تدخين الاناث ... مع ولا ضد ؟
 

انا مو فارقه معي يسطفلن عقلك براسك بتعرف خلاصك

انا صوتت لهاد الخيار
مو لأن ذكر أو انثى
انا ضد الفكرة من شروشا لو كان بني آدم أو بني غير آدم موقفي ما رح يتغير
ضد التدخين
ضد ضد ضد

ال.. بيضل ..

اقتباس:

مع .. حتى بالاماكن العامة

هادا اللي اخترتو

طيب معلش بس انو يلي مع او ضد .. ينورنا ويقللنا ليش ؟
:D

لك شعبك ازا بيحشش ، ازا بيتعاطى هيرويين بنص الطرقات .. ما بتقدر تلومو

عن شو عمتحكي ضد ؟
بيئياً؟ صحياً؟
اي مزبوط هالسيجارة بتضر، بس في الف معمل شمينتو ، والف معمل مدري شو ، دخان هالسيارات، ولك فوق هيك ... بتجيك كل خ*** بينتجلك ياها شقفة مسؤول بتلعن دين هالبيئة وهالصحة ... بس يلتقالهن حل ...
يبقى وقتها بتشكل هال سيجارة اللي ما عمتشكل نسبة بتتعدى ال 1 او 2 بالالف من المشاكل البيئية ،وقتها بس تبقى مشكلة الدخان بالاماكن العامة او بالطريق او بالبيت او بالحمام .... تُصنف عانها مشكلة
مافيك لما واحد يكون معو ايدز وسرطان والتهاب الكبد الوبائي والمدري شو ... مع رشحة صغيرة او انفو عميشرشر ، تنسالي كل امراضو هديك ، وتركد ورا هالمخطة الي عمتنزل من مناخيرو من مبدأ الامتحانات بالمدارس ازا واجهك سؤال صعب تركو وروح عالاسهل منو
هاد العلاج ما عاد ينفع بالمرة
نطفي سيجارة من هون .. ويطلع الف معمل والف شغلة بتلعن رب هالجو وهالصحة ... ما زابطة بالمرة حالياً...


عني انا مع ومع ومااااااااااع كمان ، وازا منعوه بدي افتح اسطوح بيتي يجو يحششو فيه :frown:

هلق انو صحيا ما بحبذ للجنسين
بس انو بنات شباب ما بتفرق
وحشش عليها تنجلي
ومتل ما قال ابو حميد مو واقفة ع سيكارة
بينفخ هالشعب المسيكن فيها الهموم

اخترت هاد



لانو بعتبر هالشي حرية شخصية

مو قصه أنا ضد, بس اسأل مجرب و لا تسأل حكيم, السيجاره حلوه بوقتها يمكن بتفش الخلق المعكر
بس بعدين لآ ,السيجاره بتمنعك تأخد حتى الهوى حتى الملوث , و اللي بيدخن بيصير بده دفش ليقوم, تصور
طالبه مو قادره تفتح الكتاب والسيجاره اخذه وقتها وعقلها, ولا ام مو فاضيه ترضع ابنها بس تخلص السيجاره

يعني مجتمع بحاله نايم.

هلا انا براي كتير عادي اني البنت تشرب شيشة بمكان عام حتى بحس الشيشة بناتية وباللادقية وجبلة فعلا للبنات:shisha:

بس السكاير يعني اللي بتدخن هي حرة طبعا وهي حرية شخصية بس يعني بمكان عام بحس شكلها مو حلو مو بس لاني السكاير للرجال لاني بكل السينما والتلفزيونات بحاولو ديما اني كل مابدهون يطالعوا رقاصة او وحدة هيك هيك بطالعوها بايدها سيكارة:larg:

الموضوع خاص بالبنت ...بس انا برأي هي حره لما بدخن ...وبفضل انه ادخن قدام الكل ولا تكون بس بالبيت ..

يعني مو منطق ادخن بالبيت وبرى لا وكان عامله شي ..بالاخير الدخان بضر ان كانت بنت او شب ....هي صحيا

اما اجتماعيا فا بحس الموضوع فيه تخلف يعني انه ممنوع ادخن ...مانو منطقي
هي شغله كتير حريه شخصيه ...

ولك ميرو شو مفيئك ع هيم موضوع ;)

انا خترت ضد حتى بالاماكن العامه
لانو انا بنظري السيكاره او الشيشه .. هي بس للرجااال ومن زماان معروفه هالشغله..
اما البنت لما بتمسك بايدها سيكاره او شيشه ..
يعني البنت حلاوتها انها تتمتع بكل انوثتها
وما بعتقد انو السيكاره صارت حريه شخصيه ...للمراه;)
هي من وجهة نظري ...يعني

ويسلمووو على طرح الموضوع ..:D

ياعمي يصطفلن

هاد اختياري رغم اني بدخن ببعض الاوقات لكن بعمري مادخنت بالطريق او بمكان عام

وبعتباري صاحبة ذمة يمكن دخنت ببيتنا بالضيعة على الشرفة((التراس))
بيجوز يكون حدا من عامة الناس شافني

وللصراحة بكره منظر البنت المدخنة بالاماكن العامة المطاعم الشوارع والخ الخ الخ

بصراحة كنت محتارة بين قول إني "مع تدخين البنت بالأماكن العامة" وبين "يصطفلو"
بس اخترت بالأخير إني مع تدخين البنت بالأماكن العامة
لأن ما بحب الازدواجية ...
الشب حلو يدخن والبنت لا
البنت بتدخن بالبيت وبرا لا
عادي الأركيلة للبنت بس السيجارة لا
بالأخير كتير بنات عم تدخن بالسر فوين المشكلة إذا بيصير هالشي عالعلن ...
اي خليها تدخن بالأماكن العامة وحاج قيود عالبنت
:D

كأنو هالموضوع منزلو أنا من شي سنة وقامت الدنيا عليي وقتا انو مكرر..:x

بس عكل حال أنا مع...مع...معععععع التدخين للأبد بنت أو شب أو ما بينهما ..ما بتفرق:larg:

انا مع انو تدخن و تأركل و تاكل مصاصة و موز ....

الاستفتاء ناقص خيار
مو فارقه ، ينحرقن بكاز

وهاد الي قصدتو أنا ياأم الجود بس انا ماقلت اني حدا رح يمنعها هي مارح تعمل هيك مشان ماتحط حالها بموقع شبهة يعني بعود عن الشر وغنيلوا

بس اذا كان مارح تدخن في الاماكن العامة خوفا من جوز ولا أخ فهيك لأ ...لأني متل ماقلنا هي حرية شخصيةوإذا كانت هي شايفتها عادي شي بيرجعلها...

وخيار كمان مافي مشكلة

"ضد .. بس بالاماكن العامة يعني بالبيت عادي"

على اساس انو كل واحد حر يعمل شو ما بدو ..
وبما انو بتنتهي حرية الفرد عندما تبدأ حرية الآخرين فبكون التدخين بالأماكن العامة مرفوض :pos:
التدخين غلط بغض النظر بنت ولا شب كلو متل بعضو .. كان لازم يكون موجود خيار " ضد التدخين "
مافي منطق نقول الشب عادي و البنت عيب ! :?

تقصد ان الخيار اللي ناقص كمان نصا هو "مافي مشكلة "
ولا خيار تاني ببالك ، وطالما ببالك يبقى صاروخ من صواريخك الهزلية
بدي اعرف شو هو الخيار النائص وهاد بصورة رسمية ونيابة عن اعضاء تنظيم " معا ضد تدخين أنثى الزرافة "
يا سلام :gem:
لو كل الصبايا متلك :D

كنت انتحر انا :lol:

لا جد رأيك عجبني ،
توضيحا : اللي بيدخن بمكان عام او بمكان غير عام بوجود اطفال او اشخاص غير قادرة على الخروج من هالمكان ،انسان مجرم بحق هالاشخاص ، لان اثار التدخين على المدى الطويل خطيرة جدا جدا وضارة جدا جدا جدا بصحة الانسان ، جد هاد اجرام .
اما التدخين والشخص لحالو او بين مجموعة مدخنين فهاد اجرام بحق نفسو وهاد شيئ بيخصو (متل اللي بينتحر )هو حر ينتحر بس لحالو .

مو فارقة .... يصطفلنّ


ليش يعني بس الرجال معلش يدخنوا :shisha: ليش المرأة ما تدخن .. شو ناقصها

كفركة التدخين كتير بكرهه ... انه انت يلي بتشعله وأنت يلي بتدخنه مع انه بتعرف انه مضر للصحة
طيب ليش هالتدخين

عن جد رح خبركن هالقصة الصغيرة يلي صارت معي
طلعت بـ تكسي قلتله للشوفير وين ياخدني قمت سمعت صوته ...عن جد خفت منه ..لأنه كل صوتو كان رايح وأكتر من مبحوح ..يعني كأنه صوت هوا

مع :larg:..

وانت شو دخلك اذا دخنت المراة ولا لأ..
ياسيدي انا ما بدخن وبكره التدخين والمدخنين وببيتي ما في صحون سكاير وممنوع التدخين حتى على البلكون..
بس شو حشرني اذا حدا بدو يدخن..

واللهي تعددت النتائج و السبب واحد بس يا خيي و يا حبيبي الخيار من من الخيار الأخضر وهي الخضراوات التي تنبت جراء زرع بذرة في الأرض و سقايتها بالماء ريّا او بعلاً

وقد وضعت هزا الرّد بناءً على التحشيش و التفشيش و تكملة للأحاشيش التي قبلها وهي بهزا الرّد

وبزلك قد اضفنا عنصر الخيار الأخضر للعناصر أعلاه بناءً على طلبك بزيادة خيار وهو بمعنى option باللغة الإنجليزية واللزي جاء في ردّك

وهزا ما ندعوه بالتحشيشة الخضرة :o

وقد سبت علميا أن الخيار مفيد للبشرة فهو عنصر مغزي ايضا للشعر وهو جيد للإناث و الذكور ايضا
وبهزا فليزهب تنظيم " معا ضد تدخين أنثى الزرافة " إلى الجحيم :lol:

قال تدخين مسموح وممنوع قال ... :lol:الله يثبت علينا العقل والدين والدولة :cry:

أنا ضد في الأماكن العامة وغير الأماكن العامة لأني بشكل عام المرأة بتتواجد عادة بجو فيه أطفال أو هي نفسها بكون عندها أطفال أو حامل فلما بتدخن ما بتأذي حالها بس وبتأذي الأطفال اللي حواليها.:frown:

شو مبلش تحشيش عبكير اليوم ماهر:larg:
بعدين شو هاد تنظيم "معا ضد تدخين أنثى الزرافة"وباب الانتساب لسا مفتوح؟؟ ولا لأ؟ :p

انا ضد التدخين بشكل عام لا شب ولا بنت بس ما حطيت انو ضد لانو الخيار هو ضد للبنت فقط ...
انو بحب شكل السيجارة بالايد بحسها بتعطي هيبة ابصر كيف :oops: يعني خلو السيجارة مطفية احسن شي :lol:
حطيت يصطفلن احسن شي

انا ضد التدخيييييييييييييين عامتا ادا كان الشباب او حتى الصبايا
لانه مضر وبسبب امرااااض مع الوقت
واكيد الكل بيعرف هالشي ومع دالك المعضم بدخن
الله يهدي الجميييييييييييع

زمان لما كان فرويد ببداية مشواره للعلاج النفسى كان بيعالج بعض الامراض النفسية بالمخدر
شئ متل السيجارة , لان ها الشئ بيساعد ع التنفيس
وبما ان الضغوط النفسية كترت وبشوى ع المرأة فليش لأ ؟ اذا هى بتختار وشايفة انو هى السيجارة بتريح فمن حقها تدخن
وزى ما بناخد الدوا بغرفتنا او بمشفى ...اعنى بمكان خاص
فبحبذ السيجارة كمان ما تتدخن الا بمكان خاص بالشخص بيبتوا او بغرفتو

انا مع الرأى لامانع من التدخين لكن ضدو فى الاماكن العامة للجنسين

بس أنا حابة وضّح شغلة كوني صوتت إني مع حتى في الأماكن العامة ..
الأماكن العامة مو يعني المستشفى و السينما و المكتب .. و حرية الشخصية للمرأة في التدخين أكيد مو يعني إنها تحط ابنها بحضنها و تنفخ سيكارتها بوشو ..! الأماكن العامة بالنسبة إلي هي الشارع .. الكافيه و المطعم (إذا كانوا المكان مفتوح أو بجناح المدخنين متل ما منشوف ببعض دول الغرب) .. و كمان لما بقول ما فيها شي المرأة تدخن مو يعني تفتحلا تحشيش و تكون حامل مثلاً ..
و ع فكرة أصلاً أنا ما بدخن .. بس انو يعني إذا كنت سهرانة بشي مطرح و القعدة ظريفة و حبيت نفخلي سيكارة لازم أشربا تحت الطاولة ؟ ولا على قولة سعيد صالح روح اشربها بالحمام ؟!! :shock:

هقولك على شيئ مهم
لو المبدأ هو حرية شخصية او من منطلق المساواة مع الرجل (انا ما رح علق ) عدم تعليقي مش معناه قبول ،
الحرية الشخصية لها حدود والمساواة تكون بالايجابيات بصالح المجتمع وبالسلبيات في ضد صالح المجتمع وبالمناسبة انا مش مدخن ، يعني مش جاي اقول رأي وانا بعمل عكسه .

بس يعني ان الفكرة تكون السيجارة "علاج " يعني تساعد عالتنفيس وتعالج الضغوط النفسية فهاذا منطق باطل .

الحمد لله عندنا بالمنتدى من دارسين الطب وخريجين كليات الطب عدد كبير جدا ممكن يعلقو على الكلام اللي رح اكتبو ويوضحو الصواب والخطأ فيه .
على فرض ان جهة انتجت علاج بيتسبب في عشرات الامراض منهم امراض قاتلة كالسرطان .
بتتوقعي تصدر تسمية علاج على هذا "المنتج"
مستحيل طبعا يوافقو على انتاج سم على اساس انه عسل .
يعني يعالج الضغوط النفسية ويساعد عالتنفيس وبنفس الوقت يتسبب في عشرات الامراض ؟ كسرطان الرئة وامراض القلب وغيرها ؟
في بحث بيذكر ان اكتر من 80% من المدخنيين موجودين بالدول النامية (وبدل ما يوجهو هذا الانفاق على الطعام او التعليم او العلاج بيوجهوه الى مزيد من ضعف الصحة والامراض )
بخصوص ان موضعنا عن تدخين الاناث حصرا فبيكون من الافضل ان زميل يتطوع وينقل لنا اخطار التدخين على الجنين .