلق المساواة مع الرجل (انا ما رح علق ) عدم تعليقي مش معناه قبول ، الحرية الشخصية لها حدود والمساواة تكون بالايجابيات بصالح المجتمع وبالسلبيات في ضد صالح المجتمع وبالمناسبة انا مش مدخن ، يعني مش جاي اقول رأي وانا بعمل عكسه . بس يعني ان الفكرة تكون السيجارة "علاج " يعني تساعد عالتنفيس وتعالج الضغوط النفسية فهاذا منطق باطل . الحمد لله عندنا بالمنتدى من دارسين الطب وخريجين كليات الطب عدد كبير جدا ممكن يعلقو على الكلام اللي رح اكتبو ويوضحو الصواب والخطأ فيه . على فرض ان جهة انتجت علاج بيتسبب في عشرات الامراض منهم امراض قاتلة كالسرطان . بتتوقعي تصدر تسمية علاج على هذا "المنتج" مستحيل طبعا يوافقو على انتاج سم على اساس انه عسل . يعني يعالج الضغوط النفسية ويساعد عالتنفيس وبنفس الوقت يتسبب في عشرات الامراض ؟ كسرطان الرئة وامراض القلب وغيرها ؟ في بحث بيذكر ان اكتر من 80% من المدخنيين موجودين بالدول النامية (وبدل ما يوجهو هذا الانفاق على الطعام او التعليم او العلاج بيوجهوه الى مزيد من ضعف الصحة والامراض ) بخصوص ان موضعنا عن تدخين الاناث حصرا فبيكون من الافضل ان زميل يتطوع وينقل لنا اخطار التدخين على الجنين . |
ضد ضد ضد (بالتلاتة) :lol: هلق شو الله جابرها انو تدخن ؟؟؟؟ اذا عالمفخرة هادا كان زمان الصراحة منظر البنت او المرأة وهيي ناتعة السيغارة بايدها لحالو شي مو حلو :D |
الدخين كله على بعضه كريه سواء للمرأة او الرجل ناهيك عن مخاطرة الصحية و المادية والمظهر وووووو
" اعجب للاحمق الذي يدفع مالا ليحرق صدره" بيليه- الجوهرة السوداء |
مو فارقة معي ينباعو بالعزا
و بالنسبة الي لم و لما و لن ادخن :larg: |
اقتباس:
انا بناقش الموضوع من جانبين كونوا حرية شخصية ولا لأ ومن الجانب النفسى من حيث حرية شخصية طبعا كل واحد حقو يعيش حياتو زى ما هو عايز بحيث مايضرش غيروا ومن الجانب النفسى ... السيجارة زى التيشيرت الغريب زى الوشم اللافت زى قصة شعر الايموز كلها مظاهر للتنفيس يعنى ليها ابعاد نفسية علاجية ولو كانت بسيطة اذا كنت مش متفق ع النقطة الاخيرة من حقك ...وانا بحبذ التنفيس النفسى يكون بطرق اخرى بس مش بقولك ولا بقولى ...كل شخصية بتختار ادواتها وعاداتها |
اقتباس:
عجيب.. ليش منظري مو حلو مع السيكارو وانت منظرك حلو؟؟؟:shock: |
اقتباس:
مارح نختلف ، كل واحد حر بصحته يضيعها متل مابده . لن اناقش موضوع الحرية الشخصية او الجانب النفسي ، لا الاولى تخصني ولا الثانية تهمني :lol: بالوقت الحالي النقطة الاخيرة انتي اعلم بها مني بحكم دراستك او اطلاعك ، انا مختلف على فكرة استخدام علاج يشفي مرض غير قاتل ويجيب مرض قاتل !! لو كان العكس كنت وافقت ، يعني يشفي مرض قاتل ويجيب مرض غير قاتل . على كل حال كل واحد حر يدمر صحته كيف مايحب . |
يعني ما بعرف..
بالنسبة الي كلاهما الرجل أو المرأة اسمهن بالنهاية انسان .. بغض النظر عن هالتوصيف الإلهي اللي نزلو الله متل ما الرجل اله عقليته اللي بتحددلو أصول التعامل مع المنيح والعاطل، اللبق وغير اللبق، اللازم والغير لازم الأنثى إلها عقليتها بالتعامل مع هالشي كمان، ومانو ناقصها شي لتحدد إن كان هالشي يليق أو لا يليق. ما بعرف ليش ما بلاقي امتعاض من انو رجل ماسك هالسيجارة بنص الطريق ومشعلها ويكون ماشي بسوق مثلاً ، وفي الف بني آدم ... ومابيفكر قديش في ناس متخوزقة، وقديش في ناس دخنتو فاتت بانفها وعيونها، وكم مسبة أكل من الزبال الي عمينضف الشارع من وراه ( بالمجمل .. مو هوي تحديداً إنما كم الدخان الي بتلاقيه بالأرض ). بينما بلاقيه بيفكر انو ليش هالأنثى بتدخن بأماكن عامة، أو بتدخن بالطريق، لك وحتى انو ليش بتدخن بالأساس. انو يا يتم التعامل مع قضية التدخين كـ قضية تدخين بالمجمل، أو لا يتم التعامل فيها بالمرّة على أساس أنثى مدخنة بأماكن عامة أو خاصة. |
يعني عن جد ما بعرف بس مو ملاحظين في ردود فيها رجعيه يعني العالم وصل لوين ونحن لسى منظر المرأه وهي عم ادخن حلو ولا مو حلو ...انشاء الله بتحشش ...هي شغله خاصه فيها .
التدخين مضر ....صحيا ايه ...فا من وين جبتولي منظرها ...بالنص ...كلها عادات وتقاليد باليه |
بي صراحة السيكارة بايدي المرأة بيغريني كتير..........وانا مع وهاد حرية شخصية..........شو شب حلل وبنت حرام......شيه عا هل الكلام
|
دخيل البطاطا انا ... والله برأيي الموضوع كلو مش عارف من وين جاي ..
|
اقتباس:
بالمناسبة انا مع البنت انو تاكل مخلل كمان بأنواعه ( خيار - لفت - فليفلة حدة و حلوة - بيتنجان - ملفوف - الخ..) و تتعدد انواع المخلل بصراحة لأنها بتزيد مع التطورات الحاصلة بالنسبة للزرافة فهي اكبر سبب لأكل الحشيش و الخضراوات و اللتي يتم تصنيع المخلل منها وهي السبب في فقر عدد كبير من البلدان من الخضراوات اللازمة لاستمرار الحياة على وجه الأرض :shisha: |
انا بشكل عام ما بحب التدخين وما بدخن
بس هيدا بيندرج تحت بند الحريات الشخصية لاي كان وما واقفة الشغلة على بنت او شب انا مع انو يتخصص اماكن للمدخنين يسمح الون بالدخين فيا ومو بكل محل لانو الاذى رح يجيني انا كمان من تدخين الاخرين بالنسبة للبنت ما بفرق بينا وبين شب يعني متل ما بيحق للشب يدخن بالسيارة والكافيتريا والجامعة والشغل كمان البنت بيحقلا دراسة طبية اكدت كثرة امراض (شقوق الشفة)لدى المولودين لامهات مدخنات لهيك انا ضد التدخين بس برجع وبقول حرية شخصية |
اقتباس:
لك شو قصتك ماهر . . . ! ! :lol::lol::lol: أنا شايف في إقبال شديد عالتدخين حتى بالأماكن العامّه . . . :? |
اقتباس:
بس انتي قلتيها بلسانك .. عندنا الشرقيين منظر السيجارة بايد الصبية من اشكال الاغراء .... مع العلم انو انا كـ رجل شرقي .. بشوف السيجارة بايد (الصبية خصوصاً ) محاولة استرجال ... اما لما شوفها بايد المرأة يلي فوق الـ 28 ع القليلة .. بلاقيها كتير امر طبيعي وعادي :? اقتباس:
وماني ممتعض وولا متدايق ومو فارقة معي .. بس انو انا مجرد مستغرب ... من تكاثر هالظاهرة .. يعني سابقاً من شي تلت سنين .. ازا كنا نشوف بنت عم تدخن بالشارع امر غريب عجيب ... هلأ صرت وين ما عم روح عم شوف بنات عم تدخن ... طبعاً وهالشي بينطبق ع الرجال ... يعني انا بالنسبة الي من زمان لما كنت شوف شب صغير عم بيدخن بنص الشارع لاقيه امر غريب .. ولما شفت هالشغلة عم بتزيد كمان غريب .... ومن جديد صرت استغرب من كترة الناس يلي عم اتأركل .. وين ما بدير وجي بلاقي اركيلة بنص الشارع وعم يأركلو العالم ! :? :D اقتباس:
:D |
اقتباس:
عفوا ؟؟؟؟؟؟؟؟؟ :shock: ليش انا حكيت هيك |
| الساعة بإيدك هلق يا سيدي 22:16 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون