بدي اخد سيارة جيب .. شو بتنصحونا ؟
مرحبا يا جماعة ... عم نفكر خلال هالموسم انو نشتري سيارة جيب .. انو مو ماركة جيب يعني ...
بس انو شي سيارة تكون عريضة شوي ... وتوسع اربع اشخاص من ورا ... وبحدود ال 700 - 800 ألف ... في ناس نصحوني بالشيري .. او b y d قال هاي محركا ميتسوبيشي ياباني ..بس هي صينية ... شو رأيكن ؟؟ في شي انواع تانية ؟؟ :larg: |
اقتباس:
امممممممممممم ما الك غير سيارات الشرطة ..هي اللي بتجي وقت في مشاكل مشان تلم الشباب الطيبة ... بتسع اربعة وخمسة كمان اذا بدك :o ___________________________ فاعول متفعلل :larg: مبروك مسبكا :oعلى الطرطيرة يامن ..وباذن الله وبانف سعدو وبط** زيوس بتهريها بايديك ورجليك :p |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
الجيب وين مارحت حلو ومرغوب..........حتى لوكان ميني جوب او جيب كولون.....كله بيربح معك
|
لحد الآن ما حدا فادني بشي ...
بدي شو في نوعيات مقبولة ... من نواحي صرف البنزين وقوة المحرك وهالقصص ...يعني من النواحي الميكانيكية وهالقصص .. :sly: |
جيب 4X4 ماإلك غيرا :D
|
بنصحك بالكيا الجديدة ... ما بعرف شو اسما .. بس اسأل عنها ..
بتساع 8 ركاب .. يامعلم فيك تشغلها سرفيس ... . . |
برادوو ظريفة ...:D
|
Range Rover 2008 Sport
بس اغلا من السعر اللي انت حاطه و مصروف بانزين كتير بس سيارة غير شكل |
..............:sly:
|
سماع نصيحتي
ب 700- 800 الف ما بيجيك جيب منيحة .. بيجيك فيها يا اما جيب صيني ملتعن ابو طاهر تبعه يا اما بيجيك سيارات عادية جيدة نسبيا ورخيصة من ناحية القطع وما بتصرف كتير متل الكيا ريو او الفيرنا بس ب 800 وجيب ورخصية ومنيحة وبتطحن بن وبتقشر بصل ما بتلاقي بهاد السعر الا وبتكون صيني جربان :lol: ____________________________ هاموش : شو اللي فيقك من وج الصبح ؟! |
هيك قولك ؟؟ .. سندرس الموضوع ونتمحص ونحلل ونناقش ونستشهد في سبيل الوطن ....
هاموش : انا مانمت من الاساس ... :sly: |
يا شباب عم يقللكون شغلة 800 الف مو 8 مليون هه رنج وانا بعرف
المهم خيو خدلك كيا ريو او هيونداي اكسنت مالك مصلحة بالشيري لو محركا الماني بتم صينية هلئ بالنسبة للإكسنت نصيحة حلوة اليسارة وطويلة وماكنة بتعملا شي 190 . 200 بالتنكة ازا اتو متيك اما ازا منويل الجير بتعمل اكتر لان الاوتو بيطول ليغير الغيار يعني ليلنص الغيار علأخير بيزت الغيار اللي بعدو ف بتعمل تقريبا ها تقريبا شي 220 . 230 هي السيارة صحي انت دائما معك 4 ركاب بالمفعد الخلفي :? |
شو رايك بجيب لاند كروزر
ممتاز بالمناطق الصحراوية والطرق السريعة |
اقتباس:
المهم خيو في عرض حلو شفتو بالوسيلة على هالسيارة zxauto lanmark يمكن صينية كمان بس بدون دفعة اولى وبدون فوائد ... الغير العادي ب 975 ألف والأوتوماتكي بمليون وخمسين ... http://www.autowp.ru/pictures/zxauto...landmark_2.jpg http://www.zxauto.co.za/images/landmark_back.jpg بس ما عندي اي فكرة عن اداءها ومصروفا ... عالعموم يعطيك العافية اب جوزيف ... :D |
:yahoo:المشرف يامن
كيفك شو اخبارك اسمك على اسمي او اسمي على اسمك مابعرف المهم تشابه اسماء كان عندي جيب شيروكي قبل مابيعو واشتري فورد غراون فيكتوريا بالنسبة لمشاكل الجيب مشاكلو عويصة والله ومصروف على شي فاضي هوي الجيب الصيني كتير حلو لانو عنجد محركو ميتسوبيشي وكتير عملي بس مصروف كبير واسمع مني جيب سيارة صغيرة وكبيرة بنفس الوقت متل الفورد او اي شي تاني وانشالله الف مبروك انشالله سلف اكيد بدنا الحلوان |
اقتباس:
اخي هلئ انتي مصرياتك ما بيتبحبحو شوي كمان لان 800 ما بيجيبولك هديك الجيب يعني بيجيبولك جيب قديم شوي بس القديم مصروفو بيهلك 140 بالتنكة افضل الأحوال بس يعني عالحالتين الجيب بما انو بيجي اتقل واكبر وانو بموجب استخدامات السيارة ف محرك الجيب بيكون كبير بيصرف اكتر فالات اكبر بسطون اكبر وهل قصص بس ازا راتبك مثلا منيح بيقدر يغطي قسط سيارة دفاع دفعة اولى وجيب سيارة جيب محترمة بما انو الواحد جايب وجايب لان الصيني انا بقلك اول سنة سنتين بعدين بتصير صديق الميكانيكي :frown: اما بالنسبة لهل سيارة يلي حطيت صورتا انتي ما بعرف عنا شي بس ازا قدران تتحمل مصريف البنزين جيبلك شي جيب قديم شوي مع انو كلو سعرو منيح القديم |
خيو ما ألك ألا الدايهاتسو تيروس
سيارة يابانية 100% و قطع غيارها رخصة و مصروفها معقول |
الساعة بإيدك هلق يا سيدي 20:35 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون