|
جمعة 14 آذار العظيمة
جريدة الأخبار - السبت 11 نيسان 2009
زياد الرحباني _الأب:لاه يا بابا، الجمعة الحزينة ما دخلهن السوريين فيها، هيدي حزينة من قبلن بكتير يا بابا .....معقول ما قالولكن عنا بالمدرسة؟؟ _الإبن:ما بيقولولنا شي. _الأب: كيف هيك؟ _ الابن : كلن عن اشيا مش مظبوطين، بيخافوا من السوريين لأنو. _الأب: مابيصير بابا هي أفظع مدرسة، بعدين السوريين :بح! راحو السوريين شو بعدها عم بتخبركن المدرسة؟ _الابن : ومين صلب المسيح؟ _الأب : اليهود بابا، اليهود هني اللي صلبو المسيح! _الابن : أكيد؟ _الأب : أكيد بابا. _الابن : آه من شان هيك هجموا عليهن حزب الله؟ _الأب : أيوااااا!!!! شفت كيف pappi؟ هيك بدي ياك. _الروح القدس : أستغفر الله! (والوطن والعائلة).آمين. زياد الرحباني. |
هيهي :p.....
|
اقتباس:
|
:lol::lol::lol: كل ما قريتها بتجني نفس الحالة !!! انو هالروح القدس شو صاير فيها بس ع فكرة في موضوع خاص لكتابات زياد الرحباني بجريدة الاخبار بتوقع كانت نازلة فيها :D |
هلأ هي بتضحك بس عن جد صايرة ... واحد خوري سوري فرزتو طايفتو بديرها ببيروت .. و اشتغل هونيك بالتعليم المسيحي بوحدة من المدارس ، و مرة بدرس الديانة نط واحد من الولاد قلو انو السوريين هنن اللي قتلوا يسوع المسيح .. قام من كلمة لكلمة فهم منو انو أهلو هنن اللي مدخلين براسو هالحكي .. و لما استدعى الأهل أكدوا هالشي و قالولو : نحنا بدنا ولادنا يعرفوا و ما ينسوا انو كل شي اسمو ظلم و جريمة و عنف و كره مصدرو السوريين ...
فتأمل ..... يرعــاك الله ! |
اقتباس:
|
اقتباس:
بعدين نحنا اللي عم نوقع بين بعضنا أكتر وأكتر...............:cry:للأسف |
| الساعة بإيدك هلق يا سيدي 08:00 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون