|
بتعتقد ان تغير الدين بيغير من الشخص؟؟
بين فترة وفترة بنشوف مواضيع متل قس صار مسلم او مسلم صار مسيحي
هل ياتري ان الانسان بيتغير سلوكيات واخلاق بتغير دين ؟؟ وهو ما عم بحكي بس عن الي ماكان عندن اي اعتقاد وتحولوا الي فكر محدد بل عن الناس الي مؤمنين بفكرة ثم بيغير... يعني هل الدين الو تاثير حقيقي علي اخلاقيات الانسان الي بيكون بالاصل معتنق مذهب فكري محدد هلق انا بشوف ان الاديان بمعظمها سماوية او دنيوية هيه متل بعض وبالنهاية الدين هو عبارة عن شعائر وتقاليد ذات ابعاد مادية مشتركة بالهدف مختلفة بالتطبيق وبالتالي ان المسيجي الي كان بيروخ للكينيسة راح يروح للجامع والي كان بيحج لالله بمكة راح يروح عبيت المقدس يعني بس الفرق بالاشكال اما المعدن نفس والانسان الجيد راح يضل جيد مسيحي يهودي مسلم او لاديني وبالتالي مراح يكبس زر بتغير لدين لان اخلاقنا منبعها تربيتنا مو دينا هاد راي وانت شو بتعتقدوا .؟؟؟ يالله افحمونا:D اممي |
أنا بتوّقع أو أنا مؤمن
لو أي إنسان فكر بعقلوه حبة صغيرة بموضوع الأديان ما حيغضر يحوّل من دين لـ دين .. رح يصل لإنكار وجود الذات الإلهية لإني هيك العقل بيقول و خليني قول كل شي بغير دينو لدين تاني نتجية تفكير ف هالتفكير هوي أحمق أحمق أحمق أما و الله لو عم يغيرو كرمال مثلا ً حبيبة أو حبيب أو موضوع تاني ف هاد صفا موضوع تاني , يعني هاي مشكلة الطائفية عم تجبر الشخص أو الشخصة يغيّر دينوه و بدون قناعة مسبقة .. و على عيني .. :D |
هلأ يمكن يكون معك حق انو الانسان المؤمن ازا هو منيح بضلو منيح حتى لو غير دينو..بس كمان بكون عندو مفاهيم وافكار وحتى يمكن اخلاقيات بفرضها الدين نفسو غير عن الدين الجديد فبالتالي ممكن انو الدين الجديد يعطي فكرة احسن عن الاخلاقيات والخير ونظرة افضل للايمان بالله..:D
|
بعتقد بالاصل الاخلاقيات شيئ منفصل عن الدين ، بمعنى انو انسان كان غير ملتزم دينيا او ما بعترف بالدين ، هاد لا يعني انو أخلاقياتو سيئه .. أو على الاقل أسوأ من أخلاقيات انسان مؤمن .. " إذا مو أحسن "
بس من ناحيه تانيه .. الاديان بشكل عام إهتمت بموضوع الاخلاق تغير الدين بغير من أخلاق الشخص ( من دين لدين آخر ) .. ما بتوقع .. لانو الاديان مو مختلفه بهي الناحيه الالتزام بدين " أي دين " من شخص لم يكن متدين ممكن تحسن أخلاقو .. أكيد .. ولو من بعض النواحي :D:D |
اقتباس:
طيب ياجماعة اذا الدين مابيغير اخلاق الانسان الي هيه القيمة الانسانية الاعظم عند ,ومابياثر كمان بعلاقت مع الناس بباقي الاديان (اذا مائثر عليها سلبا) فشو هدف الدين وشو الفائدة الي بيمنحها للانسان؟؟؟ |
اقتباس:
أنا معك انو جزء مهم وعظيم .. لكن الحقيقه انو الدين هو كينونه كبيره تحتوي الاخلاق ، أو الاخلاق تدخل ضمنه "وهاد ما بلغي وجود الاخلاق خارج إطار الدين" ما رح أدخل بمسائل الخلق والثواب والعقاب و العباده والروحانيات .. يلي كلها مفاهيم دينيه بالاضافه للأخلاق يعني الاخلاق فقط مجرد جزء الدليل انو على إختلاف الاديان .. موضوع الاخلاق كان فيه نوع من الثبات .. والاختلاف صار بباقي المفاهيم يلي شكلت الدين :D |
اقتباس:
|
اقتباس:
اقتباس:
كيف بتظبط ؟؟ ... عادي مثلا ممكن ما " أكذب " لانو عندي أخلاق وتربيت انو الكذب خلق سيئ ، وممكن ما أكذب لانو الكذب خلق سيئ و حرام " دينيا " :D:D |
اقتباس:
بس اذا كان الزلمة كذاب وهوة يهودي يعني راح يبطل اذا صار مسلم؟؟؟ ثم هالشي موجود كمان عند كل الاديان طبب شو الدافع لكن ان نغير ديننا ولشو بدو يصير عداوات بيناتنا اذا هدف كل الاديان والافكار نفس الشي يعني مابعتقد لامحمد ولا عيسى عندن مشكلة مين حزب اكبر ...لان هدف الاثنين ان الانسان يكون خلوق اخر وتعاملوا مع العالم اطيب طيب هالعالم ليش عم تغير دينها وليش نازلين هبش ببعض ؟؟:D |
اقتباس:
ومتل ما قلت انت هو شي موجود بكل الاديان اقتباس:
بس بتوقع إذا الواحد ما كان مقتنع بدينو بغيرو .. بس أكيد مو السبب إختلاف الاخلاقيات اقتباس:
|
اقتباس:
يسلم كتير علي مشاركات ... بس الفكرة الي بدي وصللها ,اذا كان الدين مالو علاقة بتغير اخلاق الانسان لان الاخلاق تنبت من البيئة والعائلة ورغبة الانسان نفس ,فشو شغلة الدين ؟؟يعني هل هوه تطبيل لاسم الله وانبياء (رغم ان باعتقادي ان الله مابيحتاج حدا يعمل دعاية) !!! |
مرحبا
حبيت شارك باللي باعتقادي مؤمن فيه الأخلاق والمعامله مرتبطه كتير بالدين يعني لما انا بكون ديني بيأمرني اني لازم ساعد الناس وكون صادق بمعاملتي معهم,فأنا بهاالشي هاد بكون عم بتقرب لديني,وبالمقابل هوه واعدني بأجر (ثواب) طبعا هالشي بكون بالسر والعلن هيك بصير الدين عم يتحكم فيني وانا مابخالفه لأنه واعدني بعقاب اذا خالفته وهي شغله الدين انه يخلي عندك أساس وقاعده بهالحياه بتخليك تفهمها وبتعرف كيف تمشي فيها وكل ماتقربت لدينك اكتر (بالصلاه بالزكاه بالصوم .....)بزيد عندك احساس بالطمأنينة والراحه(بقلولها لذة الإيمان) اللي هيه بسببها الناس بتحاول تدور على دين تاني لأن بتكون اتقربت وساوت كل شي بدينها الاول بس بعدها حاسه بضياع وفراغ وهالشي اكيد رح ينعكس على شخصية الانسان, فإذا كان مرتاح ومطمئن بفكره وبقلبه وعارف انو ماشي صح فاكيد شخصية رح تتغير والعكس بالعكس |
أنا أرى أنه فى الأساس مسألة الايمان والكفر هذه هى هداية من الخالق جل وعلا
أما موضوع تغيير الدين فهو لا علاقة له بالأخلاق فهناك من الملحدين من يتمتع بأخلاق راقية رغم عدم ايمانه بالله. وأنا أرى أن من يبدل دينه ليعتنق الدين الحق فقد هداه الله الى الصراط المستقيم بمعنى أن مسأله الأديان أيهم حق وأيهم باطل ( قد تبين الرشد من الغى ) أى الحق واضح والباطل واضح. وأرى يا اخوانى أن الله لم يمنحنا نعمة العقل هباءا ولكن لا بد أن نتدبر و نتأمل فيما حولنا بعقل وقلب صافيين لنرى الحق يجلو أمامنا كضوء الشمس الساطع .... |
مسلمون من اجل المسيح - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
مسلمون من أجل المسيح و نزار أباني كان مسيحي و ابن باز كان مسيحي و عمر بن الخطاب كان يهودي خلص هيك بمشي الحال بس عف عن ربون و تركون بهمون اللي فيّون مكفيون .. |
اقتباس:
ياريت تنحذف هالمساركة لان مابعتقد الها مكان بهالموضوع :D |
رح جاوبك جواب بتمنى يكون هو الشافي
الاخلاق هي شي ممكن ينوجد عند الناس اللادينيين لان التعامل مع الوسط الخارجي والناس الاخرين يفرض عليك الاحترام وعدم الكذب والوفاء ووووووووو لكن انت من المؤكد تعلم ان الدين ليس اخلاق وفقط لكن الدين هو محور الحياة باكملها ويضع لك حلولا لجميع مشكلاتك يعني على سبيل المثال وضع لك قوانين للمعاملات التجارية بما يضمن حقوق الطرفين من البائع والشاري ووضع لنا قوانين الزواج التي تضمن حقوق الطرفين ايضا من جهة اخرى سالت ما دامت الاخلاق موجودة خارج نطاق الدين فلماذا الدين اذا ؟؟؟؟؟؟؟؟؟؟؟؟؟؟؟؟؟؟ الم تسمع الاية الكريمة التي تقرل "وما خلقت الانس والجن الا ليعبدون" فهذا الهدف من الدين لو لم يكن للاخلاق او النهج الذي ناخذها منه فقانون الارث مثلا محدد بشكل دقيق جدا ولا تقل لي بامكان البشر عمل مثل هذا القانون فكثير من امثال هذا القانون موجودة بالدين لا يمكن لانسان عملها وفي النهاية الانسان لا راحة لقلبه مثل الطمانينة بالدين وبقربه من الله خالقه والذي اعطاه كل شيئ اتمنى لك ان تجرب هذا الاحساس وقريبا |
شوف انا رايي ان الانسان لما بيتبع شي باقتناع تام يعني سمع عن مذهب معين وبحث عنه وعرف عنه معلومات كتيرة واعجب بهاد المذهب وشوي شوي بلش يقتنع بانه هو الصح فبالتاكيد رح يتغير لما يغير دينه اما الي بحط راسه بين الروس وبقول يا قطاعين الروس فهاد ما حيلتزم باي شي من المذهب الي متبعه لان اساسا هو متبعه خلينا نقول فض عتب يعني انا ولدت بمجتمع مسلم او مسيحي او او وابوي وامي هيك فانا هيك اي خلص بتسالو انت شو بقلك انا مسلم او مسيحي او او بس هو بكون باخلاقه ابعد ما يكون عن هاد المذهب او الدين لان هو اصلا متبعه لمجرد العادة مو الاقتناع لهيك لما بتشوف حدا تعرف على دين معين مثلا واتبعه بكون تصرفاته افضل من الشخص الي ولد وربي بعيلة متبعة لهاد الدين وبصير من الصعب انك تغيره قناعته وحتى احيانا لو حدا ولد بعيلة متبعة دين معين وربي فيها بس العيلة كرهته بهاد الدين من طرقة اتباعها لهاد الدين ممكن بلحظة يترك ويتبع دين تاني تعرف عليه جديد وكمان من الصعب انك تغير قناعته ولاحظ انا قلت من الصعب وليس المستحيل يعني باختصار الشغلة شغلة قناعة وحب انت مقتنع بهاد الدين وبتحب نفسك بهاد الدين فانت رح تتغير لتصير موافق لهاد الدين اما لو مو مقتنع فاكيد ما رح يتغير فيك شي تحياتي :D |
| الساعة بإيدك هلق يا سيدي 00:32 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون