|
أسئله × أسئله \\ لجمالكن ..
مرحبا اكيد ما في داعي اني عرفكون عن حالي بس للجدد رح قول انو انا عم ادرس تجميل البشره ومعالجتها بالاعشاب الطبيعية انا حبيت نزل هيك موضوع جديد من نوعو انو كل واحد او وحدة حابة تستفسر عن شي ببشرتها او مابتعرف كيف تصنف نوع بشرتها او ما بتعرف تعتني فيا او اي شي مشكلة ببشرة الوج وحتى الجسم مو بس الوج فا بتكتبولي المشكلة وشو المطلوب انكون تعرفوا وانا من المشكلة رح اعرف شو طلبكون والشباب كمان مو بس الصبايا الحلول عندي وتكرم عينكون * اي سؤال بموضــوع خارجي رح ينتقل لهون .. حتى يتجاوب عليه :D |
:D :p ;-)
|
بدي اسالك عن اسباب تساقط الشعر؟ وكيف بدنا نحمي بشرتنا من اشعة الشمس؟ وشو طريقة تفتيح البشرة؟ او تعتيم البشرة؟
وشكراً سلفاً |
اقتباس:
اسباب تساقط الشعر ممكن تكون عدة اسباب: اولون نقص فيتامين A بالجسم احيانا الضغط النفسي بيلعب دور وبعض الأمراض العضوية مثل خلل إفراز الغدد الدرقية والغدة النخامية فقر الدم ونقص عنصر الحديد الهام لتغذية بصيلة الشعر0 تسريح الشعر بطريقة خاطئة أو شده بطريقة غير صحيحة0 العامل الوراثي بعض الأدوية لها علاقة بذلك كيف بدك تحمي بشرتك من الشمس: في كريمات خصوصية بتنباع بالصيدليات للبشرة الي مكتوب عليها UV كل ماكان لون البشرة افتح كل ما بيعلى درجة الحماية يعني للبشرة البيضاء لازم درجة الحماية تكون 50_60 الحنطية 30-45 السمراء اقلا درجة تفتيح البشرة الها عدة طرق اول شي التقشير الكيمائي باحمض الفواكة وتاني شي بشي 10 جلسات خاصة لتبييض البشرة بالصالون عن طريق محاليل مخلوطة من الاعشاب يعني مافيو الواحد يعمل تفتيح للبشرة لحالو بالبيت واغلب الكريمات الي بتنباع بالسوق بيكون فيا ماء الاكسجين الي بيبيض البشرة بس كترة استعمالو بينشف البشرة اما تعتيم البشرة فا هي بطريقتين كمان : اما جهاز التسمير الي بالصالونات( السولاريوم ) او انو التعرض لا اشعه الشمس بعد دهنها بزيت الشمس الي بيعطي لون البشرة برونزي وباكد على ضرورة وجود حماية فيه يعني UV وكمان حسب لون البشرة متل ما ذكرت من شوي |
بشكرك ع سرعة الاجابة... بس للتوضيج يعني ممكن نعرف شو يعني UV؟ وكمان درجات الحماية...
بعدين في مشكلة منتشرة بين الصبايا والشباب وهي ندبات حب الشباب او العد... فكيف الحل لهلمشكة ... من دون عملية السنفرة او التقشير الكيمياوي... وشكراً |
اقتباس:
يعني الاشعه البنفسجيه الي موجودة باشعه الشمس والي بتكون ضارة للبشرة وانشاء الله كون عبرت عنها بالعربي مزبوط هي بالانكليزي اسما (اولترا فيولوت) اما درجات الحماية فا بتكون هي نسبة ال uv الموجودة بالكريم الحماية للبشرة او زيت الشمس ندبات حب الشباب او اي حبة بتطلع للبنات والشباب كمان هي بعد ما بتكون حبة وبتنشف بيبقى متل بقعه بنية هي منعملا اما تقشير كيميائئ او تقشير عادي مع معالجة بالاعشاب متل النعناع القنطريون اول مرحلة وبعدين بزيت الليمون منعمل كمادات مع تقشير بس طبعا بدو وقت افلا شي من 3 الى 4 شهور بس نصيحة انو لما بتطلع حبة ما نحاول نفقيها بأظافرنا لانو تحت الاظافر بيحوا على مكروبات وبكتريا بتخلي الحبة تلتهب فا احسن شي بأبرة معقمة طبعا الي بتنباع بالصيدلية تنكش راس الحبة وبضغط خفيف بس لحتى يطلع الي بقلب الحبة من المحتوى وبتتعقم بالسبيرتو ومن ثم بينحط بودرا مع اني بيوتيك |
بس اذا حب الشباب احمر يعني الحبة حمرا منعمل فحص للدم للفيروس اموجود بالدم الي بيسبب حب الشباب
حب الشباب عافكرا بيكون عدوة مثلا ايدك مجروحة وفقيت حبة بظهر حدا او بوج حدا واجا الدم على جرحك بينتقل الفيروس لا الشخص المجروح فا احسن شي متل ما قلت عاطول السبيرتوا مع فصنة كبيرة لتوخي الحذر وبعد الفحص منعطي اني بيوتيك بنسبة قليلة من ال ملغ وبعدين تنظيف للبشرة مع مهدئات للحبوب وبعد فترة المعالجة منتاكد انو مابقى فيروس بالدم منبلش بالتقشير للبقع |
بشكرك مرة تانية... بس هلأ التقشير الكيميائي ما بسبب حساسية للبشرة يعني بتصير البشرة حساسة اكتر من قبل ... وبدها عناية اكتر من الاول؟؟
|
اقتباس:
مابيصير تنعمل للحساسة او الجافة كمان للبشرة الدهنية الي بتكون خاليية من اي امراض يعني جفاف حساسه او حب شباب يعني لازم تكون معافاية فا احماض الفواكة كمان الها نسب وعيارات من قوة الحمض يعني عندك قوة15% لا ال 60% ومابتصير من جلسة وحدة وانما من بين ال 6 وال 8 جلسات ومرة بالاسبوع ومنجهز محلول يستعمل بالبيت عبارة كمان عن حمض بس كتييييير مخفف ولازم تستعمل مرطب عاطول والتقشير بينعمل مرتين بالسنة بس والله حاسستك شي دكتور وعم تختبر معلوماتي ههههههههه بس عافكرا انا سعيدة كتيير باسئلتك |
بدي اخبرك انو احساسك يعني تقريباً بمحلو ...
المهم بشكرك كتيرر ع هالكمية الهائلة من المعلومات حول البشرة... طيب بما يتعلق بنزع الشعر من الوجه؟ شو هي الوسيلة الناجعة لذلك...؟ واخر سؤال هو كيف فينا نتخلص من الهالات حول العين؟ بشكل سريع ... يعني الواحد بكون عندو شغل ع الصبح بفيق بلاقي هالة حول عينو ... كيف هيك ع السريع يتخلص منو...؟ |
اقتباس:
ههههههههههههه اي على كلن سأل قد مابدك انا كتير بحب شغلتي ودراستي بقا بلاقي متعه بالحكي نزع الشعر كمان بيتم بالصالون بطريقتين اما بالشمع او بالعقيدة بس انا برايي انو السمع احسن لانو بيكون فيو زيوت بترطب بتفيد البشرة وخاصة الجافة وطبعا كل نوع بشره الها زيوت معينة منخلطها مع الشمع لما بيكون الشمع سخن ومنحطو على البشرة وبتتفتح المسامات فا الزيت الموجود بالشمع بيفوت للبشرة لنتخلص من الهالات السود حول العينين اذا كان بسرعه فا الصبح لما بتفيق حط قطع خيار او كوسا بس رقيقة او كميل كمادات من الليمون الي منضفلو مي يعني نص كاسة مي مع نص معلقة ليمون وكميل كمادات هههههههههههه وحط فون ديو تين وكونسيلر ههههههههههه بينمحا اثرون اي اما اذا كانو مورمين فا حط قصقة تلج على او شريحة بطاطا اذا في شي تاني سال مافي مانع |
عنجد صرت طمّاع لإجاباتك...:lol:
بكرر شكري لك...:D ورح يكون هالسؤال الاخير لليوم... ما بعرف يمكن الاسبوع الجاي يخطر ع بالي شي سؤال او يصادفني شي مشكلة ببشرتي ... المهم ... بدي اعرف شي طريقة جديدة لتدليك البشرة...؟ كمان ببعض الاحيان بتظهر خطوط (تجعدات) ع اطراف العين كيف فينا نتخلص منون..؟ |
اقتباس:
ههههههههههه تكرم عينك ولو لو ماكنت قد هالمشاركة ماكنت حطيتا فا سال كما يحلو لك طريقة جديدة لتدليك البشرة فا هي طريقة وحدة يعني مساج وكل الحركات المساجية متل ما بسميا انا ههههههه صحيحة مدامها بعكس الجاذبية الارضية وللشرح اكتر شوف هالموضع عم سبب الجاذبية الارضية للبشرة والتجاعيد وفي كم شغلة حاكيتها هونيك هههههههه - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ياعيوني التجاعيد اول شي سبب ظهورها هو العامل الوراثي والتدخين والسهر يعني بسبب ارهاق البشرة والضحك الكتير هههههههههه متلي يعني نحنا منبلش العناية بالمرأه من سن ال 25 تفادي لظهور التجاعيد باستعمال كريمات بيحتوا على كولجين لانو البشرة لما بيكون فيها نسبة الماء مناسبة او ممتازة فا بيكون الكولجين كمان بأحسن احوالو اما اذا البشرة جفت فا مع مرور الزمن الكولجين بيقل وبيظهر تجاعيد |
رح رابط لموضوعك عن تساقط الشعر هون لحتى هيك يكتمل هالموضوع شوي شوي...
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اوكىىىى ميرسي كتييييير ولاحظت هالرابط كمان عن مشاكل الشعر
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
رح قلك شو فوائد التدليك كمان شوف هالرابط - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
شكرا الموضوع كتير لزيز ومهم
سؤالي هو في علاج للنمش او لاء؟و ازا فيه ممكن الشرح |
اقتباس:
اولا اسباب النمش زيادة صبغة الميلانين ويظهر النمش أكثر في فصل الصيف بسبب التعرض لأشعة الشمس ويختفي تدريجيا، ولكنه قد يحدث في حالات قليلة في فصل الشتاء. وأكثر ضحايا النمش عموما هم ذوات الشعر الأصفر والعيون الزرقاء، وأيضا ذوات الوجوه البيضاء المشوبة بالحمرة وذلك نتيجة لعوامل وراثية. وهناك فهم خاطئ لدى كثير من السيدات وهو أن النمش له علاقة بالإصابة بسرطان الجلد، ولكن هذا ليس صحيحا. وغالبا ما تكون الشقراوات هن المصابات بالنمش، والسبب في ذلك يرجع إلى ضعف طبقة الجلد لديهن بما لا يوفر لهن الحماية ضد أشعة الشمس هاد شرح لظهور النمش علميا وما لازم تتعرضي لاشعه الشمس ولما بدك تطلعي لبرا لازم تحكي واقي شمسي بدرجة حمايه عاليه ورح قلك كم وصفة 1_مغلي أوراق وجذور البقدونس ويكون ذلك بغسله بهذا المغلي الذي يحضر من وضع 10 جرامات من أوراق البقدونس في كل فنجان من الماء المغلي. 2_ عصير الليمون فيساعد العصير على اختفاء النمش وتحسن لون البشرة فتصبح أكثر إشراقا ولمعانا، 3_ نصف كوب عصير بصل وملعقتين خل يغسل به الوجه 5 مرات يوميا لمدة أسبوع 4_ طحن نصف كوب حبة سوداء ونقعها في مقدار مناسب من زيت الزيتون لمدة ثلاثة أيام ثم يصفى ويدهن به الوجه مع التعرض قليلا لأشعة الشمس 5_ أو مسحوق جوزة الطيب ويدهن بها الوجه غسولا فإنها تعالج الكلف والنمش، أو طحن بذور القرع العسلى وعجنها مع مقدار مناسب من زيت الزيتون وتوضع على أماكن النمش هي كم وصفه هيك سهليك عليكي وعلى السريع بتعمليون جربيون وقوليلي النتيجة اوكى يا حلوة واذا في استفسار تاني انا جاهزة |
| الساعة بإيدك هلق يا سيدي 17:43 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون