|
شيوخ أخويــــــــــــة
مرحبا.... هاد الموضوع مخصص لجزء من أعضاء أخوية ...واللي أعمارن أكبر من خمس و عشرين سنة ..... طبعاً رح تتسائلو انو ليش فوق الخمس و عشرين.... انو يعني بالوقت الحالي دخلو عالم كتار ...واغلب أخوية صغار بالعمر....فحبينا نحن" كبار العمر" تكون النا مساحة صغيرة بأخويتنا الغالية .... الموضوع مالو مزح ......هون رح تنتاقش و نكتب مواضيع متنوعة ...ونتناقش بهمومنا الحياتية ....سواء اللي متجوز أو اللي على وش جواز....أحلامنا اللي حققناها....او اللي لسّا عمتنتظر التحقيق......نتشارك أوقاتنا السعيدة و الحزينة..... وبالاكيد مارح يخلو الموضوع من روح النكتة الل بتتحلى فيها أخويتنا شروطنا واضحة.....العمر فوق ال25 سنة ....فقط السبام عادي .....و ماعندنا أي مشكلة ....."من بعد اذن السيد المنسّق طبعاً " نرجو من الجميع التعاون وقضاء اوقات ممتعة هون وأهلا و سهلا بـ شيوخ أخــــوية الاكارم :D |
طبعا الموضوع لح يكون مسؤول عنه ابو نجبو وبالتنسيق مع ابو العبد ...ومنتمى انه يكون فيه تعاون بالموضوع ...
فكرتنا هي موضوع جامع مواضيع كتير ومنوع ... ويعطيك العافيه ابو نجبو ..... هون في الواحد يحكي باي موضوع حتى لو كان نقاش .. اي موضوع لح ينزل منتناقش فيه ما بين 3 ال 4 تيام ..وبعدين منبلش بموضوع تاني ..وهيك ... كل الي طالبينو التعاون ومنتمى من الناس الي فوق 25 هي الي تفوت ..مع احترامنا لكل الاعمار :D |
و أنا معكون :gem: 27 سنة بعيون الشيطان و ما بقبل تنادولي غير يا شيخة :larg: |
اقتباس:
|
وانا سته وعشرين ما بعرف بعيون مين :lol::lol::lol::D
|
m
ياسيدي هاد الحكي الموزون عراسي ابوحلب
|
زكرتوني باب سمرا :cry:
|
اقتباس:
|
الله حيو شبيبة وانشاءالله يعجبكن هالموضوع:D
|
موضوع حلو.....مرحبا يا جماعة الخير:D
|
اقتباس:
|
مين نادالي :?
|
اقتباس:
|
خيووو ابو نجبو انا معكون و لعيون الشباب الطيبة
شلة ال 25 ربع قرن يا رجل شو مفكرين الشغلة سهلة ربع قرن من تجارب هالحياة |
اقتباس:
انا حدث ياختيار الجن :larg: روح اشتريلك شي قبر مشان تستر حالك في لانو اشكالك مابطولو .. احسن ماتسوح بالشووارع وماحدا يتعرف عليك بشقفة قبر .. حاكم ماكتير عامل شغلات منيحة بحياتك حدا يحبك عليها :p |
احم احم احم
صحيح انا بعمر الرياحين والورد بس انو يعني سجلولنا اسمنا فوق ال25 :pos: |
مرحبا يا جماعة ، بتسمحولنا نسجل حضور ، انه لسا كم شهر لل 25 ، ولا ماله أمل . :pos:
|
اقتباس:
دخيل الورد والرياحين والياسمين انا :p..ولك انا بمشي ع مقوله بضل بنت ال 14 مهما كبرت :pفا تركيها لربك |
هلأ متل مو مبين لحد الآن ... ما بيفرق عن مواضيع طق الحنك التانية
هلأ .. كيف بدكون تحددوا مين يشارك و مين لا كيف بدكون تعرفوا عمر المشاركين أنو .. رح يكون في موضوع نقاش .. و سبام على عامش الموضوع .. ولا رح يكون سبام بكل معتى الكلمة يا ريت تخبرونا .. لنقدر نساعدكون .. |
بدل كلمة شيخ ... لو تقول شايب تطلع احلى :larg:
|
اقتباس:
ومتل ماني شايفه انه في اعضاء ممكن تشارك ..فا لح يكون الموضوع جامع بين الجد وشويه سبام ... اما بالنسبه للمساعده فا حكينا فيها..وشفنا انه لح ننطر ونشوف ردت الفعل ووقت منشوف انه صار في خربطه منطلب منك تنسق الموضوع ..واكيد لح نرجعلك ... انا بتمنى انه الموضوع ما يتحول لطق حنك ...وبتمنى من الاعضاء يلتزمو بالشروط واهمها العمر ..الي فوق 25 مع كل ااحترامنا لكل الاعمار ....بس اذا سمحتو الي مو فوق ال 25 ما بتجمعه الشروط ... ابو نجبو لح يبلش بالمواضيع من بكرى ...لح بكون في نقاش وطرح مواضيع فا ياريت بس تنزل يصير في التزام .. لح يكون هون زاويه للشايبين ع قولت سوريويو ...نحكي فيها ,,ونتناقش فيها .. لح يتم التنسيق بين ابو العبد وابو نحبو وانا ..لنخلي الموضوع نشيط .... |
مية سلام لأشياخ الشيوخ أبو العيد وأبو نجبو على الموضوع
واقبلوالشايب دا معاكم:D |
اقتباس:
بس انو ليش مبسوطة :pos: اللي بسمعك بفكرك عم تقولي 17 :lol: |
وأنا معكون .. 28. .عم استنى ...:melody:
حاجتنا ولاد بقا.. منضل نشرح للواح ساعة وهات يفهم وهات ما يفهم:larg: |
صباح الخير........ الموضوع حلو كتير ياريت يكون النقاش صريح وجريئ
كمان شهرين بصير 30 عام يمكن تنادوني جدو االختيار......... :D |
بس سؤال عالهامش قبل ما تبدا القصة :
اختيار المواضيع كمان رح يخضع لقوانين اخوية ولا رح يكون في قوانين خاصة مثلا ؟ |
اقتباس:
احم احم ايدي بايدك يالله يالله:ss::ss::ss: |
أيه و هي واحد ختيار معت معكون و الله منيحة هي شغلت فوق ال 25 و بس يعني مو تحت ال70 سنة بس هيك بحقلو يلي فوق ال 70 سنة كمان هيك يعني فيو الواحد يدخل نادي الشباب |
لمن يهمه الامر
أنا بدوري أطالب بأن يكون هناك استثناء في قائمة الاعضاء
بحيث يتم منح الاعضاء المتزوجون ذوي الاعمار الاقل من 25 سنة من الذكور الحق في لانتماء للنادي ومبرر ذلك أن المتزوج يخضع عمره لحساب مضاعف عن غيره ناهيك عما اذا كان لديه أطفال كحالتي وبالنسبة لإقتصار الاستثناء على الذكور ذلك لأن السمة العامة للنساء المتزوجات أقل من 25 سنة يعني لا يدخلن في قائمة الاستثناء هذا ولكم دوام العُمر والعافية |
اقتباس:
ما بيكفي بالحياة الواقعية يمنح المتزوجون عمر مضاعف ,,كمان هون:frown: أنا بدوري لا أطالب بشيء حاليا الا العدل والانصاف انا6 أشهر وبحقق شرط العمر :D |
اقتباس:
* وهو ليس عُمر اضافي وانما يكبر الانسان العادي خطوة والمتزوجُ خطوتين * وكل ربع قرن وأنت كما تشتهي الفراشات |
اقتباس:
لا "حسد" ولا "رثاء"...هناك جانب يغيظني هنا .. :Dعقبال ما تكمل "رفيف"ربع قرن و المحبة والسعادة والتوفيق والرضا وقلبي والديها ترفرف عليها |
اقتباس:
بس منيح عملت فوق ال 25 يعني الله حماني كنت بقيت تحت :lol: الموضوع فكرته حلوة كتيررررررررررر كمان :D |
m
والله شكلو فرط الموضوع
|
أهلا و سهلا بالجميع مرة تانية ماتوقعت كل هالبشر الختيارة عندنا هون.....:gem: شيوخنا الاعزّاء قبل مانبلش بحب أشير لنقطة هامّة ...اختيار المواضيع لن يكون مقتصراً على أحد الكل بيقدر يختار أي موضوع بيهمنا ....نحن الكهول بس منشان موضوع مايصير تضارب و فوضى ..اللي يحب يطرح موضوع ياريت أعلام sun shine أو أبو العبد أو المنسق الاستاذ سامر....أو أنا مدّة تبادل النقاش بأي موضوع هو أربع أيام...طبعاً قابلة للزيادة ...ازا الموضوع بيستاهل :D |
اقتباس:
المشكلة ازا عملت استثناء للرجال ..رح ينطّو النسوان ...وبتعرف بقا....على مساواة و حرية و حقوق ....والحق ضاع ..ولا للتخلف..تعيش الحريّة....الخ الخ فـ... ازا انته بتستلم النسوان و وجع الراس من وراهن ....فأنا ...ماعندي مانع :D |
اقتباس:
مالح كون في قوانين خاصه ... لح يكون طرح المواضيع بشكل خاص جامع بين فئه معينه من الاعضاء ..ويطرح مواضيع منوعه بموضوع واحد .. وكل الاعضاء المشتركين لهم الحريه بطرح اي موضوع ... الموضوع يعتبر للكل ....وخلونا نشوف مجهودكم معنا .... ومنتمنى ما يكون لا في تعصب ولا تشدد ...ومنتمنى الالتزام بقانون العمر مافوق 25 :D |
أحلامنا .....وين صارت هلاء
كل واحد مننا لمّن بلّش يوعى عالدنيا حاول يرسم خريطة طريق لحياتو .....أحلامو و طموحو كل الناس ...وخاصة لما منكون بسن ال15 - 16 سنة ...بتكون أحلام اليقظة عمتعيش فينا و معنا .... وكبرنا....وكبرت معنا أحلامنا...وزادت همومنا.... انتو بعمركن هلاء .... * شو كانت أحلامكن اللي كنتو راسمينها بقلوبكون و عقولكم * هل ياترى ...بعد هالعمر ....تحققت هالاحلام .... * اللي تحقق من هالاحلام ....شو كانت اسباب النجاح *ومن الاحلام اللي ماتحققت ...شو كان السبب...طيب اللي ماقدرت تحققها ...حذفتها من بالك ..ولا أجلتها... وبالاخير ..... بعمرك هاد.....وبقدر الطموح اللي راسمو عن حياتك....هل انته راض عن حالك !!! هاتو لنشوف :D |
اقتباس:
لذلك بتشكر موقفك المتفهم وما تحمل هم بالنسبة لما يسمى بالحق الجنسي ونق النسوان :D |
اقتباس:
* شو كانت أحلامكن اللي كنتو راسمينها بقلوبكون و عقولكم طبعا تلك الفترة العُمرية ما بين الـ 15 والـ 18 أي قبل دخول الجامعة تتسم بفيض من الاحلام والخيارات وقليلا قليلا تؤثر عوامل مُعينة في تقليص وتشذيب وتشكيل شجرت الاحلام بما يتناسب مع تلك العوامل بالنسبة لي " كان حُلمي الذي يستحق لفظة الحُلم هو أن أن أكون ضابط حربي:adal: عن طريق التحاقي بالكلية الحربية في جمهورية مصر العربية بعد تخرجي من الثانوية العامة وقبولي كما كنت أخطط وابتعاثي ضمن نخبة من شباب الوطن للإلتحاق في الكلية * هل ياترى ...بعد هالعمر ....تحققت هالاحلام :pos: للأسف شبّت في ثوب الحلم نار الواقع المريض آن ذاك من جهة الانتفاضة و من جهة اخرى السوء الاداري الذي كان سائدا على حظي الا انه قد تحقق جزء قليل من ذاك الحلم عن طريق التحاقي بسلك الجيش والامن الوطني وان لم يكن بمستوى حلمي الا انني أدعمه الان بدراسة الحقوق ورغم أنني لم أنال ماكنت به حالم الا أنني قانع بالقليل الذي أهداني اياه القدر وانا واثق به مستقبلا :D |
| الساعة بإيدك هلق يا سيدي 04:17 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون