Academic Art Help!
 

هلأ انا شخصيا ً ما فهمت عن شو بالضبط عم تستفسر بس في مجموعه من الرسوم كان ابو وليم نزلها بزمناتو اعتقد انها كانت للمسابقه تبع هندسه العماره :sosweet: ..

فيك تطلع عليها من خلال الرابط :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

انو هلئ بشكل عام يعني..ماطلعو عندي رسمات اب ويليم:lol: لأنن مرفقات :pos:..

بالنسبي لاستفساري يعني مابعرف .. بدي اعرف شوي عن اساسيات الرسم بقلم الرصاص(ان وجدت) وعن التظليل كيف لازم يكون:?؟..
أو بالاحرى شو المقصود بالتظليل بالضبط.. وانو شو هيي المعايير يلي بيتاخد فيها بس يقيمو رسمي ما:?؟


كمان يعني انو بزماناتو بدروس الرسم يلي ما كنت انتبه فيها..كانو يئلولنا مثلا أنو بس ترسمو مزهرية ارسمو خط وهمي (شاقولي) بحيث انو هاد بدو يكون بنص المزهرية و وخط افقي منحني محل ما بيكون قطر المزهرية اكبر شي:?..

ونفس الشي بس نرسم وجه بيكون الخط الافقي هوي يلي بيحدد محل العيون..
وانو بس بدنا نرسم بناي أو غرفي أو شي..لازم كل الخطوط يلتقو بنقطة وحدي:pos:..مشان المنظور!..

هيدول الشغلات يعني:cry:!


*لاحظي عدم القدرة عالتعبير عندي هلئ بتدل انو مو عرفان الله وين حاططني:lol:..

هيي تبع المنظور والخط الوهمي من اساسيات الرسم
منستثني فيه الرسم التشكيلي
انت شو بدك بالزبط افكار عن الرسم بالقلم الرصاص و التضليل ؟
يما شو ؟

انا ما دخلت بمسابقة العمارة لأن بالاصل ما كان الي طموح فوت بهلشي
بس في صديقة الي بزمناتها فاتت على المسابقة واخدت دروس عند عمها (مهندس عمارة متمرس )
ونجحت بالفحص
بخليها تفوت تساعدك بالتعليمات اللي عندها أو بسألك ياها على الاشياء الضرورية اللي لازم تنتبهلها وانت عم ترسم


هاموش : بكلية العمارة بحلب بيعملوا متل دورة تدريبية رسم الاشتراك فيها شي 1000 ليرة ومدتها اسبوعين
سآل اذا في بحمص هيك شي .. اذا طلع في لا تروحها عليك لأن كتير بتنفع وبتعلمك الاشياء المطلوبة منك

هاموش2 : ابو الجيم
بخصوص مجموعك شو توقعات قارئة الفنجان ؟

اي اي.. هيك الاساسيات:larg:..

أي يعني هوي كمان انا ما بظن بيطلعلي عمارة:frown:..
في عندي بالعليلي مهندسين عمارة بس ما رح استعين فيهن إلا لبعد النتيجي في حال ممكن يطلعلي..وكمان الدورات نفس شي بتبلش بعد النتائج..
وحتى لو نجحت فيها حاسس انو ما رح ادخل عمارة:pos:..

هلئ حدا بيعرف إذا في هندسة ديكور عنا بسوريا..وإذا في أديش تقريبا بدها مجموع:?؟



وحياة سعدو كل ما سألتها بتبزء بوجهي :lol:..
وعم يئلولي البزئة بركي:shock:..

الديكور اختصاص ضمن اختصاصات كلية الفنون الجميلة اللي هني ( تصوير زيتي - نحت - حفر - إعلان أو " اتصالات بصرية" - بالاضافة للديكور )

اما ازا عمتسال كـ كلية مختصة بالديكور فـ ما في
لكن الاختصاص بكلية الفنون الجميلة قوي جداً ، وتاني اقوى اختصاص بالكلية بعد الاعلان

هلئ بالنسبة للدروس عندي شوية قصص ممكن تفيدك بخصوص الرسم بالرصاص والتظليل او الفحم حتى يعني فيك تقول اساسيات الرسم ، وال Figures للاشخاص بالإضافة لاكتر الشخصيات المستخدمة بالرسم ( وعفكرة بكلية الفنون غالباً بيجي فحص القبول هوي رسم لوجه سقراط أو فينوس.
هدول بلكي بكرا ببسكنرهن وبرفعلك ياهن لانو لهلئ ماني نايم :sick:

كمان المهد العالي للفنون المسرحية فيو فسم ديكور
بس بدو واسطة الله مولاها لا مجموع ولا هم يحزنون
انا لما قدمت
أحطولي
:cry:

شو مشان انو صرلي سني بسأل بئلولي ما عنا هون غير اعلام ..اعلان ما في:shock:..
خيو احمد في عندك شي تفاصيل اكتر :massari:..

ناطرك انا..
_ :na3san:
_بس تفيق.. بس تفيق:p ..

لا القسم هوي عالورقة مكتوب اتصالات بصرية ويعنى فيه الإعلان ، الاعلام شيء منفصل عن كلية الفنون الجميلة.
معظم خريجي قسم الاعلان بكلية الفنون الجميلة فيك تعتبرهن graphic designers وهاد يمكن اللي بظنو بيناسبك ، يعني منهاج الدراسة تبعهن 90 بالمية من مشاريعو هية عبارة عن بوسترات.
فانو الي قايلك مافي شي اسمو اعلان ، فهوي ع خطأ كبير ، لانو خالي خريج قسم الاعلان ودكتور بالكلية بنفس القسم ايضاً اختي نفس الحالة ( طالع جحش بهالشغلة انا لمين ماني عرفان :lol: )


بكير لسا عالنوم، منقاوم لسا شوي يعني :lol:

:shock: بلا مجموع.. ليش هيي مو هندسي؟؟

انو الاعلان graphic designer...
أنا حاليا عم اشتغل بالديزاين بلا شهادي..وعم طالع مبالغ خياليي جدا بالنسبي للوقت يلي عم استهلكو..


مشان شو بيناسبني ما بعرف انا:cry:..بشكل عام في توجه نحو العمارة كون انو بتعرف.. مهندس وبتطعمي خبز ومدري شو..

بس كميول يعني بحب الكاريكاتير والديزاين والديكور هيك بحسن ممتعين..بس ما بعرف إذا صارو مهني كيف ممكن يختلف الوضع..

في احيانا نوع من الهلوسات بالمحاماة والصحافة.. احلام يقظة بتتعلق بتغيير العالم والحرية :pos:.. (مجرد هلوسات يعني)


على كل ناطر الدروس انا:gem:..


* هاموش: هلئ بلكي في حدا ما بيعرف مينا فينوس :shock:

عند جيرانكم بجنوب الخريطه في هندسه ديكور ومو حياالله بتعجبك بس بدك تعمل فحص رسم واذا بتحب
بسألك عالمعدل وعالاقساط ........

رسمات ابو وليم اليوم المسا برفعلك ياهم على غير المرفقات .. اضافه لهيك فيك تطلع على هالموضوع القديم اللي بيحكي عن ابعاد رسم الوجو هو هيك قصص :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

أما عن التظليل فالتظليل هوّ الانتقال من سلاله لونيه لسلاله لونيه تانيه بتدرج و بسلاسه .. يعني الانتقال من الاسود الغامق للاسود ثمّ الاسود الافتح ثم الافتح ثم الرمادي الغامق ثم الافتح ثم الافتح حتى الوصول الى الابيض (( مثلا ً )) .. و التظليل يستخدم لاعطاء بعد ثالث للاشياء ..
و في عالنت بعض الدروس لتعليم التظليل و اجابه على استفساراتك جميعا ً تقريبا ً .. و احداها هوّ التالي :

انو ما بعرف شو بيعتبروها
بس بظن انو هي ديكورات خاصة بالمسرح والتلفزين والسينما
فهمت علي
:deal:

اي اذا بدّك شغل معلمين :larg: .. فبدك set كامل من الأقلام بين 6 لـ 24 قلم .. بس هدول شغل بروفيشينال و قصص لذلك ما بعتقد في داعي تشتريهم لو انت رايح عفحص مثلا ً .. يعني هو فيك تجيب قلم واحد HB و العب فيه على كيفك ..

هامش *
لما بدّك تظلل لا تخلي القلم واقف شاقوليا ً عالورقه انما خليه مسطح تسطيح عالورقه بشكل مايل ..

و ورجينا ناطرين :lol:

اي اي طلعت انا بعرف ظلل:lol: .. بس المصطلح ما كان مألوف عندي:p..

صحي انو انا احيانا بجيب محرمي صغيري وهيك بفرك الوقة فيها مشان يطلع التظليل سلسل:larg:..
بس بتذكر انستي الرسم:sosweet::hart::sosweet::hart:.. بزماناتها كانت تئلنا انو نرسم خطوط متقاطعة للتظليل.. فانو ما بتفرق ما؟


كمان وانا مبحبش لقيت هاي الرسمي