|
القناعة كنز لا يوجد ... عند البنات
مرااااااااااااااااحب..
هلأ يعني سوؤال بسيط او فيكون تعدوه استفسار ... برايكون هل في بنات قنوعات هالأيام .. يعني تقدر الظروف و تبني حالها مع رجل تئضي معو بيقية حياتها .. و لا المظاهر دبحت العالم .. و صار كل بنت بدا و بدا وبدا .. طبعا يعني قنوعة مو قصدي تكوني مو طموحة بالعكس يعني طموحها بيتولد من قناعتها بقدراتها هية و الرجل الي معها ... انا شايف هالأيام البنات مو قنوعات بنوب ... ارجوا الرد بجدية |
انا بتصور انه البنات القنوعات انقرضو مع الديناصور :pos:
بيجوز انا اكون غلطان بوجهة نظري 8) بس يمكن يكون هيك في كم بنت طفره تكون عندهم قناعه ومو كتير :pos: موضوع حلو يسلمو اخي :D |
اي كلامك فيو وجهة نظر صحيحة
عنجد كل البنات هاي الايام مش قنوعات بنوب بتحصل على الي بدها اياه وبتسير بدها الاشي الاحسن بس كمان الشباب مش قنوعين بنوب يعني متل حالت البنات ميرسي على الموضوع |
اقتباس:
شكراً على الموضوع:D |
اي مو بس البنات انت هيك ظلمتنا اخي
الانسان بطبعه طماع هيك الله خلقه الانسان مو البنت تحديدا بس البنت فيه رجل مسؤول عنها تطلب منه وتطمع فيه ما بهمها شي اما الرجال يا حسرتي عليه مشان يطمع بشي لازم يشد حيله ويعرق جبينه مشان هيك بريح حاله وبقتنع بالموجود مو مشان هو قنوع لانه مو طالع بايده غير هيك |
اقتباس:
|
اقتباس:
:shock: يوووه عليا !! لك فطرتي علينا قبل ما نتغدى عليكون؟؟ ماعلينا .. بس بصراحة صدقي البنات مو قنوعات:pos: يعني لو جبت لحبيبتي خاتم الماس قيراط ومبسوط ع حالي:gem: ..و راحت هي شافت صاحبتها انه حبيبها جايبلها خاتم الماس قيراطين ... اي وحياتك مارح تنيمني الليل الا بمحل الدهب:cry: ومو بس منشان تشتري خاتم الماس قيراطين؟؟ :o اعوز بالله هي ما بتقلد صاحبتها لا هي بتشتري طقم الماس كامل منشان تطالع عيونها لصاحبتها:shock: عرفتي شلون؟؟:jakoush: اما نحنا ممكن ازا واحد معو بي ام 2006 و بدو يبيعها .. ممكن حدا من صحابو يشتريها منو;-) |
اقتباس:
اي يعني خفو علينا شوي عم تظلمونا بكلامكون مو هيك |
اولا شكرا على الموضوع الي على الوجع زي ما بقوللوها
تاني شسي احنا ما بنقول ما في بنات قنوعات بس الظروف والمظاهر والتقليد والتطفل هو الي طغى على بناتنا يعني الشاطره بدها تتباها وانا وانا وبنفس ا لوقت الشباب مش قادر يوفر كل شي للبنات فبنلاقي البنت مش عاجبها العجب النه ممكن في فئة في مجتمعنا ما بتراعي ظروف الاخرين فبصير في موقع كبيير للغيرة والتقليد وشكرا على الموضع الحلوووووووووووووووووو :D :D |
اقتباس:
أنا برأيي انه ممكن تلاقي شويه قناعة عند البنات!!! بس المشكله انها بتروح في المواقف الصعبة!!1 |
اقتباس:
وهي حقك على راسي بس انا كان قصدي مزح .. شو بتحبي قول لقوول "البنات ياجماعة قنواعات بس بحبوا يتدللوا علينا شوي... بطلعلهم ما ..) منيح هيك عليــــــــ:mimo: ـتنا ؟؟ كلو ولا زعلك!!8) |
ئال يعني انتو الي كتييييييييييير عندكون قناعه...:jakoush:
كل شب وئت بدو يتزوج بحط مواصفات وطلبات غريبه عجيبه..... يعني لازم البنت تعرف شريك الحياة الي بناسبها ... الشغله مو شغلة قناعه .... وطبعا مو كل البنات متل بعضون بالعكس اغلبون قنوعين ....أكتر من الشباب :p :p :p تحياتي |
اي والله معك حق يا جوليت على كلامك
كلو صح مية بالمية |
الصبايا مو كلن متل بعضن وما منئدر نعمم هالحكي عليهن كلن... في الطماعة وفي القنوعة متلن متل الشباب!! مو كلن بيحبو المzاهر وبيركدو وراها!!! بأكدلك إنه لمن بيتعلئ الأمر بإنها ترتبط بالإنسان يللي بتحبه وهو حالته مو كتير ميسورة... ما رح تفكر مرتين... الحب عند المرأة أهم يس أكيد في استسناءات!!
لسه الدنيا بخير يا طيار اليل!!:king: |
اقتباس:
إيه عم تمزح... فهمت... بس بدي بئ هالبحصة!!!!!:o |
الموضوع كتير حلو و فيو كتير مناقشات و الآراء هون تتضارب .. بس عندي قناعة تامة أنو أصابيع الأيدين مو متشابهة ..
في كتير بنات قنوعين و في بنات قنوعين بس نقاقات .. هلأ البنات النقاقات بكونو قنوعين بس الجو اللي بيقعدو فيه بخليهم يكونو نقاقات يعني ممكن تجيها وحدة من رفقاتها تقلها ولي عليكي ليش ( مثلاً) ما عندك خدامة أو ليش ما عندك سيارة أو أو أو ... هلأ قدامها بتقول معلش أنا رضيانة بس بعدين بينها و بين الحبيب أو الزوج بتبلش تنق و هون بتفوت بباب النق .. و هاد النوع معدنو بكون طيّب يعني بكلمتين حلوين بترجع للأصل .. و كتير حلو و سهل التعامل مع هيك نوع .. أما النوع التاني اللي يا ويلي منو اللي ما بيعجبو العجب ولا الصيام برجب هاد الله يبعدنا عنو ;-) و تحياتي :D |
انا بنضم للحزب يلي ما بيفرق بين الرجل والمراة بشغلة القناعة او عدمها
يعني الشغلة مشتركة ما ممكن نخص المراة بانها نقاقة او عيونها فارغة وانو الرجل هو يلي دايما قنوع بالعكس تماما في نساء عندها قناعة ورضى متل ما في رجال عندهم قناعة ورضى بالعكس انا بعتبر انو الرجال هو يلي المفروض بيخلق نمط من الحياة بينه وبين زوجته او حبيبته ليعيشوا عليه هذا لو كان طبعا رجال ما معنى كلامي انو يقتل الطموح والامل عندو وعندها بالعكس انا بقول انو لازم يعودها على القناعة والرضى يعني المسالة في البداية والنهاية بايد الرجال ويلي ما حاكم يعودها يطلقها احسن وانا عم انتظر هلاء :p |
لمن يكون في تفاهم واحترام بين الإتنين بيئدر كل واحد فيهن zرف التاني وبيتحلى بالقناعة مشان ما يحمل شريك حياته حمل يرهق كاهله....
بنفسي شوف مرة رجل أو شب بيحكي عن العلاقة بين الرجل والمرأة على إنها علاقة متكافئة الطرفين ومو علاقة عنصر فيها بيطغى على التاني!!!!... الطلاق شي بيخص الإتنين... وبشوف إنه الإتنين هنن يللي بياخدو قرار فيه... مو هو بيقرر وهية بتنطر التنفيز!!!!!!!:pos: لمن يكون في تفاهم واحترام بين الإتنين... حتى قرار الإنفصال يؤخذ بالتفاهم والاتفاق!!!! ولا شو وائل 76؟ |
| الساعة بإيدك هلق يا سيدي 08:22 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون