|
عندي ...أمل
كانت بليلة صيف عشقانة ومفكرة انو المحبة متل ما قالوا خجل ومحمّر منها خدّها وموشوشة شوية غزل قلها عيونك نوم عم بيفيق ووجهك....حكاية بطل وحدي أنا بعدك غريق وبمحبتك عندي أمل وصار يعلى فوق كل شي انقال حتى صار قداما جبل ومحبتا كبرت على قد الخجل واستغربت بشفافها شو اللي ملاّها عسل |
جد روعة كتير كتير حلو
:D |
عجبتنى مغسى :D |
اقتباس:
اقتباس:
|
أنا من الصيف قطعت الأمل وصار بدي دروب بالشتي عمرانه برد الشتي بيداوي الخجل وبيطرطق الحطب ب صدري غناني لولا البرد مافي دفا يحس بالخجل مافي ولا حبة كرز لونا يقول عشقانه :D |
اقتباس:
وعلى كل حال بلا ماشوف رد منك ما بقدر نام :D وهيك كمان عم خليك تكتب بالعامية ولا شو:clap: |
:Dشكرا ... حبيت لقصيدتك
|
اقتباس:
|
مش هيك بيكون الحكي .. و .. achelious
حلو كتير :gem: بحب الشي البسيط و الدافي |
اقتباس:
وصلت الحلوة "ritka" لتسألني.. عن قلبي كيفو ومضيعا حالها بين صيفي وبين شتويتو ووقعان من بالها ربيعي وخريفو أنا رميت الشجر بوراق خضرا وهو شال عنو زيفو بدون الشتي ما في ولا ربيع جايي ولا بتطول بالسهرات صيفو وبيغطي عليه بالتحنان نسمة بيكنّس فيها الهم وبيسمّع حفيفو احلى achelious :larg: وأجملritka :D |
اقتباس:
الله يحلي إيامك .. ويدفيها بشمس الشتي الي متل العروس بتبقى حليانه لولا الدفا بينقال بالشعر, اصفرت وراق بالحكي مليانه لكن ربيعو شعر والصيف عندو أمل وليالي صافية محبة, وبنت خجلانه ان سلم عليكِ لا ترديه .. خلفو الشتي بردان وقدامو حكاية خريف رجعانه :D |
عندي أمل ترجع بقى ونسهّر أنا وانت الطريق وان ريتكا ع الصيف ما ردت .. الشتي عالباب عم بيفيق مين قلك الغياب ما بيحكي؟ ساكت لأنو سرهُ غميق .. :D |
كتبولنا شي شغلة بمناسبة عيد ميلادي :p
انو انا عم حاول اعصر مخي و شارك بشي يكون بيليق بالموضوع.. بس عبث :lol: انتو كفّو.. و نحن نتابع :mimo: |
اقتباس:
اقتباس:
بسرك يا قلبي بوح لا تخبي وقلن انا مليت هالغربة بيتي أنا بكندا.... وبعيد شو ذنبي قالوا الشتي عالباب عم بيفيق وقالوا الربيع بتيابو الشعرمتخبي وأنا .. وحياة عينيكون قمر ونجوم وألوان قوس القدح بتتمرمغ بدربي حلوة ومين قدي أنا صيفك وشتويتو من عيوني بتعبي بعيدي أنا غنى الربيع واشتاق قلب الطفل لللعبة وعرّى الخريف شجرة حور أقصر من طولي بكم حبة خدودي عصرها وعتقا أيلول وقلي بين فصول هالسني يا ريتكا انسكبي |
اقتباس:
نسّق يا "منسّق" هالردّ وزنو مش زابط يا خيّ حيث الكَسرة وقت الجدّ شمس بتنشاف من الفيّ |
اقتباس:
الي بدو يا "عضو" يقرا الكسر بيشوفو وال بدو يفوت عالمـحكي مافي "حيث" بتفيي حروفو وال بدو يزاود عالشمس بالنور الكسرة بترافق ظروفو |
اقتباس:
يا خيي للشعر أصول قـْوافي وبحور وأوزان وواجب ع اللي بدّو يقول يوزن حكيو بالميزان يكون عْلى الكلمة مسؤول وما يشلفها كيف ما كان عندَك كسر، وعندي قْبول بس إغلط قلّك غلطان ومش ناطر حكي المعسول ولا ناطر مدح وتحنان بقول الكلمة ومش مخجول ولا معوّد ساير غلطان لما بتغلط مش معقول قلّك: "صحّ لسانك صح" بقول: "مغلّط يا خيي" ----------------------------- هيدي ردّة قرّادي (أشهر وأسهل أوزان الزجل) جرّب اكتوب على وزنها.. أهونلك سلامة :D |
أنا بكتب بالكسر .. والكسر عندي إلو جمهورو قبلك كتار نسّموا بالأصول وضلّ التاريخ به مفعولو :D |
سنين مرّت وياما محيّر برد الشتي احلا يمّا الصيف مدري الربيع بولادتو أطهَر مدري بلونو أبهى الخريف ومرّيت بشاعرين الزير وعنتر متل الشهد كلامهم شو ظريف واحد ينادي الصيف بتيابو تمختر دافي متل حضن امي وعفيف خدودو مصبوغة بدراق احمر وليلو مهفهف عالعاشق خفيف الصيف موعد كل فلاح أسمر تيقطف جنى تعبو الشريف بالصيف الشواطي بتتزنَّر مفروشة حواري من الجنس اللطيف بدهم جسامهم بالشمس تتسمّر شو اعمل ياربي قلبي ضعيف وشاعر يتغزّل بالشتي أكتر للشتي هيبة الشيخ الجليل كنوز غيماتو علأرض تمطَّر شو بدكم عالكَرَم غيرو دليل وتلجو الأبيض حبات من سكر تفرح جبالنا بأنقى نزيل لولا الشتي ماكان غصن أخضر ولا حِلِم فلاح بموسم غليل الشتي للعباد مركع ومنبر نهارو صوم وقيام ليلو طويل اسألوا ريتا بتقلكم جدو أخبر وعن خبرة جدودنا مافي بديل ياجدو الربيع متلِك أزهر ورودو تفتحت ماالها متيل الخريف متلي ويمكن أصغر بكوني عالشتي صاير دخيل فصول السنة ايام تركض وأشهر ادّور علينا بهالكون الجميل المهم نعرف نعشق ونسهر الحب دوا للجسم العليل لولا الحب ما كان بدر اتصور وكانت الايام روتينها تقيل الحب مقصد كل غني و معتّر يبحبَشَ عنو كريم وبخيل وان كان بدَّك طبع اللئيم يتغير امسوك ايدو وعلموا الحب الأصيل ......... .......... هامش: سامحوني طيبكم عليّ أثر ياريت ماكون عليكم سئيل |
اقتباس:
اقتباس:
جدو انت شب و شيخ الشباب:gem:... بعيد عنك شتا العمر و بردو :) |
أعيد السمع واطماري ..
تتعرى حولي .. أو تتستر |
اقتباس:
ضويّت قلبي.... بـــِشمعة محبة وصارت الأزهار تهدهد هالغصن تينام وذكّرت عيني بلون السما وبريحة النسمة وباقي من العمر أيام وصوتك مرق قدام شي تناعشر بنت حلوين ومن بنات الشام تركوا مشاط الشعر وقالوا يمكن اجا سام :D اقتباس:
شكراً الي ولا الك؟ ولا لرعشة قلب عاكتف الغدير روحي وعني خبري هَلِك اني تعرفت على شاعر خطير واقف ووقفتو وقفة ملك بيكسي قمر ايلول باللون الخضير وحامل بيت شعر من عمرو هلِك وزّع على الأزهار من عتقو عبير اقتباس:
خلص الحكي عندي وخبيت من الوردة كماما تاتستر حلاها وتعري بقلبي غراما :D |
روعة روعة روعة
شو انولدتو مبرمجين شعراء؟ الله يحفظكم من الحسد :D |
اقتباس:
رائعين شباب :D |
اقتباس:
بيكفي هالكليمة الحلوة شو بدنا اكتر:clap::clap: |
اقتباس:
كافية ووافية .... مهيك :ss: |
آه .....ياشتي يا شتي يلي بألوانك المعتمة اتصور غيمة تلف القمر وبواب إلها من قوة النسمة نغمة عنين إن ساندرا قالتلك جُميلة !!!!! تحسّر عالللغة وعالحبّ وانسان مالوا من الهوا إلا الأنين وسكران راح عا سوق ومسكّر قام اشترى سلسال فضة وخاتم وإلهون رنين بلكي عادرب الوفا بيتذكر وبيهدي اللي جابوا لحلوة الحلوين اللي اسما حنين |
اقتباس:
والطقس بردو زمهرير تصور! سكرانك مضيع درب الحنين والسكرة ع شح الدفا صحيت ادور عالخواتم ما تسمع رنين! والغيمة الي كانت شالو للقمر مرقت حاملة لونا الحزين اتصور اطلع انا السكران وسلاسل الفضة بجيبي اليمين لاقيها بالدرب البيذكر بالوفا تصور اهديها لساندرا تزعل حنين! |
اقتباس:
يالشتاء يا برد ورعد وقلة دفاء شو بحب مطرك لما ينزل بقوة وبيه نار الارض تنطفا يا مطر صب بالليل ونس بصوتك السهرانين واعزف موسيقى تزين منام النايمين ولا تنسى كمان تداري دموع الباكي الحزين وتقلو الا ما يروح السحاب ويجيك الجواب من عند الغاليين الغايبين والسكرانين المميزين الطيبين قلهم السلسال والخاتم رح يضلو حلوين ولماعين لو كانو على سندرا او على حنين بتتزين بيهم وحدة ويفرحو هم التنين بلون الفضي والفضة عندي احلى معدن ثمين وهي عديتوني وصرت اعرف اكتب جميلتين فيا ترى ماشي حالهم وللا طلعو بايخين؟ |
اقتباس:
مالك عليي يمين حلوين! لو ما معدل الشتا جبتي وصرختي بوجه سكران "جميليتن"! حلوين السلاسل.... طيب حلوين الخواتم..... صار بس الهوى واحد ما بينقسم نصين وان كانت العدوى فريضة انعدي بالحب وتركي الزينة لبعدين! |
اقتباس:
العدوى فريضة ونحنا اخترنا الفرحة وتركنا الالم والانين اما الحب فنحنا على بواب الامل ناطرين ادا تبسم وفتح بابو طلت الشمس وراح السحاب وشفتنا مع الفراشات والعصافير طايرين وان ما رضي وما كنا عندو من المقبولين خلينا نسرق الفرح من السماء من الارض من الربيع وحتى من وسط البراكين العمر واحد والكرامة غالية ووحدة القلب والروح فصرنا عليها متعودين والله يخليلنا اصحابنا الغاليين انا عندي سندرا وسام صداقتهم كنز ثمين اعملو متلي ولا تكونو من الحسودين |
عليكم سلامي من بعد غياب من جوا القلب الكم تحية اشتقتلكم.. وياما قالوا الهوى غلاّب فراقكم صعب وبعادكم بليّة ياساندرا يا سكر بالقلب داب يانغمة وتر يا صدى غنيّة كتْبِتي جملة واختصرتي كتاب " جميلة" يا كلمة بتحل القضية تركتي الفراهيدي حاير ومرتاب ولبّيتي القصد بلفتة ذكية غبتي , ما عرفنا شو كانت الاسباب لكن رجعتي شمس مضوية لابقى تغيبي... بطّلوا كلّ الشباب من بعدك يزوروا " أخوية " وهدى اللردت عاكل جواب بأبيات وقصايد شعرية ياريتني بقصورك حاجب وبواب وحارس ععيونك البهية لحارب عنك كل مدّعي كذّاب ولأهلو مستعد ادفع الديّة غمزْتك تركّع القمر عالتراب وبسمتك.. يا اللـــــــــــــــه!!! ملائكية وشاعرين ناطرين عالعتاب وبايديهم اساور وخواتم فضية مدري جمالكم غطى عليهم حجاب مدري سكرتهم كانت قوية نسيوا يغزلولكم من الحرير تياب مطرزة بايدين بنت شامية من سوق الحريقة المليان تواب يا اما من سوق الحميدية وان كان عليكم مو لايق وجذاب اتركوا هالموضوع عليي بعمللكم اياها بلون الورد و العناب والخيطان مغزولة من رمش عيني |
جاي من بعد غيبة مخبى بجيبك للأمل غنية تمرق وحاطط عطر وبنيتك بالعطر تغازل صبية وقبل ما نرد المرحبا ترجع بلهفة طيّر ع سما زرقا وقبل ال لوين؟ تسوق ع سوق الحريقة مدري ع الحميدية!! حاطط براسك توب مش بالحرير .. بالحنين مطرز بالحكي .. ينهدا هدية لك جاي تحرس مملكة قبل ما تزين عرشها !! ورايح قبل المعركة تدفع الديّة انت لقلبي رفيق ما بخونو .. والصدق قلك سكرتنا كانت عادية |
الكم مني احلى سلام مش هيك يكون الحكي اشيليوس وسام ومشكورين على عدب الكلام امانة اتدكرو انا جديدة في الميدان عديتوني وعدوتي ما صارلها ايام على شاعر واحد ما كنت ملحقة كيف لما صارو اتنين وينك يا سندرا وين رحتي وين رايحة جيبها واجي لاتقلو رفعت الراية البيضاء حنين :D |
حاجة شباب بحلا كلماتكون تفتّقوا جروحي عم تكتبوا وأكتب لك كلو حلو بس ضايعة روحي شربان انا وسكران وراكد وراها بلكي بقللها بالسر يا روح لاتبوحي *** ضللي قبالي... يا حلوتي وردي عقلبي هداب وغطي القمر اللي كان قاعد حدنا وردي عليه تياب وخللي عيونك رافعة هالسما وردي عليي عتاب وردي عليي لك ردي عليي أنا قبل مايضيع هالحلم ويلف سحرو غياب **** وان كان بدك ما تردي عليي ورح ترحلي بقلك انا يا حلوة الحلوين لا تروحي |
اقتباس:
يسلمي المزوق :clap: بس بلا ما تزعل حنين :pos: اقتباس:
اي لا الفراهيدي ولا سيبويه بيطلعلون معي ..:p وانتظرونا مع مصطلحات جديدة قلهم يا سام قلهم ما شفت كيف من بعد ما قلت "جُميلة" صار في حسرة عاللغة ومدري شو كمان :pos: و :D اقتباس:
اقتباس:
اقتباس:
ومحدا بيقدر يقول انك رفعتي الراية البيضا :larg:ولا حتى حضرتي :sly: بس ما قلتلك من قبل ... كار مو كارك بيخرب ديارك :oops: خليني مع فرويد وبياجيه ورفقاتون ...هدول بعرف أحكي وأخد وأعطي معهم بس أنتي ثابري :gem: |
في الحقيقة أسرتوني يا شباب! كلامكن وحكيكن رائع كتير كتير...
قريت ما جادت به القرائح أكتر من مرّة، وخاصّة حنّونة! روحوا دربكن مفتوحة وبتمنى ما تغيبوا كتير. لكل الحاضرين هون :D. |
اقتباس:
يالله شو قصة فوبيا الاقلام;) |
شعراء وشغلتكم غزل وكتابة احلى ابيات سحرية بتطير ملكات العقل وتعيش الوحدة باحلام وردية تبنولها قصور من رمل تسكنها فترة زمنية فجاة مع اول فجر تلاقي حالا على شط الحزن مرمية وحيدة تسال ليش هيك عمل وتقول يالله قدبش كنت غبية لغز انتو بقدم الازل ما عرفنا هدا طبع ولا نوبات مرضية ازمة وما لقينالها حل ولا قدرنا نبقى بلاكم ابديا ولما يزوركم الحب عن جد تسكتو وتخلو المشاعر الصادقة سرية!!!!!!????? مش هيك يكون الحكي شاعر وكلماتك قوية سحرها ضمان تسهر الليل تفكر قبل ما تردلك خبرية صداقتنا صداقة حبر وقلم وكرمالها يمكن نشفلكم حل القضية:o ادا احتجتو نصايح بلاه الخجل كلنا اولاد وبنات اخوية :gem: |
اقتباس:
هم اكتر من رائعين مرسي كتير :D |
| الساعة بإيدك هلق يا سيدي 02:17 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون