|
تعا اقلي تعا اقلي تع ( مقلاية 8 )
 كما هو معروف موضوع المقلاية شغلة مو غريبة عن حدا منوب لذلك منبداها مع أبو ريتا من اولها لا تهلكو الزلمة بالاسئلة ;) * فترة كل عضو بالمقلاية 5 أيام تحتسب من تاريخ تسميته وبحال العضو مادخل بيتسمى العضو التالي **كل عضو مسموح يسأل 5 أسئلة يعني لو سمحتو مابدنا القصة تصير شوربة مشان الموضوع مايفقد جماليتو المتعودين عليها ويعني يفضل انو الأسئلة تكون عليها شوية قيمة حتى نستمتع فيها *** السبام بهالموضوع متل كل مواضيع الصالون ممنوع نهائياً ياريت نتعاون مع بعض بهالنقط :D |
شو سبب اختيارك لهالاسم و لصورة فيروز ؟؟
بتعتبر اخوية الافضل عالاطلاق ولا مجرد انو موقع عاجبك و جاية على هواك ؟؟؟ |
اضافة على الاسئلة الي قبل
انو انت مغترب ؟؟ وشو عمرك ؟؟ |
شو البلد اللي بتتمنى تزورو؟
و مين اكتر شخصية سياسية عربية بتعجبك؟ :D |
- شو سبب اختيارك لهالاسم و لصورة فيروز ؟؟ - بتعتبر اخوية الافضل عالاطلاق ولا مجرد انو موقع عاجبك و جاية على هواك ؟؟؟ - اختياري لاسم ابو ريتا : لأنو الشباب أصدقائي بيعرفوني بحب اسم ريتا كتير وكلياتنا منعرف مين ريتا وشو علاقتها بوطنا , وأخدوها عادة مرحبا بو ريتا و كيفك بو ريتا ... - فيروز : فيروز بالنسبة الي مو بني آدم , فينا نقول متل ملاك أو شي إلهي نازل منّزل عالأرض , و أغلبنا هيك ربينا و أكلنا و كبرنا مع صوت فيروز , أي شي بيصير بحياتنا , فيه شي مربوط بفيروز . - طبعا أخوية تعتبر من أفضل المواقع الي شفتها , والسبب انو تعرّفت على كتير عالم , وصار في ارتباط قوي ومو طبيعي ( جزء من حياة البني آدم يعني ) . - الطريف بالموضوع انو عرفت موقع أخوية عن طريق الصدفة , صديق لإلي من الأردن خبرني عنو , مع انو هو ما كتير بيدخل عليه وبيكتب فيه , وهون بحيّ صديقي أبو كرك . ********** - اضافة على الاسئلة الي قبل - انو انت مغترب ؟؟ - وشو عمرك ؟؟ - اي أنا مغترب شي 3 سنين :p - عمري : 22 سنة . ********** - شو البلد اللي بتتمنى تزورو ؟ - و مين اكتر شخصية سياسية عربية بتعجبك ؟ :D - البلد الي متمني زورها : روسيا . - أكتر شخصية سياسية عربية بتعجبني : الرئيس الخالد حافظ الأسد رحمة الله عليه . |
ايه يا ابو ريتا اسئلة مشكّل تعقيبا ع اجوبتك,,
ليش حاب تروح ع روسيا تحديدا؟ لمين بحب تسمع (غير فيروز :lol:)؟ شو كانت احلى ايام حياتك؟ هدول اللي طلعو ع بالي هلا :D |
- ليش حاب تروح ع روسيا تحديدا؟ - ما بعرف ليش تحديدا بس من أنا وصغير بحلم روح عا روسيا :lol: كان عندي حلم أدرس بروسيا بس ما تحقق , ليكني فشخة حجر , قريب عليها , منتركها للايام .:pos: ********** - لمين بحب تسمع (غير فيروز :lol:)؟- غير فيروز .... مرسيل خليفة و أميمة .... شلة زياد ( جوزيف وسامي حواط ) .... الأستاذ الكبير وديع الصافي - هدول تحديدا عملو تأثير كبير بحياتي . ********** - شو كانت احلى ايام حياتك؟- أجمل أيام حياتي كانت من 3 سنين لما قضيت سنة كاملة بدون دراسة , كانت صياعة:p وشغل . ********* |
شو رايك بوضع الشباب بسوريا ؟؟؟؟؟ وياترى في مستقبل الهون ولا لأ
كونك مغترب وشفت الاختلاف مابين الي عنا والبلد الي عايش فيه هل بتقدر ترجع تتكيف بسوريا ؟؟؟؟ انت عم تدرس هل بلدنا بس ترجع لح يعطيك الامكانيات للتطور وتبني مستقبلك فيه ؟؟؟؟ شو رايك بعلاقه الحب ما بين البنت والشاب ...وبالمساكنه مابينهم قبل الزواج ؟؟؟؟ هل انت من مؤيدين الزواج التقليدي ؟؟؟؟وما نظرتك للزواج بشكل عام..... المرأه المطلقه مظلومه بمجتمعنا خلافا للدول الاوربيه ..؟؟؟؟ كيف انت بتنظر لها ؟؟؟ ماذا تعني لك المرأه العامله القويه الشخصيه ؟؟؟والمرأه التي تكون فقط ست بيت ؟؟ شو مشان ما نشستر ولا برشلونه :p اكتر شي بشتاق الو بسوريا ؟؟؟؟ انابشتاق للشنكليش :lol:... هاموش ..ماعرفت حالي وانا عم احكي فصحى .....:shock: واذا بدك تسبني ع الاسئله ..مافي مشكله عاطيتك الضوء الاخضر ..... وتحياتي لك :D |
نعود بزيتاتنا الجداد لندشنن بأبو ريتا :larg:
ابا رتتن يا ابا ريتتن:larg: أخويات خيو أخويات : 1 - كيف بتقيم أداء الأخوية الحالي من ناحية الأفكار والمواضيع والاشخاص 2 - جماعة البكاء على الأطلال اللي حاملين شعار ( يا حوينتك يا أخوية ) وماشيين ، شو موقفك منن وهل بتحسن عم يبالغوا ولا معن حق . 3 - فسر موقفك من أكتر قسم بتحبه بالأخوية كلها ، شو هوي وليش بتحبه وأكتر قسم بتكرهه ، نفس الحكي فوق وعطيني رأيك بقسم المسابقات :x 4 - بتحس أنه في شي ناقص بالأخوية أقسام ؟ ولا عين سعدو تحرسا كاملة مكملة ؟ 5 - شو هوي أكتر موضوع بالأخوية معلق بذهنك وليش ؟ كتابيات خالو كتابيات : 1 - كتير قليل لنشوف موضوع جديد باسم أبوريتا ( قصدي موضوع غير منقول ) شو اللي بوقف بوج أبو ريتا لحتى ما يكتب ؟ 2 - خطرلك بشي يوم من الأيام تعمل مدونة ؟ شو اللي بخليك تبعد عن هلفكرة + شو هية العقبات اللي ممكن انها توقف بطريقك اذا قررت بهللحظة تعمل مدونة شخصية تكتب فيها الشغلات اللي عم تفتل بمخك من أمور جدية وتحشيشات على حد سواء . 3 - مين هنن الأشخاص المحللين او الكتاب اللي بتكون حريص على قراءة منتجاتن بشكل دوري ؟ انترنتيات بابا انترنتيات : 1 - ما بيخفى على 2 انو بسوريا في "مسخ"انترنت ، في هلكام خط بالكافيات الأنترنت وكل العالم عم تستعملن لأغراض جنسية بالدرجة الأولى ، برأيك لازم يفوت الانترنت على كل بيت سوري ؟ ولا على مبدأ السلاح بأيد الولد بيجرح ، لازم ما يفوت لنضمن انه رح يُستعمل بشكل صحيح . 2 - هل أنت من مؤيدي فكرة حجب بعض المواقع ؟ 3 - شو البراوزر اللي بتحب تستعمله :larg: دينيات يرحم شنن بقبره دينيات : سؤال واحد لا شريك له :p عرّف " التدين " بمفهومك الشخصي وعطيني موقفك منه ، وبتشوف انه في ارتباط بين التدين وإلغاء الآخر ولا هلشي ناتج عن سوء فهم من المتدين . هاموش : انا هلق مروق زيادة عن الزوم لهيك ما نزلتك قسم حشش عليها تنجلي .. فانه اكيد راجعلك :larg: وحلى سمايلي أبو ريتا :larg: |
- شو رايك بوضع الشباب بسوريا ؟؟؟؟؟ وياترى في مستقبل الهون ولا لأ - وضع الشباب بسوريا : ما فيني أعطيكي رأي بوضع الشباب , لأنو ماني بموقع فيني جاوب بس فيني بقلك انو فرص الشباب عنا بسوريا كتير ضئيلة من ناحية العلم أو الشغل , وكل واحد هو وشطارتو وحظوظو , لذلك المستقبل هنن بيساووه ,في مستقبل بس لازم يشتغلو عليه وأنا من هي الأشخاص . - كونك مغترب وشفت الاختلاف مابين الي عنا والبلد الي عايش فيه هل بتقدر ترجع تتكيف بسوريا ؟؟؟؟ - أنا مغترب :? , صرلي 3 سنين برا بس :p , المهم مشان الإختلاف أكيد في اختلاف , أما النقطة الأهم أنو ارجع عا سوريا : اي طبعا فيني برجع بتكيف بسوريا , لأنو الطلعة لبرا بتوعي البني آدم أكتر وبتورجيه العالم كيف ماشي , وهي الشغلة كتير بتساعد وبتخدم بلدي , وبتوعي العالم عنا شوي وشوي , موبس أنا .... كل مغترب , كل طالب ... كل شخص . بالنهاية هاد بلدنا وراجعين يا هوى راجعين . - انت عم تدرس هل بلدنا بس ترجع لح يعطيك الامكانيات للتطور وتبني مستقبلك فيه ؟؟؟؟ - بلدنا أو مجتمعنا اذا فينا نقول , هو البلد وهو المجتمع المثالي بالنسبة الي اعمل شغل بعد الدراسة , يمكن حكي هون مانو كتير منطقي ( للبعض ) , بس أنا هيك شايف بوضعي . وإثبات الذات بتنبع من الشخص نفسو , ما بينطر بلدو ليحقق ذاتو , وين ما كان ! . - شو رايك بعلاقه الحب ما بين البنت والشاب ...وبالمساكنه مابينهم قبل الزواج ؟؟؟؟ - علاقة الحب :( عنا بسوريا ) بالنسبة الي شي وهمي ... هي شغلة بتصير لأنو ما في شي يشتغلوه العالم ( العالم فاضية ) . هلأ بالنسبة للمساكنة ( قبل الزواج ) عنا بمجتمعنا شوي صعبة , تبعا للعادات والتقاليد . بالنسبة لرأي هي خطوة جريئة و ( تجربة ) بس بمجتمعنا , ما بعرف . - هل انت من مؤيدين الزواج التقليدي ؟؟؟؟وما نظرتك للزواج بشكل عام..... - اي أكيد أنا من مؤيدي الزواج التقليدي . نظرتي للزواج : الزواج شغلة أساسية بالحياة يا صفصف , وشي كتير مهم . - المرأه المطلقه مظلومه بمجتمعنا خلافا للدول الاوربيه ..؟؟؟؟ كيف انت بتنظر لها ؟؟؟ - المرأة المطلقة : عنا بمجتعنا ما بتفق معك انو مظلومة بشكل ( مطلق ) . - نظرتي لإلها : يعني الله يعينها :lol: شو بدها تكون نظرتي لإلها . - ماذا تعني لك المرأه العامله القويه الشخصيه ؟؟؟والمرأه التي تكون فقط ست بيت ؟؟ - المرأة العاملة وقوية الشخصية بحترمها كتير , أنا من النوع الي بيقدس هيك نساء , ولازم تكون ذكية , أنا ضد انو تكون المرأة ست بيت , ما عدا ( فترة الأمومة مثلا ) , المرأة بتعطي ... بتعطي كتير وأكتر من الرجل أحيانا , بمجتمعنا أو بالمجتمعات التانية . - شو مشان ما نشستر ولا برشلونه :p - وصلتي :lol: ..... بالنسبة لمانشيستر , فريق قوي , بس برشا حاليا أقوى ... والريال بيضل كبير :gem: - اكتر شي بشتاق الو بسوريا ؟؟؟؟ انابشتاق للشنكليش :lol:... - بشتاق للسهرات عنا عاسطح البيت عالعود :gem: ولسهرات الضيعة عالأركيلة والمتة :gem: - هاموش ..ماعرفت حالي وانا عم احكي فصحى .....:shock: - أنو فصحى , بتاخدي العقل انتي :sosweet: - واذا بدك تسبني ع الاسئله ..مافي مشكله عاطيتك الضوء الاخضر ..... - له يا صفصف , أنا سب , لك ما عاش الي بدو يسبك :gem: - وتحياتي لك :D - تحياتي الك كمان :D |
ابو ريتا .. صباحك سكر ..
موسيقى .. ابو ريتا شو النوع الموسيقى اللي اكتر شي بتفضلوا ؟ شو بتسمع اكتر شي ؟ مين مطربك المفضل ؟ شو آلتك المفضلة ؟ كان عندك محاولات .. او حتى بتحب انو تعزف على شي آلة .. وشو هيي ؟ شو هيي الحفلة اللي حضرتا ومستحيل تنساها ؟ حشرية .. :oops: سبب التسمية أبو ريتا ؟ شو مشان البيرسونال مسج تبعيتك .." ضحك اللوز وغفي اللوز.. وحبيبي وما لفي " وهل في موعد محدد او حدث محدد لتروح ؟ البطاقة الشخصية لأبو ريتا .. هي بلدان وبلاد .. شو رأيك ببولندا ؟ شو هيي البلد اللي بتحبا كتير ومستحيل تسكن فيها ؟ شو هيي اكتر بلد بتحبا " غير سورية .. طبعا ازا كان جوابك الاول سورية " ؟ حاجة هلأ .. برجعلك ازا صار مناسبة و100 وردة:D |
ابو ريتا .. صباحك سكر .. صباحك فل وياسمين اب صطيف :D موسيقى .. - ابو ريتا شو النوع الموسيقى اللي اكتر شي بتفضلوا ؟ - نوعية الكلاسيك و الموسيقى الهادئة هي أكتر شي بفضلّها .;) - شو بتسمع اكتر شي ؟ - بسمع فيروز أكتر شي .:larg: - مين مطربك المفضل ؟ -فيروز .:gem: - شو آلتك المفضلة ؟ - العود . - كان عندك محاولات .. او حتى بتحب انو تعزف على شي آلة .. وشو هيي ؟ - ما بعرف اذا محاولات , بس من أنا وصغير تعلمت على الأورغ , وبفترة طورّت شوي وتعلمت العزف عالعود , حاليا بعزف عالعود , بس نوتة ها , لإنو سماعي ما خرجي . - شو هيي الحفلة اللي حضرتا ومستحيل تنساها ؟ - حفلة نصير شما:gem: , مستحيل انساها لأنو وقتها كانت دم العالم فايرة:pos: , وبتذكر انو ببرنامج العرض ما في مقطوعة العامرية:pos:, والناس بلشت تترجى الاستاذ نصير ليعزفها ;), وفعلا بالنهاية عزفها وما بنساها للحفلة .:gem: حشرية .. :oops: - سبب التسمية أبو ريتا ؟ - ابوريتا ... جاوبت على هاد السؤال :p - شو مشان البيرسونال مسج تبعيتك .." ضحك اللوز وغفي اللوز.. وحبيبي وما لفي " وهل في موعد محدد او حدث محدد لتروح ؟ - هاد البيرسونال عجبني , وبيذكرني بالضيعة , في عنا شجرة لوز , وكل ما بسمع الغنية بتذكر مغامراتي بالضيعة . :sly: - البطاقة الشخصية لأبو ريتا .. هي الاسم : إيفانوفيتش .:lol: العمر :22 سنة . :oops: البرج : العذراء . :sosweet: بلدان وبلاد .. - شو رأيك ببولندا ؟ - بنات بولندا بيجننو:sosweet: , و صافو سيد العارفين :lol: - شو هيي البلد اللي بتحبا كتير ومستحيل تسكن فيها ؟ - روسيا :gem: , يمكن لانو فيها برد كتير مستحيل اسكن فيها . :lol: - شو هيي اكتر بلد بتحبا " غير سورية .. طبعا ازا كان جوابك الاول سورية " ؟ - روسيا . :pos: - حاجة هلأ .. برجعلك ازا صار مناسبة و100 وردة:D - كتّر خيرك :lol:,,, هلكتني بأسئلتك:frown: . ومية وردة لإلك علاءووو . :D |
اي اي وانا بدي اقلي :p
خيو رأيك بالاعضاء التاليي اسماؤن مع ذكر صفة سلبية وايجابية وامنية لكل واحد :o: reemi marioma alghzayala hanny dagher Willi layla sezar sweetbaby الحاج متولي maged-syrian butterfly وشم الجمال Syrian__Angel أبو شريك, Hashtnasht ASH ٍٍٍSyrian Gay Fares Geeny yass كهربجي راديا SABE HUS Barleb باشق مجروح the light سرسورة محمد ابراهيم GOVERMENT صياد الطيور marrosh (مروة ) اسير التشرد phoenixbird maher4*4 the morrning COSTA handsome abosleman LiOnHeArT betty_palestine yamen_h BL@CK MadMax وائل76 مسطول ع طول شامي من طوكيو أمرأة من ورق هدوء البحر ابو نجبو Roaa مايا* لبندا fofo besset syria Abu Guzef الموسيقار, فاوست ظل جيفارا مخموخة:sosweet: ملاك السعودية محمد السعودي التقرير الجوال secular سابقا Nirvana sandra boy freind suzzan ام الجود جاد81 i am sam zen black-iris sun shine art عياش مجنون يحكي وعاقل يسمع فيفا سيريا رايح عاليسار شوي جدل قرصان الادرياتيك يمان رونالدوووووووووو حاجي:p |
ازا خيرت انك تقضّي ليلة مع Angelina Jolie:gem: مقابل انك تتخلّى عن أغلى شي بحياتك..
أيشو بتختار؟ :D |
- اي اي وانا بدي اقلي :p - اي بتقلي بتقلي ليش لأ :frown: - خيو رأيك بالاعضاء التاليي اسماؤن مع ذكر صفة سلبية وايجابية وامنية لكل واحد :o: - بس هيك ... ما شالله عليكي :pos: - reemi - ريم بنت العم ... بنت ضيعة شو بدها تكون يعني :p صفتها الايجابية يمكن انو هي بتبين كتير Wise Woman :p وصفتها السلبية بتشتغل كتير , وبضل مشغولة , مو فاضية تحكي مع حدا :frown: ***** - marioma alghzayala- مرام بنت بتجنن , ما في منها:sosweet:, ما تفهميني غلط :oops: مرام عندا صوت حلو بيجنن :sosweet: أخدلي عقلي , بتمنى شي يوم أنا اعزفلها عالعود وهي تغني ( سألوني الناس ) :oops: , مرام ما عندا شي سلبي يعني سبحان الذي خلقها :gem: ***** - hanny dagher- مسيو هاني , زلمي شغيل , عندو تحشيشاتو الخاصة :p ما بحكي معو كتير يمكن هي صفتو الايجابية , الي أنا بشوفها صفة سلبية :lol: ***** -Willi- ما بعرفو :shock: ***** - layla- ليلى يا ليلى ... مبروك التخرج مرة تانية , ما منعرف بعض كتير بس بيتهيألي انو بنت دريسّة وذكية , والا ما كانت تخرجت :p وبتمنالها عطلة حلوة بسوريا بفترة الأعياد :D ***** - sezar- سيزار .... هممم ما بعرفو ... سوري منك يعني :pos: ***** - sweetbaby - ريتا يا ريتا .... بنت غير كل البنات ... محبوبة الجماهير :p صبية بتعقد .... ظريفة و مهضومة ما عندا شي تخبيه :p صفتها الايجابية انو بنت متفهمّة للآخر , بس عندا شغلة سلبية انو بتحكي كتير وبتوصي انو ما حدا يحكي , بالوقت الي هي بتكون عم تحكي وتحكي :lol: ***** - الحاج متولي- مينو هاد :shock: ***** - maged-syrian- ما كتير بطّل عا أخوية , وينك يا رجل .... ما بعرفو كتير :pos: ***** - butterfly- مرسيل صبية بتكتب حلو , معرفتي فيها قليلة لهيك ما بعرف شو عندا صفات سلبية:D ***** - وشم الجمال - سراب كمان بتكتب حلو ,,, ما عندي غير هيك معرفتي فيكي قليلة يا سراب :D ***** - HUS- حسام : انت واحد آدمي , يعطيك العافية على كل شي , بالنسبة الي , انت شخص عظيم :D ما عم مسّح جوخ .:p ***** - باشق مجروح - صافو : شايفك صيدلاني ممتاز من هون :lol:, عندك شغلة حلوة انو بتحب تتواصل مع العالم . شغلتك السلبية الوحيدة انو لما بدك تعبّر عن مشاعرك مدري شو بيصرلك :p ***** - محمد ابراهيم - محمد زلمي فهمان ما عندو أي سلبية . :lol: ***** - GOVERMENT- حسون يا حسون وما أدراك ما هو الحسون , اتحادي للعضم , مانو عصبي :lol: رايق لآخر حد :gem: ***** - صياد الطيور - أحلى ريالي , والرابطة ما فيها شي كلو تمام . :gem: ***** - marrosh (مروة )- يعني مروى هلكتني بالدفاع عن حقوق المرأة :p , لك يا مروى المرأة أخدت حقوقها وزيادة :lol: ***** - phoenixbird - ابو طرق الحبيب دكتور غير شكل :gem:... رأي انو هو زلمي جدي كتير .. كتير كتير:sly: , يمكن تكون سلبية كمان . :p ***** - the morrning - ام الشوش , ما في منها , عصفورة أخوية :D ***** - LiOnHeArT - علاء يعني هلكتني بهي البيرسونال:lol: , ورح صير اكتب النت خير من النوم :p ***** - MadMax - اب سمرا موسيقى و بس:lol: , طالما عم يسمعنا أغاني بتعقد وبتجنن متلو:gem: , طالما روح أخوية موجودة , روح حياة أخوية انت اب سمرا :D ***** - هدوء البحر - أبو حميد : برشلوني للأسف :frown: , انو مع الفيراري :gem: , بس يلله كلو منيح :D ***** - Roaa - ما بعرف انو روعة بتكون محششة مثلا , ولا أنا :lol: , أحيانا بخربط ... بتحطيني يا روعة بموقف ما بعرف:pos: , يعني الله يعين العالم عليكي :lol: ***** - Abu Guzef - أبو زوزيف ..... كيفك حبيب , شب وشيخ الشباب :gem: ***** - ظل جيفارا - أبو منجل : لازم تكتر من المناسف :lol: هي الشغلة السلبية الوحيدة فيك :lol: ***** - boy freind - مين خبرك انو أنا بزماناتي كنت بيع بطاطا :jakoush: ***** - zen - مسيو زين مافي منو:D ... زلمي عم يدور على تحقيق ذاتو , أنو يبطل فكرة الانتحار وشغلة الزفت بوقتها بتزبط المسرحية :lol: ***** - sun shine art - صفصف ما في منها غير شكل :larg: ***** - يمان رونالدوووووووووو - شب بيجنن بيحب الريال متلي :gem: ***** - حاجي:p - اي كتر خيرك :frown: هاموش : كل شب وصبية مو مذكور أساميهون ما يواخذوني ,,, ما كتير في معرفة . كلو منك يا مريومة :pos: |
اقتباس:
بدي اقضيها معها ما بشتريها بفرنك :sly: |
ليش يعني ما رديت على الشي اللي انا سألتك ياه :frown:
بلشنا من هلق خيار وفقوس:frown: وليش ما انحط اسمي بالكائمة فوك :frown: |
اقتباس:
بالنسبة لأب طوني - أبو طوني - أبو طوني ولا يهمك حساب مرام عندي أنا أكيد :p , غابي شب ما في منو أنا برأي انو يبلش نهارو من الساعة 3 بعد الضهر بيكون أحسن , كنت ناطر منك أسئلة بتعرف شو قصدي , خلندعية يعني :lol: ,, مو مشكلة ,,, سلبيتك الوحيدة انو وين بتكون غاطط الصبح :lol: وهي صار رد كامل بالنسبة لسؤالك :gem: |
| الساعة بإيدك هلق يا سيدي 03:04 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون