نجاح جميع المتقدمين من سجن حلب المركزي في امتحان الشهادة الثانوية
 

سادت سجن حلب المركزي الجمعة حالة من الفرح والابتهاج إدارة السجن والنزلاء فيه مع صدور نتائج الشهادة الثانوية ونجاح جميع السجناء الذين تقدموا لنيل هذه الشهادة من الموقوفين فيه وعددهم 21 وحصول بعضهم على معدلات عالية.
وذكر اللواء عبد الحنان حجو قائد شرطة حلب أن خمسة من السجناء الذين تقدموا لنيل الشهادة الثانوية حصلوا على مجموع علامات متفوقة حيث حصل السجين "أحمد ح" على درجة 254 وفق النظام الحديث بينما حصل السجين "علي ا" على درجة 238 تبعه بالترتيب السجين "يحيى س" الذي نال 232 درجة والسجين "ابراهيم ا" بدرجة 230، والسجين "مصطفى م" بدرجة 225.

وبين قائد الشرطة أن إدارة السجن وبالتنسيق مع الجهات المعنية كانت وضعت نظاماً مدروسا لتهيئة الظروف الملائمة أمام السجناء الراغبين بالتقدم لنيل شهادة المرحلة الثانوية حيث تم تخصيص ساعات لتدريسهم المواد التي كانوا يعانون ضعفا فيها من قبل مدرسين داخل وخارج السجن وكذلك خصص لهم جناح هادئ للدراسة إضافة إلى عقد لقاءات دورية معهم للاطلاع على احتياجاتهم مشيرا إلى أن نسبة النجاح هذه التي بلغت 100 بالمئة تعد سابقة من نوعها في سجن حلب المركزي.
وأوضح أن إدارة السجن ستقيم حفلا تكريميا للناجحين تشجيعا لهم لمتابعة تحصيلهم وتحفيزا لباقي السجناء على الاستفادة من الوقت في التعلم والعمل المنتج. يذكر أن سجن حلب المركزي كان شهد خلال الفترة الماضية العديد من النشاطات المتميزة حيث قامت إدارة السجن مطلع العام الجاري بتنظيم معرض فني لمنتوجات السجناء التي تم عرضها في صالة خاصة خارج السجن إضافة إلى انه تم خلال الفترة ذاتها عرض عمل مسرحي من تأليف وإخراج وتمثيل السجناء حضره عدد كبير من الفنانين السوريين من خارج السجن.


المرصد السوري.

انو مبارك اول شي .. للي نجحو .. وطلعو بهيك انجاز .. بفرح .. لعل وعسى .. يكون .. عدّل شوي من سلوكياتهم .. او غير نظرتهم للحياة .. " ان كانت سئية او دخلو السجن لاسباب مانها منيحة " ..

والله يا معليم من ناحية بقا هيئلوهم .. وعمولهم وجابولهم هي ما كتير بشد ايدي علييها مع اني بتمنى يكون صار في هيك وعي .. بس عالاغلب متل العادة .. بعد ما بينجحو شو ولاك .. بتطلع بتوقل انو عملنالك وهاكاز ..

الله يعطيهم العافية ..

يسلمو ايهم .. :D

بتمنى من كل قلبي يكون الحكي هاد صحيح .

صحيح هاد الحكي وعالم حولي تابعوا المعرض .
منيح طلع في عدد كبير من الفنانين خارج السجن :o صياغة الجملة مضحكة إلى حد ما :lol:

الحلو بالموضوع انه تم الثناء على المساجين ، بالنهاية السجين انسان قد يكون أخطأ بحق المجتمع وبحق القانون بس هاد ما بيعني انه شخص غير سوي او شخص لازم ننبذه .. اصلاح المساجين واجب على الحكومة وشخصيا من خلال هاد المقال عم استبشر خير بأن الحكومة عم تعمل اللي عليها وعم تحاول تأمنلن مستقبلن للمساجين
بس السؤال الأكبر شو مستقبل الناجحين ؟ بحقلن يلتحقوا بالجامعات ولا رح ينتظروا انتهاء فترة المحكومية تبعن ؟


هاموش : اش بدك بالحكي .. حتى المساجين الحليبة مثقفين .. غير شكل :lol:

اللي لفت انتباهي لهيك خبر انو مو بس كل المساجين نجحوا, وبعلامات عالية كمان يعني 232 بالبكلوريا لواحد مسجون :shock: اي لو انعملت بشي مسلسل لضلت العالم تتمسخر عليه شهر.


اي هي متعارف عليها, انو لازم الفضل يكون دائما للشباب :lol:

الله يسلمك :D

يا هلا :D

والله يا بلدنا ولسا فيكي خير
مو غلط انه نعطي السجناء فرصة تانية او حتى امل بفرصة تانية بس يخلصوا محكومياتهن بغض النظر عن الجرم اللي ارتكبوه
فكل انسان قابل للوقوع في الخطأ ولكن لازم كل واحد يحاول يتجاوز الخطأ اللي ارتكبه وحتى انه يحاول اصلاحه
مبارك لجميع الناجحين من الاحرار ومن المساجين
ونقطة الك يا وطني لما تحاول انك تصلح النفوس وتحط الامكانات في مكانها الصحيح